味道樂居酒屋 (河內道) (Closed)

近日天氣涼了不少，經過尖沙咀一間居酒屋，想入內飲點熱的清酒暖下身。店舖地方不大，裝修以木為主，還用了很多燈籠裝飾，很有日本居酒屋的感覺。食物種類都很多，有刺身，壽司,燒物和熱食等，還有7,8款清酒選擇。我們點了：-味道樂清酒（熱）入口香醇，飲完很暖身。-七味魚翅 炸得很香脆，味道鮮甜，送酒一流。-鹽燒厚切特上牛舌 非常爽脆入味，味道濃郁。-香煎鵝肝什菌石鍋飯鵝肝煎得表面焦脆，入口juicy，唔覺肥膩，味道很甘甜。配什菌煮的飯，不會很乾，而放在石鍋內，更可保存溫熱。很溫飽的一餐，十分滿足！

每次想食日本嘢就會嚟到尖沙咀這間「味道樂居酒屋」餐廳雖然不大但裝修好有日本風格，牆上掛上很多特色的懷舊裝飾，餐牌上的食物很多選擇亦有多款節日套餐！北海道真蠔生蠔是餐廳今日的特別推介，所以點了兩隻試下，果然有驚喜，份量有手掌般大隻，粒粒脹卜卜，入口新鮮爽甜，蠔味香濃，值得推介。三文魚腩壽司三文魚色澤新鮮，入口肥美，好好食😋加州反卷一疊有六件，件件都份量十足，壽司飯煙煙韌韌面頭加上大量蟹籽，爽口得黎口感亦都好豐富。流心芝士燒年糕年糕皮燒至微焦香口，芝士味濃郁，熱辣辣軟綿綿。牛肉壽喜燒天氣涼涼地食壽喜燒就最好，食完暖笠笠，牛肉好鮮嫩，豆腐好滑，蔬菜吸入湯汁好甜好入味😋

每次來到味道樂食飯都係店內坐滿人，氛圍幾好。呢間餐廳以各種具有日本當地特色嘅餐廳佈置，令人彷彿置身於日本旅遊一般，有好多充滿年代感嘅模型擺件同埋特色日本酒供人觀賞，就算等飯菜上枱都唔會覺得坐得悶。呢度點餐都比較方便，直接用QR code 自助落單，食物種類比較多，選擇都多啲。上菜速度亦都好快，坐低十分鐘左右就可以聞到濃濃香味上到枱啦。芝士吉列海虎蝦卷半溶芝士舖滿係壽司上邊，壽司飯粒粒分明又香軟，飯捲內包裹著滿滿吉列海虎蝦，蝦件炸的脆卜卜，配搭芝士嘅香味整體味道非常豐富。鹽燒雞軟骨好鍾意呢度嘅雞軟骨，燒的又脆又有咸香味，再淋啲檸檬汁落去有多一層次嘅口感。石鍋鰻魚炒飯石鍋令整個炒飯充滿鑊氣，鍋內的炒飯粒粒分明，每啖飯都可以食到鮮嫩焦香嘅鰻魚肉，鰻魚都比較大塊份量多，兩個人食剛剛好，拌埋一齊食夠飽肚而且好香口大蔥厚切日本煙豚腩煙豚腩厚切口感幾好，有咬口肥膩適中，焦香程度亦都啱啱好，大蔥好大一塊配搭一齊食好香口，唔會好膩。鹽燒厚切特上牛舌牛舌切的厚身又大件，都特別爽口一點都唔會硬，食落感覺有香濃嘅粗鹽味又有黑胡椒味，好惹味。

