799
98
60
Exit E, Causeway Bay MTR Station continue reading
All Branches (2)
Telephone
28909130
Introduction
Burgeroom is a popular burger restaurant that has receive several awards. Some of its most notable dishes include their signature rich foie gras burger, portobello cheese burger and soft shell crab burger. continue reading
Awards and Titles
Prestigious Restaurant (2016), Best Western Restaurant (2016), Best Restaurant in Wan Chai, Causeway Bay (2016)
Opening Hours
Today
11:00 - 00:00
Mon - Sun
11:00 - 00:00
Public Holiday
11:00 - 00:00
Public Holiday Eve
11:00 - 00:00
Payment Method
Visa Master Cash UnionPay Octopus Apple Pay Android Pay Alipay
Number of Seats
70
Other Info
Wi-Fi
Alcoholic Drinks
May Bring Your Own Wine
Cake-cutting
Parking
Phone Reservation
Delivery
10% Service Charge
Outdoor Seating
Spot payment
Review (1002)
大大個熱辣辣Burger Featured Review
Level4 2018-07-05
3657 views
上完堂十點幾又攰攰地個friend話想去食個好d既宵夜上openrice見到呢間burger開到凌晨 就一於嚟呢間食個豐富既宵夜啦Burger既種類超多 揀左好耐先決定到叫咩呢度係自己埋去counter落order之後放個牌喺檯面 一陣間就會有waiter攞你既野食過嚟俾你我地兩個人叫左兩個burger兩個小食嚟到之後就覺得好似叫多左少少 因為佢個burger係超大個啊🙈先嚟一個外面唔係成日見到既軟殼蟹漢堡一上檯見到咁既高度真係會嚇親 漢堡入面加左番茄 生菜 沙律醬軟殼蟹好大舊一d都唔孤寒 炸到外皮係脆脆地既 裡面都算多肉蟹既味道好出 而且唔會炸到好乾 配合埋沙律醬就啱啱好啦蔬菜可以為個包添上清新既味道 平時唔太食番茄既我都食曬因為我個friend好鍾意食bbq醬所以就叫左個菠蘿燒烤醬牛肉漢堡呢個上到檯更加誇張 到底有冇人係可以一啖就食得曬咁多層架呢😂牛肉夠曬厚 食落啖啖肉而且好重牛味 正啊牛既質感我自己都好鍾意 唔會太淋但唔會韌燒烤醬帶甜味 令到個漢堡更加開胃洋蔥脆得嚟唔會辣 其他配菜都配搭好合適食漢堡點可以唔配薯條架 我地就叫左個芝士旋風薯條呢個薯條真係芝士迷必叫 佢個芝士醬係超濃郁我自己比較鍾意食旋風薯條 覺得會比普通薯條脆我地就趁上到檯熱辣辣又脆卜卜既時候食曬佢最後仲叫左個鱈魚手指配他他醬呢個簡直係童年回憶啊 都唔知幾耐冇食過魚手指魚手指外皮炸到脆卜卜 但唔會好厚粉鱈魚夠曬味 而且完全冇雪味配埋個沙律醬就perfect啦夜晚食咁多嘢真係好devil 但間唔中都要放縱下既下次再嚟會叫多幾個friend 可以試多幾款唔同既burger continue reading
(The above review is the personal opinion of an user which does not represent OpenRice's point of view.)
Burger最高! Featured Review
Level4 2018-05-30
4979 views
為了減肥可以去到幾盡,要食得健康,好耐無大魚大肉,早幾日大人終於請我去大吃特吃。平時好少會吃🍔 burger, 只會久不久突然想吃才會行動,並唔係唔喜歡,只係吃得多有罪惡感🙄此店位於百德新街,我放工過隧過海,不用6點就到了,很方便。以前有吃過一次店當時在嘉路連山道附近。百德新街店可以坐店外或室內,大熱天時當然要跑入店內涼冷氣啦店內位置不算多,大約25個左右,店員會先安排坐位,遞上Menu,要自行到收銀處下單付款,之後會送上食物。餐具已經放在枱上,亦有corner提供sauce ,飲管以及開水,自助形式。飲品在下單後自己去雪櫃拿,很方便Lime perrier($25),Lemon Tea($28)Lemon tea 比較甜,但已經是之前渴過的peach tea好。其實我覺得係burger 店食沙津係好奇怪,唔係應該食美國食物,雞翼,薯條嗎?老公話要減低油膩感,平衡下,所以必須要點沙津。十萬個不願意下點了個田園沙津($48)沒想到是一大碟,佔了半張枱。店員很主動問我地要唔要碟share, 瞬速遞上兩隻碟給我。沙津有生菜,紫洋蔥以及蕃茄配沙津醋。生菜好爽口,紫洋蔥沒想像中的苦,少許甜。如果有麵包糠就perfect了。沙津汁味道可以再豐富點,略嫌有少許清淡。