鮮入圍煮花膠雞海鮮火鍋

Open Now

Now Closed

之前食過旺角嗰間，覺得唔錯今次搬去尖沙咀，地方食咗，但係方便咗必食花膠雞湯個湯底勁濃，好重雞味，飲完個嘴好黏稠，雞肉煲到好淋，一食脫骨，飲得出冇落味精，花膠好大塊，唔似其他鋪頭咁碎濕濕我飲咗2 碗，飲完成個飽晒🤣🤣手切美國牛肉個樣好靚，有厚度，肉味濃，同埋都滑蟶子皇 $88超大一隻 ，好厚肉、一脫殼就食得，好鮮甜正😋鮑魚 $ 88正常，一樣價錢既話我會揀蟶子新場係細啲，但係位置都算闊落，坐得舒服，下次叫多啲朋友一齊試多啲唔同食物

同男朋友出尖沙咀行街，佢話想打邊爐，上網一搵發覺鮮入圍煮尖沙咀都有分店，禁就當然要試下。一坐低，店員已放上各式醬料，我地點左個最出名既花膠雞湯，2人半隻。湯底好濃郁、好有雞既鮮甜味，未開始打邊爐前我地每人飲左3-4碗🙈🙈花膠就勁足料，起碼有8-10舊，好滋潤😝😝而半隻雞都好夠食，雞大大件，肉質鮮嫩，食落感覺係新鮮雞而唔係雪藏👍🏻其實食完同飲完都飽左一半，所以我地叫左小小打邊爐配料過下口癮。牛骨汁濃湯牛丸 估唔到好濃郁既牛味， 咬落有小小爆汁彈到自己😂，好好食。推介！牛柏葉 食落爽口彈牙紫薯粉紫色好靚😍食落有d似公仔面，但帶有淡淡的甜味，都幾特別。娃娃菜同豆腐打邊爐必叫， 娃娃菜放落呢個湯底到， 味道好似奶油津白禁，好正！

很久以前在旺角吃過這間火鍋，對這間食肆的雞湯印象深刻，最近在網上得知，搬遷到尖沙咀，今日便來到這裏。濃湯原隻雞煲花膠湯$288（半只），是這間食肆的主打，味道當然有一定的保證，雞湯味道鮮甜而濃郁，未開始火鍋，已經連續喝了三碗雞湯，身體感覺燈很暖和。喝完雞湯之後便可以加湯火鍋。煲內有半隻雞，可以叫店員展開之後享用。中山脆肉鯇骨腩$88，肉質爽口，味道鮮甜，甚少脆肉鯇魚可以吃到這麼鮮甜的味道，非常值得推薦。👍👍👍👍👍萵筍$45、油麥菜$38，蔬菜吸收了這個香濃雞湯之後，味道更加鮮甜可口。

今日嚟到尖沙咀厚福街H8大廈嘅先入為主，話晒呢度係食花膠雞嘅專門店，而且仲攞過好多大獎，於是便慕名而來。難得嚟到，梗係要叫招牌花膠雞煲。店舖去到差唔多10點都不缺人流，可想然之花膠雞既魅力有幾大。係餐單方面種類豐富，有蔬菜類，粉面，肉丸雲吞，肉類等等。⭐️招牌花膠雞湯($288)呢個價錢食到咁多花膠，同埋半原隻新鮮高質雞，真係抵到爛。首先花膠嘅份量好多，而且雞湯鮮甜香濃，同佢嘅店舖名副其實。而且雖然雞隻會出油，但係呢度嘅雞油一啲都唔膩。⭐️鮮蝦雲吞$48⭐️雲吞皮薄餡靚，非常足料，但係味道中規中矩⭐️流心牛丸$48⭐️第一次食流心牛丸，創意十足，味道都幾特別，食落有啲似漢堡包。熱騰騰嘅牛丸一咬香濃多汁芝士係口中溶化，超正。⭐️健康芋絲$48⭐️由於最近食緊低碳餐，叫咗份芋絲，夠晒低卡路里，份量都多㗎。整體而言，都幾大個鍋，我雖然兩個人唔係叫咗好多嘢食，但係完全夠飽。另外醬汁調味料亦都好豐富，有花生，蒜蓉，炸蒜頭，蔥花，辣椒油等等醬汁任君選擇，但係留意番呢個係按人頭計錢，另外再加一。人均大概$250左右。