約咗朋友食飯，佢想食壽司又要交通方便，而我就想想食串燒，所以就㨂咗尖沙咀港鐵站一出就到的日式居酒屋，仲裝修懷舊可以打下卡。海葡萄油甘魚刺身野菜沙律 ($128) - 油甘魚刺身好新鮮，同柚子醬汁好夾。再配有唔同顏色同口感的蔬菜, 營養之選。估唔到呢度d刺身係一流。左口魚邊火炙壽司 ($52) - 呢個係我同朋友的大愛，油脂感好重，再加上少少醬汁同壽司飯，真係一流。質素比連鎖壽司店的好味，超驚喜。火炙北海道帆立貝蟹膏卷 ($98) - 對比左口魚邊火炙壽司就遜了一點，可能帆立貝同蟹膏都無油脂感，但帆立貝同蟹膏份量都ok同鮮甜。燒物 : 大蔥雞肉串 ($58) & 煙肉荔枝卷 ($68) &鹽燒澳洲羊架 ($138) - 全部大大件，肉質好嫩，有肉汁，燒的時間控制得好好。

自從日本開關之後已經有好多朋友飛東京同大阪🛫冇咁多假放既我只好係香港繼續尋家鄉既味道🥹琴晚係k11 shopping 完，我想食壽司，但朋友想食串燒🤔居酒屋就滿足晒我哋嘅需要啦！💎 $58 味淋魚干魚干煙煙韌韌，幾好咬口味淋咸咸地再配沙律醬做佐酒小食應該會食唔停🤭.💎 $28 黑松露溏心蛋溏心蛋一直係我心入邊no. 1 既蛋料理🥇熟度適中～個半凝固嘅蛋黃真係好正黑松露份量都唔少！聞落好香，食落又唔會搶左蛋黃既味👍🏻.💎 $78 系撚鯛（兩件）其實叫呢味菜嘅原因就係因為佢個名🤣好好奇究竟係咩魚嚟，所以叫左兩件試下～原來佢係日本紅衫魚黎厚切就真係食得出佢肉質結實，有彈性味道好鮮甜🤤.💎 $98 火炙北海道帆立貝蟹膏卷卷物一碟有六件！帆立貝好新鮮🫶🏻蟹膏好濃好香飯入邊包住既係紫菜、蟹柳、青瓜一啖擺入口食到多重口感😍.💎 $42 鹽燒雞髀菇有兩大串🍢共4片～雞髀菇切得幾厚燒完好香，仲好有水份💦.💎 $68 煙肉荔枝卷呢個配搭好特別煙肉本身就有咸香～荔枝既果甜又中和左煙肉既油膩感出奇地好夾😏.💎 $68 芝士免治雞肉棒呢個兔治雞肉棒唔簡單呀係撈左雞軟骨係入邊架😆整體上係冧冧地，但咬落去會「卜卜」

位於尖沙咀K11商場對面嘅一間日式餐廳，餐廳無論門店到裡面嘅裝修都超級有日本居酒屋小食店嘅風格餐廳以日本風油漆木為主，店內唔算特別大，座位同座位之間尚算有空間未到擠逼，食物款式由小食到刺身壽司或熱食熟食都一概盡有今次專員同朋友兩個人一齊叫左叫款食物一齊食，每款食物都好吸引，而且埋單都只係$540左右，呢個價錢食日本餐廳黎講算係超值芥辣八爪魚 $38呢一款芥辣八爪魚的確幾好食，雖則細細一豌份量上唔算多，但味道上好新鮮，入面有西芹紅蘿蔔絲，同埋當然唔少得仲有八爪魚粒wasabi芥辣嘅味道好有刺激味蕾嘅感覺，芥辣嘅味道可以將西芹嘅青味僻一僻到，八爪魚好有鮮味肉質夠彈牙，係一款好好嘅開胃小食火炙北海道帆立貝蟹膏卷 $98好大一片新鮮嘅北海道帆立貝放係個卷上面，望落好光澤好新鮮，而且表面仲加埋適量嘅蟹膏上去，令到成個飯卷都好精彩飯卷入面包住蟹柳同青瓜絲，飯醋嘅量都適中，唔會令到個飯糰過度特別酸帆立貝輕輕將表面火炙過，將表面燒到有少少燶面後鮮味更出到黎，蟹膏嘅濃香味道配合住鮮味簡直係香上加鮮！香蔥吞拿魚腩碎手卷 $68手卷好大一條，灑上芝麻同青蔥配搭住吞拿魚腩碎內裡仲有蟹籽一條好豐富嘅手卷，吞拿魚

