沙田新強記燒鵝海鮮酒家

Open Now

Now Closed

#沙田新強記燒鵝海鮮酒家 新強記燒鵝王真係燒到好脆身皮薄脆夾住啲脂肪下面嘅肉一啲都唔鞋仲好嫩滑金銀蛋時蔬呢味餸真係話依唔易話難唔難菠菜要煮到唔老身但所有材料都要令到個菜入味鹹蛋又唔可以過多調味過多又會令其他材料減分但呢度必點！唔錯！！上湯焗龍蝦伊麵底真係冇諗過咁大碟伊麵底加上湯已經冇得輸仲要可以食到咁大隻龍蝦斬件先明顯提升左不少！沙田新強記雞粥又係呢度嘅招牌菜！我知道大排檔嘅雞粥好多人都會去食但係呢度除咗個環境舒服啲之外又有冷氣嘆夏天熱辣辣梗係舒舒服服咁嘆雞粥啦！呢度嘅雞粥一定一定一定要試吓好重要所以講三次！佢係連埋雞皮去煮所以雞味一定重！如果你出邊食嘅雞粥係冇連雞皮懶健康咁煲嘅話我勸你唔好叫👍🏻

同幾個朋友黎新強記食雞粥小菜環境好大好舒服 中菜館難得可以咁寬敞地食餐飯食物味道亦一流 而且都好大份四個人食 都食到飽飽上湯龍蝦伊面底龍蝦估唔到份量幾多 而且每舊都好多肉食落去啖啖肉d上湯入哂落伊面到 唔會太濕又唔會太乾 好正新強記燒鵝王燒鵝 比起平時食既真係有d分別 呢個燒鵝 好多汁 而且d皮好脆 同埋佢都好平均 而且好厚肉 好似食極都有咁金銀蛋時蔬一上菜覺得好似好普通 但食落真係好好味 d蛋加埋菜咁食 非常開胃 而且熱辣辣 份量亦大 沙田強記雞粥重頭戲實係 呢個雞粥 除左份量超級多之外 d雞都好滑 而且好重雞味 唔洗加仼何調味已經十分出色 個份量係充夠一家大細 三五知己重點 d野食黎得好快 而且熱辣辣咁岩哂收工之後肚餓既我地 仲要服務都ok

收工後同幾個朋友黎新強記食飯環境好舒服 難得可以咁寬敞地食餐飯食物味道亦一流 而且都好大份四個人食 都食到飽飽金銀蛋時蔬一上菜覺得好似好普通 但食落真係好好味上湯龍蝦伊面底龍蝦估唔到份量幾多 而且每舊都好多肉食落去啖啖肉伊面到 濕度適中 新強記燒鵝王燒鵝 比起平時食既真係有d分別燒鵝部份 好多汁 d皮好脆好厚肉 沙田強記雞粥雞粥部份 除左份量超級多之外 d雞都好滑 雞味濃 唔洗加仼何調味已經夠哂味

去大圍食野就唔係新鮮事，但係我通常都係去積存街果頭，好少可係MTR附近食...今晚啊媽話想試下呢間係大圍站隔離嘅新強記，咁我就梗係話好喇！係B出口過天橋，就已經見到間鋪頭，個裝修真係比較.. Um...um...懷舊囉😂不過classic有classic好嘅，味道有保證吖嘛！一行入去，成件事真係好80年代，有大水晶燈，裝修用色，枱椅都looks old...但係坐落其實都乾淨，唔會話係舊果隻殘，有keep住保養嘅🤗去到2021年，真係咩食肆都要與時並進，可以用手機點餐👍👍隻碟幅個款好靚🤩其實幅大山水畫都好有意景……🌅🌄叫咗個孖寶A餐，有乳鴿2隻，灼蝦半斤🤗先講講乳鴿，店員會事先詢問是否需要一開四，開咗容易d食... 所以上枱時就變成咁🤗即叫即燒熱辣辣，個調味岩岩好，試過食過一啲得個鹹字嘅乳鴿🤢 雖然唔係話好多肉肉，但係都幾大隻... 可能平時食得多BB鴿！另外，個灼蝦就每隻都好大隻，唔會有雪藏味，食得出應該15分鐘前仲游緊水，好彈牙🤪🤪雞粥（小）100蚊都唔洗，份量一啲都唔少，都可以裝到6-7碗👍👍味道鮮甜，雞肉都好滑，唔係用d低質雞肉，再加上佢嘅獨門秘方，煮成一碗係屋企煮唔出嘅雞粥🐔

