鮮入圍煮花膠雞海鮮火鍋

Open Now

Now Closed

濃厚原隻雞煲花膠湯花膠雞湯超級無敵濃，完全食得出係真材實料煮出嚟嘅高質湯底。入邊總共有五大嚿花膠，湯底被花膠煲得帶點兒膠質，未到帶咗好鮮甜嘅雞湯味，店員亦都會好細心將入邊嘅雞用鉸剪分做一嚿嚿，雞肉依然保持嫩滑。澳洲和牛牛展肉平時好少會用牛腱肉嚟打邊爐，今次係一個新嘗試，估唔到牛腱肉用嚟打邊爐又鮮又爽口，而且食落去好似一口size咁啱啱好，點埋醬食一流。牛骨濃湯牛丸叫餐廳嘅推介食品實冇錯，爆汁程度完全冇誇張到，真係一咬入口，啲牛肉汁會飛曬咁噴出嚟，超級正！而且好鍾意入邊有啲牛筋位，食落去帶點兒爽脆，唔會係一粒硬實實嘅肉丸咁dry。赤燒流心芝士魚蛋聽落去好似係好邪惡嘅嘢食，但係呢流心芝士魚蛋絕對值得一嗌，魚蛋外層微微燒過，一咬落去芝士爆曬出嚟，仲要係流心嗰款，勁高質。中山脆肉鯇魚腩脆卜肉魚腩超級新鮮，啲肉真係卜卜脆，仲好足料，一碟有成十舊咁多，食完大滿足。原條貴州野生竹笙王每條都超粗而且係比平時食開嘅大條，店員建議我哋喺飲花膠雞湯嘅時候滾，咁就可以吸收晒雞湯嘅精華。食落爽口而且可以飲埋啲湯，一啲湯都唔使嘥🤣

一直都很喜歡飲濃厚嘅花膠雞湯，今次趁復活節假期同朋友一齊嚟試吓。寫紙仔點菜後店員便會奉上醬料兜供顧客調製自己嘅醬料。這天和友人二人點了小份量的花膠濃湯雞鍋，上菜時便見到花膠雞湯嘅色澤金黃色令人食指大動，影相後店員便會幫我們將花膠和雞剪開，入面有雞半隻，和大大片花膠，份量充足。 飲品叫左酸梅湯同鹹檸7解滯同消燥。 先飲湯再打邊爐，湯嘅味道濃厚，好飲，雞肉吾會老身。我哋每人飲咗兩碗先至打邊爐，配料叫左有安格斯手切牛肉、響鈴、胡椒豬肚貢丸、和牛骨髓，牛肉雪花紋靚牛肉味重好食，值得一提係牛骨髓索湯後質感似牛油味的豆腐同胡椒豬肚貢丸入面真係有豬肚，口感特別。

復活節假期，決定留港消費，振興經濟。所以，決定試吓一路好想食，但不是連鎖店的一些小店。昨天，去咗食呢個花膠雞湯火鍋。之前聽人講依度嘅花膠雞湯做湯底超正，所以一直都好想試吓。坐低都未叫嘢食嘅時候，我諗都未諗就已經叫咗個花膠湯雞湯（原來有分多人同小人嘅份量，我同老公兩個人就叫咗個細嘅，但係都有半隻雞。）一上枱，嘩！超多花膠！正！個服務員話我哋最好在未打邊爐之前先飲一至兩碗花膠雞湯，說這個湯底是師傅每天有煲的。因為太正嘅關係，我同老公忍唔住每人飲咗三至四碗，超補及超抵（我哋差唔多飲晒成個湯底😅）！之後，他們再加上去的就是豬骨湯底，我們用來打邊爐。我個人覺得依度一定要叫安格斯牛肉，超級好食！果然係一分錢一分貨。為咗喺有限嘅budget之下食好嘢，我哋今次冇食海鮮。如果多啲人嘅話，我諗我都會叫份海鮮試吓。之後，我哋點咗啲平時少食嘅牛骨水和鮮筍片，依度嘅質素都好高。另外我哋試咗胡椒豬肚貢丸，真係有成粒豬肚喺裏面，而且粒貢丸仲有胡椒味，感覺好似飲緊胡椒豬肚湯，都幾正！最後，我哋叫咗平時一定必要嘅冬瓜和響鈴。雖然埋單都真係唔平，但因為我哋想將去旅行嘅錢留喺香港食咗佢，所以，一餐可以飽到當兩餐食，因為食