-由於👦🏻同👧🏻都中意食日本野，而👦🏻咁岩就係居酒屋關注群組搵到依間位於尖沙咀心臟地帶既居酒屋。仲要竟然可以book到位？！真係令人又期待又怕受傷害。純粹係因為👦🏻去食Omakase好中意食依個前菜，難得見到依度有就嗌黎送下酒，唔會太咸，食到麵豉味既同時又會食到蒜既甜味，好耐冇食過Omakase，所以都幾懷念依個味道。大隻既日本蠔如果唔新鮮好怕會好腥，一見到上枱手掌咁大隻，真係有少少驚。一食入口，加上三文魚籽，其實真係有少少腥，不過好巧妙地運用左辣蘿蔔去中和腥味，好快已經食到應有既鮮甜味，整體感覺唔差，食到咁大隻漲卜卜，滑身口感既蠔都滿足左食蠔既心情。依個赤貝認真麻麻地，個雪左好耐既感覺，好似雪爛左赤貝既爽口質感，雖然味道依然係清甜既，但就冇果種鮮味。海膽質地上水水地，似唔太新鮮，食落味道有少少臭味，食到最後仲有少少苦，食材選取同儲存上都唔係最好既做法。今次最令人失望既野食，帆立貝燒得過熟，而且用既應該係比較初階既帆立貝刺身，所以食落有少少中菜炒帶子既味，蟹羔味亦唔夠鮮甜，無論分拆開一個個元素定成個組合都唔成功。蜆煮得岩岩好，少少生，一啲唔會韌，食落酒味唔算好重，鮮味就幾出。飲個湯既時

日本居酒居真的是港人大愛之選，我差不多每星期也會光顧，這次到了尖沙咀河內道的木系居酒屋，方便易找，裝修很地道。餐牌菜式非常多，先來一客味噌蟹甲羅燒配蒜多士，蟹膏顏色偏黑，是味噌製的，內裡混合了些蟹肉，入口鮮甜，份量多得配兩片法包也吃不完。鐵板牛油煎黑松露帆立貝，是偏大隻的帆立貝，一上枱已嗅到濃濃的松露香，可能鐵板上，落了較多牛油，炒香了底部的菇菌類，正😋煙肉櫻花蝦煎廣島蠔，很日系的菜式，廣島蠔完全被櫻花蝦海遮蓋，熱辣辣啖啖肉，配菜炒得很惹味送飯一流。燒油甘魚鮫即叫即燒，大大件魚肉嫩滑，加少少醬油已很足夠。最後來一碗黑松露和牛炒飯，又是一大碗，採用了日本珍珠米，黑松露用料十足，和牛味道濃郁，我加配了些蟹膏再送飯，美味至極👍🏻