由於新冠肺炎疫情還險峻，最近都間斷出現變種病毒的cases，所以我和爸爸盡量喺屋企叫外送早餐及午餐和自己煮晚飯食。今朝阿爸想食粵式點心，我就用Deliveroo叫咗呢間喺大圍很多年歷史的馳名沙田雞粥乳鴿的飯店的早餐點心吃👇1. 百花釀魚肚$40，有三件，魚肚質素非常之好，蝦膠新鮮爽口彈牙但係唔會有食用梳打粉味或者鹼水味，蝦膠表面仲黐咗啲蟹子！2. 叉燒包$30，有三隻，雖然係細細隻，但係味道很好，嗰個中式包皮唔黐住啲牙嘅！啲餡唔會死甜，有叉燒的香味！3. 五柳炸雲吞$30，有三隻，飯店員工很細心，用張花邊紙墊盒底，啲炸雲吞好鬆脆，入面啲蝦餃餡好鮮甜，五柳汁雖然係冇渣嘅，但係食到五柳汁嘅酸甜香味。4. 時菜鯪魚球$30，好好味！首先真係有津白菜墊底蒸，啲鯪魚球有落陳皮的，成本變咗貴咗！最緊要係唔會好似一般酒樓嗰啲咁咁鹹，啲朋友話一般係因為啲鯪魚肉唔夠新鮮先至落咁多鹽。不過我要用屋企啲胡椒粉加落去，生抽是有提供的！服務費兩蚊唔知點收，免運費因為入咗Deliveroo會，每月都比月費。今朝送餐的是一位女車手，好有禮貌！我一打開門就叫我早晨！👍

由於好耐冇食過雞粥乳鴿 想食下就醒起新強記喱間老字號 同男朋友大概6 7點過嚟唔洗等位直接入得 佢都有好多唔同套餐揀 不過多數都係四人餐 我同男朋友得兩個人所以就散叫 我哋叫咗細雞粥 例燒鵝 同埋乳鴿乳鴿大家一定要記住趁熱食 個皮好脆 入面鮮嫩多汁 真係好正 所以之後都encore咗多隻 但唔知點解第一隻係切好咗比我哋 第二隻就原隻上 比埋鉸剪同手套我哋自己食🤣🤣🤣之後個燒鵝都唔錯 都幾足料 叫咗一份例已經完全足夠我哋2個食 不過個人覺得乳鴿好食啲 個皮再脆啲肉再嫩啲最後雞粥都好好味 我哋叫咗細都勁大煲 雞好足料 佢有附埋調味 話如果唔夠味可以加 我覺得已經好夠味 唔洗加調味都得最後想講姐姐服務好好 一直幫我哋裝粥 加茶Menu:

成日唔知大圍有咩好野食，今日約左朋友食晚飯，就想試試呢間酒樓。入到去已經晚市，我們3個人叫左個套餐，晚市套餐好多都好抵食。我哋叫左芝士龍蝦伊面，燒鵝例牌，加碟金銀蛋白菜，三個人食已經夠曬數，性價比都好高。芝士龍蝦伊面係好食，但我個人覺得有點heavy，不過朋友食得好開心，燒鵝係我最愛，酒樓同出面食始終有唔同，起碼唔怕影相好睇裡面全部肥膏。疫情之後都冇試過飲茶，估唔到第一次試呢間就冇中伏，食得幾開心，慢慢食仲可以一邊吹水，下次試試佢d點心先。

