悄悄食堂

Open Now

Now Closed

慶祝朋友生日，佢女朋友預約咗呢間餐廳，不過四位大家都係第一次食。大概七點到咗呢間餐廳食晚餐，門口同入到去環境都好好，酒吧枱亦都有日本居酒屋嘅感覺。開始嗌嘢食，可以話係有40%嘢食都係賣晒，尤其特別主菜一路嗌就要一路改。特別係炊飯，因為要一早order定，我哋想食吞拿魚赤身但只剩二重奏廣島蠔炊飯（$248）但黎聞到好香嘅蠔味，但係個飯太濕令到口感好差，除咗邊邊嘅飯焦完全冇炊飯嘅感覺。前菜嗌咗炸物最貴嘅IPA 啤酒脆漿炸雞配蜂蜜芥末醬（$98）係即炸，口感係普通炸雞，但味道完全冇啤酒味/特別味道，每一啖都需要點醬。之後嗌咗悄悄關東煮（$85）食物質素同味道係超級普通，湯底亦都唔值，可能日本嘅便利店會比較出色。仲有忌廉芝士三文魚吞拿魚酒盜，人均$31 /一口，味道寫晒喺個名到，完全冇新鮮感同任何驚艷。其中一個最失望，就係佢店員推介嘅限定菜式（sorry 真係唔記得咗個名）但係我有影到相係有條狀嘅白烚雞肉，淋咗嘅韭菜、台灣滷肉同醬汁，需要自己夾埋一齊食，但係無論我哋點配搭都係十分普通，完全中伏。唯一好食嘅就係厚切燒牛舌芯、飲品（清酒）同最後嘅甜品，不過其中一樣布丁都係唔係Q彈嘅一種，係似芝士蛋

生意手法拙劣：1. 即晚7點打去留7：30乜都無講，但去到坐低介紹menu 時話最低每人1食品加1飲品，唔通我坐低再話走咁核突？2. 介紹menu時用上飢餓營銷，要預訂既豆乳雞鍋話暫時仲有，引誘你哋叫佢個$408半隻雞既無味雜菜鍋，菜既份量小得可憐。3. 可樂奶茶咖啡一律不提供，但就會整一些調飲。叫杯lemonade飲到既無150ml，盛惠$48未加一。妳限人哋一人一飲品都唔使咁樣賺盡。服務：最不滿係杯嘢飲，你英文寫Non Alcoholic Drinks但就當自己係Mocktail? 黎到杯嘢飲有粒highball冰係入面，點飲呀？學周星馳話齋真係啲冰有咁大粒得咁大粒呀？叫佢換啲態度衰到，其實客人不滿換其他好正常。結果叫左支$68啤酒請隔離枱飲。兩個人700埋單，我承認自己白痴，無一開始決心起身走人，諗住都試下。再次證明深水埗區收呢啲價錢，然後扮打卡店都係伏。餐飲生意唔好諗住支持，但你哋手法實在只會令支持你哋既人反感。

已經encore咗呢間午餐定食好多次好好彩嗰日兩點去到仲有得嗌牛小排每一次都必嗌遲多十五分鐘就無晒！牛小排肉質爽口油脂分布較少保留咗肉嘅咬口但完全唔韌唔會好似和牛咁食到成口油入口即化但肉質嫩口同時可以越咬越香牛小扒係有醃製一啲香料上去先煎香表面上面每一片都有蒜片十分用心醬油漬蘭王蛋都係令到成個飯加分嘅重點蛋黃濃郁濃稠裹滿喺珍珠飯上面係味蕾嘅享受有啲西日fusion嘅煮法上次嚟嘅小菜係九層塔味噌菇有少少似台灣三杯雞嘅感覺九層塔嘅香味好出蓮藕就正常有辣椒嘅香氣好味！呢間絕對係我嘅愛店之一環境舒服用簡單嘅食材做好料理每次嚟嘅前菜都唔同睇得出舖頭用心經營有心思有一次仲有好有印象嘅就係吞拿魚燴飯佢用咗高湯去煮每粒珍珠米都吸滿晒高湯嘅精華咬落去勁滿足淡淡都有高湯嘅香氣同米氣結合但上次嘅小菜醃蘿蔔就比較普通希望佢keep住用心！

