542
27
8
2-min walk from Exit N2, Tsim Sha Tsui / East Tsim Sha Tsui MTR Station continue reading
Telephone
26222095
Introduction
Fresh and delicious, this Japanese sushi restaurant is tucked in the center of Kowloon. Their sushi rice is perfect and fish freshly caught. continue reading
Additional Information
五人枱起最低消費每人$300 用餐時間2小時
Opening Hours
Today
12:00 - 14:00
18:00 - 23:30
Mon - Sun
12:00 - 14:00
18:00 - 23:30
Payment Methods
Visa Master AlipayHK Alipay Cash AE UnionPay
Number of Seats
50
Other Info
Prevention of disease
Online Reservation
Wi-Fi
Alcoholic Drinks
May Bring Your Own Wine Details
Cake-cutting
Phone Reservation
Delivery
10% Service Charge
Spot payment
About Reward Scheme
Review (608)
Level4 2021-02-02
1011 views
尖沙咀棉登徑有好多日本餐廳,今日過咗嚟尖沙咀呢頭攞貨後,就嚟到棉登徑搵食,見呢間嵐山門面都幾靚,再睇埋放喺門外嘅餐牌都幾吸引,於是就入咗去幫襯。餐廳內環境寬敞,座位間有適當嘅距離,非常舒適。午市套餐有不同款式的選擇,有刺身有熟食。同時亦有精選優惠壽司,可以order幾件淺嚐一下。特上壽司定食賣相相當吸引,不過對我來講實在太豐富,下次有機會再試呢個特上壽司定食。食日本嘢我始終都係鍾意食刺身類,所以我就揀咗角切魚生丼,定食已包含沙律、碗蒸、味噌湯、前菜,最後仲有雪糕做甜品,已經豐富到不得了。角切魚生丼有三文魚、吞拿魚、劍魚腩、甜蝦、三文魚籽同蟹籽,魚生份量非常豐富,感覺上仲多過啲飯,可以大啖大啖咁食各種魚生。茶碗蒸入面有冬菇、雞肉等材料,蛋蒸得非常滑。味噌湯亦都有油揚同昆布,材料豐富,湯香而不鹹。沙律除咗有沙律菜之外,仲有蕃茄同粟米,配合和風醬汁,非常開胃。前菜係麻醬菠菜,呢個配搭我覺得都幾新穎,而且又好好味。朋友話今日想食熟食,所以叫咗黑咖喱吉列黑豚扒飯。店員一放低呢個定食,我哋就聞到一股香濃撲鼻嘅咖喱味,而且吉列豬扒炸得非常香脆,黑豚肉非常嫩滑,因為實在太好味,所以朋友可以清晒成碟飯👍🏼最後仲有雪糕做甜品,我哋分別揀咗綠茶味同芝麻味,兩款口味都非常香濃。喺尖沙咀以呢個價錢,仲要唔使加一,食到咁高質素嘅日本菜,我就覺得都幾超值喇! continue reading
(The above review is the personal opinion of a user which does not represent OpenRice's point of view.)
