悄悄食堂

Open Now

Now Closed

環境OK 不過地點不是太方便食物冇特別 收費偏高 (如果有去過婆婆或者習作呢間一定係比下去）（青魚有d腥 鰻魚有薄份量好少）態度及安排另人非常不愉快 成個用餐會令你極度緊張Book 3:30pm枱- 2:55pm 致電問會否準時到（早半個鐘先confirm booking咩玩法）- 朋友3:25pm到達要堅持人齊先可以入坐- waiter提醒3:45pm last order, 得3個set 全部人好快決定食咩, 朋友想幫忙先落單, 個waiter又話咁d食物會凍又乜又乜- 全部人3:35pm到齊 已要求要盡快叫埋飲品同甜品 (提醒： 飲品又貴又細杯 不值得試）- 4pm 本人食緊個飯途中 waiter比張單要我哋先埋單 說之後可坐到5pm(大佬呀 飯都未食完 甜品都未上 埋咩單呀）-4:10pm 追埋單 已向waiter反映可否等我食埋個飯先 我唔想食食下攞銀包之後又要消毒雙手-4:20pm清台上甜點 -4:30pm再追埋單 同我講話老細要埋數😠成間嘢好成功咁去趕客 之後4:30佢哋十個八個同事就除晒口罩一齊團住開飯 (係舖面）佢哋放飯大過天 總之成個感覺好差 冇下次 不見議試 就算

係網上睇到呢間餐廳 日式裝修 食物相片都好吸引 所以同朋友嚟試試佢哋用網上訂檯 好方便 亦唔難訂枱 位置雖然唔近地鐵站 但都唔難搵 因為最近都有好多特式餐廳係呢度附近開店 門口好易認天氣熱 行到嚟當然要叫杯凍飲Lemonade 佢哋係上菜時都會細心講解食材炸雞定食鯖魚鰻魚定食環境舒服 但令我扣分嘅係筷子清潔得唔乾淨 上面仲有塊蔥花係度😖呢度夜晚會變身居酒屋 提供酒精飲品同埋唔同食物 下次要夜晚再嚟試吓

之所以叫呢間野做酒吧，係因為呢間野主打飲酒提供左大量嘅saki同其他cocktail，食物款式比較少，而且一入去其實有個吧枱上面擺滿咗唔同款嘅酒，店員會推介唔同酒精飲品。內部裝修幾靚，食器都幾靚，好有日本既感覺，打卡一流。我本人就唔習慣飲酒嘅，叫咗一杯蜜柑gin and tonic。黎到都算幾濃，反而唔係好蜜柑，有啲失望。致於食物方面，我地叫左炸雞、、明太子燒山藥、雞肉鍋物同埋一個松茸炊飯。炸雞同明太子燒山藥都好味，炸雞香脆得黎都好多汁同個wasabi汁好夾。而山藥我本身係麻麻既，不過佢整得都不錯，但係得4塊就真係少左啲啦。至於雞肉鍋物同埋一個松茸炊飯就麻麻地，個雞肉都幾鞋下，而且個湯又唔係日式雞肉鍋既清香，有啲唔上唔落。松茸炊飯就非常一般，似普通菇菇炊飯多啲。因為佢要提早幾多下book，個人就覺得唔係咁值，如果鐘意飲酒同打卡都ok既，不過我就應該唔會再戰了。

由裝修、佈置、餐具到食物嘅配搭都睇得出店家對美學嘅追求，店內以木家具為主，吧台掛滿酒樽，相信晚市黎更有氣氛。午餐只有A、B同素食C餐，貴精不貴多，上菜前店員會作簡單介紹，務求客人食到佢地希望呈現嘅味道。🍽烤三文魚幽庵燒定食 ($148)用上刺身級三文魚，非常厚肉，以柚子同柚子皮醃完再慢烤至半生熟，肉質非常嫩滑，除左醬油嘅甜味外仲有微酸嘅果香，一消油膩感，係近日食過最好食嘅烤魚料理。如無記錯店員三文魚上嘅係用乳酸發酵嘅白露筍，酸度強勁，帶出三文魚嘅鮮味，非常推薦。🍽紅酒味噌燉和牛面頰肉定食 ($138)店家用上澳洲和牛，燉煮後用筷子可輕易撕開，醬汁酒味、蔬菜嘅甜味同辣味各佔一席位，送飯一流，薯仔更吸收晒醬汁嘅精華。順帶一提佢地嘅米飯都好講究，唔似平時啲日本定食咁用珍珠米，無咁黏口而且帶甜味。🍽純素焙茶焦糖黑朱古力撻 ($64)The Vege Lab嘅出品， 頂層係濃郁幼滑嘅焙茶慕絲，之後係比生朱古力軟身少少嘅黑朱古力層，鬆脆嘅撻面另塗上一層薄薄嘅焦糖，中和黑朱古力嘅甘苦。幾種味道融合得好好，完美演繹純素甜品絕不比普通甜品遜色。🍵京都美好園 森之白 ($51)呢款濃得黎苦澀度會高啲。餐牌

