8號茶居 (順發樓) (Closed)

放工想嘆一盅兩件 近近地喺元朗搵到間點心專門店餐廳位於元朗廣場附近 望望營業時間至晚上十時 又係一個可以嘆夜茶嘅好地方😌🔸蟹籽燒賣皇 HKD19燒賣有成半個拳頭咁大粒😳豬肉同蝦肉比例均勻 真材實料！🔹黑松露野菌粉果 HKD21菇菌包括鮮冬菇金菇雞脾菇 黑松露味同菇菌好夾！🔸蒜蓉粉絲蒸排骨 HKD29排骨蒸熟後依然嫩滑粉絲索晒蒜蓉同肉汁好惹味！🔹原盅花雕養顏棉花雞 HKD38陣陣花雕酒香 有陣食醉雞嘅感覺棉花索晒花雕酒同雞嘅精華好好味😋🔸雜果沙律春卷 HKD26呢度用上春卷皮包所以特別脆口新鮮炸起嘅沙律卷真係令人抗拒唔到🤭🔹鴛鴦鮮蝦米網腸 HKD36蝦腸變成橙色同綠色 賣相相當趣緻腸粉中間夾咗層脆米網同鮮蝦 層次豐富🔸花旗蔘燉竹絲雞湯 HKD46燉湯有四款口味 今次揀咗花旗蔘竹絲雞湯用汽鍋呈上 可以保留湯嘅熱度 原汁原味花旗蔘味甘甘地 加入鮮雞湯 感覺好養生🤫人均消費💰大約$110/位🚩8號茶居 元朗擊壤路17號順發樓地下H號舖

今日約左朋友係元朗飲茶食得多傳統點心可以試下呢間新式點心8號茶居位於元朗大橋街市附近朗屏站行落後都係6-7分鐘一坐低先開左一壺菊普-雪山叉燒包值得推介既雪山叉燒包外皮甜甜地雪又脆身入面叉燒都足料 一人一個岩岩好-山竹牛肉球牛肉球大大個 蒸出來熱辣辣加埋喼汁 味道係傳統正宗牛肉球👍-原盅花雕養顏綿花雞好香藥材味 加上有啲花雕酒食落好似醉雞鍋啲雞咁棉花索晒啲汁都好好食-青咖哩雞粒咸水角新鮮即炸熱辣辣入面辣辣地好開胃-鴛鴦鮮蝦米網腸呢個都好有特色兩隻色既脆脆網包住蝦肉 口感豐富 值得一試👍-豉椒排骨蒸飯驚唔夠飽最後忍唔住叫多個排骨飯排骨啲汁本身都好夠味 流晒落啲飯到唔洗點加豉油都得店員服務都好好 唔洗叫成日幫我地加水👍

假日嚟到元朗食點心，試吓呢間特色點心小店，餐廳位於元朗廣場後面，小店座位唔算多但都幾舒適，除咗單點之外仲有套餐可以選擇，所有點心都係即叫即做嫁👍🏼雪山叉燒包西式做法嘅叉燒包，表面香脆內裏淋嫩，叉燒都好入味原盅花雕養顏棉花雞原盅燉完即上，藥膳味非常香濃，魚肚爽彈又吸收晒啲湯汁，雞肉嫩滑都好入味，食完當然仲要飲埋啲湯😋瀑布流沙奶黃西多士餐廳招牌嘅西多士，建議最後先叫，因為嚟到要趁熱食，炸到金黃色，一切開奶黃已經不斷湧出嚟，甜得嚟仲食到咸蛋黃嘅香味，非常邪惡但必試🤤鮮蝦菜苗餃皮薄到已經望到好足料青咖喱雞粒咸水角香脆又唔會好油膩，以淡淡嘅青咖喱雞粒取代傳統嘅餡料，味道都幾特別海苔鮮蝦腐皮卷薄脆嘅腐皮卷包住紫菜同鮮蝦，香口小食鴛鴦鮮蝦米網腸綠橙雙色，嫩滑嘅腸粉皮包住香脆嘅米網同鮮蝦肉，口感好豐富👍🏼

