鮮入圍煮花膠雞海鮮火鍋

Open Now

Now Closed

今次去食左一直好想試既火鍋店，幾年前金剛小儀推介做節目推介過，當時已想試，但一直都拖到而家，我地兩個人叫左佢地招牌既花膠雞湯底（2人份）！金湯底入邊有半隻雞同埋有5-6塊 Size唔細既花膠！我地先食雞食花膠飲湯，雞是有先預先醃過所以有少少咸雞味但唔會好咸，花膠係幾厚實既雪魚膠，湯頭無味精，好有住家味既花膠雞湯，總之就係好飲！花膠雞湯底（半隻雞）$308兩個人打邊爐，真係比較難叫餸，我地盡量每類叫少少試下。叫左手切頂級安格斯牛肉$268；鵝腸 $98，牛骨汁濃湯牛丸$48（4粒）；帶子鮮肉餃$60（4粒）；紫薯麵$25；桂花蚌$158；響鈴$48，唐生菜$38。最令我驚喜既係牛丸，多汁又彈牙！ 好多嘢食，下次一定叫一大班人嚟試！臨走前念念不忘，睇一睇個招牌，重發現餐廳都拎過唔少獎！

呢排天氣轉涼，又係時候打邊爐😍 今次去嘅呢間主打🥘花膠雞湯，打邊爐同時養顏💘🥘半只花膠雞湯（小）$308一嚟到會係🐥半隻雞上，滾一滾之後職員會幫手剪開雞件，之後就可以飲湯啦！雞湯味道濃郁，🐥雞肉都好嫩滑，花膠都有五至六舊，十分足料～飲完湯之後，可以叫店員加湯打邊爐，所以可以盡情飲湯🤭🥟手工韭菜餃 $45 （6隻）餡料有韭菜和🐷豬肉，咬開會有少少肉汁😳加埋炸蒜和生蒜就更加香口🤙🏼萵筍 $45估唔到份量幾多😍 萵筍已經差唔多係我打邊爐必點嘅蔬菜配料🤣 我自己鍾意一開始就落定先，淋啲好味啲💕手打稻庭烏冬 $33烏冬係偏幼身，煮咗一陣好快就已經散開，所以要注意唔好煮咁耐。花膠雞湯底配合埋微微煙靭嘅烏冬，十分推介👍🏼人頭醬料費 $15/head環境：3.9/5以木係餐枱配搭特色吊燈，採光好好。服務：4/5店員會幫手剪開雞件，上菜速度也很快。食物：3.9/5花膠雞湯濃郁，花膠數量都算多。萵筍新鮮！

Openrice覓食 竟然俾我見到有花膠雞食😍 花膠雞湯 當然離不開花膠同埋雞營養價值高 既養顏仲可以補充骨膠原 絕對係女士滋陰養顏之選橫掂呢排個人咁dry 約同閨蜜一齊嚟滋陰養顏🥰職員殷勤有禮😊環境寬敞整潔-自助式調味料 人頭醬料 每位$15食物種類繁多-濃厚原隻雞煲花膠湯(半隻)$308我哋2個人就試試半隻雞🤤湯底濃郁呈金黃色雞湯煮滾後 必須先品嚐原味湯頭我同閨蜜每人飲咗兩碗湯 原汁原味 真係好飲😋雞肉嫰滑而且雞味濃郁😋呢個湯入面大概有5-6塊花膠好似食極都仲有😂花膠厚身 吸盡雞湯味 又軟又滑😋叫咗幾樣火鍋必備食物-鮮味炸魚皮-炸響鈴-牛骨濃湯牛丸(爆汁)炸魚皮同埋炸響鈴都脆卜卜呢一個牛骨濃湯牛丸幾出色 十分彈牙 多汁好味😋價錢合理 每人$300有找下次再嚟食過

放假約左朋友食lunch,唔想限時限刻可以坐低慢慢傾，所以最後揀咗呢間散叫打邊爐嘅餐廳呢間餐廳主打花膠雞湯打邊爐揀選左煮湯底之後再散叫而我哋梗係要叫濃厚原隻雞煲花膠湯（半隻）落咗單之後個花膠雞煲湯好快就上枱加埋個調味盒，成個感覺好有儀式感就咁睇個花膠雞湯個顏色已經feel到滿滿嘅骨膠原煲咗一陣之後店員就會過嚟幫我哋將雞切件佢仲提醒我哋要可以慢慢飲晒果糖先至再幫我哋加豬骨湯去做個打邊爐雞件係極度鮮嫩，重雞味花膠雞湯入口勁厚身，有張口嘅感覺飲完之後，成個人個身都暖晒花膠有勁多塊而且塊塊都勁大嚿以咁嘅價錢來講，簡直係物超所值基本食完個雞同花膠飲埋個湯，已經係七八成飽所以我哋之後淨係叫咗小小嘅配料食呢個原粒帶子鮮肉水餃幾有驚喜啲肉多得嚟帶有帶子嘅鮮味，呢個組合幾新奇重點係佢冇限時，可以俾你慢慢食如果係放開平日嘅朋友都幾推介過嚟試吓店員嘅態度亦都非常之好，值得一讚

