鮮入圍煮花膠雞海鮮火鍋

Open Now

Now Closed

今日同朋友出左尖沙咀，凍冰冰又落雨濕濕，突然好想打邊爐同食花膠雞，我地最後決定黎呢間。入到去咩唔理叫左個花膠雞鍋先，佢好快就上，當你望住佢慢慢滾起真係好興奮，個鍋入面有半隻雞同好多花膠。終於食得啦，我地飲左個湯先，嘩一放入口，熱辣辣超正，個人即刻暖左! 個湯有好濃既雞味，好好飲，雖然佢係半隻雞，但係隻雞都好大隻，而且花膠好厚肉。我地3個人，每人CHUR左2碗湯，食哂煲入面既野先開始打邊爐。我地其實叫左10幾樣野，有幾樣真係好出色。第一個係炙燒流心芝士丸，首先佢外面既金黃色已經好吸引，但最正既係佢入面既芝士，唔係平時街士買到嗰種，佢個芝士味係濃啲。平時食嗰啲入面既芝士係漿住左咁，有少少拉絲，但呢個真係流心，好似可以啜湯咁，我鍾意~然後係呢個紫薯麵，其實佢有幾款蔬菜麵可以揀，仲有菠菜同胡蘿蔔，佢寫明非油炸。佢麵質好煙韌，吸左個湯黎食好好味。第三樣係呢個牛骨汁濃湯牛丸，呢個堅正。牛丸好彈，好香牛味，而且佢寫明爆汁就真係爆汁，呢個真係力推!我另外叫左杯凍玫瑰烏龍茶。呢個有啲意外，無諗過佢有自己手沖既野飲，個賣相好不突止，佢上面鋪左啲玫瑰花瓣，杯底都有好多，而且杯茶真係有好濃既玫瑰味，正!

鮮入圍煮呢個名聽咗好多次，今次第一次黎到尖沙咀專食花膠雞而聞名的火鍋店。今次只有我同媽咪去食，所以份量沒有特別多。我地叫左半隻雞花膠湯，整鍋花膠雞湯湯底先上，店員隨即幫手剪開啲雞，方便我地之後食用！整鍋花膠湯十濃郁，花膠的份量也不少，滿滿的骨膠原🫶🏻然後店員比左一盤醬料我地混醬，有六款打邊爐必備的醬料👍🏻我地係必加入任何火鍋配料時先試左佢啖湯，濃郁的雞味，湯十分清甜，可見都相當足料！叫左我最愛的萵筍及魚皮餃，仲有山根韭菜餃、娃娃菜、炭燒芝士丸等等！全部都大大碟，份量十分充足！萵筍十分爽口，一啲都唔老，值得一試！另外炭燒芝士丸都好正，芝士爆漿而出🤤，呢一餐好完滿🤗如果好中意食花膠雞🐥既朋友不妨一試！🤭

今日晨早起身已經覺得天寒地凍🥶，喺尖沙咀the one行完街之後，就醒起有間想試好耐嘅火鍋店，今日又凍就啱曬了，呢間鮮入圍煮喺H8 8樓，一上到去已經見到個大魚缸，環境都好大，又有電視睇下。一坐低就即刻俾個濃厚🐔煲花膠湯吸引咗，睇返好似個個嚟都必點呢個，聞到陣味已經知無叫錯了，職員都好好過黎幫手剪開隻雞，雞同花膠份量都好多，食完都差唔多半飽，仲要飲咗幾碗湯🤤手切頂級安格斯牛肉呢個睇到個名已經想試下，上到嚟果然無令我失望，牛味都好夠，中意食牛可以一試。日式蟹柳棒呢個同我預期都有啲分別，食落又幾好食，份量都算多。蓮藕片平時我就最鍾意食蓮藕，基本上去到每一間我都會試下，屋企都會自己整嚟食，不過佢呢間嘅蓮藕片真係算出色，塊塊都好爽脆，唔同有d會好淋或者好硬👍🏻