近呢五年飲茶已經唔再局限係酒樓、茶樓，隨住好多新式點心店嘅興起，飲茶好似變咗食茶餐廳咁方便就腳！環境餐牌 雪山叉燒包 $25我超鍾意食雪山叉燒包，佢個皮都做到甜脆口感，入面叉燒餡正常，如果餡同皮中間空位再減少啲就更好！ 8號蝦餃皇 $19 點可以唔食燒賣蝦餃，大大粒，蝦肉彈牙，蝦餃皮都唔會話太易爛。 鵪鶉蛋燒賣 $30另一半鍾意食鵪鶉蛋燒賣，同樣咁彈牙，有時都怕燒賣豬肉碎有股異味，呢到絕對無問題，無沾上醬油就無咁單調。 鴛鴦鮮蝦米網腸 $36話到明新式點心店，點會無啲新穎款嘅點心？啲款鴛鴦鮮蝦米網必點，一邊係橙色，一邊係綠色，食上去雖然無分別，但美觀都好緊要！腸粉皮包住兩層超脆米網，入面就係彈牙蝦肉，口感豐富有層次！ 牛肉煎蛋蒸飯 $49望落覺得唔大，但食落2個人夠哂！佢嘅牛肉餅係牛肉丸嘅味道，配上煎蛋加甜醬油，鍾意佢嘅飯硬身少少有口感。 擂沙煎堆仔 $25 最後用傳統與非傳統之間嘅擂沙煎堆仔做甜品，煎堆仔嘅外層入面係黑芝麻餡，趁熱食仲有啲流心加流沙口感更正！

8號茶居 8 Char📍元朗擊壤路17號順發樓地下H號舖呢日約咗中學師妹去元朗聚一聚，過往每次見面我哋都會選擇去屏山一間Cafe度食嘢，但疫情咁耐都唔太肯定嗰間餐廳仲有冇營業，加上佢食完飯有嘢做要即刻走，所以就揀咗間比較就腳啲嘅餐廳見面。喺元朗廣場隔離嘅巴士總站，附近有好多我成日都會見到，但食就一次都未食過嘅餐廳，本身諗住話玩吓懷舊去酒樓飲茶，點知連酒樓都執咗笠。行吓行吓，居然俾我哋見到一間主打食點心嘅餐廳，而且座位同一般茶餐廳冰室冇咩分別，感覺幾新穎，所以就同鍾意食點心嘅師妹喺度食咗個下午茶。原來餐廳主打就係做傳統點心，不過就會加一啲新派嘅元素落去，所以佢有好多嘅點心都係飲茶必叫嘅，但總會有一啲特別嘅新派元素，相信可以吸引到各個年齡層嘅食客。 💰$25雪山叉燒包 (2件) 🥯坐低喺度揀嘢食嘅時候，就見到店員不停咁出一碟碟雪山叉燒包，幾乎係每一枱都會叫至少一碟嚟食。我哋就當然都唔執輸啦，話俾你哋聽呀，其實我係唔食蒸嘅叉燒包㗎，但叉燒餐包呢我又幾鍾意食喎，係咪好矛盾！呢個雪山叉燒包面頭嘅包皮係好脆嘅，口感比菠蘿包個面仲脆，但就無特別嘅甜味，純粹係增加咗口感；裏面嘅叉燒餡料調味適中，叉燒粒

📍 8號茶居 (元朗順發樓）香港人既習慣係鐘意飲早茶，作為一日既開始～元朗新開左2間8號茶居既分店，無論早午晚飲茶都可以😌🔸 雪山叉燒包熱辣辣嘅叉燒包，以脆皮做外層，叉燒多到湧岀黎，包皮都可以食到叉燒肉汁，正👍🔸8號蝦餃皇大大隻鮮蝦，一啖食哂最滿足😌🔸蟹籽燒賣皇真材實料大粒嘅燒賣，整隻鮮蝦係表面，冇得頂～🔸鮮蝦菜苗餃材料十足，菜苗嫩滑，連埋鮮蝦一齊食，好吸精👍🔸蒜蓉粉絲蒸排骨粉絲吸收晒蒜味，勁好食😋排骨份量好多，底食👍🔸香煎臘味蘿蔔糕超足料，煎得好香既蘿蔔糕，沾埋少少辣醬，更美味，係我最愛😍🔸香滑鮮蝦腸皮簿得黎，唔會一夾就散，鮮蝦多到滿瀉，每啖都食到～