喺尖沙咀嘅下午，有一日想食下午茶，覺得自己好似好耐冇飲過湯，就諗吓有乜嘢地方可以飲個湯食吓嘢。老婆就話不如去打邊爐，因為佢話佢未試過飲過鮮入圍煮嘅花膠湯。雖然有少少瘋狂，但係不失為一個幾好嘅意見。兩個人，乜都唔叫先整個花膠雞湯先，混個醬，呢個下午茶真係唔係好多人會試，但係絕對係一個好好消磨時間嘅活動。一如平時，點了半隻雞份量已經好足，花膠又較多。最喜歡佢嘅花膠真係夠爽而且唔會就住就住咁俾你。每次叫半隻雞都會有一隻雞髀，雞肉又唔會太韌唔好食。講真兩個人淨係飲呢個湯都已經好開心。由於我哋真係食下午茶唔係正餐，都費事叫牛肉或者海鮮乙所以叫咗一啲食物來點綴，唔知點解總覺得萵筍好襯呢個花膠雞湯，叫左一碟黎食。上次食過呢個爆漿牛丸我記得係幾好，今次都要再叫。雖然好熱應該飲下啤酒，但係呢度見到有養生嘅飲品當然一人一杯，桂圓茶同柚子蜜，滋潤一下。埋單必定比你平時食一個架嘅下午茶平得多，睇你點睇，好彩我老婆同我癲，當然唔會有酒店咁好彩，但係咁樣坐，以幾好嘅價錢就渡過一個悶熱嘅下晝都係一個幾好嘅選擇。

經朋友介紹下，來到尖沙咀厚福道的「鮮入圍煮」食滋補養顏的花膠雞火鍋，眾所周知，火鍋的靈魂是湯底，如果湯底靚和鮮甜，加上材料新鮮，就是無敵了。「濃厚原隻雞煲花膠湯」半隻$288真材實料的湯底， 雞肉皮薄，雞肉軟腍，湯底鮮甜，加上超多的花膠，單吃花膠雞和喝這湯已半飽了。我們再Order了腐皮、手打牛肉丸、生菜和烏冬，已非常足夠。手打牛肉丸內裏爆汁，爽口彈牙。用雞湯煮的生菜真是與別不同，非常鮮甜。 怪不得餐廳日日都高朋滿座啦！

作為中女嘅piggy梗係時不時都要補下🤪花膠就係其中一樣好啱女仔食嘅嘢，如果加埋雞去煲湯真係正到暈，但自己屋企煲實在太花精神，所以piggy就去呢間試下個花膠雞煲邊爐，果然花膠夠大塊亦厚肉，半隻雞都好大隻亦好嫩滑好有雞味，個湯濃厚鮮甜，感覺好滋潤，飲完即刻覺得靚咗🤣🤣 飲完兩碗湯其實piggy 都已經飽咗一半，另外piggy再叫咗個美國極上A級手切牛肉，滿滿嘅雪花相當吸引，手切牛肉味特別香濃piggy最鐘意，另外蘇格蘭聖子王係真正嘅聖子王超大隻，但唔好見佢咁大隻就淥好耐 ，淥到一嚟殼就食得，厚肉鮮甜，另外仲食左南非鮑魚仔，唔好以為佢叫鮑魚仔就好細隻，其實都成個湯殼咁大隻🤣🤣 雖然叫嘅嘢食唔多，但piggy同朋友兩個都食得好飽👍👍👍

約咗朋友喺尖沙咀食午飯，點知佢遲到搞下搞下搞到成三點幾先食得飯；佢就介紹一間叫做鮮入圍煮嘅花膠雞湯打邊爐比我，聽到花膠雞湯好似好正咁，當然要去試下啦。去到當然就要點個花膠雞湯啦，跟住再點咗個中山脆肉鯇片，自家製蜂巢冰豆腐，牛骨汁濃湯牛肉丸和唐生菜；咁多嘢食完今晚都唔使食啦！首先個花膠雞湯嚟都真係好香，滾咗之後服務員就幫我拆散隻雞，咁我哋當然就每人整返兩三碗花膠雞湯先啦！又真係都幾甜下，啲雞肉都唔算鞋，花膠亦都都有6片咁多；跟手就叫服務員加返啲湯落去個煲到，呢啲湯就當然冇之前嘅花膠雞湯咁甜呀；跟住其他嗰幾樣餸一齊嚟到，服務員首先就攞咗個醬料盤過嚟，畀我哋自製醬料。我地首先試下啲脆肉鯇魚片，淥完之後都超爽口，都幾新鮮，如果切薄啲同細塊啲就更加完美！個冰豆腐索曬啲湯，真係好滋味，好彩我哋留返一碗花膠雞湯未飲，所以就將啲冰豆腐擺落去索啲花膠雞湯，嘩仲正；再放啲爆汁牛丸落去淥，啲牛丸都真係幾有牛味，入面仲帶住小小嘅牛骨湯嘅味道，食落去又真係唔錯喎；唐生菜就好爽脆，整體嚟講都唔錯，真係飽到今晚都唔使再食呀！

