陳根記

Open Now

Now Closed

陳根記大排檔已經食過好多次啦，以前大老遠入沙田禾輋邨，為嘅就係食一次陳根基，而家搬咗去石門其實交通上真係方便左，而新舖的環境同埋服務都冇變，依然保留到大排檔嘅風味。《蟹肉海鮮羹》海鮮羹好足料，大量蟹肉，好豐富，調味略為清淡，適合不喜歡重口味的人士。《椒鹽白飯魚》份量好多，炸粉不厚，入口幾酥脆，整體唔錯。《Wasabi沙拉醬燒骨》本身以為燒骨會好大舊骨，點知肉都係佔大部份，Wasabi沙律醬嘅比例啱啱好唔會太多，所以一啲都唔膩，同埋唔會嗆喉，肉質都好鬆軟，推薦！《辣子雞丁》呢個就一般般，雞丁有少少雪藏味，個人覺得可以再炸耐啲食起黎會再香口啲。 《鴛鴦椒炆倉魚》推薦！倉魚好大條而且冇骨，魚肉又厚又滑，唔錯！ 整體來講就算搬咗舖質素都可以維持返，不過價錢就比之前貴左，但都覺得值得再食👍🏻

我同朋友都好鐘意食大排檔，因為貪佢夠鑊氣和夠惹味，見網上好多人推介陳根記，所以我地都特意前來一吃~都好多人，全場爆滿好彩剛有張枱埋單✌就直接入到去~清水韭菜餃 $48餃子皮薄餡靚，韮菜味濃，另跟埋菜脯同辣油一碟~薑蔥廣島蠔 $108廣島蠔好juicy,落埋d薑蔥一齊炒夠鑊氣又惹味咕嚕蝦球 $90蝦球外脆內軟，青椒爽口，味道酸酸甜甜，好開胃~鹹肉娃娃菜 $65上湯娃娃菜，湯底好清甜鹹肉就鹹鹹地，少少肥~福建炒飯 $78福建炒飯都幾足料，裏面有蝦、雞肉粒、冬菇片和紅蘿蔔片都好大碟銀芽假翅$79聽個名我地仲以為係湯來，點知係炒粉絲XD裏面有青紅椒絲，芽菜，味道就辣辣地，幾惹味~特級楊枝甘露 $30碗食完飯仲可以係陳根記叫埋甜品，非常方便因石門附近都冇咩糖水店~呢到既楊枝甘露係比較結身同濃味，好多芒果粒😍，啖啖芒果肉☺仲有水晶珠，一咬就爆汁，正總結，盡興的晚上，我地完全係飽到一個點，大滿足❤

喺沙田禾輋邨幾乎無人不曉嘅大牌檔”陳根記”搬左去石門京瑞二期一個勁大嘅地鋪, 唸起好耐之前同大同食過好幾次, 印象最深刻莫過於身後總有人等緊你張枱次次都倒野食落肚. 而家新鋪乾淨超多, 亦唔會有人企正後面睇住你食嘅情況. Menu~依舊豐富, 間唔中重有啲off menu嘅正野. >清水韮菜餃 (HKD48/9隻)係阿姐行過推介話係老闆自創嘅韮菜餃, 見佢幾抵食, 佢係韮菜再mix少少葱食落唔會好”青”仲好香好好味, 皮又薄, 淨水淥熟dip辣椒🌶️醬勁正! >川味腩肉豆腐煲 (HKD75)會噴火的🔥!!!! 小心辣親呀, 啲辣椒🌶️同辣椒核鋪天蓋地黏滿薄身嘅腩肉同豆腐, 正因為腩肉切成一片片, 辣嘅效果超突出, 半罐雪碧咁就chur左. >十三香炸蝦 (HKD164) ***Li個打左星唔係唔計架(以excel計算🤪)係重點推介嘅意思. 每隻鮮蝦首先經油炸處理, 然後加落一大盤勁多花椒辣椒香料嘅水煮湯底, 原來放了粉絲墊底成件事味道勁夾, 可能啱啱俾個豆腐煲辣完, li煲雖然都有大量辣椒🌶️但相對就無咁噴火🔥, 開心share必order, d蝦多到食唔唒. 

