點心到 (廟街)

Open Now

Now Closed

無啦啦發現到間野，一於試下先，都唔少人食，再晏d仲有學生哥黎食，一個盅飯都唔少，係大個，學生同女仔係夠食。好介紹下先，嗌左：明蝦角，我好鍾意食明蝦角丫😋😋，依間唔差丫，好多蝦，個外都炸得可以，但唔係最好，唔係成個都脆。沙爹牛肚，好入味丫，仲好林嫁，唔錯丫，真心食得過。蝦餃就細細粒，有得揀兩粒定四粒既，正路野。牛栢葉可以再重味d，但夠林丫。茶都斟得好快手，感覺幾好既，同其他點心鋪比，其實唔錯咼，價錢正路都係貴嫁啦，但午餐或者傾下計坐耐d可以接受。同埋環境幾舒服，有少少cafe感覺，其實飲茶本身就應該係咁😇😇😇😇

故名思義，餐廳「點心到」是一間點心專門店。從開飯網知悉餐廳屬新店之一，難怪裝潢仍感光猛新淨。相比酒家隨便三四十元一客點心，「點心到」的點心價格相對相宜，平均約二十元一客左右。茶錢每位只需三元，更不用加一。整體而言，各款點心普遍水準持平，難言出眾。小編比較喜歡的點心有甜重辣輕挺惹味的「紅油抄手」；外觀可愛餡料特別的「卡通流心芋蓉包」；以及酸香軟糯的「椰絲香芒卷」。「晶瑩鮮蝦餃」與「黑松露菜苗餃」皮厚味淡。「豉汁蒸鳳爪」同樣醃煮得不夠入味。「點心到」以相對相宜的點心定價取勝，水準難言出眾，性價比合理。

呢間鋪頭喺我公司附近，lunch Time都會去同同事飲個茶。佢11點幾係唔使點等位我覺得佢個芋泥包係最出色嘅，而且賣相可愛流沙包都幾好味，入面啲蛋黃真係流出嚟另外重點推介蝦餃，佢啲蝦好爽㗎甜品方面榴槤雪媚娘超好味呀鍾意榴槤嘅一定要食，好似糯米糍咁有啲榴槤蓉，啲榴槤係新鮮個味都幾濃加埋cream正，鋪頭好貼心會有手套俾你食給價錢方面唔特別貴，廿幾蚊一籠而且啲嘢都黎得幾快，啲嘢食都幾新鮮真係唔錯唯一係佢樓面有啲忙，得一兩個staff。

佐敦區一向都美食雲集，听朋友介紹有間新開既點心店--"點心到”質素不錯，lunch 時一於成班朋友一齊去，嗌多幾種點心happy share!"點心到"既裝飾新派，坐落都幾舒服。人多既好處就係可以試多幾款點心。佢點心既份量唔算大，但貴精不貴多，仲有外面較少見既"籠仔飯"食，咁就唔使擔心男仔食唔飽。其實佢既點心味道不錯，感覺上比一d 連鎖既酒樓用心。較為推薦既有佢既燒賣，黑金流沙包，籠仔飯，脆蝦腸粉。6個人最後埋單500 蚊有找，都比一般既酒樓平，可以encore!

香港人最喜歡喝茶吃點心，以前要去酒樓才可以吃到，現在開了很多點心專賣店，今天便到佐敦區內一試。黑松露菜苗餃$25，黑松露味道不算太重，混合在菜苗，味道清甜，加上餃子包煙煙靭靭，很有新意。蜜汁叉燒腸$23，叉燒份量不少，味道甘香，腸粉嫩滑爽口，兩者配合得天衣無縫，果然是個人最愛的點心。鮑螺片滑雞粥$24，粥㡳香甜，滑鮑螺片口感結實，雞肉質鮮嫩，是港式有味粥的特色。香煎蘿白糕$18，表面煎得香脆，配合辣椒醬，就可以提鮮和減少油膩感。上海小籠包$24，肉汁豐富，進食時要小心。

平時假期都會去嘆中式茶，這間點心到在油麻地廟街，今日與同事剛好在附近辦完公事，於是決定到餐廳坐嚇及食些㸃心。餐廳不是很大間，但裏面都已經有很多人在食。餐廳裝修連燈飾都用點心蒸籠做，非常有的特色。懷舊鵪鶉蛋燒賣$24鵪鶉蛋燒賣皮都很薄，可謂皮薄餡靚，鵪鶉蛋細細隻連燒賣一齊食，燒賣帶鵪鶉蛋的綿香，新鮮又美味。紅油抄手$22紅油抄手，帶著少少麻辣，外皮帶軟滑，肉質新鮮甜。香茜牛肉腸$23這個香茜牛肉腸牛肉味雖然較淡，但外皮軟軟滑滑，再加上鹹甜適中的豉油，味道不錯。五香鹹水角$18鹹水角還真是剛剛炸起熱辣辣的，裡面有蝦乾及少少肉碎，鹹甜度適中，食落還帶熱口，外皮還帶少少焦脆。豐料糯米雞$26很久未食過糯米雞了，所以要了一個，包糯米雞的是荷葉，而不是平時見的裹蒸粽葉，所以糯米雞帶著荷葉的清香，糯米雞口感軟糯煙韌，好味呢。蜜汁叉燒包$18蜜汁叉燒包不是很大隻，有3隻，外皮入口棉軟，內裏的叉燒帶蜜味及帶少少咸，質素不錯，有時間可以到來嘆嚇茶。