鮮入圍煮花膠雞海鮮火鍋 (尖沙咀）📍地址：尖沙咀厚福街8號H8 8樓💰人均消費：$250=================今日在尖沙咀做完嘢，就決定同同事去厚福街搵吓好嘢食啦！厚福街多嘢食就不嬲都知，但呢排天氣開始轉涼，所以我哋主力搵啲火鍋類嘅餐廳😍呢間叫鮮入圍煮嘅餐廳出名花膠雞湯火鍋，一場嚟到梗係試吓啦！佢店內環境寬敞，溫度適中，打住邊爐食嘢都唔會覺得熱☺️醬油費$15提供蔥、蒜蓉、炸蒜、辣椒、花生及沙茶醬，但其實湯底太正，唔洗點醬油已經好好味😳濃厚原隻雞煲花膠湯$288 (半隻)呢個鍋真係真材實料！入面有好多雞肉同大大片花膠😳店員建議我哋先等水滾再飲湯😍 湯面有唔少雞油精華，雞湯味濃郁！花膠可以放耐d, 再淋d 食就岩晒😳以為佢d 雞味去晒雞度啦，又唔係wo! 雞肉同樣有雞味，肉質嫩滑😝牛骨汁濃湯牛丸 $48 (6粒）牛丸雖然冇明顯噴汁，但食落牛肉味好濃厚，肉質彈牙😍 性價比極高稻庭烏冬$35麵質滑溜，正常發揮。配埋雞湯湯底眨下眼就食晒😝由於湯底太好飲，我地飲湯都飽晒🙊下次再試其他野！

第一次嚟到尖沙咀嘅「鮮入圍煮」打邊爐，以前喺旺角嘅時候去過幾次，最欣賞佢哋嘅招牌濃厚原隻雞煲花膠湯，咁啱去尖沙咀厚福街H8搵食，見到由旺角搬咗黎呢度，所以就上去回味下啦！😏⭐️推薦❗濃厚原隻雞煲花膠湯（$288）（半隻）兩個人食就啱啱好，煲內除了有半隻🐔雞之外，仲有好多花膠，上枱後，店員好貼心地幫我地剪開隻雞，方便食用，雞件肉質都幾嫩滑，花膠滑嘟嘟，滋潤又養顏！😌建議加其他火鍋配料之前，先飲返幾碗原汁原味嘅花膠雞湯先！👍🏻有好嘅湯底，梗係要叫個竹笙嚟吸吓湯汁啦～⭐️推薦❗原條野生竹笙王（$88）一份有五至六條，仲要係勁大條，好抵食！☺️⭐️推薦❗牛骨汁濃湯牛丸（爆汁）（$48/6粒）採用香港製造嘅大埔振興牛丸，一咬開便有香滑油花，香濃牛骨湯爆出黎，juicy好味，加上肥牛和牛筋粒，口感十足！😋原粒帶子鮮肉水餃（$56/4粒）雖然餃子唔係好大，但係都幾足料，除左鮮豬肉外，每隻都食得到三粒帶子仔，不錯吃！呢度嘅啤酒價錢都算合理，打邊爐，最鍾意就係飲啤酒🍻～

雞湯勁好飲，飲咗好多🤣🤣d雞都滑同好味。樣樣都好新鮮尤其係d蠔！勁大隻！勁新鮮！勁好味！牛都很正不過人均食咗七百幾蚊有d貴，但係真係好好味，所以都尚可接受。

_____好味指數：🌟🌟🌟🌟抵食指數：🤑🤑🤑🤑天氣轉涼就想打邊爐，呢間火鍋據我印象係第一間主打雞煲花膠湯，又有得飲又有得打邊爐嘅湯底真係印象深刻✅濃厚原隻雞煲花膠湯好足料嘅湯！有半隻雞同好多花膠，雞好嫩滑，湯亦非常鮮味，未開始打已經差唔多將湯底飲哂🤤✅美國極上A級手切牛肉極上A級手切牛肉油脂分佈平均，賣相吸引，口感軟嫩牛味濃郁，而且幾大盤添✅芝士流心牛丸牛丸夠彈牙，而且咬落入面香濃嘅流心芝士仲會流出嚟，要小心燙親呀✅魚皮餃打邊爐必點之選，爽口彈牙又唔膩✅自家製蜂巢冰豆腐佢哋嘅冰豆腐係自製嘅，口感順滑軟綿，每啖都滿足

