喜膳燒

Open Now

Now Closed

今晚同朋友喺尖沙咀開餐，一開始見到呢間鋪嘅門面心諗唔係啊嘛，係因為見到有好多食評所以決定入去，發現真係名不虛傳！比想像中好食好多，有驚喜～首先要推介既係港式懷舊魷魚，烤到好脆好干身，加左個麻辣油，增加左香味既層次，yummy!而且份量對比價錢都幾多～送酒一流呀！蒜蓉烤扇貝都超好味，大推！不過建議大家食時食個粒大既肉就好，條帶會有較多既粒粒，調味方面無得輸，我覺得個豉油味道好鮮甜，好幫到成個味道提升咗。燒雞翼同脆皮芝士腸都係推介list之一，因為雞翼燒到好脆卜卜，加埋調味粉真係好難唔好食，芝士腸係我個人鍾意既食材～燒茄子煙肉卷同埋朝五餐肉都幾正，菜方面我地叫左燒韭菜同埋勝瓜，我個人鍾意勝瓜多啲，因為水份好多好juicy，中和返其他串燒既干脆感。Overall嚟講，我覺得呢一間餐廳嘅性價比真係幾高，雖然環境上比較隱蔽，但如果識路過嚟食嘅話，真係會慳到錢而且覺得好滿足，對比其他串燒店，呢到食材選擇好多，似打邊爐店咁，唔貴嘅食材選擇都有好多，大部份價錢都係around20至30，會再返黎食！

今日晚餐約左朋友食，知道尖沙咀依頭好多野食，於是過左離覓食，行過見到依間喜膳燒，於是入離trytry😛 一入去見到好多後生仔女都離，入去職員便安排我地坐企，裝修幾靚，似去左日本既燒烤店，細心睇連燈都係日本style!燒日本一口甜薯薯仔細細粒易入口 又熱辣辣 甜甜地好食🤤燒雞肉串（bbq）好林好入味 上面既bbq汁都好正芝士燒廣島生蠔生蠔好鮮 一食入口爆汁 配住芝士食味道好夾燒雞全翼（鹽燒）雞翼出面有鹽燒既香料 聞好香 食落去都好可口而且個人最怕雞翼裡面唔入味 但依隻好好味 好入味燒蒜容扇貝扇貝好鮮好多汁 仲有粉絲配住食 個人最推介依個 食到lamlam利🤩海鹽燒皇牌牛舌依到離到都一定要食 牛舌好林好入味！仲要完全唔硬 好林！日本霜降和牛串依個都好正 和牛好林 有牛味 同去日本食到既味一樣 一個字：正🥰

今日星期三，宜尖沙咀搵食，食時聽到食客傾談，話今日晚賽馬取消，非常之可惜，原因，唉？！『喜膳燒』位於寶勒巷，地方的的式式，但係有師傅幫你燒，地方細啲也不怕。海鮮方面叫咗馬來西亞燒大蜆，真係好大隻，唔係講笑㗎，鮮，因每日由師傅親自街市採購，甜，不在話下，多汁，連啲汁都消滅晒。串燒叫咗燒豬頸肉串，燒雞串同埋孜然燒雞腎串，通常孜然係配羊肉，但其實同雞腎亦搭，而雞腎吃落有爽脆口感，鍾意。黑椒台式香腸，燒彈牙牛丸，海鹽燒秋葵都係好味之選。而燒玉桂焦糖金菠蘿，燒咗後砌一座小城堡，好睇又好吃。仲有好多好多嘢吃，留番下次來。

即將系，影pre wedding 既日子了，所以今晚收工後去尖沙咀 染下髮~由於老公好想同我食 dinner ，所以去左間叫 喜膳燒 食串燒，味道5錯，5同食物會有幾款口味，我地幾中意食佢既牛舌、豬頸肉、蒜蓉生蠔，多春魚等，牛舌、豬頸肉都系厚切，一d都5含糊~價錢都算合理，連挑食既老公都話下次可以再黎食~但可能因為員工唔多，所以上菜速度一般，但幾適合朋友一齊傾下計，飲下酒。如果5系腸胃比較差，都幾想嗌返杯酒飲下~

出品差，點佐十几樣，只有两樣滿意，其他都好咸。服務差，點餐想點少的，樣樣試下（反應是：够啦，鮑魚好細隻，唔够食啊，清酒細支好細。。。。）。環境差，地方只有两三百呎，有人行過都要借位，坐到腰都直埋。。性價比差，唔值

出品差，超過一半的都是超咸。服務差，點餐份量少一點都比面色你睇。環境差，坐到腰骨都直埋。貨不對板，網上講點好點好，一文不值。。。。。。。。。。。。。。。。。。。

尖沙咀覓食記 行開尖沙咀，見到呢間餐廳嘅門口，有少少居酒屋嘅感覺，原來係食燒烤野，於是去試下。蒜蓉燒廣島生蠔生蠔好飽滿，燒得啱啱好，加上蒜蓉燒，香口、又夠啖啖肉！燒馬來西亞大蜆D大蜆好鮮甜啊！脹卜卜嘅蜆肉，記住一定要點配左嘅甜酸醬，勁似泰國地道嘅醬汁，真係好好味日式炸餃子原來炸餃子點甜沙律醬係好夾㗎！餃子香脆，肉汁滿滿，我會推介呢個！这里的菜式多样款式多，口感纯正喇。服務：服務態度好，店員臉上常有笑容。 環境ok，消費有比較親民