早年有段時間都是沙田友，禾輋《陳根記》是街坊飯堂，座無虛席。時間飛逝，轉場後的還是首次重臨，感覺依舊。雖然已遷往到商場內，仍保留大排檔的風貌，驟眼看都看不出是商場鋪 👍點了幾款家常小菜，蒜蓉西蘭花 $58，再家常不過的炒菜，但越簡單，就越受歡迎。干炒牛河 $58，超抵食，動輒過百的牛河，這裏還是那些年的價位，超感動。牛肉也大大片的，不韌，性價比高 👍琵琶豆腐 $62，魚肉豆腐加蛋漿炸成，老店才有的餸菜，已不多飯店可以吃到，所以不能錯過。近年都一窩蜂的興起吃酸菜魚，這客金湯酸菜魚 $100，比專門店的咸酸味輕一點，湯鮮味反而更突出，整體還算不錯。魚片嫩滑細膩，全晚最愛，料頭配菜一大窩，吃過不亦樂乎。滿桌家常菜式才兩百多，夠一家四口享用，經濟實惠。

過去早已知道此大排檔的名稱， 沒想到由沙田走進了石門， 環境方面 比過去的更好 全因為有了冷氣， 位於商場的地下， 鄰近馬鐵站 ，地理上十分方便。食物方面，一如過往鑊氣十足， 正正是大排檔，最吸引人之處。 令我最難忘的，就是川味腩肉豆腐煲， 辣味十足，配搭起來麻麻辣辣， 又有了一份新的口感。 最重要完全不油膩，本來還擔心腩肉的脂肪含量極高， 居然是半肥瘦剛剛好，絕對是佳作。和過往一樣，旁邊設有甜點部，哈哈，作為晚餐的完結，真是剛剛好。但最重要的事是沒有加價。

之前在大排檔舊店時已吃過好多次，佢哋搬咗出嚟石門，今次就第一次幫趁。 去到門口雖然隔著玻璃，也感受到那大排檔熱鬧氣氛。入到去看到熱鬧情景同聞到食物香味，同之前一模一樣。仍然是大眾化價錢，抵食。Wasabi蟹籽手撕雞海蜇爽脆雞肉嫩滑，再加上沾滿脆脆蟹籽及帶微微刺激感wasabi ，配搭及味道也一流。陳根記秘製冬陰功浸蜆一大碗上份量十足，蜆肉粒粒飽滿，更在底層加上粉絲，粉絲吸收了蜆汁冬陰功湯底，真的是精華所在。椒鹽九肚魚外層沾上薄薄粉漿，外層香脆九肚魚肉質仍濕潤又香滑，外脆內軟，火喉十足。鴛鴦椒炆倉魚一般炆倉魚通常也是配搭醃菜或醃料，今次這道鴛鴦椒炆倉魚，未食前看到有大量青紅椒，令我擔心它的辛辣度。 不過進食後發現不是辛辣味，而是用上新鮮甜椒。 倉魚煎封後吸收了甜椒及其他蔬菜配料，味道互相交融，非常惹味。

尋日同男朋友兩個人去到石門發現咗呢度都有一間陳根記你是兩個人都係試吓係咪真係咁好食我哋嗌左三味餸，粟米芝士豆腐味道幾好唔錯，另外在叫咗個冬陰公蜆冬陰公蜆水準一般，仲有芥末手撕雞。有冇手撕雞海蜇有啲乾！總括來講味道係唔錯

大排檔最岩就係一大班朋友聚腳既地方。星期四一行5人，去左石門既陳根記，呢間老牌既陳根記。晚上8點左右，人吾多，等左十分鐘左右入得場，個場吾算好大，但成日都爆場，環境保留左大排檔既格局，但非常舒服同衛生，可能仲好新。坐底之後叫啤酒，得兩種啤酒排檔得咁少款真係……之後黎左個冰震鵝掌，例牌燒鵝，鵝掌平平，勝在送酒，而燒鵝呢就可接受，肉味吾夠濃，岩岩出爐，之後有羊腩煲，叫左煲大，但都好細煲，味道吾錯，有肥有瘦，平均。一個菜，有獲氣，但太細蝶。一個胡椒蝦，好好味好香，但d蝦細到太離譜而且得幾隻，吾低食。最後值得一讚既係個甜品，一層熱辣辣既脆脆包住個芒果，真心好食，經過都會買返個打包總括食物既味道係吾錯既，80分，環境都好好，但吾夠人手，叫支啤酒都要3催4請，價錢就可以接受啦，每人250~300蚊左右，飲埋啤酒。