真實評價首先地理位置離地鐵站有一些距離環境方面整體感覺還可以，日式佈置，不過有部分座位對著開放式廚房食物方面，整體不錯，最推介酱油牛舌芯是我吃過最好吃的牛舌🤤，外層微焦，內裡仍保持著嫩滑，蘸些椒鹽，肉汁滿滿，配著燒酒，不會油膩

老實講，這間餐廳食物一般，但是價錢貴出面3-4倍，而且還強迫人每人要飲一杯飲料。最可怕是他們服務太差，政府成日叫人留港消費，但是他們態度實在不能接受，我們問下這個菜式是怎樣烹調以及哪一個受歡迎，他竟然說自己睇菜單，個歌都好受歡迎。我當下真系憤怒💢，竟然有這麼差的服務。食物還要預留，以為好好食啦，竟然見到個雞煲都唔開胃，雪藏雞，雞肉非常軟塌。好失望😭好貴，不會再光顧此餐廳。

一開始入到去話每個人最低消費要一樣野食 一樣野飲 都幾harsh跟住話炊飯要order定先 仲要一個鐘後先serve得 見到炊飯個價錢 嚇左一嚇 都幾進取 最後冇叫到 跟住叫左其他野食 但冇乜其他選擇 最後叫左碟得6塊嘅和牛 收198一碟食左一個鐘已經話要last order 之後都不斷收我地張枱嘅碟 個碗有野食都想收 好明顯趕住做下一枱客整體來講 食物質素可以 但絕對係overpriced 呢個地段呢個環境 冇expect到係呢個價錢 同埋侍應講野都係寸寸地 全程覺得佢地好想你快d走有budget都唔建議去呢間

終於食到了、每次想食都full睇中佢個牛舌好耐了訂位後打左去餐廳留左個豆乳雞鍋同埋牛舌同炸舞茸去到再叫埋山藥明太子牛舌果然出色👍🏻👍🏻好好味好軟熟豆乳鍋湯底一流，好清甜值得推介

雖然餐廳位置唔太方便，不過都真係一位難求👀第一輪六點三入座，八點前要離座，我地六點半落單，布丁已經賣曬😭另外設有低消，每人最少要點一份食物同埋飲品🍸▪️IPA啤酒脆漿炸雞 （7.5/10）💲98炸皮非常鬆脆，雞肉大大舊，質感亦都嫩滑，完全唔會有半點既油膩感，可以蘸上蜜糖芥末醬🍻▪️自釀醬油麴燒厚切牛舌芯 （9/10）💲128被喻為牛舌天花板，我係為左佢而黎，果然無令我失望😳個面燒到有點焦香，色澤勁粉，嫩中帶爽而不韌，本身已經好正，配埋個手磨山椒鹽🥹▪️ 醬油吞拿赤身高湯炊飯 （8/10）💲248呢個飯要等一個鐘⏰用飯既餘溫撈勻，變成半生熟吞拿魚，醬油味都幾重，米飯吸收左啲魚油同高湯，偏濕潤但好入味，分到三至四細碗，下次想試埋廣島蠔嗰個飯🦪▪️ 招牌HOMEMADE LEMONADE TONIC (偽 GIN & TONIC) （7.5/10）💲48無酒精飲品選擇唔多，呢杯酸酸地幾清爽🍋▪️日本蜜柑蜂蜜 SODA （7.5/10）💲64食到有啲蜜柑果皮，整體甜甜地咁可以潤喉🍯🔎 整體評分（8/10）

之前睇OpenRice見到啲相幾吸引，約咗朋友去試吓。大家留意返每個人都要叫一杯飲品~我哋點咗野菜豆乳嫩雞鍋、自釀醬油麴燒厚切牛舌芯、自家製Golden Rum焦糖忌廉芝士雞蛋布丁。先講個雞鍋，味道唔錯，但食完都冇乜特別嘅印象，屬於中規中矩。牛舌芯嘅網上評價好高，但食落就冇想像中咁好味。雖然質地好腍，但唔夠入味，亦都唔夠 juicy。反而雞蛋布丁係最大嘅驚喜！焦糖味香濃，忌廉芝士令布丁口感更加 creamy，rum酒嘅味道亦都恰到好處。總括而言，唔會再訪「悄悄食堂」。

