張公子

Open Now

Now Closed

張公子呢間中菜館已經係第三次到訪，平日想食中菜都會諗起佢！真係好值得推介俾大家！🫧坐低咗之後，首先上枱嘅係熱氣騰騰嘅鐵觀音茶，底盤上燃燒著微火，維持著茶湯嘅溫熱～🫧然後就係張公子叉燒登場！每一片都切得厚實，入口即化，肉質鮮嫩多汁，肥厚適中！🫧（打卡ready!）秋霧鹵醉蝦有五隻新鮮大蝦，不停有煙飄出嚟，好似置身仙境咁～🫧奶湯雲吞煲散發住濃濃奶香，雲吞滑嫩，湯汁清甜！🫧張公子牛肋排份量十足，肉質鮮嫩多汁，烤得恰到好處，每一口都是滿滿的幸福感。🫧八味豆腐擺盤精美，外脆內軟，好特別！🫧最後係鮮腐竹蕃茄浸菜苗，清爽嘅蕃茄同嫩滑嘅腐竹，好健康！

一家大細 最愛中菜🥰張公子叉燒，每件厚切🤤肥瘦適中，肉質嫩滑外皮焦香，汁醬美味，配合白飯真係一流❤️酥炸蝦球，外皮鬆脆，裏面的蝦非常大隻，肉質爽滑，口感好豐富，醬汁清新酸甜，夏日開胃之選。紅燒乳鴿好有驚喜，肉質嫩滑，保持咗好多肉汁，大人小朋友都好喜歡。瑤柱扒節瓜脯，瑤柱汁醬鮮味，配合節瓜味道好夾，瑤柱汁醬撈飯好正。秋霧鹵醉蝦，非常有睇頭，打卡able😍觀塘中菜好選擇，環境舒適，餐廳店員服務殷勤，適合一家大細或者朋友相聚。

Yum Cha 餐廳裝潢雅致，闊落舒服，服務殷勤，是與家人飲茶的不錯選擇。中國茗茶 $9/位普洱茶配點心很消滯，會有熱爐令熱水保持溫度。金網香芒鮮蝦卷 $48味道出色，外層的金網酥脆香口，配上彈牙鮮蝦及香甜芒果，沾點酸甜醬汁，味道更清爽。張公子招牌腸 $50腸粉滑身，中間是有脆脆、香菇粒、西芹、馬蹄粒及紅蘿蔔等蔬菜，口感豐富，淋上甜豉油更加美味。蟹子蒸燒賣 $52燒賣熱辣辣，除了有豬肉及鮮蝦做成內餡，更加入了蟹子增加香氣及口感。流心奶皇包 $40麵包鬆軟，中間流沙奶黃口感綿密。鮑粒啤梨鹹水角 $48可愛的啤梨造型，外皮香脆又煙靭，帶點微甜，中間餡料加入了鮑魚粒粒，味道更不錯。X.O. 醬蘿蔔糕 $50蘿蔔糕加入香辣鮮味的X.O. 醬，香口惹味。

🥰 早前同事 “范閒” 推介觀塘 “孔夫子” 嘅酸菜魚, 等唔到機會食. 後嚟相同位置開咗 “張公子”, 聽講味道一樣出色, 甚至可能係同一個廚師, 今日慕名而來.🥢 餐廳入口有個標誌性嘅石造大櫃檯, 右轉係長方形大廳, 一眼睇晒, 座位闊落, 但滿座嘅時候都幾嘈.今日點咗幾款點心, 蟹籽蒸燒賣, 蟹粉小籠包, 蠔皇叉燒包, 鮮菇棉花雞, 帶子芋蓉盒, 整體質素優質.🤗 主角係 酸菜桂魚片湯銀針粉, 魚肉嫩滑, 酸湯椒味緩緩滲出, 味道平衡, 絕配銀針粉, 一滴不留, 值得推介.

