喜膳燒

Open Now

Now Closed

唔知點解－入秋就好想燒烤但係又唔想自己喐手燒所以就同朋友仔嚟到喜善燒食懶人燒烤喜善燒嘅店面唔係好大, 而且係open kitchen, 所以一入去就聞到好香嘅燒烤味, 令人好有食慾而嘢食嘅選項都幾多, 海鮮、肉類、蔬菜...－般你諗到同諗唔到嘅嘢都可以喺個menu見到<燒馬來西亞大蜆及燒珍寶大扇貝>燒馬來西亞大蜆份量都幾多, 有陣海水味而燒珍寶大扇貝雖然唔係好大隻, 但蒜蓉豉油嘅味道好出, 配上粉絲都唔錯<燒蒜蓉茄子>茄子偏向爽口, 係大食妹鍾意嘅口感, 蒜蓉配上甜豉油嘅配搭都幾提味<沙嗲手打魚皮餃>魚皮餃口感煙韌, 配上沙嗲醬汁, 再加上燒得 燶燶地。食落濕濕地又脆脆哋嘅口感, 都幾得意<黑松露雜菇>雜菇嘅份量都幾多~比起嗌金針菇, 雜菇可以俾你－次過滿足多個願望, 配上黑松露, 食完口腔就會成日徘徊住濃郁嘅菇菌味

想同朋友一邊食下野傾下計，最啱就係去食串燒，今晚就一於試下依間尖沙咀既串燒店，一到門口有種日式居酒屋既感覺，入到餐廳，雖然唔大，但唔算坐得迫！嗌左碟燒蜆，好有鹹鮮味，燒魷魚就正正常常無咩特別，比起海鮮，依度既串燒先係主打，特別推介燒雞全翼，外脆內嫩，調味調得啱啱好，好惹味！魚皮餃同燒賣都用舖頭特製既沙嗲黎燒，同平時沙嗲唔同，甜得黎帶少少酸，食落非常惹味同開胃！仲有芝士燒翠玉瓜，芝士融得啱啱好，食落加埋翠玉瓜味道好夾！燒娃娃菜同茄子味道都唔錯，保持到蔬菜既濕潤度，值得一試！

好耐無食串燒，難得今日女朋友仔唔駛減肥，肯陪食，一於去督下串燒喇尖沙咀系搵食福地，地鐵站行兩步就到的呢間喜膳燒，鋪面唔系好大，三、四張枱，岩三五知己圍埋吹水<燒馬來西亞大蜆$88>份量都幾多，粒粒好厚肉，食落有海水味，唔錯<燒珍寶大扇貝(蒜蓉)$68>超大粒扇貝，勁多粉絲，加埋海量蒜蓉，好香好好味<燒麵根$19>燒麵根個皮脆卜卜，略嫌乾身左D，不過QQ 地甜甜地幾好咬<燒芝士翠肉瓜$24>翠肉瓜超多汁，芝士燒到溶溶地，食落好芝味又唔算太漏<明太子釀雞翼$48>明太子少少辣，惹味好正釀雞翼D骨超易咬，唔會食到成嘴都系雞油<燒蒜蓉茄子$24>食得燒烤，無理由唔食燒茄子🍆，蒜蓉同茄士一齊燒，點都一定好食<燒香甜車厘茄煙肉卷$29>又一個肥brown 最愛，點燒都好好食，食串燒必叫唔駛多講Overall 黎講，呢間串燒店系高質ge

最近尖東開左個新商場K11 musea，就特登去睇下，完左就係尖東附近食野，我同frd想食香口野，所以就去左食串燒。呢間喜膳燒係寶勒巷入面，相當易搵。我地叫左山賊雞翼，一串有3隻，表皮燒得香脆加埋拆左骨，食落更方便，再加埋香料調味，好惹味。雞肉腸同雞軟骨都唔錯，雞軟骨有咬口，而雞肉腸就有BBq既風味，用黎配啤酒一流。主食方面，我地叫左溫泉蛋豬骨湯稻座烏冬，烏冬有靭性同咬口，配埋海草加溫泉蛋，蛋黃融化濃湯入面，好濃郁。食太多肉就叫左菜中和返，我地叫左燒茄子同娃娃菜。娃娃菜用錫紙包住燒，可以鎖住水份，值得推介。最後，我地叫左燒蜆，食落有海水味，大大隻，埋單每人都唔洗200，唔洗自己燒，唔錯。