🚩媲美日本 水準極高的居酒屋🚩📍 悄悄食堂近幾年，牛舌芯成為香港餐廳的流量密碼，只要有出售牛舌芯，仿佛就會獲得很多人蜂擁而至。這間悄悄食堂正正就是因為這波熱潮，開始不停出現在我的社交平台。一試過後，發現原來不只是牛舌芯。🍴自釀醬油麴燒厚切牛舌芯 ($128)先講牛舌芯，這個價錢有這麼多塊已是非常抵食。上碟的時候賣相已非常吸引，外皮香口帶點微脆，入面粉嫩的肉嫩而不韌，整個生熟度掌握得很好，在香港從未嘗過這種質素的。🍴柚子鮮雞濃湯鍋 ($448)這個鍋切記要先預訂。雞是選用本地泰安雞，肉質非常出眾，當天跟足侍應的指示開蓋，肉剛剛好熟，十分嫩滑。雞湯加入柚子能吊出其鮮甜，亦非常開胃，喝多幾碗也沒所謂。把食材吃得七七八八後，他們更會幫忙用餘下的湯做一個炊飯。🍴椰子山椒沙白 ($128)這個沙白同樣要預訂，我亦頗為推介。沙白不算小，吃下去十分清甜，亦沒有過熟。以居酒屋來説，這道菜餸酒一流。還有許多美味菜式未能盡錄，整體來說這間居酒屋絕對是我在香港吃過的頭三位，推介大家快來試試。

之前唔知道要book定位先食到，白行左一次完全唔walk in，然後就特登再book一日去食！主要係因為睇咗ig嘅post，見到D牛舌好吸引！！！個牛舌係幾好味嘅～可能因為慢煮，口感都好嫩～個炸雞超大份，好多汁最主要係個醬整得幾好食，然後仲叫咗份明太子山藥～唔錯唔錯～一向鍾意食山藥嘅我都無失望。仲有個有山藥嘅wasabi三文魚拌飯（唔係太記得個名）好好味。飲品都不過不失，不貴今次因為得2個人食唔到太多嘅嘢！希望下次可以食埋個雞煲要試嘅人記得要預先book左雞煲先啦！！我就係唔book到所以無得試，下次再試～

朋友想吃呢間好耐同埋佢生日就佢話事 就同佢訂左枱先去既 用inline 網站上面book 想嘗試牛舌但晚上full booking 所以嘗試左個lunch 先Lunch 限時90分鐘既 同埋有得俾你簡想坐邊 我地簡左榻榻米 除鞋 食個飯間餐廳收現金Visa Master Apple Pay 生日正日前一日同後一日都有八五折優惠去到先知 有驚喜店員都好細心會問你係咪第一次喺呢間餐廳食 。 會介紹Menu 同埋講唔同綠茶品牌有咩唔同嘅味道呢杯叫日本蜜柑蜂蜜soda ($64)酸酸甜甜 開胃飲品呢個係熱嘅抹茶拿鐵係用森之白品牌 好濃抹茶味（$56）呢個漬物每一日都唔同要送飯先得牛小排好嫩 加埋可以生食嘅蘭王蛋 都幾好送飯Set B ($188)呢個咖喱有無花果有洋蔥 酸酸香香辣辣建議細食嘅女仔嗌小飯 佢嘅份量比上一個牛小排餐多 同埋雞扒都好嫩滑仲有天婦羅南瓜食到好滿足set D ($138)雖然定價唔算性價比 但係間唔中同朋友嚟食吓 都係一個唔錯嘅地方其實喺太子地鐵站行過去餐廳都要10幾分鐘 所以如果可以搭12A巴士就最好可以喺門口落 希望幫到大家如果晏晝都可以唔限時就好啦朋友生日有八五折，