旋風薯條($28)好懷念呢款薯條,所以我決定點這個。薯味香,回憶的味道,只是嫌薯條太碎,很多都是斷開,沒有圈圈的形狀,算不上旋風薯芥末醬不太辣,反而酸味較重。主角來了,墨西哥辣椒芝士雞柳漢堡($90)很細心切成兩份,方便我同老公share 非常重量,雞扒很大件。說是雞柳,其實更像雞扒。很嫩滑,不會燒得乾柴麵包是有烤過的,麵包上的芝麻香整個包是靠墨西哥辣椒帶出辣味,我也接受得到的辣,整體味道很夾下圖中間看到的綠色便是墨西哥辣椒還有很多蕃茄跟芝士等配料。口感豐富另一款是大烤菇芝士漢堡($105)這款看起來比雞柳漢堡細,但吃下就知道份量也不少。上層是大烤菇,芝士,牛肉漢堡,蕃茄以及生菜,配上千島醬絕不欺場。大烤菇非常好味,依然保持水份。菇汁滲入麵包,非常濕潤。漢堡扒肉汁滿瀉,我見我老公吃到d肉汁流到兩手都係。漢堡扒既肉不會太硬有咬口Juicy! ☺️ 兩個食肉獸食到好開心,很滿足,攬住肚腩走人。其實下次可以叫一個包再加小食好了。我見其他小食都好吸引,很想試雞翼同其他薯條。BURGEROOM既漢堡包種類非常多,下次想要試鵝肝,軟殼蟹整體味道不俗,份量大,價錢亦算大眾化。如果晚上都有combo set就更加好店員好friendly, 主動收拾枱面。 continue reading
(The above review is the personal opinion of an user which does not represent OpenRice's point of view.)
好正斗的Burger Featured Review
Level4 2018-05-24
3531 views
Burgeroom享負盛名已久, 想試好耐今日lunch終於有機會同同事一齊去試下啦!位於百德新街, 位置方便都有唔少既選擇, 但黎到Burgeroom, Burger是必需要叫的薯角-$28超熱咁上台, 正呀喂, 而且份量好多, 外脆內嫩蜜糖雞翼-$48共有五隻, 外皮好脆, 蜜糖味好香, 好惹味, 而且入面都有好多肉汁, 好正鮮蘑菇牛肉漢堡-$88媽, 我終於食到Burgeroom既Burger了, 好滾動呀! 真係超厚身, 超多料! 舊牛肉又厚身, 又多肉汁, 真係太好味了菠蘿煙肉牛肉漢堡-$90我同同事SHARE食, 一人一半唔同既Burger, D個多左煙肉同菠蘿, 多左口感, 多左少少既生果水份, 只係貴兩蚊黎講又真係超值我地食左咁多野, 飲埋野, 先每人$150, 抵呀!總結而言, 食物真係好好, 服務都唔錯, 唯一可以改善既地方係應該派手套比客人食Burger, 因為Burger實在太大個, 我食到成手汁.... continue reading
(The above review is the personal opinion of an user which does not represent OpenRice's point of view.)
忙裡偷閒@Burgeroom Featured Review
Level4 2018-05-12
3493 views
有人無返成個月工,下星期終於回復正常, 趁 last day 放假, holiday mood 仍濃, 一於同佢嚟「Burgeroom」,吃他至愛嘅漢堡和薯條。其實早前瀏覽食評時,已經留意到 「Burgeroom」喺尖沙咀美麗華廣場開咗新分店,不過為了遷就這個懶精, 都係決定近近哋,揀番 Fashion Walk  食街分店。昨天不停下著雨,見今日天朗氣清,本來打算坐喺外邊吹吹風,可惜戶外座位全部爆滿,幸好服務員很醒目,安排了店內角落一張二人桌給我倆。餐牌項目同之前到訪時分別不大,漢堡分為四個大類,有牛、魚及海鮮、雞鴨同素漢堡,午餐時段有 Lunch Burger Combo 供應,只需另加 $30 就會有粗薯條及飲品。小食以炸物為主,另外亦有 All Day Breakfast、沙律及一系列飲品。講到食,當然係小鬼嘅強項,所以點餐任務就一於交由佢發板。先嚟一張大合照,今次嘅陣容唔算好鼎盛,絕不誇張。先吃漢堡,呢款係大烤菇芝士牛肉漢堡 ($105),另外加咗 $30 轉做 Burger Combo,配粗薯條同罐裝汽水。漢堡送上時已切成兩半,每邊均以長竹籤把材料串起,方便食客享用。牛肉全熟,唔算厚身,但仍保持肉汁,入口牛味濃,有嚼勁。生菜爽脆、醬汁甜甜酸酸,跟牛肉好夾,味道平衡得唔錯。不過數到個人最喜愛,還是內裡夾著的大啡菇,既低卡又厚肉,而且 juicy 程度絕不遜於漢堡扒。麵包帶甜,有烘過,加上頂頭的芝麻,食落幾香口。薯條屬粗身版本,入口啖啖薯仔肉,不似坊間般油膩,蘸點茄汁吃,味道最夾。小食方面,點了三款,包括有鱈魚手指配他他醬 ($48)、洋蔥圈同香脆單骨雞翼配蜜糖芥末醬 ($60)。鱈魚柳切成手指大小,炸得色澤金黃,食落香口酥脆,吃時可蘸自家調製的他他醬,酸酸甜甜,有助平衡膩感。洋蔥圈 ($48)  分量極多,食落外脆內爽口,非常 juicy。單骨雞翼開邊處理,醃得味道剛好,而且沒炸至過火,食落香口惹味又不過乾,配蜜糖芥末醬吃,風味更清新。雖然吃了這麼多炸物,非常邪惡,不過有時間還是會再來的。 continue reading
(The above review is the personal opinion of an user which does not represent OpenRice's point of view.)