涷冰冰嘅天氣，有咩好過打邊爐或者飲啖暖湯？🤭答案就係飲完啖湯再用湯底打邊爐😆同媽咪行開尖沙咀，見到呢間舖頭推介煲湯湯底飲完再打邊爐，就即刻上去試下先得。😋濃厚原隻雞煲花膠湯（小）半隻 $308🐔上到去嗌左個花膠煲雞做湯底，一上黎就好驚喜，花膠超大舊🤩，同一般街外好唔同，而且2人用份量有成5，6舊大大舊花膠，真係好抵。🤗店員提醒我們打邊爐前應該飲左湯先，飲完湯之後再加豬骨湯先再打邊爐。雞係半隻原隻上，俾我們打完卡之後再幫我們剪開佢，服務一流需要一讚😌。啖湯飲落肚當堂暖笠笠，而且雞味超香超濃郁🤤，飲完一碗唔夠立刻再添一碗，而且花膠大大舊好厚身，成舊啪入口有痴口感，證明膠原蛋白好豐富☺️。雞肉煲完一d都唔嚡口，食落超滑溜。同媽咪一人飲左3碗湯😆，食完d花膠同雞都已經飽飽地，所以諗住再嗌少少野打邊爐就算。🤭手工韮菜餃 6粒 $45🥟皇帝菜 $48🥬稻庭烏冬 $35🍜45蚊有6粒大大粒韮菜餃🥟，而且入面餡料好飽滿，cp值幾高，一咬落去d韮菜味一湧而出真係好幸福🥰。打邊爐最鐘意食皇帝菜，貪佢特別嘅草青味好出好好食，用黎配烏冬真係一流。烏冬係煙煙韌韌嘅稻庭烏冬🍜，食落口感好好，而且配埋個靚湯底，成件事

最近天氣好凍，最岩就係去食火鍋了。呢間餐廳主打花膠雞湯濃厚原隻雞煲花膠湯（$308）：非常足料，有成隻雞，有雞翼雞髀，個湯係勁入味，有埋花膠，非常滋補，真係飲得出個鮮味，唔係出面果d味精湯，非常好飲，超正。冬天咁凍，飲香濃的雞湯真係成個人都暖哂。餐廳有提供唔同調味料，都多選擇。手切頂級安格斯牛肉（$268）：牛肉好鮮味，好滑，完全唔會韌，牛味都好重好好食。羊肉片（$148）：羊肉幾香，份量都夠多，羊果種香味都好夠。蟹子墨魚滑（$118）：墨魚滑又好滑，好重墨魚味，而且份量都好多，好好食。另外我們還點了豆卜（油豆腐）（$ 38）和稻庭烏冬（$35），食完一定夠哂飽肚。豆卜索哂d湯汁，超好食。烏冬都夠滑，唔錯。

天氣凍啦～🥶Fd約我一齊去食花膠雞煲補補佢🤭之前已經好想嚟鮮入圍煮到食㗎啦等到冬天就即刻朋友約去食啦店舖都夠大 一班朋友去打邊爐食花膠雞都夠坐Menu都好多選擇 緊有幾款啱你食除左花膠雞湯 花雕平雞又係想下次試嘅湯今次朋友同我都係望要想食花膠雞所以就嗌個細嘅花膠細食🐥花膠雞湯評分：👍🏻👍🏻👍🏻👍🏻👍🏻一擺落嚟見到啲花膠 呆左 勁多隻 有五隻大花膠隻隻都大過手掌🖐🏻食落仲要勁爽口 上等貨色啲雞好滑 一啲都唔‘鞋’ 仲要有埋雞脾 正啊花膠雞湯真係冇得頂🤤勁濃味 但唔係味精湯味係真係用鮮雞嘅湯 天氣凍飲完真係好暖飲完雞湯食完花膠雞已經飽左 份量好夠但都另外嗌左幾款材料打邊爐🍲韭菜餃必嗌 超香韭菜味 勁好食稻庭烏冬都係飽肚之選🤣🤣

今日去左身體檢查之後，就係尖沙咀覓食。每次諗唔到食咩，我都會行去H8，成棟大廈都係食肆，大把選擇！最後我地揀左去打邊爐，因為見到「鮮入圍煮」個花膠雞煲好吸引！上到去餐廳成2點鐘，已經過左午飯時段，所以大把位。少打邊爐既朋友留意番，餐廳每人要收$15醬料費嫁。濃厚原隻雞煲花膠湯 （半隻）雞煲先上，店員會幫你再剪開雞隻。有好多雞件同花膠，我地果煲有成5舊花膠。真半隻雞，有雞胸，雞腿同雞翼花膠都唔薄，幾「膠」下。記得落其他料打邊爐之前，試一試佢地個雞湯先，真係雞咪濃郁！膠膠地既花膠雞湯，飲完個身即刻暖晒！豆苗冬天最岩食豆苗，雞油令佢更加甜份量都比我想像中大盤。帶子粒鮮肉水餃成粒帶子係裹面，每粒都好飽滿，不過個人就覺得佢唔夠個湯底鮮啦！牛骨汁濃湯牛丸原來係振興既牛汁牛丸。振興牛丸係好食，而且我平時重會成包買番屋企煮麵食嫁！總結：花膠雞好膠好鮮，好值得再黎。下次要再約多幾個朋友，先可以夠腳叫下海鮮同牛肉。我諗到時個湯底應該更加鮮到不得了。

