潮林園滷味大王

Open Now

Now Closed

滷水鵝片飯 ($72)鐘意食鵝片既一定要試下呢到既招牌滷水鵝片飯，真係香而不膩。經過精心滷製既鵝肉肉質鮮嫩，肥瘦適中，鵝皮帶油脂香，又唔會好油膩，送飯岩曬。飯底仲有滷水豆腐，豆腐吸曬鵝汁同滷水汁既精華，香氣濃郁但唔會過鹹。滷水雜錦拼飯 ($60)一碟可以試曬八款滷物， 有鵝腎、鵝肝、腩肉、大腸、豬耳、紅腸、豬肚同滷水蛋，樣樣都滷得好入味。個人特別推介鵝肝同腩肉，鵝肝入口非常軟滑，口感綿密，腩肉肥瘦適中爽口不膩 。元朗凍烏頭 ($158)潮州特色凍烏頭，雖然係凍食，但魚的鮮味依然十足，最值得一讚係魚中間仲夾著黃油，每一淡都散發住魚肉鮮甜味。另外仲配搭左鹹鮮嘅普寧豆醬，食落仲有潮州風味，魚鮮味更加突出。店員招呼態度好好，仲送左例湯比我地，青紅蘿蔔排骨湯味道夠火喉仲好清甜。整體都好滿意，唔止用料十足，價錢仲好親民，鐘意食潮州菜既一定要試下。

朋友介紹嚟到銅鑼灣呢間潮州老店，裝修懷舊但座無虛席，一睇就知有料到！試咗成枱招牌菜都好好味！🦆 鵝肉飯鵝肉滷得入味，皮薄肉嫩，最正係啲秘製滷水汁撈飯，忍唔住扒晒d飯！🌿 韭菜豬紅豬紅滑到似豆腐咁！韭菜夠嫩冇渣，好好味🥰🔥 滷水雜錦拼盤呢個滷水拼盤真係冇得彈！豬大腸軟糯入味冇異味，豬耳爽脆膠質豐富，新鮮鵝腸脆嫩鮮甜，鵝腎厚切有嚼勁，每款都滷得恰到好處。滷水汁鹹香得來帶淡淡香料回甘👍🏻🦪 潮州蠔仔粥蠔仔多到每啖都有2-3粒，飽滿冇腥味。加埋加胡椒粉同芫荽，風味即刻昇華！臨走前見到隔籬枱叫咗秘製潮州凍蟹都好吸引，但因為係每日限量製作，老闆娘提我哋一定要早一日預訂先有得食！下次會再嚟試下！😍

落大雨，同朋友去咗軒尼詩道呢一間老字號滷水鵝片潮式滷水鵝片皮彈肉嫩脂香四溢，豆腐吸飽鹹鮮老滷，花生綿糯帶沙沙口感，整體味道剛剛好，有滷水香味，但係又唔會好鹹，特別係鵝肉非常嫩滑鮮味蠔仔粥好多料，方魚大地魚乾酥香, 肉碎鮮嫩，蠔仔飽滿爆汁，粥底綿滑滲透海味精華，非常鮮甜，蠔仔肥美飽滿，仲有啲一條條好幼嘅，唔知係咪魷魚鬚，但係啲口感非常豐富潮州春菜潮州春菜翡翠碧綠，腩肉煨至菜莖軟糯，吸足鹹肉鹹鮮，很解膩。 沙薑雞半隻沙薑雞皮金黃肉嫩滑，骨髓見紅，剛剛熟，肉質嫩滑，點上薑蔥蓉，非常美味。

同朋友前排去咗銅鑼灣嘅「潮林園滷味大王」食飯，呢間位於軒尼詩道嘅潮州菜館真係好有街坊feel，店面唔大，但晚飯時間人氣旺，坐滿晒仲有好多人攞外賣。入到去老闆娘好親切，一坐低就送上例湯，暖笠笠好窩心。😋滷水雜錦拼盤$108真係超值之選，拼盤入面有鵝腎、鵝肝、腩肉、大腸、豬耳、紅腸、豬肚同滷水蛋，款式多到數到數唔哂。鵝腎同鵝肝滷得入味，鵝腎爽口，鵝肝軟滑帶點甘香；腩肉肥瘦適中，滷汁香濃；大腸同豬耳咬落Q彈，紅腸同豬肚都好有嚼勁；滷水蛋滲滿醬汁，蛋黃半熟好香，啱晒同朋友share！🍖秘製韭菜豬紅$68係一道潮州特色嘅小菜。豬紅份量多，切得厚身，入口軟滑無渣，滷得唔會太鹹，保留咗豬紅嘅鮮味。韭菜炒得爽脆，帶點清香，同豬紅嘅軟嫩好match，仲有少少蔥花點綴，增添咗層次感。呢款菜簡單但好食！🥬滷水鵝片飯$72係今次嘅主食，鵝片切得薄薄，肉質嫩滑多汁，滷汁嘅鹹香滲入每片鵝肉，食落完全唔鞋口。飯底仲有滷水豆腐同滷汁，豆腐吸滿湯汁，外酥內嫩，配飯真是一個絕配。飯量適中，滷汁同鵝肉嘅比例調得啱啱好！🍚