都話咗尖沙咀美食多是是但但入一間店 都有佢既特色好掛住日本既串燒～就沖入去喜膳燒試下好欣賞哩間店有2張台其中一張我坐緊係樹幹製造而成1）味醂燒雞泡魚乾 $48呢碟雞泡魚特別清香，因為佢用左味醂黎醃，即係帶有少少甜味嘅走酒，僻走咗啲腥味，將雞泡魚嘅味道發揮到極致，而且燒得啱啱好，唔會太乾，令人停唔到口2) 鹽燒西班牙黑毛豬五花肉 $38五花肉又嫩又多汁，同日本屋嘅居酒屋一樣水準3）燒新鮮白鱔 $64白鱔燒得啱啱好，魚皮燒到脆卜卜魚肉結實得來又有彈性，而且有白膳嘅鮮味，口感一流 （必點）4）燒珍寶大扇貝 $68隻扇貝真係好大隻，肉質非常之厚，淨係份量都已經贏晒。蒜香令扇貝聞上去特別香5）辣酒煮翡翠螺 $68翡翠螺份量都多，仲好大隻，口感嫩滑鮮甜，口感非常煙韌，好有咬感 （必點）6）燒芝士響鈴 $19第一次食燒響鈴 重要夾芝士超級超級正！ 咬落去勁脆啦 之後又拉絲 拉芝士絲～打邊爐一定食唔到既感覺 （必點）7）沙嗲厚燒魚肚 $45第一次咁樣食魚肚，估唔到係會咁爽口，同埋估唔到沙嗲原來同魚肚嘅味道係會咁夾重點！ 魚肚入晒味！ （必點）埋單 $350

夜晚放左工之後約左朋友去食飯，我地今次就揀左間係尖沙咀既串燒店，感覺幾特別，串燒店細細間，今晚幾乎滿座，好好生意。佢既廚房係開放式既，可以見到師傳喺入面整野食。串燒既選擇好多，喺尖沙咀呢個旺區黎講價錢唔算貴。我地一次過點哂啲野食之後，串燒就會分批咁上，串燒會放喺燒熱左既石板上面，保持佢既溫度。頭一round有流心鵪鶉蛋、雞臀同埋五花肉。每一串都燒到好香啊，而且今次係我第一次食流心既鵪鶉蛋，好好味啊！仲有呢個粉絲扇貝。原隻燒雞翼外皮脆而肉嫩。牛油燒金菇亦都冇得輸。

寶勒巷的確係美食匯聚，一眾夜鬼蒲頭既地方，無論平貴、風格既菜式你都可以係呢到搵到。而今晚我就同個朋友黎左呢間港式串燒吧「喜膳燒」，鋪內既燈光暗黃，幾有氣氛。大部分都係以高腳枱櫈打造返酒吧格局，就算連燈飾都幾有心思，仲比我影到有幾個雀籠同埋雀仔既裝飾，幾有地道感覺。而佢地既串燒主要會放係熱石板上面，而唔會直接比你，咁樣做可以保溫，慢慢傾下計影下相都唔怕凍哂，走果陣仲唔會一身油煙味tim！👇▪ 燒馬來西亞大蜆 - $88▫ 一黎就整左個大蜆歎下，佢地既蜆Size比我想像中大，蜆殼洗得好乾淨，唔會食到成口沙。燒得均勻，食落仲有少少海水咸鮮味，口感清甜，我就覺得呢個價錢絕對食得過！▪ 燒芝士響鈴 - $19/2pcs▫ 響鈴係打邊爐既必點之一，用黎燒究竟會係點呢？原來內有乾坤，表面熱辣辣既響鈴裡面擺滿哂流心芝士，一咬開成口芝士醬爆哂出黎，幾過癮。▪ 燒沙嗲醬燒賣 - $19▫ 表面上平平無其既燒賣都幾有驚喜，燒到內軟外脆，每一粒燒賣岩岩好做到一啖一粒，我幾鍾意。▪ 海鹽燒鮮白菌 - $24▫ 鹽燒有個好處可以將菇汁重重鎖住，又唔會破壞左本身菇既鮮香味，雖然呢個白菌Size唔係好肥厚，不過食落一

