味道樂居酒屋 (元州街) (Closed)

好鍾意食居酒屋，因為選擇好多。先來一個黑松露帶子刺身沙律，好多黑松露及帆立貝，帆立貝非常新鮮，黑松露同沙律好夾，值得一讚係沙律竟然有好多好甜的番薯仔，好特別。之後有小食香炸一口芝士，外脆內熱，每一粒都充滿滿滿的芝士，超正。流心芝士燒年糕幾特別，外脆內軟，好有口感。牛肉壽喜燒，牛肉量多且充滿牛味，蔬菜亦鋪滿整個鍋底，配上豆腐、新鮮雞蛋，加上壽喜鍋的醬汁，好好食。鐵板泡菜芝士雞，上枱時熱辣辣香噴噴，每塊雞排都煎得金黃色，食落又香又滑，加上超多芝士，配埋泡菜一齊食，味道甜中帶辣，真係好好食。最後係香煎鵝肝菌石鍋飯，鵝肝外層煎得又香又脆，食落口感軟綿綿，味道十分濃郁，香菇亦好足料，飯粒吸晒香菇嘅香味，拌埋鵝肝一齊食，真係好正，食到最底仲有焦脆嘅飯焦，正。

這天與朋友相約在長沙灣，交換手信，聊聊天聚一下。我們兩個到達時大概7點半，那個時候店裡幾乎快滿座了，雖然不是很大，但是環境和裝飾都很不錯，有居酒屋的感覺。店員也在我們點餐的時候給我們斟茶。 我們叫了黑松露帶子沙律，這個賣相非常好，而且帶子也挺大顆。 我們也叫了三文魚刺身，切得挺厚，口感不錯。而之後來一份蒜片厚切鐵板牛舌，很香，而且牛舌煮得挺腍。我們也叫了明太子免治雞肉棒，味道挺好的不過有點冷掉。然後我們的主食來咯~ 分別是原條的炭火燒鰻魚飯和一份牛肉湯烏冬。雖然桌上的位置有點不夠，店員也沒幫我們hold起部分菜。 但鰻魚飯非常出色，從賣相到味道都很好。 鰻魚入口即溶，配上醬汁簡直一流。而朋友的牛肉烏冬比較出色的是牛肉片切得夠薄 總的來說，這家店我推薦再去~

[🇭🇰香港- 長沙灣].🔻日本風嘅小店,居酒屋style,生定熟食乜都有得嗌嚟食,選擇豐富,水準幾好,價錢亦都好公道👍🏻”原條成田醬炭火燒鰻魚飯”差唔多枱枱都叫,真係好大條,好厚身,食落啖啖肉,好滿足;如果你鍾意食香口野同會飲番幾比杯,極力推介”岩鹽脆炸三文魚腩”,出面真係好少見,炸到脆卜卜又唔鹹,食唔停🤤.🔻🍽 味道樂居酒屋📌 地址: 長沙灣元州街498號青華閣地下C舖.#tummysready #tummysreadytoeat #tummysreadyinhongkong #tummysreadyatcheungshawan #tummysreadyforjapanese

星期六午飯時候於長沙灣搵食，經過一間裝修很有日本風味的居酒屋，就決定來個日式午餐。我和朋友各選了一個午市套餐，包括沙律、麵豉湯、蒸蛋和主食。沙律蔬菜爽脆，配上芝麻醬，清新美味。最驚喜的是還有一小塊日本甜薯，粉糯香甜。麵豉湯簡單美味，熱騰騰，不會死咸，有很多海帶和豆腐粒，喝完全身暖笠笠。蒸蛋滑嘟嘟，底下有小蜆、八爪魚粒，鮮味滲入蛋中，很滋味。原條炭火燒鰻魚飯鰻魚超級大條，賣相很震撼。鰻魚厚肉肥美，啖啖肉，沒有太多幼骨，燒汁滋味十足，配珍珠米飯一流。海膽三文魚子甜蝦蓉丼飯第一次吃甜蝦蓉，很鮮味，有一點點像帶子的鮮甜，有一點點比較大的幼粒，有點口感。三文魚子脹卜卜，每一口咬下去都有爆汁的效果。加上鮮甜甘香的creamy海膽，好吃到不得了。