朋友外地回港想打邊爐又要飲靚湯，諗起之前食過尖沙咀“鮮入圍煮”花膠雞湯好正先食“花膠雞湯鍋”店員會幫手將雞慢慢剪開，又有禮貌慢慢解釋方便客人品嚐，主角出場，大大隻厚身香滑彈牙花膠，雞湯鮮甜超超濃郁到哇一聲，雞肉又香又嫩滑每人飲2碗湯都飽咗1半，雞湯好有膠質感覺好滋補👍👍飲完湯再點其他配料打邊爐：🐄澳洲和牛牛展細細件切薄片牛味重小小煙韌好味🐠中山脆肉鯇骨腩厚身大大件入口脆卜卜魚油香勁濃又鮮味，貴州野生竹笙王打邊爐必叫超大條厚身又爽口,索曬原汁原味花膠雞湯，真係無得輸👍牛骨汁濃湯牛丸一咬就爆濃湯超爽，質感彈牙整體仍保持到以往食材質素，花膠雞湯鍋好出色，配任何材料蔬菜都吸晒所有雞湯精華，難怪可以取到咁多食評獎👍

同朋友出街，即興想打邊爐，隨便喺OpenRice睇到呢間，咁就上去啦。上到去晚市得一台客，見到都有少少驚，不過都上到嚟就試吓啦。侍應推介花膠雞湯，咁我哋就揀咗個花膠雞湯底，但係價錢偏貴，計埋加一成$400一個湯底😳貴都事少，質素差先係最大問題，成$400個花膠雞湯底，啲花膠係冇膠質，唔知食緊乜嘢🤷🏻‍♂️仲有啲餃子，唔知雪咗幾耐，淥到個皮都爛晒啲肉都仲係粉紅色嘅🤢話自己係海鮮火鍋，但係好多海鮮都冇，咁我哋唯有揀貝類，食落完全冇鮮味，啲海鮮唔知擺咗幾耐😵‍💫食完嘢落到樓下，個肚開始搞肚痛，好彩住得唔遠，不過返到去都踎廁所踎咗成半個鐘，俾錢買難受。

今日朋友特別約左出尖沙嘴食呢間鮮入圍煮，佢話呢度既花膠雞煲湯底超正，所以就黎食。一坐底我地就叫左個鍋先，因為可以先飲湯，之後再慢慢落野食。 個煲黎到又真係幾有睇頭。 我地叫既係細煲，所以係半隻雞，但見佢隻雞都算大隻，而且花膠好厚好大塊。 店員會幫我地剪開隻雞，唔止湯好像5，雞同花膠都真係好好味，多肉唔太肥，每人都飲左2，3碗湯，跟住就再叫餸食火鍋。 我地叫左碟手切頂級安格斯牛肉，好大碟，都好新鮮。 牛肉唔會好似啲肥牛咁一食即溶，而真係幾有口感，但又唔會硬，好有口感。佢地既胡椒豬肚貢丸都好特別，好香胡椒味，而入而都有一塊仔豬肚，好特別。好耐冇食過牛骨髓，見佢有就好想叫黎食，淥一淥好快食得。 雖然冇牛筋咁好味，但都幾易入口。 食下食下，其實佢既份量都幾多，今晚真係好滿足。

今日約左朋友去尖沙咀行街，我哋一早就想試鮮入圍煮最出名既花膠雞湯，我地二人叫左半隻花膠雞湯，花膠有5大片，湯滾後，店員幫我哋剪雞件同花膠，仲提我地飲左湯食左花膠同雞先落料打邊爐，個湯真係好香濃好好味，忍唔住飲多碗，再食埋花膠同雞已經飽飽地手切頂級安格斯牛肉：好新鮮，重牛肉味而且油花分布均勻食落好嫩滑牛骨髓：條條都好肥美，加埋醬汁食一流炸響鈴一定要食，索晒啲雞湯超正胡椒豬肚貢丸：好重胡椒味貢丸，貢丸入面包住一粒豬肚，食落去好特別鮮嫩荀尖片：口感脆嫩，食唔停熱情果梳打同蜜桃特飲食物新鮮足料，店員好有禮貌，值得推介