陳根記由禾輋搬到石門都無嚟過食。今晚兒時朋友可由日本返嚟聚一聚，選左回憶餐廳之一既佢。環境靚左、光左、乾淨左好多。每日一特價，今日大發呀。烏頭係好多好多好多年前價錢。本身想食必食既手撕雞，但廢時兩樣凍菜，就要左烏頭。醉翁烏頭 $50街市都要買廿幾蚊，依加$50整埋有得食。仲係到估醉翁係乜，花雕酒就上場！點豆瓣醬就食過，芫茜花雕配搭就第一次。肉多多，白白實實。有食醉雞風味，魚腩位比較吸花雕味道又有油脂，不錯。薑蔥肉蟹 $175皮薄肉脆，勁易去皮殼。食咗兩隻蟹鉗都仲有，就話啦究竟有幾多個蟹蓋 - 兩個。oh有兩隻蟹，食到牙軟，哈哈！咸左d，獲氣出煙地道既。川味腩肉豆腐煲 $75一上枱，隔離枱即刻問咩菜，就話叫一個！哈哈，食飯都燒到隔離枱！豆腐同埋腩肉都癡滿晒辣椒種子同埋芝麻，好香口，少少辣！豆腐內部滑脫脫，點返少少川辣汁，幾野味。腩肉都唔會太肥，贊同。幾好配飯食！豉汁排骨陳村粉 $78蒸蒸原汁原味。排骨都幾多，每件一口肉。豉汁蒸排骨真係中餐煮法，朋友勁開心。話好耐無食過咁多鑊氣既食物，今晚食回哂。豬肉多過陳村粉，見到其他枱叫炒飯炒麵勁大份。芒果一口脆賣哂，一如以往要快手叫定。下次回來再食吧

小弟大概兩年前最後一次食過仲係禾輋既陳根記。今次黎到石門新鋪，味道同感覺都已經不再新鋪既裝修模仿舊時大排檔，店內既枱櫈都同之前相同，令客人好似身處於禾輋舊鋪。呢個相信都係陳根記既名物！味道的確唔錯，肉質鮮嫩小弟屋企人同朋友都推薦叫既蠔餅蠔既數量雖然唔少，但d蠔好細粒，而且口感奇怪，亦都無半點蠔味，完全唔似食緊蠔。失望！味道正正常常，份量都唔少食到咁上下就有店員開始派甜品紙。要落單的話就要去到甜品櫃前購買，而唔係向店員落單。雖然佢叫做奶露，但係感覺就似食緊榴連味既忌廉。食到底會見到有大量榴連蓉，中意食榴連既朋友可以一試！呢個都係陳根記既名物，今次終於有機會試喇！芒果好甜，但係所謂既腸粉皮就唔係想像中咁煙韌。住沙田既朋友大多數都會幫襯過陳根記。雖然小弟都唔係好記得舊鋪既味道，但係今次黎新鋪，的的確確令我有覺得陳根記既特色已經不再，菜式亦都係平平無奇。希望下次再去幫襯既時候，我會食到有番水準既蠔餅啦～

位於沙田石門京瑞廣場二期地下5號舖的陳根記，主打大牌檔小炒。以前這大牌檔位於禾輋，近來搬了過來石門。地磚的設計也沿用了以前「冬菇亭」的設計，整體的環境充滿特色。餐牌上有過百款菜式，圖文並茂，不同的菜式圖片也掛在大排檔之上，只要抬高頭便能看到。十三香炸蝦來到了，愛辣之人一定相當喜歡，湯底鹹香濃郁，辣椒味層次分明。家人十分喜愛鹹鹹的炸蝦，十分入味。炸蝦約有十隻，份量充足。底下還有吸滿了湯汁的粉絲。半隻燒鵝來到了，如果兩個人來到，擔心份量太多，可以點例牌燒鵝，份量約四份一隻燒鵝。燒烤賣相十分美觀，排得整整齊齊，而且約有二十多件鵝件，份量充足。燒鵝味道不錯，朋友則覺得燒鵝肉質能再鬆化多少許。是日精選優惠小菜為 豉油王乳鴿，點了一隻，四個人分享。乳鴿十分入味，能嚐到相當濃郁的醬油味，而且肉質相當鬆化。剛上桌時襯熱吃，味道更佳。點了一客金銀蛋浸時菜，當天則選了菠菜。整體菜式味道頗濃，而且鹹蛋和皮蛋的份量十分慷慨充足，相當足夠。熱騰騰的 八珍豆腐煲 來到了，材料十分豐富，有冬菇、豬膶、魷魚片等，而且約有五件豆腐，伴飯相當不錯。