難得一日午飯時間唔洗咁趕急於返公司打卡，於是跟同事搵吓周圍有咩好食！ 同事推介去呢一間日本餐廳食... 好呀！ 一於去試吓😊 我地一行6人12:45左右到達，唔洗等位直接入座。睇咗一陣餐牌便點餐，午餐都有十幾款選擇，有魚生飯有湯麵，好多選擇！ 唔錯👍🏻👍🏻👍🏻 我地各人落左柯打，傾下計等食上餐速度好快，點完餐冇幾耐已經上齊晒前菜、麵鼓湯同茶碗蒸。大家開開心心一路食一路傾... 點知有位待應姐姐突然攞張單黎話45分鐘要埋單！ 吓🙄🙄🙄 入座時都冇講限時嘅，而且外面冇人等緊位。好啦，我地飲埋杯茶就走，點知隔咗2-3分鐘，果位姐姐又行過來叫我地埋單... 我地只好埋單離座，用餐時間只有50分鐘左右！我地都明白午飯時間可能人多，但當日餐廳仲有吉枱，外面亦沒有人等位，覺得咁嘅服務態度有點趕客，希望日後有改善啦！

又到左食午飯嘅時候喇，呢間餐廳一點鐘唔洗旨意有得即刻入，今日仲要等五張檯，心諗應該好好食卦。試左個不在menu的芫茜豬軟骨拉麵。個拉麵宣傳係貼在牆上，仲話期間限定。如果以佢用芫茜定名，以為芫茜係主打啦，可惜有啲失望，有啲菜已經煮到黃晒，芫茜又得勁少。不過豬軟骨勝在夠淋，舊骨名符其實係好軟，但都係得好少，仲要係細細粒，個樣有啲似賣剩左噉。個麵都唔想提喇，同我在超市買嘅拉麵差不多，收$78。個餐仲包麵豉湯，沙律同日式蒸蛋。反而啲side dish正正常常。下次都係食番飯餐穩陣啲。另外間舖比較細，坐得逼左少少。

今晚和老公在長沙灣看戲，必定要找家食店醫醫肚吧，順道慶祝最近工作順利呢，哈哈。原條成田醬炭火燒鰻魚飯鰻魚皮燒得焦香，加上厚厚的鰻魚肉，配上特製醬汁和珍珠米，簡直是絕配呢。而且份量兩人剛剛吃得光光！火灸左口魚邊壽司左口魚燒得焦香，魚油滲入壽司飯中，咬下魚身時，魚油在口中溢出，一試難忘。富士蘋果蟹子沙律最欣賞的是，原來蘋果配上魚子時，口感是如此相配！吃下時，脆脆卜卜的，加上有沙律醬配上蕃茄等，鮮味十足，而且蔬果新鮮！火灸帆立貝蟹膏卷帆立貝配上濃濃口味的蟹膏，使壽司卷有另一番滋味！而且店家還十分細心的，壽司卷內裏包着青瓜絲，使壽司卷吃起來清新，值得一讚。

招牌原條炭燒鰻魚飯($98)，飯只是微暖，所謂炭燒鰻魚飯完全沒有炭燒味，套餐包含一碗茶碗蒸，茶碗蒸印象中好像有一小塊青口/帶子，但是極為腥味，筆者淺嚐便放棄了....... 整體來說水準以下，不會有下次。