今日難得weekday放假，特登約朋友早出晚歸🫡打算lunch打邊爐，夜晚再食泰國菜🤣本身我朋友就好鍾意食呢類養生食物，特別係d紅棗桂圓花膠燕窩個類最啱佢，所以今日約佢都特登揀間養生湯底嘅火鍋店😂😂—————————————————————📍 鮮入圍煮花膠雞海鮮火鍋地址: 尖沙咀厚福街8號H8 8樓✍🏻/食評/◍原隻雞煲花膠湯 呢個湯底我都要讚！眼見足料，但係冇諗過咁濃味始終都係火鍋湯底，成個湯好有住家feel，唔重味精，花膠煲得好腍，隻雞都食得出係新鮮雞，雞肉煲到去最尾都唔鞋颯颯！我哋兩個一上黎每人飲咗碗半已經半飽🥲🥲◍和牛牛展肉牛味重而且好快熟，不過鍾意有咬口嘅話建議試吓其他部位，呢隻肉質比較嫩滑D◍炸魚皮好新鮮仲好大碗😂仲要全部都唔係魚皮碎！！唔會淥兩淥就唔見咗🤭◍竹笙王，芝士牛丸，豆苗原條竹笙第一次打邊爐見到😂😂冇諗過呢6條竹笙咁有飽足感！吸晒啲湯汁好正🥹🥹芝士牛丸都冇失望，放係碗10幾分鐘仲有拉絲效果！豆苗菜都好新鮮不過真係有D多🤣◍脆肉鯇魚片呢個係朋友order🫡佢話唔多骨方便去呢啲懶人！不過眼見份量都幾多而且鯇魚肉好滑，佢一個人都食唔曬成份👀

朋友話想食花膠雞湯，我第一時間就諗起鮮入為煮啦，因為之前係旺角食過好正，已經好耐冇食過，所以今次一於帶朋友嚟尖沙咀呢間試吓，試吓吾同既食物，今次都好有驚喜🤩足料鮮甜濃湯花膠雞湯火鍋花膠雞湯超級濃，完全食得出係真材實料煮出嚟嘅湯底，雞同埋花膠用極長時間熬製出嚟嘅金黃色鮮雞湯，花膠一啲都吾腥，食落仲好爽口，雞亦非常嫩滑，每飲一啖湯都系雞同花膠味，飲完勁暖身，店員亦都會好細心將入邊嘅雞用同花膠鉸剪分做一嚿嚿，方便我地食👍🏻澳洲和牛牛展肉用牛展肉打邊爐真係第一次，食落去牛味重又吾鞋，細細塊食落去岩岩好原條貴州野生竹笙王每一條都好大條，竹笙吸收哂雞湯既精華，食落去又可以飲埋啲湯又爽口中山脆肉鯇魚片魚片超級新鮮，食落去脆卜卜，一啲都吾腥芝士牛丸牛丸入面包住重重芝士，完全系食到好重牛味，吾系外面買好硬個啲牛丸牛骨汁濃湯牛丸（爆汁）入口啲牛骨汁爆哂出黎，成口都系牛骨汁既味道，超級正，食落仲要有小小牛筋位，口感非常豐富飲品巨峰提子梳打/蜜桃特飲

天寒地凍想飲下湯，見到d評價都話花膠雞ok就試下。原標題，只有個湯底ok, 其他所有野食都好一般🫤 因為對上幾個comment都話d牛同海鮮好伏，所以就叫d大路野。墨魚滑，牛栢葉，豬皮etc結果同其他人講既一樣，分分鐘你係超市凍肉都好過佢。個蟹柳難食到我地只係食左3條，勁重雪藏味，好彩豬肉無咩雪味都叫ok都大份，好過湊湊😑 2條友食左$1000（無飲酒精飲品） 我地已經唔係叫d名貴食材，性價比都幾低😅 周圍幾張都係內地遊客，望到先知原來係大眾食評心諗唔怪得（都有香港人既）總結：如果覺得俾$308（2-3人份）飲個花膠雞湯係ok, 咁就真係上黎飲個湯+碗麵。$500落樓，如果要叫any肉 or 丸之類真係三思。因為佢真係唔值。服務態度係幾好既，不過可一不可再🥱

屋企人中意睇花膠雞窩,呢間店又好似主打呢類型既野食,就來左打邊爐啦!個湯底好正,係鮮雞加好多花膠,個湯滾左後職員會幫我地剪個雞,我地飲左少少湯,好鮮味,又食左D花膠,剩返D等佢融係個湯鍋入面,之後再飲,更加正。食物方面我地都叫左好多野,有豬腩片,肥肉瘦肉層次分明，肉質好。台山蠔肉勁大隻,仲要好多粒,肉脆鮮甜,好食。魚片頭彈牙、芝士牛丸,牛味濃,冰豆腐係自家製,口感特別。冬瓜片比較清淡,唔錯唔錯。兩杯特飲都好正,熱情果梳打同埋提子梳打,甜甜地,味道幾特別。

