味道樂居酒屋 (元州街) (Closed)

呢晚同朋友去咗長沙灣學嘢順便食飯我同佢都好鍾意去居酒屋食嘢，所以嚟咗呢度食飯飲酒呢度環境好日式，好似去咗日本咁食物同飲品選擇都幾豐富，價錢亦都好公道我點左杯白桃燒酌，而我朋友就點左梅酒兩杯都係酸酸甜甜充滿夏日氣息好啱女仔飲而且杯梅酒嘅賣相好得意，打卡一流open rice 度按收藏免費送嘅黑松露溏心蛋黑松露好香，溏心蛋亦都好入味，正呀！海膽超級新鮮，足料又夠香甜炸雞醃料好惹味好香濃嘅椒鹽味熱辣辣新鮮炸起好Juicy細細塊方便入口壽喜燒牛肉鍋好足料牛肉片好大塊、肉味香濃而且肉質好柔軟蔬菜亦好鮮甜湯料好清甜加埋隻生雞蛋真係滋味到不得了鵝肝香菇石鍋飯鵝肝外層煎得香脆，口感creamy濃郁香菇亦好足料、飯粒吸引曬香菇嘅香味拌埋鵝肝一齊食真係好正底部仲有d焦脆嘅窩巴

同朋友lunch又走來長沙灣呢一頭食好西～曾經喺尖沙咀食過味道樂居酒屋，原來喺長沙環都有一間！我嘅朋友一路上已經嘈住要食牛舌飯，話超好食，雖然講到咁誇張，但都無動搖到想減肥既我！（因為睇過話牛舌係超多油脂，所以唔夠食）。Anyway，我最後叫左lunch set 3號餐，就係照燒雞扒拼芝麻醬凍烏東。前菜有沙律、蒸蛋同埋一碗面鼓湯，沙律同蒸蛋都好味，可以喺等正餐嘅時間食住先～賣相好靚！未食已經心心眼，即刻影相打下卡先，味道方面，照燒雞扒真心好正，佢唔係一般炸雞扒或煎雞扒，佢係用炭烤出嚟嘅嗰種感覺，雞扒有種炭香味，正！自己加左啲七味粉上去更加好食了。朋友食勁啱食飯，係lunch set 入邊最平又最受歡迎既，最後聽佢哋講到咁好食，叫朋友俾咗一啖我試吓，又真係幾好食喎，又說腌得好入味，而且油脂多亦代表真係好香口，要無法抗拒地講句：好好味！

成日見到啲blogger介紹呢間日本嘢，個個都推介鰻魚飯😌 終於的起心肝去試試，利申我不是鰻魚死忠 陪男友食only🤣 離開地鐵站都要行一段路先到，但唔算難搵✊🏻 staff幾好service，會定時加熱茶🍵 同埋坐得都幾鬆動 但都有可能係我地早入座😬 整體感覺良好，會再encore試埋其他嘢🤓——————————————————🐟🔥原條成田醬炭火燒鰻魚飯 $138真係好大條🥰 有兩隻手掌咁大😙 即叫即燒🔥 好惹味，不過略嫌個醬有點多，雖然有飯送，不過都係幾咸囉😂 成條鰻魚都唔算多骨，肉質肥美且多汁😝 如果下次可以少啲醬就prefect池嚕🤣-🧂🐤鹽燒雞軟骨 $38有2串，擠埋檸檬食，中和返啲咸，係幾fresh同埋好有咬口☺ 大大舊好鍾意食🥳-🔥🐷黑蒜黑豚肉卷 $48聽到蒜都會覺得食完會好口臭haa 然後黑蒜嗰味又易啲接受同埋健康啲喎！一咬黑豚肉就有好豐富嘅肉汁出嚟，呢個配搭真係無得頂😎 重點係 2串份量都多，老實👏🏻-🦀🌊蟹膏醬燒北海道帶子(4隻) $148我係帶子擁躉！無論係生定熟嘅我都好熱愛😍😍 今次呢個就有啲失望，可能有啲過咗火，已經失去咗帶子嘅爽彈☹️—————————————