火鍋店位於尖沙咀商廈H8的8樓內，景色開揚(樓景) 。本身係尖東站P2出口行10分鐘過黎，但係走的時候發現原來其實係The One後邊加拿芬道過黎比較容易🤣主要有6款顏色紙比我落單，包括肉類生料，雜類生料，丸類及麵食，蔬菜生料，海鮮類小食，湯底(11款)等等，都幾多選擇👍半隻花膠雞湯下單不用5分鐘，侍應便端來一碗金黃色的雞湯，望到都垂涎三尺 XD 雞肉好滑，沒有雪藏味，似用新鮮雞🤭 再加上湯底有好多大大小小的花膠，勁滋補！豆苗有去開街市買餸就會知道唔係一般貨色，係豆杯，高級野～碌完入口爽甜☘️中山脆肉鯇魚⻣腩打邊爐有靚湯底，就梗係要用黎碌魚食，洗乾淨整整齊齊排係碟到，大約有十餘件左右。魚肉入口結實，未知是否關場內有自家魚缸事，條魚即叫即劏😆？凍提子梳打價錢合理，味道正常，因為雞湯太惹味，不經意把它比下去🤨 可能叫返啤酒飲比較岩場合🍻總結：店員有禮，會主動詢問是否需要添加豬骨湯。場內冷氣充足，枱與枱之間尚算足夠✅一路食，諗起d人而家興屋企食，不禁問下去是否提供外賣服務，原來都有做外賣全港送，與時並進🗣️

鮮入圍煮食過花膠湯唔錯，見朋友未試過就話不如午餐來吃，來到下午關係不多人，我哋叫咗一個細鍋加3個材料，叫完食物醬料就來到，我哋每款都拿了點，這裡豉油不是死咸不錯再配辣椒蒜最岩，整體都夠2人作午餐十分飽肚。一大盆半隻花膠雞湯來到，其實細都夠2人食，待應話已經可以飲湯先，好濃又香，我哋每人飲了2碗再加湯食其他食物，花膠數量不少都幾彈牙有些就好淋身，不錯。雞份量都可以，雞肉幾滑，啖啖肉，價錢$308。蟹籽鮮蝦滑幾大份，入面都有不少鮮蝦粒，口感彈牙蝦味都幾濃郁，手工九菜餃6粒$45都可以，好香九菜味好惹味，皮又夠薄身。最後菜就選了皇帝菜，我哋2人慢慢食咗個半鐘待應都好快手倒湯和水，服務不錯。

我從2016年已經開始幫襯小店，每年最少去3-4 也試過一年去吃六次 但係湯底真係一年差過一年 尤其今年 每一次我去食都係花膠雞火鍋 由一開始花膠會發好先上 一鍋數得出6-8 片 到後來可能生意太好發吾切D花膠，要喺個火鍋起碼煮個半鐘先軟身，到早前去食連湯底都淡埋…，而且食吾出花膠味…，淨係飲到淡雞湯味…。真係好失望，個火鍋其實精華就係個湯底，如果湯底冇咗以前嘅水準，就真係冇意思㗎啦，暫時今年唔會再幫襯 下年冬天可能會再試一次，但係如果湯底都一樣係咁就應該就冇下次。依間餐廳一開始出名係花膠雞火鍋，希望店主見到會改善一下。

今日去厚福街打邊爐，諗住試吓佢哋個花膠雞湯。個雞湯$308 ，非常足料，有好多雞同埋沙滘，仲有隻大雞髀！侍應提我哋要先飲雞湯，之後先至落打邊爐嘅生料，因為落咗了之後個湯就冇咁好味。個湯非常之濃味，花膠同雞都好入味😋啲雞又好滑好大嚿，朋友都話好足料。我哋另外嗌咗烏冬、金菇、餃子同丸，兩個人都唔係好食得晒，因為冇諗過湯底已經咁多料。個貢丸都幾好食，夠彈牙。本身見佢40幾蚊都覺得有啲貴，不過係好食嘅！烏冬都好大個，又好滑，夾埋啲湯真係一流！同埋呢間舖好得意，一開始侍應就會捧一大盤醬料去你面前，俾你任揀同撈自己嘅打邊爐汁，都幾正😋有花生、蒜、蔥、辣椒等，朋友話辣椒都好夠味幾好食，所以食得辣嘅朋友都不妨試下～