搬咗黎石門咁奈，每次經過都人山人海。近日市道差咗，週六八点等咗5分鐘入坐，好快。而家等位點餐收錢系统化了，㯲飛攞位，du barcode收錢。以前去到自己揾位，冇人带，唔夠位一路再開枱，之後有人前來跟進點餐，喜歡以前那種亂中有序又有效率，彈性高，真正獅子山下精神。講返野食，一貫水準，偏重口味，叫了wasabi手撕雞，椒鹽豆腐，避風瑭炒蟹，鹽水蜆，白菜炒班片，甜品一口脆芒果。wasabi 手撕雞作為招牌菜比較名過其實，其實無乜特別，自己在家刀可以整到。椒鹽豆腐唔知点解變咗避風瑭style,好多炸蒜，未夠正宗入味。炒蟹過辣，本人已食得辣，但食到流鼻鼻，太辣又蓋過蟹味，鹽水蜆可加多點鱼露，特顯鮮味，最後甜品，係好似炸的pancakes 再包住雪凍的芒果，芒果未夠好味，但有D新意，可以。價錢而家耍加一，話係冷氣費，埋單每人百幾蚊，係抵，但沒咗排檔風味，野食好多味精，不會再是排檔首選了。

【wasabi蟹籽手撕雞🐔】 HKD85呢間嘅名物 - 手撕雞🐔真係好好食🤤👍🏻 雞肉食落去好嫩滑而且份量好多，唔會好似有啲舖頭咁攞青瓜絲同海蜇墊底。最抵讚👍🏻嘅就係佢嘅wasabi味唔係講笑，真係好重味，間唔中仲會有一兩下攻鼻👃🏻依味餸唔係度度都食到架😭 仲要食極都唔覺溜，真係好想encore完再encore😋 食到停唔到口！【孜然一條骨】 HKD80始終每一間餐廳都有啲係好食🤤有啲唔好食🤢希望大家睇完我地之後唔會食左伏野啦。首先，佢嘅孜然粉唔夠❌一啲都唔香。其次，佢嘅肉唔算太淋，偏向有少少鞋身同帶韌性。雖然佢嘅肉都好大舊好厚身，仲有六舊咁多，不過唔入味，嘥曬.... 而且出到黎已經凍曬，連煙都冇，自自然然分數亦會大打折扣！

以前細個成日係禾輋食，朋友話而家食物質素差左好多，我就唔信會咁差，今日難得有機會就試試佢。一開始就當然整個當年必食嘅手撕雞。賣相同以前一樣，都係咁，但味道就差左，雞亦都好鞋。再黎食個魚雲煲。哇哇哇，一食就要飲成杯水，咸到差啲腎虧。之後就食多個蒸魚同魚香茄子煲，蒸魚就中規中矩，同你阿媽蒸嘅差唔多，而魚香茄子煲就直情係住家菜，似你阿媽等緊你比家用果時煮咁，魚香失左蹤，茄子就唔夠淋。唯一好食係炒菠菜。而搬左新地方好處係有冷氣，同埋當年陪你食飯嘅米奇冇一齊搬過黎

自從陳根記搬左去石門，變左室內大排擋，都未曾幫襯過，今日就專登去石門試試佢。手撕雞(例牌) ，份量頗多，但手撕雞完全沒有雞味，只是配上一個自家制醬汁，一定要點這個醬汁，不然手撕雞沒有味道。椒鹽白飯魚，炸粉味重。豉椒鵝腸，鵝腸肥瘦不均。