今晚來到元朗和朋友夜嘆點心！「8號茶居」這間分店就位於元朗廣場附近。甫入座，店員就會詢問飲哪一款茶，筆者和朋友選擇了香片。大大粒的燒賣皇！足料啖啖肉，充滿豬肉香味，裡面還包裹了原隻蝦肉。以原盅形式上的綿花雞，湯汁用了花雕酒、當歸、杞子等藥材熬煮，藥膳味濃郁。魚肚盡索湯汁精華，雞件也頗為嫩滑。而由於用了藥膳食材，入口會多了一份甘甘的味道。叉燒包就屬於正常質素，不過不失。第一次見腸粉加了青瓜，感覺幾特別。腸粉帶有米香味，叉燒配青瓜不但多添了一份清新，而且也能減少膩感。茄子釀上墨魚滑，塗上燒汁再以木魚片點綴，乍看之下有點像日本居酒屋小食。入口惹味，尤其墨魚滑好有彈牙感。紅棗糕微甜，質感非常煙韌軟糯，咀嚼間會有微微紅棗香味滲出。最後來一份餐廳招牌的流沙西多士！麵包炸至金黃脆身，切開即有流沙奶皇餡湧出。味道甜甜的，夾雜鹹蛋香味，美味又邪惡！

收工都可以食點心，8號茶居位於朗屏站D出口，步行4分鐘左右就到啦，位置相當方便！入到餐廳就有店員安排入座，餐廳裝修新淨，座位寬敞，自己用點心卡畫點心，同大家分享下呢餐既傑出點心：第一名：鴛鴦鮮蝦米網腸腸粉包住d 米網，又脆又香口，蝦肉鮮甜第二名：.雪山叉燒包包皮鬆脆又甜甜熱，夾着叉燒餡料份量岩岩好。第三名：黑松露野菌粉果粉果皮薄，包住黑松露同野菌，一咬開，黑松露野菌既簡味出晒泥，好食！山竹牛肉球：嫩滑！爽口！彈牙！懷舊糯米雞：足料大大隻五柳炸雲吞新鮮炸起，外皮脆卜卜，記得要點五柳醬！蟹籽燒賣王豬肉多汁鮮甜，蝦仁大粒，食落鮮味滿分！

👦🏻👧🏻幾鍾意去街鋪小店食點心，一來價錢平啲，二來小店做得成功一定有佢地既招牌點心😍！上網睇到佢地瀑布流沙奶皇西多士超吸引，奶黃控既👧🏻即刻話要去。「8號茶居」喺元朗有兩間分店，佢地嘅點心款式選擇多，蝦餃燒賣一籠兩件，價錢合理，啱哂二個人飲茶🫖。茶位$6/位(普洱,壽眉,鐵觀音,香片）$9/位(菊花，菊普）瀑布流沙奶皇西多士 $31見到隔籬枱嗌賣相好吸引，令我哋忍唔住嗌！一切開入面既奶皇饀好似瀑布咁湧出🤩，濃郁嘅奶黃咸香味💛，同外脆內軟既西多士非常夾。8號蝦餃皇 $19一籠兩隻脹卜卜蝦餃🦐，兩人食用啱啱好。蝦餃皮煙韌剔透，啖啖鮮甜蝦肉，口感滿足☺️。鴛鴦鮮蝦米網腸 $36軟滑嘅腸粉皮包住鬆脆嘅米網，再包住爽口鮮蝦，口感豐富有層次✨。雪山叉燒包 $25暖笠笠嘅雪山叉燒包面層脆脆甜甜的，麵包鬆軟，入面既叉燒餡肥瘦適中🐷，好食😋！雜果沙律春卷 $26一碟有6件，脆卜卜嘅春卷皮包住雜果沙律🍍，食落幾開胃。蒜蓉粉絲蒸排骨 $29排骨充滿蒜香味，唔多肥肉。粉絲吸收晒排骨嘅精華，好正😍～宮廷桂花糕 $23有3大件，桂花糕晶瑩剔透，口感清爽，甜度適中🥰，每件都多桂花同杞子，高分之作💯📍 8號茶居 (順發