潮林園滷味大王喺銅鑼灣算係人氣鹵水店，成日都見到有人排隊。今次試咗幾款招牌菜，整體感覺幾實在，價錢唔算貴，份量都夠誠意。韭菜豬紅新鮮，豬紅滑溜無腥味，唔會一夾就散，韭菜爽脆，湯底濃郁，簡單但好食。蠔仔粥（碗）有驚喜，除咗蠔仔仲有魷魚乾，啖啖海鮮味，唔係好多舖頭會落，成碗粥即刻多咗層鹹香海味，呢點加分。粥底夠綿，唔會太稀。什錦拼盤（小）有紅腸、鵝肝、腎、豬頸肉、豬腸、五花腩，下面仲有豆腐，每樣都入味，鹵水味香但唔會死咸，特別推介鵝肝同五花腩，夠嫩滑。鵝肉飯份量好多，啲鵝肉厚切，肉質唔鞋，滷得夠入味，飯底有鹵汁撈埋一齊食幾滿足。整體嚟講，無論堂食定外賣都幾穩陣，嘢食唔會失望！性價比高，價錢喺銅鑼灣算合理，尤其拼盤幾抵。📍 潮林園滷味大王 銅鑼灣軒尼詩道446-450號軒華大廈地下C號舖

前日放工, 約左好耐冇見既朋友出黎食飯。我哋今次去左銅鑼灣一間主打潮州菜既餐廳食飯。我哋入去坐底， 老闆娘俾左兩碗西洋菜湯，飲落好清又鮮甜。我哋叫左幾款食物，潮式拼盤有鵝肝，豬耳和豆腐，鵝肝入口軟滑，豬耳爽脆。蠔仔粥，入面有好多蠔，蠔仔新鮮食落完全無腥味，湯底有肉碎、蔥、芫茜等配料, 味道鮮甜。潮式春菜，入面還有燒肉，味道食落似芥菜，沒有苦澀味，湯汁甘甜。滷味鵝片飯，鵝片肉質軟滑，充滿油香，滷水好入味，配上豆腐和酸菜伴碟，十分開胃。

潮林園滷味大王主打正宗潮州滷味，裝修樸素，枱椅擺設簡單，而氣氛好熱鬧。 韭菜豬紅一上枱就散發住濃郁嘅韭菜香氣。豬紅煮得非常滑嫩，入口有細膩柔滑嘅口感，配埋豉油同蒜蓉，味道濃郁，非常出色。什錦拼盤(小)係必嗌嘅招牌菜，滷水香濃而不膩，每件食材都吸收晒滷汁嘅精華。豬腸清洗得非常乾淨，冇腥味；鴨腎啖啖都係脆彈嘅口感；紅腸肥瘦比例完美，滷汁令紅腸更加惹味；滷水鴨肉質嫩滑；滷水鵝肝入口即溶；滷蛋入味，蛋白彈牙，蛋黃綿密。呢個拼盤款式多樣，感受到師傅嘅功力。獅頭鵝肉飯鵝肉係潮州菜嘅靈魂！鵝肉肉質嫩滑，保持住鵝油嘅香氣。滷汁滲入鵝肉每一絲纖維。白飯吸晒滷汁，食落每一啖都係濃濃嘅滷香。蠔仔粥粥底夠滑夠綿，蠔仔新鮮肥美，入口鮮甜多汁，完全冇腥味，仲帶住海水嘅甘香味，配埋胡椒粉，味道層次更加豐富。

獅頭鵝片飯 ($72)獅頭鵝片飯好抵食，鵝片切得薄身，肥瘦適中，肉質嫩滑，入口即化，滷得入味，鵝片底有滷豆腐同咸酸菜，豆腐軟滑吸滿滷汁，咸酸菜微酸開胃，配飯食一流滷水雜錦拼盤（細）($108)拼盤款式多，有豬頸肉、腩肉、鵝肝、鵝腎、豬耳、豬大腸、紅腸、滷水蛋同滷水豆腐，樣樣都滷得夠入味，而且拼盤份量好多，同2-3個朋友一齊share食啱啱好，試晒唔同嘅滷味滷水鴨舌 ($88)滷水鴨舌份量足，鴨舌滷得軟腍入味，滷汁咸香適中，滲入鴨舌，食落啖啖肉好滿足潮州芥菜 ($68)潮州芥菜入口鮮嫩，帶陣陣回甘微苦，加入少少腩肉一齊煮，腩肉嘅油脂滲入芥菜，增添層次感