H8不嬲都多美食，今日去咗朋友介紹嘅火鍋店。濃厚原隻雞煲花膠湯 (小 )$288朋友力推，叫我一定要試。落單後湯底好快就上枱。我嗌咗細，有半隻雞，同大約5-6舊花膠，都幾足料。先試一下湯底，味道濃郁，有雞嘅鮮甜同花膠嘅膠質。真係唔錯，值得一試。配料嗌咗嫩滑雞件 $75花膠鮮蝦丸$98 丸係手打嘅，咬落爽口彈牙原粒帶子鮮肉水餃 $56味道都唔錯，食到肉嘅鮮味，而且餃子皮唔會好厚，帶子口感係爽嘅。餐廳嘅冷氣足夠，員工亦都細心有禮。餐廳仲有好多火鍋配料選擇，有肉類、海鮮、蔬菜。下次可以叫齊朋友一齊烚吓烚吓。

濃厚原隻雞煲花膠湯🍲上枱時係完整嘅半邊雞，證明係貨真價實，侍應會等我地影好相，再幫手剪成雞件容易啲食，同埋提醒我地趁依家飲多幾碗雞湯，因為陣間打邊爐會加豬骨湯，飲落會淡味啲🥄比較過兩個湯確係有分別，雞湯濃厚好多，好適合直接飲，比得上喺酒樓飲嘅雞湯，用嚟打邊爐就可能蓋過其他食材嘅味道，所以加入淡味啲嘅豬骨湯會啱啲，如果想飲濃厚雞湯就真係要趁早喇🐓花膠有6片，唔算十分厚身但係都頗大塊，飲雞湯加食花膠感覺好滋補~ 湯底已經有半隻雞，打邊爐就揀返肉類以外嘅料，本身想叫蕃薯蜆，不過咁啱無貨，但係有$68半斤嘅黃蜆，所以都叫咗半斤試下，黃蜆有大有細，無沙，味道頗鮮甜，頓時變咗卜卜蜆鍋🥢唐生菜🥬炸響鈴🥢醬料🌶

厚福街H8一直都是食肆的集中地，今日和朋友就試了8樓的鮮入圍煮一坐低，店員已放上各式醬料醬料費每位$15各式火鍋配料應有盡有，兩個女人決定補補佢！點了濃厚原隻雞煲花膠湯（小半隻，2-4位用 $288）一鍋奶白濃湯，雖然未算煲得好膠，但飲落口感十分濃厚，花膠件不少，在影相後，店員也會主動幫手將雞件剪開，方便夾來食湯最初飲的時候，不太咸，有雞味，後來加了娃娃菜和豬骨湯後，愈煲會慢慢有點甜味滲出，由頭到尾不知飲了多少碗湯，飲湯都飲飽😂由於湯底本身已有半隻雞，所以沒有點太多配料牛骨汁濃湯牛丸 6粒 $48爆汁就無啦，但幾juicy，幾鮮又幾彈牙紅薯粉 $33吸收了雞湯底，好好食，淡淡的甜味娃娃菜 $38食完一半才記得影相，幾大份飲品價錢尚算合理，我們點了解茶（$16）一支全單加一服務費，埋單人均$250

I'm a fan of fish maw chicken soup - full of collagen, thick texture, rich chicken oil. Googled fish maw chicken soup in Hong Kong and this restaurant was recommended by several editors.The soup was rich, but they put too much MSG inside probably because many customers are not used to having hotpot with a non "flavorful" soup. I prefer having hotpot without dipping any sauce because I don't want the original flavors of the ingredients (if they are good quality) to be overwhelmed. The chicken was

