Video
2-min walk from Exit N1, Tsim Sha Tsui / East Tsim Sha Tsui MTR Station
continue reading
Telephone
26222095
Introduction
Fresh and delicious, this Japanese sushi restaurant is tucked in the center of Kowloon. Their sushi rice is perfect and fish freshly caught.
continue reading
Additional Information
四人起最低消費每人＄300用餐時間90分鐘
Opening Hours
Today
12:00 - 14:00
18:00 - 23:30
Mon - Sun
12:00 - 14:00
18:00 - 23:30
Above information is for reference only. Please check details with the restaurant.
About Reward Scheme
🍱 極上拖羅丼：呢碗丼飯絕對是拖羅控既至愛，大拖羅3片、中拖羅3片，切片厚實，油脂均勻分布，入口即化，帶來濃郁的魚脂香氣。拖羅蓉脂香豐盈，柔滑細膩，搭配新鮮的鵪鶉蛋攪拌後，令米粒增添絲滑口感，底層的醋飯酸甜適中，當然再酸啲會更喜歡，所以食晒啲酸薑。🍲 關東煮盛合：想食啲暖暖地既野打個底先食魚生。經典既關東煮組合有雞蛋，白蘿蔔，椰菜豚肉卷，竹輪，黑蒟蒻，魚卷同炸魚餅，魚餅意外地鹹香，湯底清淡帶點充滿昆布與柴魚的香氣。 🍢薩摩赤雞肉蔥串：雞肉鮮嫩多汁，燒至微焦，搭配蔥的微甜與清香。 📍牛小排青蔥卷 & **鹿兒島黑豚蘆筍卷：牛小排油脂豐富，香氣十足，與脆口辛辣的青蔥形成完美對比；黑豚肉包裹著鮮嫩的蘆筍，鹹香濃郁之餘又帶清新口感，兩款都出色，但因為熱愛青蔥，所以牛小排青蔥卷略勝。📍炭燒銀杏：銀杏香氣濃郁微甘，口感是獨有的煙韌，居酒屋必點。 🍆 茄子原條：茄子清甜，軟滑綿密，淋上甜鹹醬，味道溫和舒服。🍳 明太子玉子燒：玉子燒層層堆疊，明太子醬的鹹鮮點綴其上，提升了整體風味。📍甜品時間： 🍍 焦糖菠蘿：必點! 焦糖脆卜卜，微苦和香甜的菠蘿配合得當，酸甜交融。 🍡 日本芝士年糕：外層炸至微脆，內裡軟糯，芝士香氣濃郁，鹹甜適中，用紫菜包裹。✨餐廳位於尖沙咀，位置方便就腳，裝潢帶有濃厚日式居酒屋氛圍，燈光溫暖柔和。服務人員親切貼心，隨時留意客人需求加茶，沖淡左杯賢者之食卓😂 呢間居酒屋好適合放工同同事放鬆小酌。其實二人餐好抵，但冇咁大個胃。
continue reading
尖沙咀內巷棉登徑有好多日餐，呢間令我覺得係同日本既水準不相伯仲💜職員好有禮貌，食物質素又高，精心烹調。我哋揀左二人餐👍🏻前菜前菜係蟹籽沙律同三款漬物，蟹籽沙律新鮮，開胃，漬物有醃白蘿蔔、原粒蒜頭同牛蒡。每款漬物睇落單調，但味道就好有驚喜，真心係衝擊味蕾個隻！開頭以為係普通醃酸白蘿蔔，點知係用左子薑醃，酸酸辣辣好特別。蒜頭又以係用普通辣椒醬，點知食落有木魚絲既味道，完成無違和感，又中和左蒜頭既重口味。牛蒡用左甜醬汁醃，但有小清新感覺。刺身四點拼盤分別有拖羅、三文魚、油甘魚同甜蝦。厚切刺身又點少得，刺身非常新鮮又肥美，我以往都唔係好鍾意食拖羅，呢個拖羅竟然令我一試愛上，脂肪分佈如雪花，入口即溶，大讚👍🏻壽司拼盤有赤身、深海池魚、真鯛、帆立貝、金目鯛、日本海膽同拖羅蓉小卷。有幾款係出面好少食到既高級魚種，又幾特別。廣島蠔味噌菜鍋廣島蠔肥美，火候啱啱好，連裙邊都肉質細嫩。鍋內仲有水晶粉，煙煙韌韌，同味噌湯底好夾。黑咖喱湯豬軟骨稻庭鳥冬一上菜已有陣陣香氣，黑咖喱湯非常濃郁，豬軟骨淆煮到肉質軟嫩入味，軟骨部位口感爽脆香嫩。小食即炸即燒，好惹味。輕盈小甜點係雪米糍，飽肚2人餐，真係好enjoy今餐啊🥰