以前呢個位置係孔夫子，經歷過疫情後期既結業潮，宜家又重新開張改名叫張公子。雖然佢以前最出名既巨型拿破崙呢道菜冇咗，但都仲有好多人氣菜式保留咗喺度，亦都加咗好多新既菜式味道同以前一樣咁好食，值得讚既係佢宜家多咗新品推介菜單同本月特價推介，可以用特惠價錢食到好多唔同既新款菜式，抵食咗又有新意！星期五晚嚟到食都差唔多滿位，侍應做到冇停手，證明呢度同以往一樣咁好旺一樣咁好食👍🏻🍽️藥膳醉乳鴿🍽️薑蔥生蠔煲🍽️黑毛豬叉燒🍽️ 瑤柱扒節瓜脯

昨晚我哋去咗一間新派中菜館試吓佢哋幾款特色小菜，一試之下真係驚喜連連。先講張公子叉燒，一上枱就已經聞到陣陣香味，色澤鮮紅，表面閃爍著蜜汁嘅光澤。入口即化，肉汁豐富，甜而不膩，外層微微焦香，非常有層次感。秋霧鹵醉蝦係另一道驚喜，呢道菜用上鮮活嘅大蝦，經過鹵水同酒嘅細心浸泡，味道十分豐富。蝦肉爽口彈牙，酒香濃郁但唔會過火，保留咗蝦本身嘅甜味，食落非常清爽。奶湯雲吞煲係一道好暖胃嘅菜式，尤其適合寒冷天氣。奶湯濃郁香滑，每一啖都充滿咗豬骨同雞肉嘅精華。雲吞皮薄餡多，內裡嘅蝦好爽口。公子特色凍豆腐，最特別係面上淋嘅薑醋汁，味道酸酸甜甜，帶有一絲薑嘅辛辣，令到豆腐更加有味道。最後一款係XO醬翡翠海參片，呢道菜色香味俱全。海參片厚身，煮得啱啱好，保持咗彈牙嘅口感。XO醬味道濃郁，帶有微辣，配上西芹。

前排約朋友去觀塘工廠區食一間隱世中菜館，位置喺駿業熟食中心對面，當日平日夜晚去食，都頗多人幫襯，餐廳環境舒服， 空間寬敞，檯與檯之間都有保持一定嘅距離，唔會好似平時嘅茶樓咁逼埋一齊。餐廳都好貼心，會預備小蠟燭俾茶壺保溫，職員亦都好主動幫手添水。🥢公子特色凍豆腐呢個前菜係一人分量，豆腐口感非常嫩滑，再淋上薑醋汁，味道酸甜，好似食緊豬腳薑，非常開胃。
🥢秋霧鹵醉蝦（五隻)👍呢個菜式非常適合打卡，擺盤非常有心思，利用底部嘅乾冰營造出煙霧效果。鹵醉蝦肉質非常爽彈鮮甜，味道帶淡淡嘅酒香味，同時會食到花椒麻香味，味道豐富。🥢口水雲吞皮蛋雲吞餡料豐富，入面有多隻蝦仁，而皮蛋口感滑溜，配上香辣嘅口水醬汁，味道非常惹味。
🥢張公子叉燒👍呢個係餐廳嘅招牌菜，份量非常多，叉燒肥瘦適中，外層淋上蜜汁，經過爐火燒製後，表面色澤晶瑩剔透，內裡鬆軟多汁，味道鹹中帶點甘甜。
🥢酸菜桂花魚片酸菜魚嘅份量適中，桂花魚片肉質嫩滑，無腥味，又唔會食到有骨，味道偏酸帶小辣，好岩我呢啲鍾意食魚但唔鍾意骨嘅人。

食物方面：黑毛豬叉燒：差唔多$300一份！雖然好貴，但真係超好食😋😋😋肉質嫩滑，好夠味😆海鮮炒飯：炒得好好，飯係一粒粒既，唔會痴埋一舊！好香好好味😋😋淮山豆苗：$150一碟菜，堅貴！但真係好新鮮好味😆😆😆甜品：兩分甜品都ok，唔錯👍🏼服務方面：ok環境方面：舒服性價比方面：真係貴，但好味，建議有大節日先去食～如果覺得我寫既食評幫到你既話，記得follow，like，同埋share俾你身邊鍾意食好味嘢既朋友，感謝！😋😋😋😆😆😆