呢間小店之前同朋友睇戲前食過唔錯,去開附近就過黎食阿媽真係唔會錫住我銀包,一黎就話海膽壽司,另外2件係火炙蟹膏帶子壽司,蟹膏味都幾濃,不過帶子係火炙,所以無比蟹膏蓋過d鮮味明太子免治雞肉棒,明太子帶少少辣,雞肉棒好食!推薦!!!!!另一個推薦係鹽燒雞軟骨!我平時唔太喜歡雞軟骨,但佢真係燒得好好!焦香脆身唔過咸!脆炸軟殼蟹反卷,蟹大件,即叫即整仲好脆,蟹子亦落左好多鹽燒厚切特上牛利,牛舌一向係我心頭好,通常見到都會叫,厚切真係好好食,牛舌非常爽最後叫左個牛肉壽喜燒,上次我就係食牛肉烏冬覺得好好食,牛肉量多,蔬菜亦鋪滿整個鍋底真心覺得燒物好出色!埋單$514, 好過食放題

曾經在尖沙咀試過味道樂，覺得感覺不錯，於是今次來到長沙灣，便再試試這家分店吧。店內的裝修極具日式感覺，充滿氣氛呢！牛肉壽喜燒牛肉鍋配上新鮮雞蛋，牛肉充滿牛味，絕對是上成貨，加上壽喜鍋的醬汁下，在這冬天吃起來，更是暖暖的。原條成田醬炭火燒鰻魚飯在網上看到照片時，已經不禁垂涎欲滴！當鰻魚飯到達時，鰻魚的長度比我的手掌還要長，而且肉質肥美，實在是必點！富士蘋果蟹子沙律蘋果十分爽脆和鮮甜，蘋果味非常之濃郁，相信是富士蘋果呢！用鮮甜蘋果配上沙律也是明智的選擇，吃起來更加清新。火灸左口魚邊壽司入口即溶呢！而且裙邊的魚油十分香，燒焦的程度剛剛好，完美。下次來附近看電影時，必定要再來吃吃。

長沙灣高質嘅居酒屋，價錢同一般居酒屋差不多，質量唔差味道幾好，食材都新鮮🤩壽司方面叫左份海膽軍艦，海膽份量正常，味道鮮甜唔會腥😍海膽大概有4舊左右，再有啲青瓜係底，襯托翻海膽嘅鮮味🤩全部加埋一齊好正🥰另外叫左三隻燒蠔，一次過叫三隻會平啲🤩有兩款口味—櫻花蝦同埋芝士煙肉！兩款都好夾，櫻花蝦份量好多，多到遮住曬隻蠔！櫻花蝦個款就係較乾，如果喜歡多汁嘅可以叫芝士煙肉個款。蠔🦪size唔細，味道都唔錯！仲有主打嘅鰻魚飯，好似一舊巨大嘅鰻魚壽司咁樣😍 勁大條，熱辣辣，鰻魚汁滲曬落個飯到！

前排遊行周圍都好亂所以係屋企附近食個飯就算附近有間餐廳自己好鍾意食所以見過呢間鋪頭好多次所以今次入咗嚟食二話不order jor 個 刺身薄切 好似大約兩舊水切得博唔博就自己睇大約都有20塊嘅與其話佢幫薄切不如話係切得薄身啲嘅刺身呢個糖心蛋係佢哋Facebook promoLike 一 like 佢哋個pageshare讚好就可得到 半隻黑松露糖心蛋其實裝修都幾好睇幾有格調好有日式feel懷舊feel仲order 蔥吞拿魚 卷中間佢俾咗少少海藻仲落左啲芝麻略嫌洋蔥同蔥都唔夠多 影相好似座山咁都幾靚嘅望個樣都幾滿足坦白講撥開個吞拿魚之後我都幾失望眼見到只係剩係得青瓜同埋卷紫菜味亦都唔係特別好食唔特別鮮味其實友人一心就想食鰻魚因為前排我哋食嗰啲鰻魚飯好好食見秋意起就想食鰻魚賣相OK飯就偏油因為食到底仲係有好多油 鰻魚汁太多呢個就係我講個pageLike Facebook就有半隻糖心蛋