係附近做完野到lunch時間，被尼間店的店名吸引而來。主打火鍋類，點了濃厚原隻雞煲花膠做湯底，又點了中山脆肉鯇魚片同牛骨汁濃湯牛丸。花膠雞煲湯底果然非常濃厚，食得出用料質優。花膠選材厚身，份量極多，膠質感重。店裡人員幫忙把原隻雞剪小，好貼心❤️。花膠雞煲的雞肉雞味鮮濃，肉質亦十分細嫩。有咁優質的湯料，湯底當然好味。煮了兩分鐘後，在濃郁香味的攻勢下，已經忍唔住飲佐三碗。飲完湯就開始調配料，為脆肉鯇魚片準備。配料盤裡有生蒜、炸蒜、生蔥、鮮辣椒、花生米碎同醬料、醬油。食唔食辣都有得揀。特別推薦中山脆肉鯇魚片！在濃厚雞湯的浸潤下，滾個三五分鐘就非常好味。魚片一啲魚刺都冇，魚肉斜切成雙飛魚片，一燙熟就卷成花，非常漂亮的弧度，睇得出廚房師傅刀功好，魚片切得又薄又靚 。魚片非常彈牙，食得出食材好新鮮。沾啲調配好的醬料，一咬就有魚肉的湯汁係舌頭綻開的感覺，好正～～牛骨汁濃湯牛丸都好彈牙，咬落真是有濃湯濟出來，滿滿牛肉鮮味，真是真材實料。飲品點佐杯提子蘇打，氣好足，冰爽解膩。

鮮入圍煮個名就聽得多，但係食就第一次，見喺厚福街咁就腳就同朋友嚟打邊爐。座位都唔會好迫，坐得舒服。呢度應有盡有，大部分嘅材料都一應俱全，海鮮、丸類、蔬菜、肉類等等，適合唔同口味嘅人。而且醬料係拎到埋枱俾客人自己調配，可以舒舒服服嘆邊爐。一場嚟到，緊係要試下佢哋嘅首本名湯底 — 濃厚花膠雞湯($288 半隻雞)，我哋2個人就叫左半隻雞，不過我覺得2-3個人都夠食✨見到啲湯都流晒口水，湯底係乳白色，店員叫我哋飲吓啲湯先，飲落好香雞味👍🏻👍🏻啖啖精華。花膠有7-8隻，而家係厚身嘅，唔係好薄嘅花膠。食到咁上下，店員就會埋嚟幫手剪雞，本身以為啲雞會好嚡，但原來食落唔係。我哋兩個叫左唔係太多配料，因為仲有下半場搵朋友食嘢😂😂加配咗手工韮菜餃($45), 出前一丁($22), 油麥茶($38), 金牌牛肉丸($35)韮菜餃幾好食，好香韮菜味，我哋2個人份量啱啱好。牛肉丸冇爆汁效果，但都可以一試。雖然我哋叫得唔多嘢食，但都好夠飽，因為湯同雞件都唔少。

已經幾個月沒來過了，查地圖才發現已經搬了新店面。都易揾到。花椒雞湯一如既往的非常好味，越熬味道越浓郁！我們3個人（1個大人、2個小朋友）叫了一整只雞。因為小朋友好鍾意雞肉，全部吃完。本地牛肉都好味。 工作人員服務都好好，擔心我們吃不完，還好心提醒我們要不要換成半隻雞，買單時還提醒我們可以在OpenRice关注就可以享受88折。海鲜都新鲜。座位都宽敞，坐的舒适。今日中午人不算多，环境很安静。会继续帮衬！