好鍾意食中菜嘅我好耐都冇食過，最近見人哋介紹呢間好似幾唔錯就去試試茶位$18一個，用蠟燭燒住保持溫度幾值得稱讚，見無左火店員又即時點返著，係幾值得稱讚公子特色凍豆腐凍食既豆腐好新奇，薑醋汁豆腐，凍食薑味濃店長仲叫我快啲食左先，唔凍就唔好食🤭🤭紅燒BB乳鴿一開4食得方便，仲有手套供應唔怕食到手污糟邋遢仲有喼汁同埋淮鹽，就咁食就原汁原味，如果重口味嘅就可以配搭鹽/喼汁口水雲吞皮蛋雲吞啖啖蝦肉，食落爽口皮蛋食落香，仲會喺個口回甘張公子叉燒必定必定嚟到一定要食，絕對係全場賣點，難怪我睇到咁多人都叫佢嘅叉燒又大件又厚，最重要嘅係肥瘦均勻，叉燒汁仲好多，真係食到舔舔脷唔知係咪我嗰碟特別靚，吸引到啲店員都行過嚟話要影相係咁話好靚🤭🤭叉燒炒飯中國人傳統叫餸食要有飯，但我又唔想食白飯咁單調店員就推介咗我呢個炒飯話好食，果然我真係要食飯先滿足😅最後仲送左個桃膠糖水比我地，真係甜入心

呢間中菜館真係一流，環境優美，招呼周到，無論你係想同朋友聚餐定係家庭聚會都係一個幾唔錯嘅選擇。首先呢個張公子叉燒絕對係必點，佢厚切得黎一d 都唔韌，真係入口即溶。叉燒外層略帶焦香，內裡嫩滑多汁，肥瘦適中，味道教得岩岩好，配埋啲微甜嘅蜜汁醬，真係無可挑剔😍張公子招牌腸粉亦係不容錯過嘅。呢個腸粉材料豐富，有蘿蔔絲、冬菇、紅蘿蔔，口感多層次，外皮薄而滑，d餡夠哂鮮甜😀奶湯雲吞煲係我嘅私心推介。奶湯濃郁香滑，雲吞皮薄餡多，鮮蝦同豬肉嘅完美結合，湯底嘅清甜同雲吞嘅鮮美真係冇得輸。😊蟹籽蒸燒賣外觀精緻，味道亦唔錯。燒賣肉質鮮嫩，味道鮮美，飲茶唔少得既點心😉藥膳醉乳鴿係一道非常特別嘅菜式。乳鴿肉質嫩滑，藥膳香味濃郁，食落去幾重酒香味，平時係其他中餐館好少見😃最後，特色凍豆腐係個幾特別既開胃小點。凍豆腐口感嫩滑，配埋薑醋汁，酸甜適中，食落去非常開胃，坊間少見既菜式，值得一試😌呢間中菜館真係無論食物質素定係服務態度都非常出色。每一道菜都充滿心思，味道一流，想品嚐高級中菜依間絕對係我既to eat list 當中！

幾個月前和朋友吃過一次覺得味道很好，這晚和另一個朋友再訪，叫了一些沒吃過的菜式。🐖黑毛豬叉燒黃牌不可不試，叉燒肥瘦適中，咬下去軟糯，有入口即溶的效果，而叉燒醬甜度剛好。🐮張公子牛肋排是晚驚艷的菜式，燜煮得非常軟滑，入口散開的感覺。🦐艷影蝦球這道菜非常出名，外層炸粉超薄，大蝦爽口彈牙，配搭甜酸檸檬醬，非常開胃。⭐海皇花膠羹花膠不少，裏面有蝦粒和蛋花，非常可口。總體來講，每道菜的味道都非常出衆，厨師功力深厚！值得再訪！

星期日中午同屋企人黎飲午茶，第一次黎，見到午巿超旺場。餐廳入口係圓型拱門設計，好有中國氣息。叫左幾款點心同招牌西班牙黑毛豬。第一啖食個叉燒係驚為天人，冇誇張🥹叉燒肥瘦比例適中，充滿肉香油脂香！肉質好軟淋，燒得剛剛好，仲有小小焦香。每一塊都係厚切，啖啖肉勁滿足🥹🦐生拆蝦餃皇好大粒，真正皮薄餡靚!原隻鮮蝦，好新鮮，夾口彈牙👍🏻🐟百花釀魚肚好足料，魚肚厚身好入味，蝦膠彈牙份量好多，加左個蛋白芡，清清地好好食。🥢張公子招牌腸顏色好靚，腸粉皮好滑，入面包住脆口素菜春卷，多層口感😋🥢黃金鍋巴好香脆，仲有淡淡的咸蛋黃味😍超邪惡。🍮馬蹄爆珠牛乳布甸布甸好滑仲好有彈性😆牛乳味濃，加入左馬蹄，特別得黎又幾match 👍🏻仲有爆爆珠係面頭，好過癮。🌟🌟總括嚟講，真係一間好出色的中菜館，真係念念不忘個黑毛豬叉燒🤤