服務態度唔好🙃一坐低就話last order啲野食一放低又話要埋單先一食完又話最遲可以坐到1715覺得啲人好chur而且野食一般份量一般去到最後樓面去哂食飯其實想叫人幫手加啲水但又冇人理覺得好odd 唔係好friendly 同埋明明黎食飯但又見你哋放飯都唔知仲叫唔叫你地加水好令到作為客人既我地覺得好尷尬餐廳環境雖然好似幾靚咁但畢竟黎食野 都真係希望服務同食物質素提升下會好啲所以如果以呢個價錢同服務可以有更好選擇🙃

具有濃厚日式風格既餐廳~要預先訂座用餐，分了不同時段 ，用餐限時90分準時到預约1:00時段，安排了四人吧枱，因為吧枱不方便聊天，所以詢問了能否等四人枱，服務員都有禮貌解釋餐廳營運情況，都有可能需要等候45分鐘， 等候時間比想像中偏長， 結果大約半個鐘左右就可以入咗，服務態度都貌禮親切， 朋友查詢很多不同問題都很樂意解答， 在服務方面都先加一分現場環境比想像中空曠， 地方很大，坐位距離之間也算闊落，不會太迫， 感覺是坐得舒服閒聊自在的好地方~ 所以都能理解等候時間和座位不太多的情況， 雖然滿座但不會太嘈吵， 可能因為位置不太近，都不會聽到第二張枱嘈吵，四人枱也屬於很大的款式，食物食飲品全到了也不會覺得太迫不舒服， 在環境舒適方面令人滿意午餐時段以定食為主， 選擇不多只有三款， 甜品都是有限量供應，每日提供的款式都不一樣， 飲品反而 種類繁多，單是抹茶嘅種類都有四五款， 因為不太清楚種類是有什麼，找了服務員查詢~他們都很樂意解答同推薦哪一款比較好味和有什麼特別酸啤酒脆酱炸雞定食服務員有細心介紹今天嘅菜單， 炸雞有啤酒嘅成份，會令到口感更加脆口， 另外配上了柚子口味嘅特製醬汁能夠紓解炸雞嘅

<烤銀鱈魚西京燒定食>魚肉好滑，有驚喜，魚皮少少脆帶有油香<悄悄IPA啤酒脆漿炸雞定食>炸雞分量比相像中大，有三舊大大舊炸雞🤤 雞肉重保持到肉嫩多汁，配埋白飯，邪惡又滿足~<京都美好園森之白抹茶拿鐵>有幾款抹茶粉同做法可以選擇，同店員講想飲抹茶拿鐵，店員就推介左京都美好園森之白既抹茶粉，果然唔錯<日本新鮮蜜柑本地蜂蜜蘇打>另一杯飲品都係店員推介，夏天飲好適合~<熱情果粉紅胡椒撻>用胡椒做甜品都幾少見，估唔到新鮮得黎都幾唔錯~🤤

好難先book到位嘅日式食堂，我book完期待咗成個星期🤣🤣佢哋餐牌係會不定期更改，所以睇啱心水想試個期嘅菜式就記得逢星期一中午12點上佢哋個system book呀！未去之前我都已經知餐廳入面好多打卡位！行入去真係無令我失望，裝修好靚俾人一種好舒服嘅感覺。每一個細節位都會令我覺得佢哋真係好用心製作，小至餐牌上嘅抹茶latte係跟茶嘅濃度排列，大至上菜個陣職員會逐一介紹菜色嘅用料同食材產地。其實我最大原因想試，係因為我見到佢哋係ig話連啲飯嘅產地同煮法都研究咗好耐，我就想睇下啲白飯係咪真係咁好食😂😂😂😂點知真係幾香好好食😂😂🐿烤三文魚幽庵燒定食 $148刺身級三文魚，加咗柚子汁醃製，油膩感唔會好重。而且個魚煮到半生熟，食落去好嫩滑🤤🐿 紅酒味噌燉和牛面頰肉定食 $138用咗澳洲和牛，食到好濃嘅牛味，肉質好淋好入味，撈飯一流！🐿 純素焙茶焦糖黑朱古力撻 $65好濃嘅黑朱古力，食落偏苦，但個焙茶味慕絲好香甜甜地，balance番個苦味。我本身怕膩，呢個就唔係好啱我😣🐿 法式青蘋果撻 $65唔膩，食落酸酸甜甜好fresh，推介！不過兩個人叫一個甜品就好夠，兩個甜品有啲太多☺️人均消費 $200

