點心到 (廟街)

Open Now

Now Closed

今晚加班趕項目的死線，跟同事來一個快靚正飲茶再返辦公室搏殺。點心到就是一個好選擇，坐得舒適，有兩人到四人的長枱。晶瑩鮮蝦餃皮薄，內裡粉紅的鮮蝦特大，望入去晶瑩通透。外層皮摺得很工整、美麗。金沙脆皮銀蘿腸是同事必選的點心。外層腸粉皮很薄，裡面有清甜蘿蔔及脆皮，口感層次豐富。籠仔鳳爪排骨飯燒汁釀虎椒，紅椒偏辣而綠椒則偏甜。豉汁蒸鳳爪都一碟有很多隻。同事再點了卡通流心芋蓉包，可愛的。用筷子，， 於口部刺穿飽面就像嘔白泡😂椰絲香芒卷內裡是流心鮮芒果， 口感有點像糯米糍，表面有椰絲更香。這裡免加一又有免費無線上網，是晚上一盅兩件的好地方。

佐敦搵食，突然想食點心，夜晚都有得食。餐廳係新式點心店，唔係酒樓咁。但都有茶飲又有點心食。而且餐廳標榜點心百分百香港製造，有不同創新點心。雞粥，整得幾綿，入面有雞，大大舊。再叫左叉燒腸，好多叉燒，爆哂咁濟，足料。腸粉都幾滑，一定夠飽。蒸點心叫左黑松露菜苗餃，有3隻，蝦好大隻，都爽口，淡淡黑松露味，唔算太濃，賣相幾靚。小籠包我最鍾意食，熱辣辣，入面有湯汁，但皮如果再薄d就好了。鮮竹卷一客3件，夠林，入面有不同配料。有湯汁幾溼潤。煎蘿蔔糕，好厚點心價錢平民，良心小店。

🥟點心到油麻地廟街286-298號華志大廈地下推介指數 🌕🌕🌕🌕🌕.又搵到間大推嘅餐廳。平民價錢，但質素可以將大多數酒樓比下去，真係值得一去再去😋！.原隻蝦燒賣（$14）足料，蝦仁🍤鮮甜彈牙，水準之作。.金沙脆皮銀蘿腸 （$23）腸粉明顯比酒樓出品薄，最重要係夠滑😋！腸粉包住一層脆皮，裏面有粗條嘅白蘿蔔，口感有層次。同時間豉油亦帶到白蘿蔔嘅清甜。我同男朋友都大推呢個腸粉👍🏻！.籠仔煎蛋牛肉飯 （$30）煎蛋半生熟，煎嘅時間同火侯都控制得好好。肉餅唔算肥，但食落都幾香，連平時唔食肉餅嘅我都覺得好好味🤤。.黑金流沙包（$24）驚喜之一，賣相美觀。餡料甜度適中，夠多鹹蛋黃😝。.燒汁釀茄子（$22）唔鐘意食茄子評價唔到，但都要一讚鯪魚球煎得乾身香口，處理得好好👍🏻。男朋友成晚最鐘意呢碟。.我最欣賞呢間小店嘅誠意，雖然資源有限但可以將出品保持高品質，令食客可以品嚐到佢地嘅心思😊。.Born and bred in Hong Kong, I am still fascinated by dim sum. “Dim Sum Here” is definitely one of the best di

鋪頭細細但坐得舒服，點心選擇唔算超多但應有盡有，仲有QQ style 既點心。燒汁釀茄子上枱熱辣辣，一咬落去就有熱油流出，燒汁好香，魚肉大大舊痴得實。黑金流沙包好味流心！呢個黑金pattern好多fusion點心餐廳都見，呢度食又可以打下卡。金沙脆皮銀蘿腸入面全都係蘿蔔絲，都幾香，但略嫌水份多左啲，令到成條腸好林。籠仔煎蛋牛肉飯好香荷葉味！但好大份呀，建議起碼三人先叫，可留返個肚食點心 😆原隻蝦燒賣（2粒）有得2粒叫唔錯呀，方便。蝦好大粒，燒賣都爽口。

第一次晚餐茗茶。【懷舊鵪鶉燒賣】$24吾會蒸到好實，啖啖肉又有肉汁，鵪鶉蛋好鬆軟。【香茜牛肉腸】$23吾知加左咩油落去，腸份勁香勁滑，吾係好覺有芫茜味。【五香鹹水角】$18外面黃金香脆，內裡軟糯，內餡有啲啲油膩既肉碎。【紅油抄手】$22外皮有啲煙韌，食落有啲似小籠湯包，不過就辣辣地麻麻地又有啲醋味。【豐料糯米雞】$26熱騰騰既香軟糯米飯包裹雞翼、叉燒、肉碎、鹹蛋黃、冬菇等。【叉燒包】$18麵包幾鬆軟，叉燒餡吾多。

