悄悄食堂

Open Now

Now Closed

很幸運，能在沒有預約下可以一嚐這間評價不俗的和風餐廳午餐選擇不算很多，只得三款不同餐供應，我選了啤酒炸雞炸雞很香脆都算嫩滑，啤酒酒精成份雖已揮發但酒香味還在，味道調教得很好👍🏻不過漬物就很一般，酸蘿蔔同忘了是什麼的南瓜，如果有些沙律菜會好些，可減少炸物的油膩感，而碗飯一定夠飽肚，很大碗但可惜並非用上圓身飽滿的珍珠米，飯香欠佳，如果可加上少許飯素襯托，不論味道或賣相相信都會有所提升，不竟這並非數十塊的定食而是過百，對其質素當然會較高要求飲品我點了青森蘋果，無什麼可以評價甜品點了兩款，一款是抹茶蛋捲，蛋糕有少少硬化，似是因接足空氣時間長所致的感覺，抹茶味又只屬普通不算太出色；而另一款是蘋果cheesecake，這個非常出色👍🏻芝士味不會太濃，整體亦不會太甜，有蘋果肉桂清清的味道，口感又不會太硬，值得一試整體似乎是甜品出色過主菜，食物都可以，但加分位始終在於和式的裝潢之上

本身係walk in去都預咗等得耐，但唔係俾哂後期walk in嘅人入到未到我哋入掛，座位安排好差，再者，呢間店除咗係打卡店外，食物只有賣相，質素同價錢成大反比，體驗好差，有待改善⋯⋯

人未到就感受到間嘢有幾chur～當日打嚟confirm booking，未過預留時間就打嚟催喇～都話咗會準時咯😅午餐定食得3款選擇，叫咗炸雞定食。食物嚟嘅時候職員會介紹食物，環境好嘈，都聽唔到佢講咩兩款漬物都個酸字，酸到面型會扭曲個種酸，可能一開始食咗款最酸卦，之後食唔出另一種有咩分別，分量又少，將個餐盆懶係多嘢同好睇咁，炸雞外皮炸得幾好，雞肉都係juicy嘅，但無咩味，雞件太大件，如果細件啲就可以每一啖都保持有香脆嘅口感，點炸雞嘅紫蘇醬汁會整淋個脆皮，唔點件雞又無咩味，$115炸雞飯唔包飲品，CP值真係好低，飲品叫咗杯蜂蜜梳打，無咩特別～環境尚算舒服，闊落，廁所都好乾淨～總結：環境打卡係幾好，但食物CP值低，social media 內容同實際落差大～應該無下次

由於無得去旅行,一直留港都想搵返小旅行感覺!Book marked悄悄食堂一段時間,避開人潮,仲有得預約!係平日下午比自己放個假!最吸引人的係tatami位,環境好似置身於京都,所用的器具大部份都係來自日本,木材都睇得出好有心機去挑選。採光度十足!*值得注意的係,Tatami位要著襪先可以入去*雖然已經3點半,但都仲有lunch menu set,我地點左 海饅×味噌靖魚 $145魚係好高質,靖魚入口即溶,味噌又無搶到魚油的味道!而啤酒酒漿炸雞 $115外脆內juicy,配上紫蘇醬,別有一番風味!甜品方面,試左呢款焙茶戚風蛋糕配糖漬梨 $60,一直搵個梨係邊,原來收埋係入面!焙茶味濃,但個蛋糕比較鬆散。