今晚約左fd 吹水👭 最適合去居酒屋邊傾邊食，所以就嚟左👉🏻喜膳燒👈🏻到食晚餐➿.🗣 點左一台都係菜，但一定要推介既”燒馬來西亞大蜆”(HK$88) 食落超鮮甜，而且粒粒都大大隻，脹卜卜既蜆肉👅 另外“炸焗芝士武藏蠔”(HK$68)生蠔好飽滿，食落好濃芝士味，係唔錯既‼️ ..“🦑燒魷魚”(HK$)係原條炭燒架😳 肉質超彈牙，又夠厚肉，正💯

今日約咗朋友嚟到位於尖沙咀寶勒巷的喜膳燒，呢度地理位置好方便，鄰近尖沙咀K11同The One，啱晒在附近shopping完之後過來坐低食野。發現餐廳有now直播球賽，球迷可以邊食串燒邊睇波。知道食物種類選擇好多，今次叫咗燒雞軟骨，芝士燒翠玉瓜，明太子釀雞翼，燒粟米，黑松露炒雜菇豆，蒜蓉茄子，仲有馬來西亞蜆。食物質素好好，師傅控制非常好，越食越開胃，唯獨係馬來西亞蜆比較鹹，食唔到海鮮的原味，其他食物都好好。尖沙咁搵食又多了一個選擇。

收工後尋找居酒屋醫肚，路過見到喜膳燒，醒起之前有雜誌介紹過，就入去試一試。由門外到店內全木裝修，好有日本風。餐牌選擇多，串燒種類有海鮮、肉類、蔬菜類等等仲有主食甜品同酒，價錢大眾化。焗黑松露芝士pizza🍕熱辣辣上枱，好香黑松露味，裡面芝士份量多，做到拉絲效果，5分鐘就清哂！燒芝士響鈴🧀 + 蜜糖墨魚丸🍢第一次食芝士響鈴，好特別，燒到外面好脆，但一咬落去裡面嘅芝士就流哂出黎，芝士控必點！蜜糖墨魚丸聽落普通，但呢款丸口感比較爽口，唔係成口粉。燒大扇貝 + 多春魚 + 安格斯肉眼串大扇貝同蒜蓉粉絲係最夾嘅！好香，同埋扇貝真係好大隻！平時屋企都會煎多春魚食，知道好難煎得好燒得好，但呢度嘅串燒得好靚，多春魚燒完都好完整。安格斯肉眼串好厚肉好juice，唯一要挑剔嘅就係份量略嫌太少。泰式燒原隻鮮魷魚🦑食得出係新鮮貨，熟嘅程度剛剛好，好鮮甜，一定要點個汁，會加分！

係尖沙咀揾野食，呢排想食串燒飲啤酒，就試下呢間啦！成日覺得串燒店好大叔feel, 入到去，原來幾舒服，冇油煙味，有幾張枱仔，有啲西裝友，OL們🤪🤪個menu超啱心水，極極多野食，仲要好多款可以選不同調味🥰我地選左支德國黑啤share，飲落我覺得有醬油既感覺(我好少飲黑啤lol)，好得意，唔苦，同串燒好夾。我地選左好多款串燒，呢到佢會一開始上左幾串比你食住先，然後不斷refill。承托串燒既係一塊烤熱左既石板(?)，食到最後啲串燒仲係熱的，好貼心👍🏻有幾款特別推介🤤關東煮好好味，好淋好入味，個汁微甜，正~芝士響鈴係一定要點。響鈴勁鬆化，咬落去食緊好空氣感既千層咁，加上芝士，omg🙀🙀🙀我未食過咁樣既響鈴🤤台式香腸同燒賣，燒香真係好好味！好鍾意呢度既串燒可以選口味，有蒜蓉，bbq，孜然，沙嗲，和風🤪🤪👍🏻叫左好多串，兩個女仔食唔晒，都係四百幾，好抵~

喜歡食串燒嘅朋友推介了這裡，餐廳位置都算就腳，一入餐廳就見到師傅努力燒烤中，真係全神貫注，落單當然由愛吃串串嘅朋友處理啦，等了一陣就係先來了個燒珍寶大扇貝，落單時選了蒜蓉口味，扇貝上面加埋啲吸哂味道嘅粉絲，入口爽口入味，而大扇貝肉質亦十分爽口鮮味，呢個連汁都唔好浪費要飲埋佢！跟住就係串燒金菇肥牛肉卷同埋串鹽燒西班牙黑毛豬五花肉，前者牛肉肥美加埋啲金菇，夠晒味道同口感，而後者入口夠晒肥味肉質軟熟嫩滑，而且為了保溫還會用燒熱了嘅石板盛住，入口時仍然可以保持溫度，而再上嘅串燒都會放在石板上！而當然要食埋佢個蜜糖燒雞翼，燒得恰到好處，皮脆肉嫩，真係好好味！而燒台式香腸燒得皮脆肉香，入口個陣黑椒味道同埋個陣油脂從腸中滲出正！而當然燒蒜蓉茄子亦係推介之作，茄子上面放滿了蒜蓉，燒得十分香滑，我就連埋塊皮一齊入口，又軟又脆雙重口感！而哩個港式懷舊燒魷魚，就係佐酒佳品，麻辣口味，燒得十分香脆可口，加哩啤酒絕佳嘅選擇！食物質素唔錯，可以約埋三五知己吹水好地方！