特意到網站預約，隆重其事，請了一天假到深水埗吃飯。甫走進餐廳，敞大的空間，奢侈，老闆就是有個性，別的餐廳早用來多放幾張桌子了。店家對食物的來源地講究，大多採用本地和日本食材。餐廳燈光柔和，恬靜舒適，讓人步伐也慢下來。午餐選擇不多，我們三個人各叫了一個set。☛酸啤酒脆漿炸雞定食用了啤酒做脆漿，原理就像fish and chips的脆漿一樣，效果格外酥脆，炸雞鮮嫩多汁，附設的柚子蘿蔔調配得很好，配炸雞吃可以解膩。配菜還有採用元朗農場的菇，很有驚喜，有很香濃的菇味。另外，平日不太愛吃飯的我，也覺得這裡的飯很好吃，這裡用上了北海道的夢美人米。☛素版川式麻婆豆腐定食平日的我不會吃這道菜，但餐牌上選擇有限，唯有一試。就是平日的麻婆豆腐味，很好下飯，不過不辣，只帶麻香，蠻有趣的。☺這裡的用餐體驗真的不錯，從服務到食物都讓人很舒服，連食器也很漂亮。

店舖環境唔錯，員工態度亦不錯，店舖環境仿日本食店，食物質素有待改善，一個set lunch $115-145,湯都無1碗，以為會有少少水準，點知性價比只值$50，起初被食評好多過壞既心情黎到呢間食店，沒想到現在食評都可以咁多做假。致於上菜速度算快，不用等太耐，亦在點餐前已經點了甜品，所以只好硬食，甜品硬到好似係雪櫃雪左3日咁，究竟係我食得有要求定其他食評無要求？咁都可以有17個笑⋯⋯⋯我平時好食唔好食都無寫食評，但今次實在太強差人意。

Chew Chew 係由一個性格老闆開嘅第三間店，熱血，對食材有要求，對自己嘅出品有要求，係少有嘅一間店。今次係第二次黎，一樣不負所望，食嘅食物故然有質素，氣氛一樣能夠帶俾你一個呼吸嘅環境。今次試鯖魚燒海鰻定食，配菜一樣係黎自日本or本地農場嘅新鮮材料👍🏻蘑菇係元朗種嘅，大根就係日本大根，食完魚想清一清嘅話，食一口大根就岩哂！鯖魚用麵豉汁煮，有別一向嘅燒法，不過就有骨，大家要小心食！本來想試埋甜品，但太飽啦！唯有下次！大家就盡情享受chew chew 嘅一切！

終於有機會一試悄悄食堂✨太難book位🙈平日晏就黎試試佢值得一等🥰*知道佢定期會轉menu，Remark返，呢個食評去既時候係4月份*-被安排入座tatami位，即刻增加左返日本既感覺🤣同男友分別叫左份烤三文魚幽奄燒同紅酒煮牛肉😋定食飯既份量可以俾客人選擇，好貼心！-牛肉煮得好入味、好軟身！食到停唔到口🤣-野飲我地叫左枺茶拿鐵✨✨呢個真係必須要試，好好飲！🙈抹茶既回甘加上奶好香滑🤤超想飲多杯！-邊食仲可以邊欣賞佢既裝修同食器。音響都落左心機，環境亦好舒適，唔覺唔覺座左好耐✨✨