呢間啲嘢食樣樣都好有水準！我哋先叫咗佢哋好出名嘅火炙北海道帆立貝蟹膏卷，啲帆立貝同蟹膏好夾，食落啲鮮味出晒嚟，下面嗰卷有紫菜有蟹柳仲有啲醬汁調過嘅飯，加埋一齊食真係鮮美嘅極致！值得一提嘅係個赤蝦壽司，蝦身非常厚肉，差不多包曬成舊飯，食落啖啖好滿足！火炙三文魚腩都好出色，最欣賞係佢嘅壽司飯係用特製嘅醬汁調過，所以唔係剩係得酸味，每次食落都有驚喜嘅感覺！清酒煮大蜆嘅清酒都相當鮮甜，亦都隻隻飽滿，正！仲有就係蒜香鹽燒赤海蝦，係我非常之推介，因為就咁睇個樣都睇得出好有誠意！隻蝦非常之入味，燒到蝦殼脆身，蝦膏亦都好濃郁，再滴上少少檸檬汁提鮮！真係超好味！佢嘅日式炒野菜，都係絕對不容忽視，當食完啲重味嘅嘢，再食返佢呢個野菜中和一下，佢炒出嚟嘅味道係同我喺沖繩食嘅味道好相似！仲有佢個軟殼蟹手卷，軟殼蟹相當脆，再加埋佢有大量嘅蟹子，食落去嘅口感一流。仲可以食到比較少有嘅池魚壽司，每一舊都係厚切，肉質鮮嫩而且彈牙，係上盛嘅食材！所以整體來講，呢間舖頭好值得支持！

眼見幾個同事已經訂咗東京機票準備去旅行，但係Honey未度到假期而暫時都未有得去旅行嘅我，唯有食多幾餐日本菜扮吓去旅行。今次選擇咗味道樂居酒屋除咗貪呢度嘅位置方便同好食之外，其中一個原因係呢度嘅裝修設計真係同日本嘅居酒屋設計好似。真係可以扮吓去咗旅行。呢度點餐都好方便，Scan QR code後直接電話落單，點咗嘅食物包括：- 壽司盛盒（八件）- 大蔥特上吞拿魚腩卷- 芝士吉列海虎蝦卷- 牛肉壽喜燒- 鐵板蒜片香煎厚切煎牛舌鐵板蒜片香煎厚切煎牛舌-果然係厚切牛舌，每一塊都好厚，而每塊牛舌配上蒜片後十分香口。牛肉壽喜燒-湯底不會過甜，牛肉嫩滑壽司盛盒（八件）-魚生刺身新鮮不在話，最緊要跟足日本傳統做法，壽司飯都係微暖。大蔥特上吞拿魚腩卷-滿滿特上吞拿魚腩蓉，入口滿滿魚油香。芝士吉列海虎蝦卷-即炸吉列海虎蝦香脆，配上青瓜絲嘅爽口，兩者合併後真係脆卜卜嘅口感。值得再試。

K11 附近，原來有間幾有特色嘅居酒屋，今晚放工，朋友訂咗位。入秋天氣冷叫返個壽喜燒😚，呢個好推介，因為我見每一枱都有叫🤣，果然性價比幾高，份量算多，牛肉質素高，肥瘦適中，唔會太油肉質鮮嫩，配上大量蔬菜，雞蛋，暖在心。原條鰻魚飯，呢個有驚喜，好睇又好食，全條鰻魚非常之大😍，打咭IG able ，而且大件夾抵食，必叫之選。壽司方便嗌咗火炙三文魚壽司同左口魚壽司🍣，非常新鮮，入口即溶，一試難忘。仲叫咗個軟殼蟹飯卷，軟殼蟹香脆可口，熱辣辣新鮮即炸，配上蟹子，不得了呀！

下班後和老朋友敘舊，相約在尖沙咀，朋友介紹這一間他之前嘗試過值得推薦的日式居酒屋，果然感覺不錯餐廳的佈置完全仿效日式居酒屋的氣氛，非常舒適，另外餐牌的選擇亦不少熟悉和刺身，不太喜歡刺身的，我亦能嘗試他們的其他推薦熟食香炸日本池魚仔，非常值得推薦，$58的份量並不少，而且新鮮炸起，入口香脆，是絕對的佐酒小吃朋友推薦了這個他之前嘗試過的牛肉壽喜燒，果然沒有介紹錯，先說牛肉的份量不少足足有六七片，而且並不像博切牛肉，有一定厚度，配搭香甜的壽喜燒醬汁非常惹味，另外配料亦有大量蔬菜，加強了湯底的清甜味，十級推薦脆炸軟殼蟹反卷，蟹籽的數量非常多，入口充滿層次感，有一些居酒屋的壽司質素可能比起壽司店差一點，但是這家居酒屋給我的感覺是壽司的質素的確不錯聽從店員的推薦點了他們的串燒黑蒜豚肉卷，入口黑蒜香在口腔散發，配搭薄切豬肉的油脂產生化學作用，非常滿足