Happy Q 朋友說平時午餐好抵食，今日特意嚟約我happy hour，係歐洲旅行返嚟之後好掛住香港嘅地道美食，我哋食住串燒飲住啤酒忘卻眼前嘅煩憂。室內走日式居酒屋路線，朋友經常幫襯推介串燒及手打烏冬，價錢相宜，$20-$50 已經可品嚐到各款招牌美食。藍妹啤酒，我細細個就同老竇一齊飲㗎喇！入口冰涼，清甜又解渴。燒馬來西亞大蜆，是小店特色海鮮推介！大蜆真材實料，肉質肥厚，新鮮甜美又多汁，還有淡淡的海水味。我期待的串燒上枱，店方好細心仲會用一個熱石板保持食物溫度。燒芝士響鈴，外脆內軟，一咬即化，芝士流心融，口感味道超好。頂級海鹽燒多春魚，可以說是時令海鮮！原條燒又肥又厚，一口咬落多春魚肚，口感爽脆，魚肉鮮嫩。鮑汁蘿蔔關東煮，這味佐酒小吃凍食果然一流，香味十足，蘿蔔一口爆汁。胡麻醬涼拌稻庭烏冬配溫泉蛋，舖滿蟹柳和蔬菜絲，胡麻醬香口惹味，涼拌夏天食更加開胃，稻庭烏冬爽口彈牙，伴溫泉蛋汁吃咸中帶甜份外有層次。BBQ 雞肉串，入口嫩滑多汁，蘸滿BBQ汁非常入味。鹽燒雞全翼，自細鍾意食，外層酥脆可口，嫩滑肉質，鮮美味道。沙嗲手打魚皮餃，是這裏的特別推介！香濃的沙嗲汁，油份甘香，爽彈惹味。沙嗲燒彈

今日專登去尖沙咀行驚安～竟然搵到間好正既串燒🤤喱間串燒店唔算好多位～環境帶點日本風 三五知己吹水一流 👍食物方面：海鮮類好新鮮，一d 都唔似係急凍貨。燒帶子～好厚肉好鮮甜～連d 汁都飲埋🤤燒蠔又係好惹味好肥美我地仲食左芝士嚮鈴、燒肥腸、燒雞心、燒雞腎、燒雞翼、燒雞肝、燒秋葵、燒釀明太子雞翼都好好味～ 每串都好有驚喜，又唔會燒得太乾，火喉控制得好好！串燒店仲好貼心，佢會預熱塊鐵板。串燒一路都會keep住溫度～食到最後申燒都無凍👍抵讚👍

尖沙咀覓食記~行開尖沙咀，見到呢間餐廳嘅門口，有少少居酒屋嘅感覺，原來係食燒烤野，於是心郁郁去試下~燒馬來西亞大蜆 ($88)大大隻蜆，味道鮮甜，仲好juicy添燒珍寶大扇貝 ($68)成隻扇貝差唔多有一隻手咁大，加咗啲燒汁，好惹味，以佢嘅精粹就係粉絲度，收晒扇貝嘅鮮味，好好食！蒜蓉燒廣島生蠔 ($68)生蠔好飽滿，燒得啱啱好，加上蒜蓉燒，香口、又夠啖啖肉！日式燒雞肝 ($24) (上)雞肝好少地方有得食，咁我當然要試吓啦，寂寞嘅感覺粉粉地，唔講都唔覺得食緊內臟鹽燒日本雞心 ($34) (中)雞心彈牙有口感 ，嫩滑多汁，加上鹽燒，輕輕帶出串燒嘅味道日本霜降和牛串 ($59) (下)霜降和牛果然重牛味啲燒芝士響鈴 ($19)響鈴打邊爐就多，燒就真係第一次，加上芝士餡，味道有幾得意喎，面層脆脆，裏面又有流心芝士燒韭菜 ($19)識食梗係食要韭菜，仲要用孜然燒，吸收晒孜然嘅香味，正💕台灣傳統滷肉飯配溫泉蛋 ($78)對於飯桶黎講，淨食串燒可能未必夠飽，不過呢度好細心，係有主食點嘅！將溫泉蛋嘅蛋汁同滷肉飯撈埋一齊，好治癒焗黑松露芝士薄餅 ($42)香脆嘅薄餅皮，加上拉絲芝士，芝士控必點~環境舒