利申：非試食活動，真金白銀駛佐18xx同屋企人慶祝生日寫嘅食評😅今次係同家人慶祝生日，揀佐一間類似私房菜既中菜餐廳張公子~😘餐廳環境優雅，坐位都好闊落，店員安排我地坐近門口位置，係有少少熱，不過店員都提供佐 直立吹風機比我地，所以都感覺還好~😂餐廳有多個套餐比我地選擇，我地計過數都係覺得散叫抵食D，而且散叫先叫到大家都想食既野~我地當然叫佐唔少張公子名物，等我逐一介紹下:艷影蝦球 🥐名物之一，蝦球外脆內軟，上面係蘆筍，中間係蝦球，好大個而且爽口彈牙，配埋外面有芒果醬，下面鋪佐檸檬，味道甜甜酸酸，作為頭盤好開胃~張公子叉燒 🥓另一名物之一，黑毛豬叉燒肥瘦比例剛好，外表燒得幾紅幾靚，恰到好處，仲有蠟燭暖住叉燒 保持溫度~肉質結實厚身，入佐口係好嫩，肥而不膩，配合埋表面燒焦既感覺，口感十足~張公子牛肋排 🥩一條肋骨排，已經cut好哂一舊舊，方便夾起，牛肋排非常軟腍，配上蔥花及芝麻，味道香口而 入味~龍躉酸菜魚 🐠龍躉酸菜魚比想像中大盤，龍躉肉好肥美，食落淡淡肉，睇碟野以為會唔辣，但湯底係有D辣， 而且唔夠酸，材料都唔算多，印象中有菇，木耳同紅薯粉咁~鮮腐竹蕃茄浸菜苗 🍅湯汁好濃郁，係蕃茄湯黎

呢間餐廳好中國風既茶樓，環境舒適，位置方便，仲有包箱既獨立房，我地坐低左叫左一碟膏蟹蒸肉餅，膏蟹好大隻食落啖啖肉，膏蟹汁蒸完落左肉餅度好入味，肉餅大大份蟹肉新鮮。蟹肉鉗肉質鮮味。蕃茄陳皮粉好開胃，酸酸甜甜蕃茄仲要去埋皮，食落方便。艷影蝦球：炸蝦球上面有蘆筍條同埋檸檬汁，皮薄蝦球大粒，外脆內軟蝦肉好厚身大大粒，蝦肉彈牙好好味，檸檬汁好fresh。尖椒爆炒滑牛：呢款係呢度既新產品，牛肉份量多，尖椒辣辣地好惹味

又多個友人下個月就走啦，相約食餐送行飯，佢想食中餐，咁就介紹位公子比佢識。呢位公子小姓張，睇門口呢個位置幾咁有氣勢。茶/水各一壺，用火爐仔保溫，餐具擺位給人一種幾高級嘅感覺。醉鷄就食得多，藥膳醉乳鴿 ($68) 就唔係好多地方有得食。入口涼感，乳鴿浸得幾入味，唔會太濃酒味，肉質幾嫩，咁嘅煮法好岩呢個天氣食。鍾意食蝦但又唔鍾意除蝦殼嘅人，誠意推介呢客艷影蝦球 ($168)，顏色已經感覺夏日醒神。先上蝦球脆炸，炸漿唔厚輕易食到蝦球。再淋上甜酸醬汁，啖啖彈牙蝦肉，單食或送飯都正。食得”倪”豪D，叫個鮮露荀清湯鮮南非鮑 ($78/位)原隻南非鮑大過隻匙更，夠厚身入口帶嚼口，食到中間位置會有點咸味，配埋個清甜鮮露荀清湯，簡而清。另類食蟹法，來一客蟹肉扒菜苗 ($168)。蟹肉量都唔係幾留手，加埋蛋白一齊煮，再舖上菠菜上，令平凡嘅菠菜秒變成上菜。壓軸出場係呢個新菜………………..膏蟹清蒸肉餅 ($298)。大大隻膏蟹”責”死肉餅……..哇哈哈。打開個蟹蓋…………超多膏，用匙更”畢”黎食都仲得。蟹鉗已經爆好殼，方便進食，蟹肉味道超甜。個身都爆膏，膏同肉一齊食，超鮮甜。肉餅放底吸盡蟹嘅精華，仲”沾”咗