本來屋企都係祖藉潮州，間唔中都會煮潮洲菜，今日同媽媽出黎食喱間朋友推介既潮洲野，叫左春菜、方魚肉碎粥、鵝肉飯同一份滷味雜錦拼盤（紅腸、豬大腸、豬耳、豬腩肉等）。春菜春菜嫩滑，色澤翠綠、入口清淡但係非常香春菜味，我平時都超鐘意食喱款菜。🍚 方魚肉碎粥 這碗粥絕對係亮點之一。粥底綿滑，方魚的香氣滲透整碗粥，味道濃郁帶少少鹹香。🦆 鵝肉飯 鵝肉肉質嫩滑，不會過乾或過硬，吸收了滷汁的精華，每一口都充滿鵝油香氣。平日係潮洲食就唔會配甜酸菜，不過喱到配左都可以解下膩。🍖 雜錦滷味拼盤整體拼盤的滷汁濃而不鹹，香氣十足，我個人比較欣賞個豬耳同豬大腸，有滷味特有既香味。份量大份，價錢唔貴，味道正宗，媽媽都表示滿意

✨秘製韭菜豬紅 $68韭菜新鮮嫩綠，完全冇渣，真心有驚喜🤞🏻豬紅滑溜無腥味，暖胃又惹味！再加埋潮州辣椒油真係好惹味😋份量好足，兩個人share都覺得有少少多✨滷水雜錦拼盤 $108🌟 性價比好高，有紅腸、豬頸肉、滷水蛋、豬肚、豬耳、腩肉、鵝肝、鵝腎⋯⋯樣樣都滷得入味！滷水汁唔會死鹹，個人覺得滷水豆腐吸收哂啲精華尤其出色，送飯或單食都一流🍚✨招牌獅頭鵝片飯 $72鵝片厚切啖啖肉，滷水香滲透每絲纖維，肉質嫩滑唔柴！底下仲墊咗嚿滷水豆腐同涼菜，仲跟大大碗老火例湯，好抵食😍✨潮州芥菜膽 $68用上湯煨煮，芥菜腍甜冇苦澀味，解膩必選銅鑼灣少有性價比高又高質潮州滷水😋👍🏻

⭐️滷水墨魚：鮮嫩彈牙 滷水香濃潮州菜最緊要係滷水夠香，而呢度嘅滷水墨魚絕對係水準之作！墨魚切得厚薄適中，咬落去彈牙得嚟又唔會韌，證明火候控制得啱啱好。滷水汁味道醇厚，帶微微嘅香料甜味，唔會太鹹，完全滲入墨魚裡面，每一啖都食到鮮味同滷香。最欣賞係佢哋嘅墨魚新鮮，冇雪藏味，蘸少少蒜蓉白醋，更加提鮮，簡直係絕配！ 分享嚟講都幾多，絕對係打冷一定要叫嘅食物！⭐️滷水鵝件我哋叫咗個例牌嘅滷水鵝件，味道都非常好食，而且份量真係當我哋都冇諗過例牌已經咁多. 下面有一層好多嘅花生，加少少辣椒油食非常好食！鵝嘅味道非常香濃，用嚟送飯簡直一流，再加埋佢本身唔會話好肥膩嘅，所以我同朋友都非常鍾意食！⭐️老火例湯（菜乾豬骨湯）：清潤滋補！當日嘅例湯係菜乾豬骨湯，一上枱就聞到濃郁嘅菜乾香，湯色清澈但味道十足，飲得出係真材實料老火煲成。豬骨煲到軟爛，精華全部溶入湯中，菜乾嘅甜味同白菜嘅清潤完美結合，飲完喉嚨好舒服，完全冇味精嘅口渴感。呢款湯好有家常感覺，尤其適合而家轉季時節飲用，滋補又暖身！ ⭐️潮式蠔仔粥，蠔仔粥非常多豪仔，每一啖都食到，而且絕對冇腥味啖啖肉，我哋叫咗一碗，兩個人食到非常足夠，呢間餐廳啲嘢食份量非

已經多年沒吃潮州鵝,網上找到此店便同家人去試試我們點了一個鵝腸墨魚雙拚, 一碟鵝肉, 韭菜豬紅, 兩個靚仔跟住阿姐便拿了二碗大湯我們, 味道不咸, 是菜干湯, 應是沒多味精的湯菜豬紅很大碗, 很入味, 而且不是辣, 合我呢類不吃太辣的人而且喜歡重口味人士鵝腸墨魚雙拚則非常新鮮, 很爽口, 這碟其實是我家人點的, 我只第一次吃,感覺這拼盤很特別, 很適合喝酒人士, , 當然我們不飲酒也配飯很好味, 值得一提的是伴碟的花生, 入味又大粒, 令整碟更加分之後主打鵝肉到了, 很大碟, 肥瘦適中, 肉很多, 這店樣樣食物也大碟, 這碟差不多吃不完, 所以$138這價絕對超值我們走的時候, 很多人也來買外賣, 趕回家吃亦是一番滋味