✏️原條成田醬炭火燒鰻魚飯 ($128)專登過黎試嘅鰻魚飯 不過覺得麻麻地啫🤧鰻魚份量係幾足 原條上好震撼 而且尚算幾厚肉🤔不過都幾多骨 食落凍凍地硬係有種唔係好新鮮嘅感覺😂而且個底下嘅飯更加唔得 都幾硬身而且又係唔熱🤦🏼‍♀️〰️✏️火灸北海道帆立貝蟹膏卷 ($88)見到餐牌呢個係推介嘅就試下🙆🏼‍♀️每舊卷物嘅蟹膏份量都幾多 而且味道幾濃郁 個人覺得配搭帆立貝幾好 個帆立貝就味道好平平無奇 唔係特別鮮 但每舊嘅厚薄度好唔均一 有啲過薄好冇口感😢同埋壽司飯都係煮得唔多淋身🤦🏼‍♀️〰️✏️鹽燒雞軟骨 ($38)鍾意食雞軟骨嘅朋友 呢個絕對係...唔洗試😀本來見到餐牌好開心 因為想食雞軟骨但又唔想食炸咁熱氣 點知唔食好過食🌚我食到軟骨嘅感覺係零🤯不繼食極都係皮同脂肪嘅物體 每一刻都期待緊咬到軟骨嘅部份 直至最後一啖都係冇🙄

炎炎夏日最啱食日本菜🍣荔枝角、長沙灣一帶有好多餐廳小店而日式餐廳選擇就唔多今日就趁happy friday食好D試下呢間🍴舖面唔算好大2pm入座仍座無虛席食物種類都幾多最後揀咗刺身丼set lunch前菜有昆布味噌湯、田園沙律配芝麻醬蔬菜好新鮮味噌湯內有昆布同豆腐日式蒸蛋、三色魚生丼蒸蛋味道較淡內有蜆肉、蟹柳、魷魚粒三色魚生丼包括三文魚、油甘魚及甜蝦刺身好新鮮，份量都好夠略嫌飯底太黏身 口感太淋埋單另收加一服務費$78加一實收$86整體呢度嘅set lunch係抵食嘅食物及服務質素亦好好絕對會再幫襯

來到位於長沙灣嘅味道樂居酒屋， 因為試過位於尖沙咀嘅分店， 覺得無論係食物，份量，味道，價錢 都10分合宜，便來到長沙灣的分店一試。 套餐嘅價錢由70到100多元不等. 我們首先叫了一個鰻魚飯, 再叫了一個蝦肉海膽蟹子丼。再叫了一個三文魚加左邊魚丼。這個中午套餐包括了沙律菜、茶碗蒸入面有蟹柳和菇， 然後係主菜。再來一個蝦肉海膽蟹子丼，蝦肉是整到蓉，然後再加埋酷飯，再加埋大大粒、晶瑩剔透的蟹子，拌飯非常一流。 一個拖到落地下嘅饅魚，再加埋饅魚醬汁，勁大份。鰻魚香軟。價錢中等位置舒適， 可以一試。

去到長沙灣想食呢一間鰻魚飯，到餐廳就叫原條炭火燒鰻魚飯$98， 個鰻魚超大塊，大過個飯，性價比好高。鰻魚配上醬汁同埋大大粒嘅米飯超好味。lunch set 會送沙律同埋日式蒸蛋。日式蒸蛋好滑份量大。海膽三文魚子甜蝦蓉丼 - 海膽三文魚好新鮮，三文魚籽甜蝦蓉超多，滿佈飯的上面。色彩鮮艷，一半甜蝦，一半三文魚籽，上面鋪左海膽。甜蝦蓉值得一讚，但因為料太多的關係，有少少漏。半燒火炙四色魚生丼 - 三文魚好新鮮煮到剛剛好。外表出色，有唔同嘅顏色點綴。黑蒜汁燒鹿兒島黑毛豬 - 黑毛豬切到一粒粒，份量不少，黑毛豬燒到岩岩好，肉汁鮮嫩，加上炸左的蒜片，好香口。

今日試左長沙灣味道樂居酒屋，然後叫左個set lunch. 價錢一百蚊有找，性價比真係好高。 Set lunch包左前菜沙律，味噌湯，燉蛋 同個main. 叫左個鰻魚飯，來左後哇一聲，個鰻魚超級大份，鰻魚汁好野味，而鰻魚肉質都好彈牙，作為一個男仔，要食晒成份lunch set, 真係好full, 好正

今日係長沙灣上完手沖咖啡堂之後，突然好想食日本餐，所以專程搵到間睇落細細地，但内部有好多精緻嘅擺設，好有懷舊氣息。.我就特別鐘意啲餐具，能夠感受到店家的用心，比到人一種好整齊同埋好溫馨嘅感覺。.招牌巨型鰻魚飯真係幾大份下，但鰻魚有少少薄身同埋少少焦，但冇阻鰻魚的味道，醬汁加埋少少帶焦嘅香味，食完都仲想繼續食多碗.海膽三文魚籽甜蝦蓉丼是日海膽唔算好肥美，但甜蝦蓉夠甜軟同滑，三文魚籽份量都好十足，係有少少甜膩但都好甘香，所以要加番少少醬油，味道就啱啱好。