今日想去食中式下午茶，啱啱元朗巴士總站附近有一間8號茶居，入去食返餐勁豐富嘅點心。我哋兩個人叫咗七個點心，茶位每位六蚊，總數食咗$200 ，都算抵食👉🏼雪山叉燒包 $25每次嚟到嘅必點，熱辣辣，外皮夠香脆，叉燒餡料適中👉🏼8號蝦餃皇 $19外皮晶凝通透，餡料多蝦，非常飽滿👉🏼蟹籽燒賣皇 $19賣相吸引，大大粒，鮮蝦、豬肉均勻配搭，入口彈牙，味道唔錯👉🏼山竹牛肉球 $27肉質唔錯，軟硬恰到好處，好似好食過好多酒樓出品👉🏼薑蔥牛柏葉 $32牛柏葉爽口而入味，切得柔細嘅薑絲同埋蔥嘅醬汁味道都滲入牛柏葉入邊，有掛汁嘅效果👉🏼泡椒魚皮 $30呢個有驚喜，望落去平平無奇，冇咩食水以為冇咩味道，但係一入口辣味即刻湧出嚟，泡椒味好香，魚皮爽脆，有口感👉🏼鴛鴦鮮蝦米網腸 $36招牌點心，賣相精緻，色彩吸引，腸粉皮好滑，內裏脆卜卜，又有好多蝦肉，口感有層次，唔錯嘅選擇

其實我十分喜愛飲茶，從溫暖的家搬出後，沒有長輩們早起攞位確實減少飲茶，元朗西巴士站落車便看到點心店，男朋友與我一於試一試，愈來愈發現這種飲茶模式最適合上班族的我們，食物質素不俗門面光亮，貼滿點心圖片十分吸引，晚上還有那麼齊全點心選擇，這點連酒樓也辦不到。原來這已是元朗第二分店，是信心保證吧！地方光猛整潔，餐具乾淨整潔，入座時先點一壺茶，酒樓那熟悉的感覺頓時湧現。一如傳統酒樓有蒸籠點心、炸品、包點、腸粉、蒸飯及糕點，更有蒸飯及點心套餐，打破了飲茶要三五成群的概念，簡簡單單一/二人也可享受點心。原來是新派炸両概念，滑溜腸粉皮包裹脆口炸網，用網狀炸物較炸両多一份酥脆，綠色與橙色純視角效果，味道一樣，裡面藏有原隻蝦仁口感如春卷。維持傳統3粒1籠，牛肉球彈牙，沒有馬蹄都不察覺，肉汁及酸汁好開胃。魷魚超級脆口，比想像中更脆！完全不需用力咬，咖喱味道與咖喱魚旦的配方相似略淡小小，所以不算辣。蝦餃大大粒，蝦仁爽口彈牙，餡料豐富不會太鹹，略嫌蝦餃皮較厚。罕有使用白色燒賣皮，雖然賣相差欠奉，但味道與酒樓相同，豬肉味更香，鹼水味較小。雖然醬汁較少，但材料十分豐富款款原件非碎粒，有豬肉條、冬菇、蛋黃，而且糯米