continue reading
🌟嵐山日本料理🌟係一家位於尖沙咀嘅日式居酒屋🏮，閒日晚市都滿座，極具人氣🔥！🍶嵐山二人前 $899/2位套餐包含前菜、刺身、壽司、鍋物、小食、烏冬、甜品，真係乜都有，份量豐盛！🥗前菜漬物三點 - 漬物有綿滑美味嘅鮟鱇魚肝，誠意十足！時令沙律 - 係清爽嘅蟹子沙律！🐟刺身有鮮味濃厚嘅拖羅、魚味香郁嘅三文魚、爽身鮮甜嘅油甘魚、同埋軟帶膏嘅甜蝦，四款都好新鮮好正！🍣壽司壽司嘅賣相真係好靚仔，味道同樣高質！包括軟柔嘅赤身、肥美嘅深海池魚、鮮甜嘅真鯛、清甜嘅帆立貝、富有油香嘅金目鯛、鮮味十足嘅日本海膽，以及肥美嘅拖羅蓉小卷，大滿足！♨️主食廣島蠔味噌菜鍋 - 巨型嘅鍋物，廣島蠔水嫩美味！內含大量蔬菜同埋粉絲，份量豐富！黑咖喱湯豬軟骨稻庭烏冬 - 湯底好香，帶少少辣，勁惹味！🍢小食山賊汁燒安格斯牛柳串 - 肉汁豐盈嘅牛柳串！唐揚薩摩雞翼 - 入口香脆！🍮甜品
continue reading
嚟咗位於尖沙咀嘅嵐山，就算係平日晚市都座無虛席，我哋叫咗佢個二人套餐$899/2位，套餐由前菜、小食、壽司、刺身、主食到甜品都展現出對食材嘅講究，非常豐富。🥗前菜「漬物三點」有3款時令嘅漬物，味道醃製得啱啱好，唔會太酸；另外仲有「時令沙律」，用新鮮生菜、粟米、蕃茄等撈埋酸方醋汁，食落清爽開胃。🐟刺身四點刺身非常新鮮，大拖羅油脂甘香，入口即化；甜蝦鮮甜爽嫩，另外仲有厚切油甘魚同三文魚，夠晒肥美鮮甜。🍣壽司拼盤壽司款式豐富，有爽脆鮮甜深海池魚、淡雅細嫩嘅真鯛、厚肉水嫩嘅帆立貝、幼滑回甘嘅海膽，仲有赤身同綿密拖羅蓉小卷。而佢哋嘅醋飯係用赤醋，食落更加有風味。🍗小食小食有兩款，「山賊汁燒安格斯牛柳串」肉質腍嫩，牛味香濃。「唐揚薩摩雞翼」外皮炸到酥脆，肉質juicy。🍲主食「廣島蠔味噌鍋」入面有大大隻嘅蠔肉，飽滿肥美，味噌湯頭香濃，鍋入面仲有菇菌、蔬菜豆腐等配料，非常豐富。除咗鍋物，仲有「黑咖喱湯豬軟骨稻庭烏冬」，黑咖喱湯辛香濃郁，夠晒惹味，豬軟骨腍嫩，烏冬彈牙。最後仲有雪米糍做甜品。。。嵐山日本料理 (尖沙咀)尖沙咀棉登徑11號地舖。。
continue reading
大家成日都北上飲食，其實香港仲有好多舖頭值得發掘！係尖沙咀做完Facial想食日本嘢就係附近搵下，見到嵐山門口裝修幾靚，幾有日本feel就試下la😋入到去見有$899/2人套餐，有齊前菜、刺身、壽司、主食、小食、甜品，有選擇困難症嘅我就拍板唔使諗食咩啦？本身以為細細份，點知款款都大份量，3個人食都夠食❗️🥗前菜：前菜有漬物三點+時令沙律，漬物有酸白蘿蔔、明太子沙律及牛蒡漬，今晚時令沙律係蟹籽沙律，沙律份量都好多，2款前菜酸味味好開胃🍣刺身：淨係刺身都值回票價！刺身每樣x2，有拖羅、三文魚、油甘魚、甜蝦～三文魚勁厚勁肥，入口油脂滲哂出嚟！拖羅入口即溶，鮮味十足！甜蝦大大隻好鮮甜！油甘魚都好新鮮！🍙壽司拼盤：壽司拼盤賣相十足！內有：赤身、深海池魚、真鯛、帆立貝、金日鯛、日本海膽、拖羅蓉小卷。全部都好新鮮無腥味，當中有平時比較少食到嘅魚類，配搭都幾特別，要讚帆立貝同日本海膽，前者鮮甜、後者份量超多！有成3層！滿口海膽勁滋味！主食：🦪廣島蠔味噌菜鍋：4隻大大隻廣島蠔+海量配菜，味噌鍋有大量菇菌、菜、豆腐、京蔥相當健康，仲有我最愛嘅水晶粉！湯底用味噌調味，唔會好濃，清新健康組合～🐽黑咖喱湯豬軟骨稻庭烏冬分別有2碗，黑咖喱味相當濃郁，每條麵條都掛滿醬汁！豬軟骨醃得相當入味，肉塊鬆軟，每樣食材都唔馬虎～小食：🐮山賊汁燒安格斯牛柳串：一上枱就聞到好香醬汁味，外面燒到脆脆地，內裏肉質嫩滑🐥唐揚薩摩雞翼：炸到脆卜卜好香口，雞肉好juicy，食落有d似脆香雞翼味🍡甜品：最後有兩粒雪米糍做甜品結尾咁多款式又有高質刺身，真係超抵食日本料理！食材都好新鮮百搭，依個價錢真係抵㗎啦👍🏻嵐山日本料理📍地址：尖沙咀棉登徑11號地舖
continue reading