Level4 2018-04-21
4017 views
忙碌的星期四!!還有兩天才週末, 匆匆交了report, 便從中環的office趕過來, 一於忙裏偷閒,和朋友吃個快午餐!午餐地點選在「銅鑼灣食街」不無原因, 為的,就是這裏午膳時間人比較少,而且餐廳都開在這條只有行人可以享用的休閒通道上,感覺較開揚,也多了一點閒適感!Burger Room 可以說是我和老朋友的「偷閒加油站」~~~位於人氣蛋糕店lady M的後邊,在 12:30分正午的時分,人潮尚未湧至, 我和朋友快快找了一個寧靜的角落坐下, 便開始挑選我們的午餐! 由於這裏是要自己去cashier落 order的關係, 時間交易控制。 漢堡包都是現叫現做的,約需時十分鐘,尚可接受!好! 就選兩個「特式漢堡包」加一個「菜salad」吧!!份量應該足夠!大啡菇caesar salad (雜菜沙律) $68同事特別提醒我,來到這裏一定要試它有名的大啡菇。 這隻啡菇差不多有我手掌般大,把它切開以後,發覺它的肉非常之厚,十分肥美,咬落去口感十足,而且十分juicy,勁好味!厚切蕃茄十二分新鮮, 配上爽脆的生菜和火箭菜,紫洋蔥圈,非常 refreshing,是一個十分清新的 starter,推薦給妳!牛肉鮮蘑菇 漢堡包 combo ($88+$30)(Comb包薯條及飲品)請看下圖,只是目測,已看到這塊牛肉漢堡扒起碼有 兩厘米厚, 可以想像咬下去的「口感」,一定可以令福福郎十分大滿足!如果這個 Burger Room 的signature hamburger 只有漢堡牛扒,一定會感覺十分肥膩和「滯」, 但是加上了店家特別炮製的 生菜葉、番茄和鮮蘑菇作為配菜後, 一口咬下去的層次感立時變得豐滿起來, 而且有肉有菜,感覺也較為健康。 果然不愧為這裏有名的招牌菜!!菠蘿照燒汁雞肉 漢堡包combo ($90+$30)(Combo包薯條及飲品)朋友因為on-diet,所以選了呢個較清新的雞肉漢堡包。雞肉是去皮去骨的雞批扒,配上菠蘿、還有生菜、番茄等配料,加上teriyaki照燒汁, 剛好填補了雞肉較淡的肉味 ,令漢堡包吃下去時味覺得到了平衡。不錯!但總的來說,我還是較喜歡傳統的牛肉漢堡。熱榛子朱古力 (跟餐)熱朱古力的甜度對我來說剛剛好!加了hazelnut榛子粉的hot chocolate ,口味相比它的 Classic Hot Chocolate 多了一份諧和,更為香滑。。。滑滑的朱古力熱飲,跟我選的漢堡包極為匹配, 很香很順喉,I'm loving it!自家製(Home-made)凍蜜桃茶(跟餐)朋友的這個蜜桃茶,我偷偷試了一啖。蜜桃味很香,整體來說很清新、很 refreshing,剛好中和了漢堡包的heavy和濃重口感。Tres bien!!另外,店家還提供了免費的清水給有需要的客人,很是貼心! 最啱我哋呢啲慳家嘅打工仔享用!我們離開的時候,人潮還不是很多。。。這正就是我喜歡來銅鑼灣食街跟fashion walk 逛街吃飯的原因!! 這是一個best keep secret,請不要隨便告訴別人!拜託!最後,就以這首80年代的廣東歌來為這篇食評作結吧!你能猜到歌名嗎??(答案在本文內找)。。。可以讓你我 忘懷重重期限 來思想一個。。。甜蜜快餐 誰人都應該找到。。。加油站!!讓你我。。。完全投入平淡讓簡單的我。。。回復簡單誰人都應該找到。。。加油站! continue reading
(The above review is the personal opinion of an user which does not represent OpenRice's point of view.)