潮林園滷味大王今次要介紹一間喺銅鑼灣有一間好出名嘅滷水店叫「潮林園滷味大王」，呢間滷水店係超多人排隊，無論外賣定堂食都超多人幫襯，滷水店門外有一級，如果輪椅人士要入去食嘅話，就要自備斜板，入到去店員招呼態度好好，幾忙都好，鋪頭幾細都好，都會幫我揀一個最適合輪椅人士坐嘅位置，呢方面真係要比個讚！1.招牌獅頭鵝片（例牌）$148（9.5/10）識叫一定叫呢碟鵝片，滷水汁調較得啱啱好，除咗汁靚，鵝都好靚，鵝片肥瘦適中，鵝肉鮮美，食完鵝片下面仲有4大舊豆腐，豆腐吸收哂鵝汁同滷水汁嘅精華，無得頂！2.新鮮即滷墨魚$88（9.5/10）墨魚切到一片片，每一片都非常爽口彈牙，份量都多，墨魚大約有16片，食完墨魚下面仲有煮淋咗嘅花生，花生吸哂滷水汁，滷水汁濃而不咸，帶少少清甜味，正！3.潮州春菜$68（9/10）呢碗潮州春菜連唔鍾意食菜嘅我都覺得正，春菜吸收哂腩肉嘅油香，春菜嘅口感似煮淋咗嘅菜心，湯就芥菜嘅少少苦甘味，我連湯都飲哂，菜就多到無能為力啦！4.白飯一碗$12（9/10）叫咗兩碗白飯，有咁靚嘅餸菜點可以無白飯呢！5.可樂$10（10/10）無人陪我飲酒，唯有叫可樂飲啦！2人總共價錢$338個

🍚滷水鵝件：肉嫩多汁 皮香肉滑另一道必試嘅係滷水鵝件，鵝肉揀咗啖啖肉嘅部位，皮薄肉厚，滷得入味之餘，肉質依然保持嫩滑，完全唔會鞋口。滷水汁同墨魚嘅稍有唔同，鵝件嘅滷水帶多啲藥材香，味道層次豐富。鵝皮微微帶油香，但食落唔膩，配埋底下墊底嘅滷水花生，吸盡精華，好惹味！🍚傳統潮州蠔仔粥：鮮甜綿滑 蠔仔爆汁潮州蠔仔粥係考驗師傅功力嘅菜式，而呢度嘅蠔仔粥絕對交足功課！粥底煲到綿滑，米粒開花，湯汁濃郁但唔會過稠，食到淡淡嘅大地魚同豬骨香。蠔仔份量十足，粒粒飽滿，咬落去爆汁，鮮味十足，完全冇腥味。配料仲有冬菜、芫荽同欖菜，增添鹹香同層次，食落暖胃又滿足。如果鍾意食辣，可以加少少胡椒粉，更加帶出蠔仔嘅鮮甜！ 🍚韭菜豬紅：嫩滑無腥 韭菜香濃潮州菜少不得嘅韭菜豬紅，呢度嘅版本做得相當出色！豬紅嫩滑得嚟唔會散，入口即化，完全冇腥味，證明處理得乾淨。韭菜切得粗幼適中，炒得香而不老，帶微微辛辣，同豬紅嘅滑嫩形成對比，口感豐富。調味恰到好處，唔會太鹹，配粥或送飯都一流！ 🍚白飯：粒粒分明 滷水絕配雖然只係一碗普通白飯，但都煮得恰到好處，米粒分明，軟硬適中，尤其適合配濃味嘅滷水菜式。撈埋滷水汁一齊食，簡單但超級

潮林園滷味大王(香港) 地址: 香港銅鑼灣軒尼詩道446-450號軒華大廈地下C號舖家中老人家走了後，很久沒吃到潮州菜了！間中大節日回家聚一起吃飯，或是去餐廳，都是廣東菜，超想念呢。飲碗西洋菜湯先滷水鵝片例牌 $148 2個人獨吃剛好，鵝肉片入味富滷水汁香，滷水墨魚小食 $88墨魚厚肉彈牙，厚川確是口感一流蠔仔粥 $58 好多蠔仔粒，落了蔥香更香，鮮甜無比，粥是原整粒粒米，同廣東粥綿爛口感差好遠白飯 $24#滷味 #香港必食 #潮州 #hkfood #必食推介