鮮入圍煮呢間火鍋聽過好多次，終於嚟到一嘗佢係咪真係咁好食🍽️濃厚原隻雞煲花膠（2-4人半隻）$308果然名不虛傳，第一口就驚豔到我。本身見佢湯底咁黃似係會幾油膩，但原來一啲都唔油仲好鮮甜，花膠好大塊又厚身。打邊爐之前記得先飲湯同食雞件，食完都飽咗一半了之後加湯打邊爐就免費加豬骨湯，想要加雞湯就要再俾$168。我就覺得既然都試過個雞湯就無謂再加錢要雞湯啦，咁就揀咗免費既豬骨湯。火鍋配料算幾新鮮既，推薦要點花甲，每隻都接近花甲王，好大粒。 其他配料表現正常，可惜既係豬骨湯味道好淡，令到之後既火鍋顯得遜色。

最近天氣凍咗好多，一直係火鍋控既我今日搵食搵到去尖沙咀，同朋友一齊食呢間鮮入圍煮花膠雞海鮮火鍋🥳當然少不了點了招牌的半隻花膠雞湯 $308開餐前店員貼心比左一大盤配料自己調配：蒜蓉、辣椒、花生等等店員好快手就上咗今日最主要嘅花膠雞湯一嚟到勁大塊花膠喺面相當驚喜店員仲好貼心幫手將花膠同雞剪成一件件方便進食，而且上菜速度好快飲完濃郁雞湯、食完靚花膠同雞肉之後，就開始加湯打邊爐另外仲加咗🙌🏻牛骨髓 $65膠原蛋白之選，入口綿滑，女士必選手切頂級安格斯牛肉 $298好大碟油脂分明而且牛肉味香濃；每塊都蝴蝶式厚切片好開心😁炸響鈴 $48打邊爐又點少得炸響鈴，輕輕灼幾秒，外軟內脆，黃豆味香濃😋胡椒豬肚貢丸 $55胡椒味剛剛好，彈牙鮮甜肉丸🫶🏻味道相輔相成👍當然要健康啲，叫埋唐生菜 $43仲有鮮嫩荀尖片 $43味道鮮美、口感脆嫩必食推介打邊爐更加唔少得嘅係啤酒，Somersby apple slider $32 一人一支大滿足😎整體很滿意，環境舒適而且食物份量又很足，下次有機會再食過🥳

天氣又變返凍冰冰又係打邊爐嘅時間，本身諗住試吓麻辣火鍋，但係近排身體有啲虧，諗住可以食啲嘢補一補網上見到呢間火鍋店主打花膠雞，當然要嚟試一試我哋去到嘅時候係六點本身諗住應該冇乜人，點知都坐滿左大半枱。一坐低就可以即刻揀醬料湯底我地叫左「半隻花膠雞湯」，冇諗過啲花膠咁大片、好厚肉，啲雞都非常新鮮，食完個湯底都已經補返晒血，店員會幫你剪開啲花膠令到容易入口再嚟必點係「手切頂級安格斯牛肉」，超級大盤，兩個人差啲食唔晒。厚度亦都啱啱好，淥完都非常嫩滑，牛味足呢個「胡椒豬肚貢丸」幾特別都點嚟試吓，入邊真係會有豬肚，係好食既響鈴同埋芝士腸對我來講係打邊爐必點嘅，雖然對我嚟講大份左啲但證明係抵食響鈴真係超級推介另外當然唔少得要啲蔬菜來墊墊肚，我地叫咗生菜同埋鮮嫩筍尖片，加埋啱啱好，係非常飽足嘅一餐，正常應該三四個人都夠食，下次可以叫埋多啲朋友一齊嚟仲正

首先一入到去就講吓佢個環境，同一啲小眾火鍋店一樣都係比較逼夾，可能係因為佢比每個人嗰張枱都比較大。咁入到去就首先落咗個湯底啦，入到嚟就一定要試佢個濃厚原隻雞煲花膠湯。咁上個湯底嘅時候佢就見到入面已經剪好晒一嚿嚿，再加埋嗰啲花膠，每一舊花膠都唔會好細舊，但係佢唔係炆到好淋個種。咁個店員就提醒我哋當個湯滾起嘅時候就飲咗個湯先，咁我哋食啲雞都覺得唔會好鞋嘅，個湯都幾鮮甜。咁我哋另外就嗌咗啲安格斯牛，豬肉，唔同嘅蜆， 同埋桶蠔啲安格斯牛都好新鮮，大概淥左10零秒就食得，食落去都冇乜雪藏味，豬肉嘅話相對來講就比較鞋，同埋有啲雪藏味。咁佢啲蜆識落去全部都冇沙嘅，每一隻都唔會好細隻，用d殼嘅重量敷衍你但係如果令人最唔滿意嘅地方，就係佢有機會會漏單，但係買單嘅時候會有啲明明你冇叫到但係落咗你張單雖然個店員係你發現咗之後會幫你cancel咗，但係大家都要小心啲食完之後一定要睇單🫣