星期一晚上8:45左右，一行二人學完日文，想抓一些不同的東西食（通常都是澳牛）行吓行吓，見到一間裝修比較新嘅點心鋪頭而且俾佢黑蚊蚊嘅流沙包吸引住所以就去試一下，點心的種類來來去去都係嗰幾種所以重點想介紹嘅係黑蚊蚊流沙包、個老火湯、沙律炸角同埋嗰個蝦蒸飯我相信呢幾樣係呢間鋪嘅重點，尤其是個老火湯。超級緊火！色香味俱全，濃味而且要帶有少少藥材味（好似肉骨茶）如果黑蚊蚊嘅流沙包 緊記：食嘅時候要好小心，一籠三個，爆漿爆左兩個😂😭唔知係唔係新開嘅關係，全晚大概10:00埋單，大概五成坐滿⋯⋯⋯就這麼

黑金流沙包 $24包黑鼆鼆嘅外觀已經好特別，好似俾人用染左金漆嘅毛筆系上面畫咗幾畫，即刻多咗幾分藝術感，令人迫不及待想試下。一啖咬落去好煙韌鬆軟唔黐牙，裏面嘅流沙流曬出嚟，好香嘅蛋黃味，甜度啱啱好，金黃的流沙同黑鼆鼆的包形成鮮明的對比，無論視覺同美國都係一流的享受。唔怪得之係招牌點心。原隻蝦燒賣 $14大大粒的燒賣，原隻大蝦就咁放喺面已經夠誇張，食落外皮同裏面啲豬肉都好爽口，唔會有溝咗好多粉嘅感覺，面頭少少嘅蟹籽更加可以帶出蝦的鮮甜。咁嘅價錢有大酒樓嘅水準，性價比超高燒汁釀茄子 $22魚膠外面炸到好脆，裏面就爽口彈牙，茄子吸收咗燒汁，味道啱啱好，香口得嚟又唔會太油膩金銀脆皮銀蘿腸粉 $25腸粉爽口唔黐牙，裏麵包住一層炸嘅脆網，脆網裏邊又包住的蘿蔔絲，食落好有層次感籠仔煎蛋牛肉飯 $32啲飯軟硬適中有咬口，吸收咗荷葉嘅香味，淋少少豉油就咁食已經好正。配埋嫩滑嘅牛肉餅同埋煎蛋，呢個組合冇得輸楊枝甘露 $20最後又點少得甜品呀。呢碗楊枝甘露真係好足料，裏面有好多芒果同埋柚子肉，口感清爽得嚟味道又唔會太甜

經過見到新開張，裝修光猛，門面乾淨，而且有位，於是就一行5人決定做白老鼠基本點心都齊，特別的是有墩湯，有籠仔飯黑金流沙包做得怱較出色，真係會流出黎的，小心燙咀！唔知係唔係迎合健康，大部份點心味道較淡，個人覺得可以濃味少少飯唔夠乾，咸魚沒咸香，而且是分開煮的，有點失望！

The location is pretty hidden, the space is a bit crowded and the table is small. Prawn dumplings is normal.Rice Flour rolls filled with radish net spring rolls having good texture,but a bit too heavy laMud carp stuffed hot pepper having spiciness, seasoning is fine, just a bit too spicy.Steamed rice with chicken feet and pork ribs having big steamed cage but small portion. Steamed cartoon taro buns are pretty nice here with delicious taro sauce Chilled mango in rice roll is quite good but it’s

昨晚與友亞森吃晚餐，他從温哥華回來，便约他到廟街~點心到此吃過是做得很好的食店叫了(燒買)，此面原隻鲜蝦及手切鲜肉，肉汁美味好！(金沙脆皮銀蘿腸粉)腸粉粉質好包住脆皮及香甜蘿白及蝦，食料鲜，很配合無得輸，一會兒便放肚裹了！(燒汁煎釀茄子)厨房即做即上，淋上燒汁熱騰騰端上，鱼肉也厚厚，味道好(籠仔煎蛋牛肉飯)一吃知精選靓米，飯軟而甘香，配上嫩滑牛肉餅及煎蛋，加小小豉油，即想起兒時飲茶此必叫的，我和友森顿相视而笑！！(黑金流沙包)精彩之包，熱烘烘之流沙,一咬從飽內流進口內，好滿足！(楊枝金露)甜味剛好！又夠香濃，連甜品也很好，我們決定又再來了，因价錢公道，食料鲜，出品好！推薦的好食店(點心到)