好耐之前已經聽過鮮入圍煮呢間餐廳，出名海鮮同埋靚湯底～今日一試，果然名不虛傳！先嚟咗一個花膠雞湯，大大嚿花膠十分足料😋滿滿嘅骨膠原配上雞嘅鮮味，而且誠意之作，唔係用雞胸，而係啖啖肉滑嘟嘟嘅雞脾😍淨係飲湯都飲到停唔到口。飲完雞湯之後叫咗田雞、魷魚、蝦滑，都幾好味，田雞就細隻咗少少，但係魷魚同埋蝦滑都好大份！魷魚好彈牙，好有咬口。望住水缸入面生猛嘅海鮮就好想食，不過驚食唔晒咁多嘢～另外附上菜單俾價錢大家參考一下。環境方面，啲枱都幾寬敞，坐落唔會覺得迫夾。地點都好方便，就喺厚福街最多嘢食嗰幢樓，又近地鐵站又易搵，仲喺香港嘅中心點，住喺邊度嘅朋友去都方便～雖然舖頭冇乜景觀，但係服務都幾好，侍應嘅反應好快，推介各位朋友可以試吓😁

打邊爐配料固然重要，如果有個好吸引又養顏既湯底就更好啦，今晚同朋友去左尖沙咀厚福街既鮮入圍煮打邊爐，餐廳主打招牌濃湯花膠雞鍋，仲有多款生猛海鮮，配料種類繁多，有手切牛肉同其他肉類、海鮮、丸類、蔬菜等等，今日就試下佢地既招牌花膠雞湯啦~❣️招牌花膠濃雞湯上枱個陣已經聞到好香，大大煲既花膠雞湯好足料，湯底好多雞件同花膠，絕不欺場，未打邊爐之前梗係飲返碗湯先啦，花膠雞湯唔會好油，鹹度適中，花膠煲到好淋啖啖骨膠原，飲多幾碗都唔怕啦👍🏻👍🏻👍🏻❣️花甲 餐廳除左呢個花膠雞湯最多人叫之外，海鮮類都係主打，餐廳每日都會搜羅當日既新鮮海鮮，店員推介我地試下佢地既花甲，花甲處理得好好唔會有沙，大隻厚肉好鮮甜，同花膠雞湯好夾💯😍❣️芝士流心牛丸 平時打邊爐多數都係叫肥牛、墨魚丸蝦丸個啲，見到佢地有芝士流心牛丸梗係要試下啦，一咬裏面食到香濃既芝士流心，口感豐富又好食，牛味濃郁同芝士好夾🧀😋❣️稻庭烏冬 食到最尾唔好浪費左呢個咁正個湯底，叫左個稻庭烏冬，吸收哂湯底既精華，質感光滑而有彈性，超正📍尖沙咀厚福街8號H8 8樓

尖沙咀H8呢幢🏢大廈好多餐廳🍴，今日同朋友仔過嚟呢間以花膠🐓雞湯聞名👍嘅火鍋店食午餐。入邊地方都幾🥰闊落，裝修簡約，係幾傳統🍲火鍋店嘅格局。佢哋提供嘅🧂醬料都係經典款式，不過佢哋咁🥰靚嘅花膠🐓雞湯我覺得唔需要點太多醬料。呢一鍋🍲細嘅濃厚原隻🐓雞煲花膠湯🥣$288。其實呢個細嘅 size 都算幾大鍋🍲，足夠二至四位朋友仔一齊😍享用。入邊有半隻🐓雞同埋唔少嘅🐟花膠。🔥滾起咗之後🤤香氣四溢，特別係啲花膠🐟好腍又鮮味😋！職員👨‍🍳仲好細心會幫你將原隻雞✂️剪開做🐓雞件方便我哋食🥰。啲🐓雞件十分之嫩滑🤤，又唔會太過肥膩👍，重點係個🐟花膠雞湯🥣超級鮮甜回味♾無窮️！食完個花膠🐓雞湯🥣鍋之後，仲可以加🐖豬骨湯打邊爐🍲。呢個🥬菠菜味嘅蔬菜麵🍜幾特別，食起上嚟有🤏少少菠菜香味，另外佢仲有胡蘿蔔🥕同埋紫薯味嘅蔬菜麵添，下次可以再試下！