在尖沙咀想吃點串燒，又走到寶勒巷找喜膳燒。喜膳燒除了有不同燒物還是一間酒吧，酒精類飲品其實選擇很多！今晚點咗好多野食，有海鮮有肉又蔬果！海鮮點了馬來西亞燒大蜆、燒巨型扇貝；肉就有日本霜降牛，蔬菜有大蔥、露筍和韭菜；甜品就少不了勁正嘅肉桂焦糖烓燒菠蘿。海鮮最緊要新鮮，火喉又要拿捏準確，兩款貝類熱辣辣完全合格有餘　  鮮甜美味！牛肉不得不吃日本霜降牛照燒汁燒京$16海鹽燒法國露筍$28孜然燒韮菜$19食串燒加上入秋天氣乾燥，這兒有個自家製嘅飲品：冰糖雪耳雪梨水$32 (只有凍的啊)最愛這個，可以好好潤番下燒肉桂焦糖金菠蘿＄３２真係一定要食美味指數爆燈！　外層焦脆內裡勁ＪＵＩＣＹ　！今晚戰鬥力就反應在這個竹筒內

同朋友喺尖沙咀行街，突然之間好想食燒野，揾下附近有冇串燒店，就揾到呢間喜膳燒。餐廳唔算大，裝到2、30人左右。menu上面好多野食，多到有選擇困難～食左好多野食，特別想highlight幾樣野食～我覺得呢度既調味好好味，有鹹味得黎又唔會過份。勝瓜好好味！！其實我本來都鐘意食勝瓜，不過加埋啲調味同燒過之後真係好正！脆脆地又有啲汁bit出黎呢度既燒海鮮都出色多汁同好香燒帶子好好味，粉絲撈曬啲汁咁食好正唔好睇佢個樣咁搞野，呢個又係好好味，韮菜上既調味料索曬入啲菜度係度食野一定要叫杯野飲，因為好重口味，會口乾～雞翼都好出色～好飽既一餐，叫到成枱都係食物呢間串燒幾好味不過如果服務可以貼心啲就好了Waiter好似比較被動同目無表情，沒有像其他串燒店咁會比水你，問佢要水後都唔會再斟水，覺得這方面可以改善～

今晚約了很久沒見的友人飯聚， 她推薦了尖沙咀的串燒店， 本以為這區的食店大多「貴夾唔飽」， 沒想到會是一家高性價比的小店！友人還沒到達先看看餐牌， 串燒有數十款供應， 幸好餐牌上已經分類排好不會花多眼亂， 另外也有小食、主食供應， 可說是一家串燒為主的居酒屋！這裡的串燒會放在熱石上桌， 可長時間保持串燒溫度， 吃慢一點也不會冷卻失去滋味，很棒的設計！ BBQ燒豬頸肉串燒得外焦內嫩、肉質彈牙， 沙嗲燒雞肉串微辣惹味、雞肉保持嫩滑， 燒玉子第一次吃到、甜甜的味道特別！燒馬來西亞大蜆殼厚肉肥， 新鮮大蜆散發著燒烤香氣， 還帶有海水的咸鮮， 一口一隻2分鐘完全KO。味醂燒雞泡魚乾略為偏咸， 烤過的魚乾既香口又有嚼勁， 一邊吹水一邊呷口啤酒配根魚乾最完美！熱騰騰的牛油蒜蓉焗什菇上桌啦！ 放在錫紙包裡能保存水分不會烤得太乾， 滑嫩的什菇入口是濃濃蒜香， 最後吃得一根不剩~怕只吃串燒會不夠飽而點了主食， 胡麻醬涼拌稻庭烏冬配溫泉蛋滿滿一碗， 各種配料拌在一起足夠兩人分享。 吃罷串燒再吃冷烏冬非常清熱降溫， 友人都說點得好！唯一一款甜品就是燒菠蘿， 菠

串燒店門口唔容易搵，一入到原來行直行就係。店舖唔大，容納數張枱左右。一般串燒都有，海鮮、菜類、肉類等等。價錢中等。餐廳冇水供應，要買。或選擇其他飲品。叫咗雞泡魚干，味道唔錯，燒得幾香。仲配沙律醬。叫咗秋葵，清清地味道唔錯。雞翼唔算大隻，但係加埋啲腌料還OK。雞軟骨串，雞軟骨有咬口。仲有安格斯牛肉串，味道不錯。海鮮叫咗粉絲扇貝，粉絲唔會太乾。豚肉卷一串3件，都算幾香。唔係叫咗好多嘢，之後去食甜品...