疫情爆發接近一年,原本計劃好今年年頭去京都旅行,順便上嵐山竹林影下相。不過,這個行程不知要押後多久。心思思,上網search 下「嵐山」,見到尖沙咀有間「嵐山日本料理」。既然去不成旅行,那就約約旅伴先去「嵐山」食下日本野過下癮。嵐山門外十足日系風格,來到餐廳門口亦有種去到日本餐廳的感覺。而且店內裝修亦有日式風味,可以坐壽司師傅的枱前,又或者裡面座位。我和旅伴都同意,既然去不成旅行,那就不如趁着這個午餐食豪一點,所以我們每人各點了一份刺身丼飯午市套餐。◍ 1. 玄米茶在這寒冷天氣,一坐底餐廳就給了杯暖熱的玄米茶,可以先暖暖胃。所以我們就不另點飲品。◍ 2. 味噌湯(午市套餐)味噌湯非常足料,飲落非常濃郁。◍ 3. 沙律(午市套餐)餐前亦可先食食沙律清新一下口腔,沙律份量不少,而且加上粟米及小蕃茄作配料,在沙律甜醋的調味底下就更加好味。◍ 4. 茶碗蒸(午市套餐)熱騰騰的茶碗蒸,蛋蒸得非常順滑,內裡有菇和雞肉作為材料,以增添咬口感。◍ 5. 刺身定食配白飯之所以叫「刺身定食配白飯」,原因是其刺身與米飯是分開盛上,刺身有其特別的擺盤,用上竹籃及冰底盛載,以保存刺身的溫度及鮮味,這點需要特別稱讚。既然用得竹籃盛載,刺身的份量和大小果然足料。每一件刺身都極其厚切,實為1.5人份量,刺身分別有赤身、油甘魚、深海池魚、鯛魚、三文魚、2片鮮八爪魚、2粒帆立貝及2條甜蝦。刺身種類足有8樣,份量上絕對不容置疑。每一種刺身都有其獨有鮮味,而嵐山的厚切刺身更能令人食出魚生的香味,油甘魚及池魚特別鮮甜,鮮八爪魚切得非常滑溜,師傅的刀架確有咁上下實力。◍ 6. 海膽甘蝦丼其實很少在香港食海膽,亦不會在一般的餐廳食。不過難得來到嵐山,我就特意嚐嚐這裡的海膽吧。餐廳用上加拿大海膽,而海膽非常鮮甜,並無任何既澀苦的味道,其份量還要佔上整個丼飯的一半,可以讓我一次過享受豐富海膽的清香味。丼飯的另一半就由三文魚籽及甘蝦組成,三文魚籽及甘蝦的味道與海膽相得益彰,香甜與海膽的淡淡鮮苦味道可以中和。無論喜不喜愛食海膽的,嵐山處理的海膽甘蝦丼都是非常好入口。◍ 7. 芝麻豆腐雪糕 & 綠茶雪糕(午市套餐)午市套餐最後還有雪糕附上,今日就有芝麻豆腐和綠茶兩款口味。綠茶味比起芝麻豆腐來得更甜,而芝麻豆腐的味道就稍為偏向芝麻的味道,各花入各眼。未去到日本,那就先去「嵐山」食下好野,享受一下高級刺身的味道先吧! continue reading
(The above review is the personal opinion of a user which does not represent OpenRice's point of view.)
尖沙咀棉登徑成條街食肆臨立,就係日式料理都有好幾間,今晚我同朋友卜左間好有水準嘅‘嵐山日式料理‘,店內右手邊,一張長長bar枱,大概可以坐5至6人,坐bar枱好處可以邊食邊與廚師直接交流;另一邊就係2-4人餐桌,桌上餐具擺放整齊乾淨。我同朋友各自點選左魚生同壽司:刺身全部厚切,肥美有口感😋(三文魚、油甘魚、赤身、帶子、墨魚)三文魚同油甘魚,色澤光亮,油花分怖均勻,入口肥美甘香;赤身不含油脂,原全冇脂肪嘅位置,肉質較實唔鬆散,原全冇根有咬口;帶子厚切鮮甜肥美;墨魚黏口有彈性,越咬越鮮。🍣左口魚邊 - 經火微微炙過,油花更甘香;🍣金目鯛 - 魚肉呈淡淡的櫻花粉紅色、魚肉鮮甜嫩滑。整齊黎講魚生部份質素極好,連配菜酸蘿蔔、酸青瓜同酸薑都非常好味之餘,當每食一件魚生前,先食下配菜洗擦一下味蕾,就能品嘗倒每件魚生的獨有味道😋。🍡串燒 - 燒牛肉、燒雞翼、燒五花腩,三款之中,五花腩跑贏,一層肥一層瘦,燒過之後,已燒走多餘脂肪,口感爽脆肉味濃😋。天婦羅 - 大蝦🍤,秋葵、矮瓜🍆、鮮冬菇、南瓜🎃、蕃薯🍠;大蝦有成一隻手掌咁長,啖啖肉;矮瓜切成風琴狀,入口軟淑濕潤;南瓜同蕃薯甜美;炸漿部份亦控制得恰到好處,只薄薄一層,脆口之餘唔會有滯溜感。海膽炒飯 - 飯底炒至金黃色,粒粒分明夠乾身,海膽原原全全溶入飯中,每啖飯入口甘香,配料仲有帶子粒、菇粒、粟米粒,蔥花等,增加香氣同口感,呢個飯真心推介比大家,非常好食👍🏻。 continue reading
(The above review is the personal opinion of a user which does not represent OpenRice's point of view.)