都好耐無來過長沙灣啦, 聽朋友講呢邊有一間好好味既居酒屋, 叫”味道樂居酒屋”，所以今日就同家姐過左來，睇下有幾好味先。店鋪面積不大，一般日本的居酒屋都係細細間的，呢間相比下已經很大了！一入內，竟然覺得好有親切感。餐牌分左唔同種類的食物，有漬物/小食、壽司/刺身、卷物、燒物、一品料理、飯/麵等等。好多都係圖文並茂，見到圖片，好多都好吸引，好想食啊！最後，幾經辛苦選擇下，我地叫左以下食物：三點漬物其實呢個見電視劇就見得多，食就第一次。入面原來有蒜蓉、芝麻牛蒡、芥辣八爪魚。以為份量很小，其實都幾多下。呢3款都係凍食的，味道偏咸，如果攞來送酒就一流！蒜蓉竟然無很重的蒜味，很爽口。芝麻牛蒡加左芝麻很香口，第一次生食牛蒡，感覺唔錯。芥辣八爪魚入面的芥辣唔會好攻鼻，辣度只是輕微，八爪魚很新鮮。七味魚翅原本以為係雞泡魚乾來的，原來係有分別。呢個會乾身D, 比較有口感。上面有落七味粉，所以會帶小小辣。成碟份量好多，都係果句，送酒一流！鹽燒厚切特上牛舌呢個超超超值得推介！以為鹽燒會好乾身？錯啦！牛舌因為係厚切的，雖然係鹽燒，但反而將水分鎖曬係入面，非常Juicy！牛舌味道愈咬愈香，上面有落小小黑椒粒，可

香港絕大部份嘅餐廳都係連鎖店，想搵間好食嘅小店都越來越難，呢間位於長沙灣嘅日本居酒屋真係唔錯，雖然係小店，不過有水準又好食。難怪位置隱蔽都會坐滿晒人。煙肉櫻花蝦煎廣島蠔$98廣島蠔蠔味濃郁，加上鮮味十足，上面鋪有大量嘅櫻花蝦同埋煙肉一齊食 ，鮮上加鮮，非常惹味。鐵板泡菜芝士雞$98惹味的鐵板雞上枱時熱辣辣香噴噴，加上芝味十足的芝士，配埋泡菜一齊食，味道甜中帶辣，超級開胃。每塊雞排都煎得金黃色，又香又滑，每一口既有雞排的甜辣味又有芝士的鹹香味，真係好好食。醬燒火炭鰻魚飯$138呢度嘅鰻魚飯係一整條上，真係好滿足。 鰻魚帶有炭燒嘅香味，而且非常肥美，而且好厚身，油脂豐富，性價比非常高。鰻魚汁帶微甜，日本米圓潤軟糯，令整體嘅味道更上一層樓。火炙帆立貝蟹膏卷$88呢個卷好有驚喜，味道比好多壽司店做得更出色，燒過嘅厚切帆立貝遇上甘香濃郁嘅蟹膏，真係冇得輸，火炙嘅香味加上甘香嘅味道配合得天衣無縫。而且師傅握壽司嘅手工非常到家，每一粒米飯都緊貼着，唔會一食就散。鹽燒雞軟骨$38最後我哋叫咗個雞軟骨過吓口癮，雞軟骨燒得好香口，表面燒得金黃色，又唔會乾爭爭，爽脆滋味，而且帶有油脂嘅香味。

同友人喺深水埗一直搵野食但都無乜心水，就一直行行到嚟長沙灣，意外發現到呢間隱世高質居酒屋🥰食物質素好高質兼且裝修都好有日本feel🎌首先介紹係呢個原條炭燒鰻魚飯😛好癲，條鰻魚超大條勁肥美，兩個人share份量剛剛好😙 第二道菜係蟹膏帶子卷帶子鮮甜肥味，兩個人食就有啲多得濟，但味道是十分好，嚿飯都有炙燒過！👅只要like咗Facebook同喺openrice收藏呢間餐廳就免費送一客溏心蛋😙雖然唔太流心，但都唔差👅唯一唔太有驚喜就係呢個芝士年糕，有啲粉得濟☹️仲有嗌咗客三文魚壽司，普通如爭鮮但要$38就有啲誇張🤯不過整體成間餐廳嘅服務同食物質素都幾高質兼有驚喜！😛 有機會會再嚟！