🫖邊個話日頭先可以食到一盅兩件? 平日訓到晏一晏, 就會miss咗早茶同下午茶, 好彩晚上出嚟元朗都搵到中式點心食😋夜晚同豬生係朗屏行完街, 就係巴士總站搵好西食啦~ 經過見到有得歎杯茶食點心就入咗嚟試下啦😉 2人嗌咗蟹籽燒賣皇, 黑松露野菌粉果, 薑蔥牛柏葉, 香煎臘味蘿蔔糕, 蜜汁叉燒包, 通菜同埋豉椒排骨蒸飯, 好滿足, 雖然一盅兩件, 但份量十足! 點心即嗌即蒸, 熱騰騰! 最中意黑松露野菌粉果, 菇菌濃郁🤤 .📌 8號茶居 (順發樓)元朗擊壤路17號順發樓地下H號舖.#hkig #hkfoodie #foodporn #foodphotography #likesforlike #instalike #followforfollowback #yuenlong #yumcha #traditional #dimsum

老友約我飲茶，餐廳座位舒適，乾淨企理。我們點左：8號蝦餃皇$19 (2粒) ，大大粒，蝦肉爽口，蝦餃皮煙韌剔透，啖啖蝦肉滿口鮮甜超正👍👍👍蟹籽燒賣皇$19 (2粒)，用白色外皮包住豬肉、蝦仁，豬肉有鮮肉味，蝦仁爽口彈牙。海苔鮮蝦腐皮卷$28，腐皮海苔炸得脆脆，蝦肉彈牙，配喼汁很夾。香滑鮮蝦腸 $30，腸粉很滑，大大隻蝦仁很彈牙，很好吃😋😊蜜汁叉燒包$19，包質鬆軟，叉燒汁多。鮮蝦菜苗餃$20 (2粒)，蝦肉彈牙，菜苗嫩滑，美味😍。

今晚,急急腳離開公司.約咗壞朋友(大肚老鼠)去晚飯時段去食點心.佢係有要求既動物,唔好食,唔好招呼,就黑口黑面.8號蝦餃皇熱辣辣來的第一籠,一二三,兩人立即送入口,鮮蝦,皮薄,大大粒,好味！蟹籽燒賣皇餡料豐富,豬肉蝦球,實在的手工制作,好！老干媽蒸鳳爪鳳爪,夠味,熱辣辣,非常惹味！青咖喱雞粒咸水角咸水角內是雞粒,微微青咖喱味,有創意.鴛鴦鮮蝦米網腸又係鮮蝦,內脆,好味！鮑汁豬手蒸飯(金鳳米）鮑汁豬手,好入味,食過豬手,橫財就手！用我家中想吃既金鳳米,香米有趙口.掂.飯飯掂！我讚全部食品都熱辣辣上枱.店長笑住回我,全部點心都是自家制作,即做即蒸,新鮮好味！

呢間8號茶居未食之前感覺一般，一來等位又熱又落雨，二來自己唔太鐘意飲茶，但今日爸爸話好耐未飲過茶，就帶佢黎扮下孝順。但食完之後真係有D喜出望外，非常驚喜。見到有個龍虎榜就叫想食既試下先泡椒魚皮 $30 - 超好味爽口酸辣，如果唔係太飽想叫多個雞蛋牛肉腸$29 - 好香雞蛋同好飽滿既牛肉係入面，食望啖啖都很滿足瀑布流沙奶皇西多士 $31 - 好似食緊流沙包加西多士咁，可能爸爸唔鐘意太油膩，佢唔太喜歡麵包吸左油。8號蝦餃皇 $19 - 大大隻蝦好足料，勁好味。薑葱牛柏葉 $32 - 牛柏葉口感好爽脆，一點都唔un，而且薑葱味都好夠。鵪鶉蛋燒賣 $30 - 好懷舊既味道，爸爸食得好知味，鵪鶉蛋好軟滑。鴛鴦鮮蝦米網腸 $36 - 腸粉皮包住米網紙再包鮮蝦，口感特別，軟滑、鬆脆、爽口三種唔同既感覺溶為一體。本身想加單食其他野，但實在太飽啦，唯有下次再同爸爸黎食過。總結而言大致上都好好味，係酒樓以外食點心既好去處，我會再番黎食。