呢間居酒屋已經係我嘅check list入邊好耐了，之前係睇threads， 成日見到有人推介，話佢個牛舌係世一，一直都好想試，今次朋友話想食日本嘢，就過咗嚟食。首先，一入到悄悄食堂，大家都覺得個氣氛好正，有種去咗日本嘅感覺，我哋都專登等咗陣，為咗坐榻榻米位。😂之後店員都會過嚟同我哋介紹個Menu，見個Menu都有心，會定時出啲期間限定，又會有Crossover Menu，有啲嘢食要提早訂定。食物方面，🌟牛舌： 呢個係重頭戲，牛舌厚得來中間仲係好粉嫩，表層燒到有啲焦香，係幾好食，不過未去到世一 （其他居酒屋有食過我認為更加好食嘅）🌟沙白：大隻鮮甜，連啲湯都可以飲埋，不錯不錯。🌟燒飯團： 外面燒到好香口，裏面包住蛋黃，簡單但又好好食嘅一款嘢食，必嗌！🌟柚子燒茄子：呢樣係全晚最驚艷嘅嘢食，茄子上面放咗層柚子去燒，有少少焦糖嘅感覺，估唔到柚子同茄子嘅味道咁夾，呢樣係我會想再食嘅嘢食！🌟炸雞： 炸雞就普普通通，都算大份同入邊都keep到啲肉汁，但未去到好好食。🌟燒和牛：好嫩滑又好Juicy，勁有肉汁，feel到係個口入邊爆出嚟，係略嫌價錢有啲貴，要三百幾蚊一份🥺🌟吞拿魚炊飯：正正常常，食完已經

🇭🇰悄悄食堂🇭🇰這家在太子真的很出名！walk in 根本不可能，一定要提早預定才行，每天都有很多人慕名而來。真的一點也不失望。裡面還有榻榻米，bar 枱，卡座等位置，很適合和朋友喝酒聊天！🐮自釀醬油麴燒厚切牛舌芯🍗IPA 啤酒脆漿炸雞配蜂蜜wasabi 醬🐟醬油吞拿赤身高湯飯真的是我暫時吃過最好吃的牛舌芯了！牛舌芯結實但很嫩而爽口的口感，牛味也特別濃。配上一點鹽，更加香。啤酒炸雞個頭大，外脆內軟，肉汁非常多，超喜歡那個醬汁，很開胃。吞拿魚飯，味道不錯但是會有點咸，配飯也是一流。

這個周末，我和家人一起出街享受了一頓豐盛的晚餐，選擇了海鮮魚湯鍋作為我們的主菜。餐廳的氛圍溫馨，讓我們感到輕鬆自在，準備好一同品味各式美食。首先上桌的是海鮮魚湯鍋，湯底清澈透明，散發著海鮮的鮮香。鍋中放滿了新鮮的魚片、蝦和貝類，煮熟後的海鮮肉質鮮嫩，湯底則吸收了海鮮的精華，味道鮮美無比。每一口湯都讓我們感受到海洋的氣息，特別適合寒冷的冬天，讓人倍感暖和。接著是燒粟米，外脆內軟，搭配上特製的醬汁，香甜可口，是一道非常合適的開胃小菜。每一口都讓人回味無窮，讓我們在享受正餐之前就已經感到滿足。名古屋脆雞翼則是另一道令人期待的美食，雞翼炸得金黃酥脆，肉質鮮嫩多汁，帶著淡淡的香料味，口感極佳。搭配上酸甜的醬汁，讓每一口都充滿驚喜，彷彿在享受一場味覺的冒險。明太子烤山藥也不容錯過，山藥外層烤得微焦，內裡綿軟，搭配上濃郁的明太子醬，讓人一試成主顧。這道菜不僅美味，還充滿了健康的元素，讓我們感到心滿意足。清酒煮蜆更是點睛之筆，蜆肉鮮嫩，搭配清酒的香氣，讓整道菜充滿了獨特的風味。湯汁清淡而鮮美，讓人每一口都充滿海洋的氣息，令人陶醉。最後，明太子魚鬆茶漬飯讓我們的餐點畫上完美的句號。飯粒鬆軟，明太子的鮮香