同屋企人食個生日lunch, 咁岩book 到好難book 嘅悄悄食堂，就一戰試試，開係深水埗外圍，但相信附近好快都會有一大堆文青店 好彩有book 位，唔洗等，好快就入到座，meun 都好簡單ABC 餐，咁橋三個人就每樣一份，唔洗諗，再預留定兩份甜品。烤三文魚幽庵燒定食以柚子醃製的三文魚，入口綿滑，唔似出面餐廳好易煎到鞋哂，配上本地我翠肉瓜漬物同開胃醃蘿蔔，唔錯紅酒味增燉牛面頰肉屋企人煮飯一流，都覺得呢味唔錯，牛面珠燉得夠冧，醬汁香濃，配料仲有薯仔，入哂味素麻婆豆腐素版麻婆豆腐。無外邊餐廳素麻婆豆腐勁咸同死辣嘅味。加左榨菜同油炸鬼，除左外觀加分，口感亦都更加濃郁，無淨係豆腐同素肉咁齋唯一挑剔係主菜份量比較細，女仔食還好，男仔可能唔夠。法式青蘋果撻幾香。唔太膩。中意食蘋果批/撻嘅朋友可以叫靜岡特上焙茶戚風雪凍嘅戚風真係唔多得，硬左唔鬆軟，但pat 焙茶cream 好味，算救左舊cake一命

新店構念是提供一個舒適空間 讓客人好好享受用膳 到店那刻由燈光同周遭的設計 都可以感受到小店用心營造的那種慢活的氛圍🙈超喜歡的～～小店午市提供定食 食堂類的感覺 晚市則以居酒屋形式 提供鍋物 炊飯 各款醃漬料理 清酒 威士忌🥃 因為天氣太熱所以無選鍋物🥲 順提晚餐無甜品🤔 晚市燈光會調得比較柔和昏暗 超舒適放鬆的～～ .▫️烤銀鱈魚西京燒 $128😋👍🏻：👅👅👅👅👅💛/5分勁多人大讚 點可以唔試😍 可以話係本店名物🙈 一食落口真係好嫩滑 嫩到差唔多係入口即溶既程度😳 驚艷了～～ 勁勁勁勁juicy!!!同多肉 無乜骨 絕對可以大啖大啖食 難怪咁多人讚🥺🥺🥺 旁邊仲配佐蘿蔔蓉 好清甜開胃😚.▫️日本茄子🍆八丁味噌田樂燒 $80😋👍🏻：👅👅👅👅/5分這個也是蠻多人推的🙈 咬落軟軟der ～表面塗了一層味噌 加埋糖去燒過 所以唔會太鹹 反而帶點甜蠻開胃的.▫️炸海鰻梅子紫蘇茶泡飯 $138😋👍🏻：👅👅👅.3/5分本身想試炊飯 但店員話等候時間稍長 我地就簡佐茶泡飯 店員會在你面前倒茶🍵 食落帶點淡淡茶香味 飯有點黏黏的 炸海鰻蠻有口感的 炸衣不會太厚 食到口淡可以加點炸海鰻上的梅子調味 味道都幾出

有嘗試打電話去book位但我打得太遲，已full，唯有即刻衝過去等 walk-in 位又咁啱直接有位，太好了店內裝橫係日系簡約風，整個感覺好悠閒可惜無 tatami 位，如果唔係仲 hea🤣menu 方面主食只係得 3 個選擇唔洗我呢啲有選擇困難症嘅人諗咁耐✌🏻#台灣手工黑糖熱牛奶配肉桂條 🍼佢有得俾我自己揀幾重肉桂味 (就係睇浸幾耐條肉桂條)黑糖本身唔算甜，兩者都幾夾個牛奶#日本日向夏本地蜂蜜梳打 🍊粒冰超巨 (友人話塞唔入個口😂)大熱天時飲呢個即刻 gur 哂，而且酸酸甜甜超解暑#烤三文魚幽庵燒定食 🐟柚子汁醃製嘅三文魚，味道非常清新，柚子味好重而三文魚因為唔係烤到熟透，肉質好嫩滑就算碗飯大大都好快食完 (佢啲日本米好好味)#紅酒味噌燉和牛面頰肉定食 🐂面珠躉肉好軟腍，入口即刻散開而且舊肉好入味，個汁送飯都一流#純素熱情果粉紅胡椒撻 🥧見到佢係有胡椒幾特別所以嗌咗呢款熱情果用響甜品度本身就好搶戲但 e 家有埋胡椒嘅香辣味又增添咗個層次甜+酸+辣，好過癮btw 每次上食物店員都會講解得好詳細服務值得一讚 (如果唔係我點會知咁多野😂)雖然佢係幾好食，服務好，環境都好舒服但幫襯得密會破產