由心欣賞呢間餐廳的裝修，舒服得來唔會try too hard😌絶對係 “我要開一間咁既cafe” style☺️⭐️福崗式水炊煱 $298😋😋😋😋🐓有走地雞半隻、🍡手打雞肉丸子、🥬娃娃菜、🍄日本菇菇、豆腐✅果然係走地雞，d雞肉好彈牙😃 而且應該有特別處理過，連雞皮都係爽口彈牙零油感。成功令我呢個怕肥而取捨雞皮的人食晒d雞皮😄✅有個橙味醋用黎點雞，但我乜都點落去😛 d菜同菇點呢個神汁即刻加💯分 但可以再酸少少🤪❎雞肉丸子好失望，口感ok但好淡😕✅湯底唔係濃雞湯但清清地，我又幾like，飲左幾碗湯😝❎豆腐好一般，唔係日本重豆味豆腐❎份量都幾少，雞肉丸子得2粒，雞都好細隻，呢個價錢黎講，我覺得可以比多少少料🤔⭐️LAPHROAIG威士忌名古屋脆雞翼 $88😋😋😋😋😋入口絕對有驚艷到我😳 #感動出品❤️雞翼外脆得來帶甜甜的焦香，再有微微的酒香，入面的肉亦嫩滑，調味適中！又係一道令我呢個平時怕肥，食雞翼盡量唔食皮的人食乾淨曬d皮🤤🤤⭐️醬油吞拿赤身高湯炊飯 $228😋😋😋😋😋OMG. #感動出品❤️(Sorry 張相out focus...)一上菜果下有d呆左，乜料咁dry得堆黑媽媽野係d白飯度，汁都冇滴🥲

不斷的催促，90mins, 問食乜，飲乜，半個鐘已隊張單嚟要埋單。野食可以，但日式悠閒氣氛全無，一堆人企喺道望住你食喺度等，人地唔催自己都冇興趣久留，同期望相差很遠

星期日同朋友兩個人食，十一點半去到，話要人齊先起計二十分鐘等位，一般都係人齊先入座我就明，人齊先等得我第一次聽，唔知咩logic嚟。職員係好多，服務就唔覺得特別好。枱未執好又想叫我地入座…我地叫咗set A味噌鯖魚&汁煮海鰻定食$145同set B悄悄酸啤酒脆漿炸雞定食$115，價錢偏貴，只有兩碟仔漬物跟一碗白飯，定食不過不失，正常貨色。甜品餐牌多係好多款，但當日供應嘅得幾款，叫咗抹茶卷蛋，比想象中細件，食落無抹茶味，係蛋糕質地ok唔乾身，另外叫咗純素焙茶焦糖黑朱古力撻，終於食到濃味少少嘅甜品，成件嘢最搶係黑朱古力味，得好輕微嘅焦糖嘅咸味，焙茶忌廉要齋食佢先食得出淡淡焙茶味，連埋黑朱古力撻食就完全被蓋過。我哋十二點半左右入座，食到蛋糕剩一兩啖個陣就催埋單，我去埋洗手間出到嚟朋友已經離開座位被要求交枱，其實個陣先一點半，由頭到尾都無人提過限時食幾耐，有限時唔奇，但我諗唔會得60分鐘咋掛。間餐廳都幾多唔同年齡層嘅客人，可能係我哋食得咁唔開心啫🙂。

早差不多兩星期 網上Book 位餐廳位置距離太子站頗遠大約步行 8-10分鐘一到埗被安排坐正在出菜位的 Bar 枱位置位置極差假若坐正在此處的食客確診全部食客所進食的食品均被污染詳細距離可參考下圖隔開每枱食客的膠板亦形同虛設板面績細小到如一個普通女生的2隻手臂闊度只係「造樣」一坐下已見Bar 枱面上有上一手食剩的飯粒、污漬衞生環境極度差餐牌上的選擇少得可憐當日只有 A 及 B 定食標榜選用本地菜味道用「難食」兩字形容不為過其他甜品也只得幾款選擇無論食品、飲品價位卻定得不值得其質素員工態度亦不友善如果食「環境」的話不建議來。