果日搵靚女飲完酒，後尾發現自己揸車。當然唔可以揸車啦，咁我就搵間食肆消磨下時間。就去到呢間野，我幾鍾意。因為個燒賣同蝦餃可以叫兩粒。啱晒我呢啲孤獨仔重點在於侍應服務生，仲有熱誠，講真非常好！講真點心到我食落口，就知道佢比街邊水平高少少。咁又未去到酒店水平，不過都唔遠。哈哈，我食勻周圍蝦餃燒賣，一入口就知㗎啦。食完出嚟先見到佢有金箔流沙包。下次先試下，地方幾乾淨。位於一條老街中，下次經過如果拍到車都會試吓識我都知我好少讚！

朋友一向鍾意食點心，提議今晚嚟呢度試吓。見到點心選擇同一般茶樓嘅有好大分別，例如奶黃包竟然係黑色嘅皮上邊仲有金色作點綴，賣相一流。食落去奶黃餡即刻流出來，流心效果不錯，可以話係睇得又食得。另外叫咗鳳爪排骨飯，一上菜真係嚇親，好大盤，兩個人都係勉強食得晒。仲有好可愛嘅芋蓉包，打卡都一流。我最欣賞嘅係蝦餃，皮薄餡靚，蝦爽口彈牙，大家嚟到可以試吓。整體來講，價錢算親民，兩個人加埋茶錢$150都唔使，可以再嚟！

醬皇金錢肚金錢肚最緊要就係要夠淋同入味，呢道點心就相當唔錯，因為味道同口感都係淋同入味上海小籠包超爆汁的小籠包，一客有3隻，大家食要小心d湯係超熱既，超full既湯汁係度，勁鮮甜籠仔金針雲耳雞飯黎飲茶最想食都係想食佢既蒸飯，呢個即叫即蒸既雞飯，首先講雞件約有10件左右，係超大份的份量，而d飯係超入味，好綿既口感，加上醬汁簡直就係想添飯的感覺金沙脆皮銀蘿腸呢個係此店既必食推介，而我亦都未試過係其他地方食到呢個整法既腸粉，外面係軟滑的腸粉，而裡面係好香脆既蘿白，食落脆卜卜的！薑蔥牛柏葉牛柏葉夠哂爽口，薑蔥味唔算濃但係加埋都幾惹味，仲有籮白係超入味的！！真係估佢唔到榴連雪媚娘最後甜品時間，呢個係店員推薦既榴連甜品，外型有d似榴連pancake，入面係一粒大榴連，超鬆軟同個pancake皮既口感同味道都勁match!! 鐘意食榴連既一定要試！一客有2件，價錢唔算貴！

晶瑩鮮蝦餃超大隻既蝦餃，最正係佢可以點兩隻，岩哂我地人少少都可以嗌黎食入面既蝦係超大隻，夠哂鮮嫩，皮薄餡靚，十分推薦懷舊鵪鶉蛋燒賣而家呢個年代好少見，原隻鵪鶉蛋係燒賣上面，整個口感又粉又爽的，而且很香燒賣的味道，不錯香茜牛肉腸我自己就比較少在吃香茜的，因為不太喜歡這個口感，但呢個牛肉腸一定要吃！實在是太好吃，皮相當的薄嫩，牛肉滿滿的味道不錯燒汁釀茄子呢個茄子係炸過黎，所以非常香口同埋上面既魚肉係脆卜卜的口感！最正都係佢個醬汁，因為本身魚肉唔算好濃味，但係加左醬汁之後個味出哂黎！不錯鮮竹牛肉球大大粒既牛肉球，係出面食到既兩倍咁大，最重要係好鮮味，點埋gip汁一流！豉汁蒸鳳爪每次飲茶必點既蒸鳳爪，豉汁蒸味道係特別唔同，大大隻既鳳爪！一客有4隻，d汁真係世界級的好味

夜晚喺佐敦接男朋友收工但係又想飲茶 冇咩地方夜晚都有得飲茶跟住竟然比我搵到間 可以飲茶嘅地方 而且佢嗰啲食物仲好可愛呢一間入到去嘅時候都覺得幾大幾舒服首先我哋就叫左個腸粉佢腸粉入邊係脆皮銀蘿蔔 幾特別 同平時嗰啲叉燒腸唔同 入邊係脆卜卜跟住仲嚟咗個流沙奶黃包 唔會好甜又夠飽真係好似平時出邊啲酒樓咁咁有水準再嚟多個燒茄子🍆係熱辣辣的 而且好多汁 兩粒燒賣 分量啱啱好 如果好似普通酒樓咁 一定會有四粒 依家兩粒一人一粒啱啱好最後有一個飯 牛肉蛋飯 佢出邊原來係包住荷葉飯的

