鳳鳴石磨腸粉 (觀塘廣場) (Closed)

好難得見到親手石磨的腸粉！新鮮有米香！黑米紅米白米唔同口味！食過番尋味！今日同2個fds 食！食左幾款，日日食都唔厭！正！!!!!!!!!!!!!!!!!!!!!!!!!

未食過石磨腸粉，所以慕名一試，買左個豬潤雞蛋腸粉做早餐09:40左右去到，唔多人等，大概等5-8分鐘就拎得，收銀哥哥好好人，送左杯豆漿俾我飲腸粉滑溜，豬潤份量不算十分多，但都好味嘅。可惜腸粉沒有跟鼓油，有點乾爭爭，如果加返少少鼓油就正

見到門口有啲花牌，就知有新鋪開左！俾佢石磨兩個字吸引左，見到menu有白米腸粉外，重有紅米同黑米，開頭以為黑米係紫糯米，但一問之下先知係真係黑米，就一於上呢隻啦！揀左蔥花蝦米黑米腸，等左五分鐘左右就有，因為開張期間有優惠，原價$23，宜家$20，不過份量好細，佢切開有三條腸粉，比較幼，唔係走滑既路線，佢係巢蚊蚊咁，但味道唔錯，幾鍾意加左炸蒜同芫茜，令到腸粉食多添多左層次。如大份啲就好喇🤣唔夠喉！

觀塘廣場多美食就係人都知，但近期除咗車仔麵之外，仲多咗間皺皮腸粉❤️同老闆傾吓計，先知原來只係啱啱開咗三日，但已經排長龍😱老闆同幾個店員都係後生仔，當然啱Key啲😌🥚石磨雞蛋豬肉腸($19)腸粉皮薄，軟滑，有咬口，用了十足嘅豬肉再加埋蛋同米漿嘅香味，健康得來又飽肚！🍤石磨蔥花蝦米腸($18)蝦米大大粒，絕對唔係行貨，食落好香蝦乾味，仲要呢個價錢，抵食！☕️自家製羅漢果茶($10)真係自家煲，用料都幾重手，係媽媽嘅味道❤️ 值得一題嘅，係佢仲有紅米同黑米腸嘅選擇，而且一啲都唔貴，就算早餐食兩份都唔過分老闆話，希望可以帶一個健康嘅生活被繁忙嘅都市人，所以米漿全部都用石磨，新鮮製造，每日限售300份，絕對係心機之作！🥰 鋪頭細細，五藏俱全，早餐首選！