二訪悄悄食堂.🥢A餐：味噌煮鯖魚&炸海鰻 $145🥢B餐：悄悄酸啤酒脆漿炸雞 $115🥤Homemade Lemonade $48🍰純素焙茶焦糖朱古力撻 $65第一次去悄悄各樣野都好滿意，唯一一樣係個定食唔太飽(唔記得上次出post有冇講)，有朋友去完之後都係咁講，亦到見到有其他食評都係咁講。今次再去，問題依然係度，同伴要求左多飯(menu寫可以要多飯/少飯)，但眼見上枱份量都係差唔多，主菜份量都係偏少，炸雞只有三件，鯖魚一件，前菜蘿蔔同本地南瓜都只有兩片，可見擺盤係有啲空虛。我明白餐廳對食材有要求，成本可能不低，但畢竟一個定食收費過百，唔包湯或飲品，在同區午餐絕對不是便宜，故亦難怪有食評指出份量太少，有感覺「hea」的情況出現(至少前菜也多給兩片吧🥺)。講返味道，我覺得海鰻同鯖魚都偏鹹，比較喜歡之前既三文魚，炸雞就好好食，特別係個柚子紫蘇蘿蔔蓉汁，好match！希望有多舊雞食就好…落單個時已經得返兩款甜品😣早排食過The Vege Lab既蛋糕覺得幾唔錯，今次呢個焙茶朱古力撻味道算light，但係焙茶cream有少少漏，朱古力唔算好香，可能我前一日食咗個好好食既朱古力撻，所以有即時既

【悄悄食堂】悄悄酸啤酒炸雞定食 $115啤酒汽泡🍺中二氧化碳令脆漿炸起來鬆脆薄身 雞肉質更軟滑 味噌煮鯖魚&烤海鰻定食 $145味噌汁煮調味出色 職員窩心提醒鯖魚多骨海鰻入味 送飯好正😋米飯🍚用北海道夢美人米 香噴噴熱呼呼的白飯 米味濃郁 讓米飯更美味不少得自家醃漬蔬菜 醃製 用上紫蘇葉大根 本地節瓜最後甜品時間 純素焙茶焦糖黑朱古力撻 🍫$65一入口焙茶味極之澎湃 甘而不苦 焙茶香好夾黑朱古力 微微甜度剛剛好雲呢拿冧酒Canele $48焦糖色外皮 裏面濕潤小小流心雲呢拿冧酒內餡 正😋不過食完黑朱古力撻 再食canele 會顯得後者偏甜#悄悄食堂 #太子美食#hongkong #food #foodporn #socialenvy #yummy #amazing #instafood #dinner #eating #852#delicious

最近喺各大社交媒體大熱嘅悄悄食堂，見好多人出po話唔錯，我第一次Walk in去食店員告知佢哋淨係做Booking嘅客，第一次食白果，然後我即刻上網book禮拜六去食，滿懷期待出發，點知失望而歸。佢Menu得三個餐，我同朋友叫咗A、B定食。定食A味增煮鯖魚定食$145，staff 講啲魚佢哋特別處理過所以冇咗腥味，食落第一啖真係完全唔覺得有特別處理過，同普通出街食冇分別，但佢個餐三舊魚盛惠$145，3個字：非常貴。定食B酸啤酒脆炸雞定食$115 ，啲雞肉係好味嘅，但真係完全唔值$115，呢個餐我只可以講茶餐廳質素，酒店價錢，總結：貴最過分係個飲品，幾款綠茶飲品已經選了最濃味嗰杯，價錢仲要唔平要$64 ，本人覺得佢似牛奶多啲，只有少量嘅綠茶味道，我覺得Starbucks , Pacific 重好飲過佢10倍，總結：貴除咗影相呃like之外，完全冇賣點可言，大家book之前請三思！

之前已經黎食過<悄悄食堂>既午市定食，知道佢地開始晚市既居酒屋就book枱試下。店員好細心咁介紹餐單上既食物同飲品。係店員推介下叫左兩款清酒都幾啱飲~唔知那來的勇氣，天氣咁熱都叫水炊鍋🤣 不過手打雞肉丸子真係好好食，下次要瘋狂追加呀🤤<慢煮日本大根配台灣烏魚子碎><威士忌名古屋脆雞翼><福崗式水炊鍋 (2人份)>✧走地雞 / 手打雞肉丸子 / 娃娃菜 / 日本菇菇 / 豆腐✧加配大埔樹記腐竹<雪梨酒桶威士忌黑糖燒金鑽菠蘿>