放工約咗朋友去尖沙咀食飯，去咗厚福街H8大廈一間呢間打邊爐，店員推介花膠雞湯做湯底，於是就點嚟試吓，非常有驚喜！我同朋友得兩個人，所以叫咗半隻雞，係非常足料嘅半隻雞，店員上菜時會喺你面前，幫你將半隻雞剪開，唔使驚偷工減料！另外，湯裏面都有好多花膠，花膠好厚身店員推介我先飲湯，湯飲夠啦，先用湯底來打邊爐。齋睇過湯，好深既奶白色，已經知道一定好飲，放入口果然超香超濃雞味，係超級足料嘅雞湯！仲要超級大煲，我飲咗五六碗。然後就試吓隻雞，好滑好香，好多肉。啲花膠都好好味，完全冇腥味，用料十足，難怪個湯咁好飲基本上食完啲雞同花膠，再飲埋啲湯，已經爆咗七成，另外叫咗幾個火鍋配料：娃娃菜、烏冬、新鮮腐竹、魚片頭，全部用料都好新鮮，個烏冬吸晒啲湯嘅精華，正！！！食完之後真係飽到攬住個肚，超級滿足！「鲜入围煮」

今日同朋友睇完戲想食啲濕濕地既野~朋友竟然提議去食花膠雞湯打邊爐！！！難得朋友有主見，我當然樂意奉陪啦xpp我地得兩個人，所以要半隻雞既份量就夠嚕～喺雞煲未嚟之前可以先調好醬油醬料：）之後雞煲上場後仲有店員幫我地分剪呢半隻大黃雞xpp先飲啖雞湯，係濃郁又甜既味道呀！！！雞肉都唔會好嚡～仲有5-6件既花膠添！！！啲湯飲到7788，我地就加湯開始打邊爐～不過其實食完個花膠雞煲之後都飽左7-8成xpp所以我地只係加左一份烏冬同水餃～水餃大顆飽滿好足料！！彈滑既烏冬索左湯汁後勁好食～呢度除左啤酒汽水之外，仲有超爽既果味梳打供應添！

之前有朋友介紹鮮入圍煮嘅湯底唔錯今日下午有時間就去試下坐低職員就有調味料比我地落豉油冇其他餐廳咁鹹 有好多款唔同嘅湯底 今次就試花膠雞湯底湯底一上就已經聞到香味我地叫左細份 但都有好多件花膠雞都有好多件 大大件 但都好滑咁濃嘅湯真係要飲返碗 補充骨膠原🤣之後再加都係加湯唔係加水 所以個湯一直keep住好甜好濃打邊爐一定要點牛點左份安格斯 花紋好靚 唔肥唔瘦 又滑又有牛味 Lunch食唔落太多野 下次可以試埋其他牛仲叫左娃娃菜 要讚下洗得好乾淨 冇左出面老果層牛柏葉吸左雞湯嘅味 好正不過牛柏葉真係滾一陣就好掛住傾計一下唔記得左就老左我地lunch去唔係太多人都係一個幾好傾計嘅地方雖然地方細細 但係枱唔會擺得好迫坐得都幾舒服😆餐廳有缸養住海鮮 都幾多種類 新鮮下次多d人去食就可以試多d唔同野

超足料花膠雞煲🌸濃厚原隻雞煲花膠湯$288(半隻)⭐️⭐️⭐️⭐️⭐️一上雞煲滾左，傻婆們即時𢳂左1碗黎飲，清香而不膩既雞湯👍跟住店員就好貼心黎幫手剪雞。雞十分新鮮👍有一大隻雞髀，都多肉嫩滑，點埋醬油食就十分正。花膠亦都好大塊，已經煲到好淋易咬，完全滿滿既骨膠原，食到最後傻婆們𢳂晒雞湯黎飲，十分濃郁精華既雞湯👍🌸牛骨髓$58⭐️⭐️⭐️⭐️⭐️有差不多十條，全部都大大條，滑捋捋，完全冇血腥味！再點埋蒜蓉醬油簡直絕配！🌸蔬菜麵(紫薯)非油炸$22 ⭐️⭐️⭐️⭐️☆係壽桃牌既非油炸蔬菜麵，係雞湯入面煮到淋晒，每條麵都掛滿濃郁雞湯黎食簡直一流。🌸巨峰提子梳打$28 ⭐️⭐️⭐️☆☆玉泉梳打十分夠氣，巨峰提子十分足味，不過太甜。🌸蜜桃特飲$28 ⭐️⭐️⭐️☆☆蜜桃味出，還有寒天粒。醬油$15/位有蔥、蒜蓉、炸蒜、辣椒、花生、沙茶醬環境乾淨企理，座位舒適，冷氣足夠，需加一服務費，枱面有紙巾提供。======詳情======鮮入圍煮花膠雞海鮮火鍋尖沙咀厚福街8號H8 8樓================#yummy #香港美食指南 #香港美食 #hkfoodie #hkfood #hkeat #吃貨 #吃貨日常 #RnT吃貨