坐廚師枱有個好處,可以一睹廚師即場獻技將新鮮魚生切片,然後送到自己面前,一飽眼福。鯛魚刺身($49),色澤鮮豔,魚生呈晶瑩剔透,味道鮮甜,有咬口。深海池魚刺身,大大件,非常厚,有魚既鮮味,口感似吞拿魚。鰤魚刺身($98),我覺得這款魚最好味,近魚皮位置既肉好爽口,有彈牙口感,甘甜肥美。金目鯛魚壽司,肉質軟綿綿,而且經過火炙處理,有焦香既味道,頂層橙色既係帶少少微辣。左口魚壽司($25),肉質較結實,咬落較爽口彈牙,而且壽司已塗上秘制醬汁,已經好夠味。串燒黑豚蘆筍($38),豚肉軟腍配蘆筍既爽口,非常夾,表面曬上鹽粒和黑椒粒好香口惹味,咬開豚肉咇晒d油脂出黎。串燒雞翼($32),已起肉,咁樣兩邊燒得均勻,唔會表面熟內裏生,雞皮好香脆,而且雞翼有肉汁。安格斯牛扒($188),牛扒目測已全熟,但食落唔會好韌,肉質易咬開,部分肉會牽帶著少少肥膏,食落會更香口,配埋店家自制醬汁,味道帶甜。黑豚石頭鍋飯($118),非常大碗,豚肉幾乎覆蓋晒整碗飯,加埋有蛋黃汁,可以撈起黎食,好滑。 continue reading
(The above review is the personal opinion of a user which does not represent OpenRice's point of view.)
Level4 2020-11-15
1025 views
朋友已經結婚一個月了, 因為疫情關係 晚宴擺酒的美夢落空, 唯有以小組形式相約朋友出來慶賀。 今晚終於輪到我同佢慶祝😁😁, 精挑細選了她喜歡的日本菜😎特地比她早一點來到餐廳, 聽了師傅的推介, 為她準備一個完美的慶祝晚餐。鰤魚刺身+ 彷彿魚刺身+鯖魚刺身鰤魚是大品種油甘魚 ,色澤較油甘魚紅, 肉質有嚼勁 , 口感油滑幼細 , 魚味濃郁, 脂肪分佈平均。鯖魚刺身油脂豐潤, 肉質細膩, 火炙過的魚皮也特別好吃。彷彿魚刺身不太熟悉這款魚,師傅推介的刺身, 原來係日本好受歡迎的。 肉質爽甜, 比較有咬口, 是不錯的選擇。喜之次壽司😍其中一款我最喜愛的魚, 魚皮微微火炙, 滲出誘人的美味, 肉質結實而魚味香濃, 在口腔內散發著 甜美的味道, 齒頰留香。石垣鯛壽司😍油脂豐富肉質細膩, 味道鮮甜 完全沒有腥味, 初嚐這款鯛魚一試愛上。牛油帶子焗雜菇鮮甜的帶子配上香濃醬汁, 雜菇有金菇、冬菇、本菇, 菇類吸收了醬汁精華 ,沒有草青味。燒芝麻雞翼雞翼外皮金黃香脆, 內裏肉質保持嫩滑, 雞肉濕潤 juicy。活鰻魚串燒鰻魚肉質彈牙 新鮮甜美, 師傅功力不錯, 魚肉生熟程度剛剛好, 外皮香脆, 但內裏仍然保持魚肉嫩滑。豆腐串燒豆味香濃, 塗在 面層的醬汁香香甜甜。手打安格斯牛肉烏冬最後點了一個熱辣辣的烏冬, 安格斯牛肉 脂肪分佈平均, 肉質嫩滑牛肉味濃, 烏冬煙煙靭靭, 還有令人心動的流心蛋。 continue reading
(The above review is the personal opinion of a user which does not represent OpenRice's point of view.)