今日係爸爸生日 一向佢都好鐘意食中式點心 一於帶佢黎到位於油麻地新開既點心到我地試左呢到好多唔同款式既包點 餃點仲有一d小食、甜品、酥點 最欣賞既呢間點心店比起一般既點心店更加創新 金沙脆皮銀蘿腸呢一款腸粉一定要試！皮超級薄而且好滑 可以睇得出粉漿打得非常幼滑 一咬開入面仲有脆卜卜令到口感好豐富 腸粉入面仲有滿滿既蘿蔔絲 入口好香呀黑金流沙包一見到已經覺得好型格更加帶點高貴 黑色既飽原來材料係加左黑炭 食落幾特別 入面既奶黃流心效果做得好唔錯 一咬開已經有滿滿既奶黃湧出！燒汁釀虎皮椒分別有紅椒同埋綠椒 而每一款都釀滿魚肉好足料 魚肉既鮮甜彈牙加埋虎皮椒既爽口好夾！更加燒汁不但入味仲提升仲味道卡通流心芋頭包呢款芋頭包好得意 每一件包都有唔同既可愛表情起上面 吸引到我即刻忍唔住打卡！芋頭蓉打得綿滑而且唔會太甜！

係附近做完按摩，就肚子餓了搵呀搵，就見到呢間點心店 就決定食呢間喇鳳爪排骨蒸飯份量都好大不過啲飯有啲乾，同埋排骨有點肥，不過好抵食卡通流心芋蓉包包上面既圖案都唔一樣，挺幾得意中間的芋蓉真係流心架，喜鐘意食芋頭既一定要食呢個，好好吃，味道又唔會好甜晶瑩鮮蝦餃蝦餃既蝦好足料，一咬落去，全部都係爽口彈牙既鮮蝦金沙脆皮銀蘿腸外軟內脆的口感是我最鐘意的中間仲充滿左蘿蔔絲，超好吃不過建議醬油分開上燒汁釀虎皮椒即叫即煎，熱辣辣最好食榴槤雪媚娘店長很貼心，話比我地知食既時候最好就係先帶膠手套，因為質感太軟糯，軟綿綿的！榴槤跟忌廉完美地融合在一齊忌廉好細滑，無膩既感覺！加上榴槤的香，太回味了

之前與好友在童軍總會附近的點心到食點心晚餐~~~這店點心的價錢經濟又合理，裝潢夠光鮮~~~我點了沙參肉竹燉土雞($32)，因為我個人比較喜歡傳統的燉湯味道，燉湯落足料，平日在家中好少花時間燉湯的話，值得去試吓~~~而好友注重養生所以點了黑蒜螺片燉肉排湯($34)，喜歡黑蒜燉湯的味道~~~濃湯鮮竹卷($18)，個人覺得不似傳統的鮮竹卷咁油膩，食落感到好好食~~~鮑汁鳳爪($24)，除了食到啖啖的花生味外，更食到軟淋淋的感覺=W=香煎蘿蔔糕($16)，食落感覺有啖啖的蘿蔔味，起碼抵過去酒樓食~~~卡通流心芋蓉包外表非常吸睛，上手感覺軟熟，食落感覺芋蓉幼細，$18一籠值得叫來食兼呃吓like~~~原隻蝦燒賣($14)，隻蝦大大隻，食落感覺好飽足=]金沙脆皮銀蘿腸($23)，裡面有脆卜卜的油炸鬼，包住感覺較爽的蘿蔔幼條，仲有滑滑的腸粉，食落有幾種感覺，非常滋味~~~整體來講食物CP值甚高，值得再次光顧=]

估唔到「可以有回頭」呢句咁快實現！🤣印象中好似第一次一日之內午/晚餐在同一間餐廳！🤦🏻‍♀️真心覺得呢間出品唔錯，所以今日三點食完個「早/午/下午餐」，晚上八點又嚟試下佢個晚飯。🤣好欣賞佢個燉湯，足料夠熱。其他都唔錯，性價比高。👍💯個人口味覺得拌飯嘅豉油略甜和淡了點，可能有是我個人口味！未必是他們的缺點！可惜趕住睇戲，本來想試埋個流沙包，只好下次！一定再來！👍🥰🥰二人前晚餐：沙參玉竹燉土雞 x 2燒汁釀虎皮椒涼瓜鯪魚餅濃湯杞子浸時菜龍仔煎蛋牛肉餅飯龍仔金銀蒜海蝦飯😋😋😋😋😋