❤️推介指數: 8.25/10 (推介喔😉）等候時間: Booked （週末12:30)詳細營業時間和預約情況請睇佢地社交平台呢間很久之前就很想去🥺但係預約很快就滿了😱試過遲了一個鐘撳入去條link週末重要時段已經爆滿🧐今次小編終於book到啦～定食的話得A,B和素食C餐貴精不貴多喔😉但小編也是強推😆詳細請看下文～而且這裏共有5款抹茶每隻都唔同價錢🤯小編表示第一次黎杯野黎左都唔識分😂今次試了兩隻～味道也有微許分別從外表係唔明顯分到嘅不過強烈推介#抹茶控 去試❤️一樣都係唔甜的視乎你嘅喜好🤪詳細請看下文～————————————————————————記得like & save低以便日後再試❤️

黎之前已經知係食裝潢 , 但無諗過食完會咁失望Staff好多, 但好多都係新人, 有個類似店長的人態度一般, 對D staff呼喝; 另外open kitchen內的staff亦不停在吹水, 仲要幾大聲, 不如你地放工先傾? 講下食物: 叫左炸雞餐, 3大舊唐揚, 好炸, 好大舊, 其實可以考慮cut細D ; 味道好普通；另外所有前菜都唔掂; 又凍又硬, 話係本地菜, 另外叫左個鯖魚海鰻, 無咩特別最唔掂係飲品, 不嬲都知飲品係一本萬利, 但係收費太誇, latte$70 勁細杯, 梳打用矮杯, 仲要有勁大粒球體冰, 兩啖飲晒，只係食感覺 , 完全唔好期望有咩落到肚總括黎講你比緊既錢係打卡既入場費, 用D 靚餐具, 靚擺盤 ; 我食之前都影左相，但食完連相都del 埋，唔想po 社交平台 ; 不過文青既食店, 我識條鐵…

深水埗真係越嚟越多咖啡店，放假想飲咖啡去深水埗，梗有一間新嘅到，但如果係果日想食飯，就真係有少少頭痛⋯聽人講悄悄食堂嘅嘢好食，近排終於去咗試，老板真心想做一間用心製作食物比客人用膳嘅地方，菜式主打偏日式料理，為左做到真正嘅食物，店主亦尋訪名廚設計餐單及研發菜式，我好相信呢間唔止係比人打咭嘅小店Menu會定時轉款，雖然只得三種擇，但整得好食嘅我唔介意少選擇，寧願食精心烹調嘅菜式都好過胡亂整嘅料理！先講講味噌煮鯖魚，鯖魚比較多骨，同行友人非常垃圾，唔識𦧲骨又叫魚ಠ_ಠ除左魚骨呢樣嘢，基本上鯖魚無懈可擊，呢個係一個好大眾化嘅日式料理，係周圍食到，但呢間味噌調味剛剛好，鯖魚因魚肚位關係，魚肉幾滑，鯖魚肚脂肪夾個味噌好好食！而燒海鰻就唔係一大條嘅鰻魚，而係薄切再加上適量鰻魚汁炸後放上白飯，唔好諗住係大大嚿食到膩嘅鰻魚飯！呢個口味好清新，下面嘅白飯重送到鯖魚食！炸雞脆漿好出色，係高水準嘅日式炸雞，醃料中嘅薑味突出，蘸上蘿蔔蓉嘅醬料非常惹味！雞肉炸得很好，食落有肉汁，脆漿咬落脆而不硬，同埋一碟份量有3大件，份量非常足兩個餐當日配菜都有本地元朗嘅菇菇+醃蘿蔔，本地菇其實食落好香菇味，比外國菇一啲都唔輸