去日本旅行，喺街一定會見到好多居酒屋，估唔到喺長沙灣都會搵到一個咁有日本風味嘅居酒屋。認識呢間餐廳，係喺雜誌見到宣傳好出名嘅鰻魚飯。由於今日去醫院探屋企人，而呢間餐廳又喺附近，所以晚餐黎試一試。端午節前一日嘅晚上，等咗大概15分鐘就入座，餐廳唔算好大，對比起日本嘅居酒屋，比較光猛。先來一個黑松露帆立貝沙律，我唔太中意黑松露嗰陣味，同沙律好似唔太夾，值得一讚係有啲番薯仔好甜，帆立貝尚算新鮮。三文魚刺身肥美，鮮甜。鰻魚飯真係好大份，但略嫌鰻魚燒得太乾，令到肉裏面冇乜水份，但個皮都係脆既。最尾叫左一個蟹膏帶子卷物，係朋友揀既，我會中意蟹膏捲住係入面多啲。其實長沙灣真係冇乜居酒屋，所以多一個選擇都係好嘅，餐廳質素屬於中中，住喺附近可以一試，但距離地鐵站比較遠，要步行7分鐘。

之前係荔枝角學完整蛋糕，打算近近地係長沙灣食晚飯，終於搵到附近一間收得比較晏既日本餐廳。呢間餐廳唔算大間，但裝修比人感覺好有日本家庭式居酒屋feel, 幾溫馨。同幾個朋友叫左招牌鰻魚飯，都幾大條，賣相唔錯。而且叫左烏冬幾個小食同泡菜豚肉鍋。份量唔算好大，男仔食要叫多d先夠飽。人均消費大約200左右，唔算特別平，但朋友想傾下計，夜晚飲燒酒食日本野既經過都可以試下，賣相一流，用黎打卡呃like，味道方面值得推薦既。

黎到長沙灣食乜好....雖然地點吾算好方便.......在街的位置.....但竟然有驚喜......！睇餐牌都已經好吸引.......有好多好多好多選擇..........最後叫咗幾串串燒....同埋幾件壽司......呢個三文魚籽蟹肉迷利丼.....好特別啊.....！而且細細碗.....兩個女仔食岩岩好！💪🏻💪🏻💪🏻💪🏻蟹膏壽司好濃味...............不錯👍🏻👍🏻芝士臀肉棒.....！好味道丫！刺身同壽司都好新鮮....！估唔到細細嘅一間舖....食材同服務都做得好好！👍🏻👍🏻👍🏻

今天去開長沙灣工作，便相約好友吃飯，朋友推薦這間居酒屋，我們便入內一試。店面積不算大，但食物種類都算多，壽司🍣，刺身，卷物，串燒，熱食樣樣有。點了一款我最愛的火炙壽司，油香滿滿，入口即溶，很讚。蟹膏非常咁香，很有鮮味，加上鮮甜軟腍帶子，青瓜絲，口感層次升級賣相很靚，每一件都有厚厚的呑拿魚腩蓉，加上大量葱花，很滿足。真的很甜呀，一串有四粒，熱辣剛燒起，質感有點糯，很好吃。燒得剛剛好，調味亦恰到好處，不會太咸，又不會太硬，食落脆卜卜，很香口口感煙韌，芝士流心，非常邪惡，令人食指大動最後點了一個冷烏冬，飽一飽肚。烏冬幼身，煙煙韌韌，沾上冷麵湯汁，有葱香，芝麻香又有紫菜香，正！

朋友生日選擇吃日本🇯🇵菜。長沙灣區近大中華附近，方便，款式多蟹膏壽司，膏多鮮味，紫菜翠口，正，好評海膽壽司，加拿大海膽較正左口海壽司都好正，入口即溶，飯粒分明👍🏻👍🏻👍🏻👍🏻👍🏻曼魚壽司，入味，曼魚汁配合飯一流油甘魚刺身，厚身，入口即溶。新鮮無比。直得一試。牡丹蝦一流。蝦頭味美。蝦身每啖都好爽身。正芝士雞肉棒，芝士濃口。簡直芝士迷之喜三文魚丼外表似雪糕，其實係蝦蓉加三文魚。嘩，每口都三文油加蝦蓉入口，魚油多。賬賬的。88蚊值得一試。整體所有野都好好味。朋友生日飯好完美

7:05pm 咁啱經過，見入面有好多位，只有兩枱客，一枱仲只有一位，無book位情況下入去，員工A同員工B講無book位喎，員工B就話7:45pm要交枱，即係得40分鐘，諗埋食乜，再等你整好上枱，應該無30分鐘用餐，仲要你地呢間係居酒屋，唔係叫碗麵食完就走，如果叫串燒。。咁我有幾分鐘可以食呀。你得40分鐘俾我，不如同我講full booking 好過啦。真係第一次見有餐廳俾客人嘅用餐時間少過60分鐘。