是日收工過黎佐敦搵食，食左好多餐米線，今次決定食點心。「點心到」 跟舊式的點心店截然不同，這裡環境簡潔光猛，十分舒適。聽聞店內的點心承傳傳統手作，100%香港製造，即叫即蒸。雖然人多，但吾需要等位，坐底立即落order, 好快點心一次過上哂黎，差點張枱放吾落。 晶瑩鮮蝦餃 好多時兩個人食蝦餃、燒賣，總覺得4粒太多，這裡可叫2粒或4粒，按自己喜歡點單或加單，十分貼心。蝦餃薄皮餡靚，鮮蝦大大隻、爽口彈牙。燒汁釀茄子，茄子皮夠脆，淋上稀稠的燒汁，滲入軟身的茄子，非常好味！軟滑腸粉包著油炸鬼及蘿蔔絲，一口嚐盡滑脆爽，口感豐富！當中最欣賞係黑金流沙包，似一件藝術品，夠型又靚，估唔到一個中式包點都可以整到咁潮！籠仔煎蛋牛肉飯牛肉係我最愛的山竹牛肉!最後甜品係楊枝甘露，濃郁質感，奶味十足，不是水汪汪的，而且多芒果肉和柚子肉！正！

🙅🏻‍♀️近排心情都不是太好…風雨過後就會有晴天，我相信我既家 - 香港 都一定會！縱然身心需繼續努力抗爭，但首先必要填飽肚子才會有力氣💪💪-☆ 原隻蝦燒賣(2粒) HKD$14☆ 金沙脆皮銀蘿腸 HKD$23☆ 燒汁釀茄子 HKD$22☆ 黑金流沙包 HKD$24☆ 楊枝甘露 HKD$20☆ 籠仔煎蛋牛肉飯 HKD$32-去左食我最喜愛既港式點心，講下佢啲點心，燒賣上面用原隻蝦既地方已經買少見少，哩度既燒賣外型扎實，內外都有蝦肉填滿🦐 價錢7蚊一粒真係大件夾抵食😋 金沙脆皮腸粉內裡包住係卜卜脆既油炸鬼皮，口感非常鬆脆👍 內餡係質感軟腍既蘿蔔絲，食落有三層不同豐富層次😋 黑金流沙包外表型格，黑中帶金，閃閃發光咁🌟入面既奶黃餡十分流心，擺左一陣都仲好流👍而且味道不錯的唔會好甜~ 籠仔飯亦好特別，用荷葉包住啲飯蒸夠哂入味，每啖飯都好有荷葉香🤤 最後食多碗真材實料既楊枝甘露作結，夠哂滿足💕-哩度價錢大眾化，茗茶都只不過係$3，仲要全日免加一，確係好抵食！

今日下午落好大雨，由於搵唔到位泊車是可以泊喺附近嘅食肆度食嘢咁岩見到呢間點心好似唔錯門口都好多人等位，可能落雨關係我哋三個人叫咗七八個點心，雞腳幾好都夠淋但略嫌份量少左啲，其他點心都幾好如果份量可以再多快少少就更好

廟街處處多美食，上星期有事經過，見到有間叫點心到，覺得好特別，於是我倆決定在此食晚飯。跟舊式的點心店截然不同，這裡環境簡潔光猛，十分舒適。店內的點心承傳傳統手作，100%香港製造，即叫即蒸，除傳統點心，還有獨家創意點心、包點，每款價錢介乎HKD14-HKD30，茶錢HKD3/位，全日免加一，夠抵食！餃點類：晶瑩鮮蝦餃 (HKD15/2粒)好多時兩個人食蝦餃、燒賣，總覺得4粒太多，這裡可叫2粒或4粒，按自己喜歡點單或加單，十分貼心。 蝦餃薄皮餡靚，鮮蝦大大隻、爽口彈牙。酥點類：燒汁釀虎皮椒 (HKD22)賣相會令人想起煎釀三寶，魚肉煎得有點微焦，外脆內軟。腸粉類：金沙脆皮銀蘿腸 (素食) (HKD23)軟滑腸粉包著油炸鬼及蘿蔔絲，一口嚐盡滑脆爽，口感豐富！飯類：籠仔鳳爪排骨飯 (HKD32)蒸飯送來時香噴噴，排骨肉嫩、鳳爪入味，豉油伴食更美味。包點類：卡通流心芋蓉包 (素食) (HKD18/3個)好得意呀，這個獨家創製的芋蓉包，上面劃上有趣表情，內裡滿載甜度適中的芋蓉，甜而不膩，讚！甜點類：椰絲香芒卷 (HKD24/4件)飯後當然要食甜品，這個香芒卷，外層鋪上密密的椰絲，內裡包著足料芒果

在佐敦看到一間新式的點心店，沒有茶樓的老土味，就和朋友進去試試。店內環境很新，應該是新開張不久，裝飾有少少懷舊風味，幾有趣。點了卡通流心芋蓉包，有三個可愛臉孔，分別是開心，無奈及不開心😂十分攪笑，裏面的芋蓉料都算多，芋蓉味濃，比較偏甜，喜愛甜食的女孩子應該會喜歡💕又點了個籠仔鳯爪排骨飯，飯味幾香，荷葉的香味和排骨的肥油進入了飯内，不錯👍🏻又點了個小食-燒汁釀虎皮椒，紅椒很香辣，喜歡辣的朋友會喜歡。總結環境不錯，食物ok，是新式的吃點心店