串燒店門口唔容易搵，一入到原來行直行就係。店舖唔大，容納數張枱左右。一般串燒都有，海鮮、菜類、肉類等等。價錢中等。餐廳冇水供應，要買。或選擇其他飲品。叫咗雞泡魚干，味道唔錯，燒得幾香。仲配沙律醬。叫咗秋葵，清清地味道唔錯。雞翼唔算大隻，但係加埋啲腌料還OK。雞軟骨串，雞軟骨有咬口。仲有安格斯牛肉串，味道不錯。海鮮叫咗粉絲扇貝，粉絲唔會太乾。豚肉卷一串3件，都幾香。叫咗唔係好多嘢食，之後去咗食甜品。

晚餐，如果可以與三五知己食串燒，傾下計，其實都是十分舒服的事。串燒最緊要新鮮，燒得香，有好味的醬。另外，如果是開放式廚房，必須要抽風系統好，先可以一邊享受美食，又不會成身都是燒烤味。今次去到喜膳燒，除了食物好食又新鮮。環境與抽風都好好，離開個陣完全唔會有味。海鮮，燒海鮮，鮮味又好香口。其實店內提供不同海鮮，今次就選擇了馬來西亞大蜆。大蜆真是好大，又新鮮。蜆本身就鮮租，我沒有沾任何醬都食到裡面啖啖甜味。 燒山賊雞翼燒雞翼人人愛，而且39元一串..但有3隻之多，好抵食。雞翼調味得好，上面一層調味料，好惹味，又唔會太咸，令雞翼好香口。 燒金菇肥牛卷有時自己燒烤都會這樣包，但餐廳總比是比較好食，調味又好，又包得好。裡面仲相當足料架。 燒雞肉腸，豬頸肉串，鹽燒脆玉瓜這3款食物，我覺得沾上店家自家醬相當夾，辣辣地，越食越開胃。豬頸肉串，一串4粒，厚厚一粒，爽口。一下沾醬，一下不沾,各有不同滋味。 蒜蓉牛油焗娃娃菜  蒜蓉燒茹子除了肉類，都有叫蔬菜，蒜蓉牛油這個配搭，在燒烤來說，永遠是黃金組合。蒜蓉牛油加上菜，熱辣辣新鮮食，又香又滑。 即使現在已經9月尾，但有時仍然30幾度，在室裡涼著冷氣，又食到燒

今天約了許久未見的前同事過來吃串燒，香港真是不容易交際，大家都忙於工作，想一想上次見面，都是去年11月了。朋友一場，當然要約有特色的地方，好好分享美食，分享生活。串燒是一個可以把酒言歡的地方。吃個串燒，配上啤酒🍻你有美食，我有故事。菜單上全是我們愛吃的串燒，一上來就點了好多！牛肚跟雞腎是我的最愛，牛肚很入味，孜然的香味進入到層層的肚絲裡面，配上特製的辣椒🌶️水，入口味道豐富，咬下去脆香肚滑，很有滿足感。燒玉子也超級甜，蛋香軟嫩，外皮烤得小小蕉，裡面還是夠軟，加上雞蛋🥚本身的味道，入口幸福美滿。燒菠蘿🍍也是特色，切得小巧，一口一塊，菠蘿塊外面有一層焦糖，咬下去脆脆的，裡面的菠蘿又很多汁，清爽口感，飯後甜品🍮最佳之選。

日式串燒店細細間, 食物款式多, 類別有肉類、蔬菜、海鮮等等。我們點了海鹽枝豆、燒娃娃菜、一口甜番薯、燒蜜糖雞中翼、燒珍寶大扇貝一起分享。海鹽枝豆 — 是不錯的餐前小吃, 可以一邊聊天, 一邊和朋友吃海鹽枝豆, 過下口癮。點餐紙上有一頁叫做‘’特色海鮮推介‘’, 既然是廚師推介的, 當然要點一樣來試一試。燒珍寶大扇貝 - 蒜蓉口味, 很多汁, 扇貝厚身, 有爽口的質感, 幾鮮甜的。燒蜜糖雞中翼 — 味道甜甜的, 雞肉的肉質幾嫩身, 燒得一點兒也不乾身。燒娃娃菜 — 這是幾有驚喜的蔬菜串燒, 本來以為很普通, 但原來燒娃娃菜幾好吃的, 很多汁, 娃娃菜夠甜！