見好多好評一心同朋友仔試好多人推薦的花膠雞湯真心雞係幾好食不過花膠就好鞋口貴妃蚌唔知點解好鹹蝦滑一啲都唔好食整體嘢食都好一般呢個價錢我會寧願食出面任食火鍋同所有朋友都覺得真心冇下次

以前係旺角已經成日食但原來疫情間已搬左去尖沙咀厚福街同朋友都一致想食返佢個花膠雞煲😍🎈花膠雞煲好濃郁好香 一如既往都仲係好足料半隻雞 花膠都唔少仲要大大舊忍唔住飲晒啲湯 職員仲會幫你剪好晒啲雞 唔使自己剪飲晒啲湯之後先落返豬骨湯底打邊爐🎈牛骨汁濃湯牛丸超好味牛丸👍🏻牛骨汁牛丸真係食極都唔厭而且佢呢度啲牛丸都好彈牙 值得一試驚唔夠飽仲叫多咗個雲吞❤️蔬菜方面，最後我哋叫咗蓮藕同油麥菜連我份量都好多，唔驚唔夠食🤭

幾年前喺旺角食過「鮮入圍煮」，佢其後搬咗去尖沙咀H8。呢晚放工就同朋友到訪，重溫舊味😀。餐廳面積細好多，但同樣有魚缸養海鮮。濃厚雞煲花膠湯($288/半隻)，嚟得餐廳當然要嗌花膠雞湯🐓，二至四人建議嗌半隻。店員預先已將雞剪開，方便食用。雞肉一直放湯滾住都無變嚡，另外仲有大大嚿花膠，好滋補。由於係雞湯，就避免唔到有少少油。蟹子墨魚滑($98)，🦑墨魚滑抵食，份量好多，分到成十粒以上。墨魚滑真材實料，口感非常爽彈，又帶鮮味，如果再多啲蟹子就冇得輸。爽口花膠鮮肉雲吞($56/4粒)，🥟鮮肉雲吞大大隻，花膠粒剁碎混入於豬肉之中，食落都幾香，但感覺好似爭隻鮮蝦咁，好貪心，哈哈。皮蛋($8)，見平平哋就嗌咗隻嚟食🥚，溏心效果強勁。留意返，餐廳收取醬油費每位$15，另收加一服務費🧾。總括嚟講，如果想食花膠雞湯打邊爐🍲，呢間係始祖，地理位置又方便👍！

今日難得同老公去左尖沙咀行街 拍下拖 老公發現到原來尖沙咀都有鮮入為煮的海鮮打邊爐店 他話他食過旺角店的 好好食 於是我們決定入去食餐好的 獎勵下辛苦工作一週的自已🤤🤤看了看openrice 介紹 我們毫不猶豫地一同想叫半隻花膠雞湯😍 養顏滋補 話哂都係食海鮮店我們仲叫了半斤花甲 及 原粒帶子鮮肉餃子😍🥰油麥菜及巨峰提子梳打 半隻花膠雞湯職員會連把濃湯同大半隻的雞、大大隻的花膠一齊放上爐煲左一陣 已聞到雞湯的香味 引不住食指大動 過左一陣滾起 職員會上來 好細心咁把雞剪成一口大小 方便我們食用🤤 叫我們飲雞湯先 畢了一大碗湯 一品嘗 已知是真材實料😋 香濃的雞湯 有點黏咀 非常鮮甜美味 完全感覺到一口口的骨膠原飲落肚 ☺️再夾一舊雞 雞肉結實 雞皮爽口😋😋一食已知是新鮮雞 花膠舊舊都手掌咁大 啖啖肉 膠肉Q彈、很容易被嚼爛，仲有一點點粘嘴的感覺🥰😍🤤🤤 只是飲呢個湯都覺得很養顏 老公一邊飲一邊點頭🤭就知好味我們仲叫了半斤花甲見到餐廳內有大魚缸 點海鮮實無死 湯加入花甲 一放下不久 好快就打開殼🥰😍 一口shu落肚 完全不用點醬料 已非常新鮮甜美 又大隻😋😋 新鮮的靚花甲令到個整個花膠雞