10月份特別多好朋友生日，今晚揀咗位於K11嘅日式居酒屋同朋友慶生。黑松露帶子刺身沙律配柚子醬頭盤叫個沙律已經好有驚喜！帶子刺身鮮甜美味，配以香氣十足的黑松露，沙律菜都非常新鮮，口感爽脆，絕對值得一試！脆炸軟殼蟹反卷軟殼蟹即叫即炸，非常香脆，反卷上面鋪滿大量蟹籽，令口感多了一份層次，而壽司飯香軟，整體配搭不錯。明太子醬燒玉子串本身我都係好鍾意食口燒玉子，估唔到加咗明太子醬嘅玉子係咁好味！玉子厚身而極具蛋香，明太子醬鹹香帶辣，兩者絕對係Perfect match！流心芝士魚餅魚餅口感Q 彈，入面流心的芝士軟滑可口， 出面唔係咁容易食到。香煎鵝肝雜菌石鍋飯 鵝肝油香豐腴，口感極度細膩，而加入雜菌的石鍋飯有香噴噴的菇味，日本米飯口感相當棉密，食完絕不後悔。

出去食飯有時除左食物質素，環境同氣氛都好重要😚而呢間居酒屋既擺設好有心思，真係有種令人飛左轉日本既感覺🇯🇵火炙北海道帆立貝蟹膏卷🔥一客有六大件，每件都舖上鮮甜既帆立貝，加上香濃既蟹膏，食起上黎加倍鮮味，飯卷中間既青瓜亦有帶出清新既作用😋蟹膏蟹肉炸豆腐🦀豆腐炸得香脆嫩滑，加上滿滿既蟹膏同大蔥絲，令口味平淡既豆腐更為吸引，而且可以帶出蟹膏香甜回甘既鮮味😛鐵板蒜片香煎厚切牛舌🐮厚切既牛舌食落啖啖肉好滿足，口感比較淋好易咬開，蒜味十足，不過略微煎得乾了一點😗原條成田醬炭火燒鰻魚飯🐟全晚最矚目嘅菜式一定係呢款，原條鰻魚上，好似一件巨大化既鰻魚壽司🤣燒過既鰻魚有微焦既炭香味，鰻魚肉質肥美厚身，亦唔會有魚骨，配上甜甜既醬汁送飯一流🤤香炸一口芝士🧀三角形既芝士粒粒被吉列脆皮包住，炸得香脆可口，入面既芝士濃厚軟滑，好適合作為佐酒小食🍻

同阿女去完K11買嘢，跟住喺附近搵嘢食，求其走咗入去間居酒屋!好在我哋早一點入去，轉頭已經爆滿！首先阿女order她的至愛 - 鰻魚飯。原條成田醬炭火燒鰻魚飯 （$148）- 超吸👀！魚大飯少，鰻魚非常肥美！值得推薦！💯💯輪到我嘅至愛出場 - 鐵板蒜片香煎牛厚切煎牛舌（$88），蒜香味十足，厚切有「咬」口！點了黑松露帶子刺身沙律配柚子醬（$128）帶子好鮮甜，柚子醬就帶點酸，可以減低油膩感！仲嗌咗兩個小食，香炸一口芝士（$48）- 細細粒容易食，可能炸得耐了一點，唔夠鬆脆！赤蝦壽司（$38）- 好大隻，夠新鮮爽口！食完好有滿足嘅感覺！阿女已經嚷着說😙😙，下次又要來食鰻魚飯！😋