呢間餐廳一出大圍Exit D上左手邊條行人天橋，行2、3分鐘就到🏃🏻‍♀️ 超方便👍🏻門口裝修好有舊式高價酒樓既感覺🏮如果唔介意搭枱，其實都好快可以入坐（around 10 mins)😌點心紙如下：我地一共order左六款點心🤙🏻，但已經食到我地兩個人超級飽🤤：蜜汁叉燒腸香煎蘿蔔糕新強記蝦餃皇❤️香滑流沙包家鄉鹹薄餅金珠鹹水角如果黎呢間飲茶，個蝦餃皇大家一定要試！比起一般茶樓叫到嘅蝦餃還要大粒，果然係真。蝦餃皇👑☺️👏🏻

呢一間酒樓好耐歷史㗎啦🕰呢一年新裝修咗，食物質素都唔錯㗎😆又近火車站，夠晒方便👍🏻🦐新強記蝦餃王🥟 $30作為傳統蝦餃蝦餃，入邊有爽口嘅蝦肉、筍👍🏻皮溥餡靚🦀蟹子燒賣王 $30燒賣就相對比較失色🙁肥豬肉太多，燒賣肉雖然爽口彈牙，但係唔夠味蔥花蝦米腸粉 $18.8腸粉煎得夠香口😋但係上枱時已經唔係熱辣辣🤨配埋甜醬麻醬實冇死🦢招牌燒鵝瀨粉🍜燒鵝份量夠多👍🏻有肥有瘦🐷蜜汁叉燒米粉🍜叉燒份量比到好足🥰不過肉偏瘦。米粉係新竹米粉，好掛湯衛生：8/10味道：8/10

大圍老店一定係呢間。原來除咗晚飯小菜，下午都有點心食！餐廳裝修咗，所以環境都算唔錯！午市點心幾抵食，選擇多！叫咗脆皮燒腩仔$68，原來都幾多！燒腩仔唔會太肥，皮都夠脆，食好多件都得！傳統點心都好多，蟹籽燒賣皇$28，幾足料，入邊充滿鮮蝦，豬肉少少肥有口感，燒賣又夠大粒！黑椒蒸爽肚$26 白雪雪，幾乾淨，黑椒味剛好，肚爽口，熱辣辣！香煎蘿蔔糕$23好大件，有3件！煎得夠香！有蘿蔔絲！嚟到呢度無理由唔叫返個雞粥！強記雞粥（位）$40，一位已經好大碗，分到4-5小碗！粥夠綿，帶有雞油香！懷舊點心古法千層糕$23呢度都有！一層一層奶黃，趁熱食夠軟綿綿！最後叫返個椰汁紅豆糕$15，抵食！多紅豆又夠椰香！

同屋企人食飯一定係去酒樓多，因為媽媽好鍾意飲茶。今次同媽媽試下呢間喺大圍火車站對面嘅酒樓。環境方面，枱與枱之間有大間板，感覺有啲空間又唔會太擠迫。枱上面雖然有手機落單QR code，但原來晚市優惠冇得手機落單，所以都係要嗌人落單。因為媽媽好想食燒鵝，我哋兩個人嗌咗晚市三寶C($438)，上湯焗龍蝦伊麵、新強記燒鵝王、金銀蛋時蔬，份量好多，最後食唔晒要帶走。上湯焗龍蝦伊麵龍蝦同伊麵份量都好多，龍蝦同伊麵都好入味，伊麵都充滿龍蝦的滋味。金銀蛋時蔬白菜仔份量多，連同金銀蛋、鹹蛋、皮蛋、蒜頭，香味滿溢，好快就食曬😋😋新強記燒鵝王誠意推介：一大碟燒鵝，皮脆肉香😋😋，不過應該係上莊，肉唔多。茶位每位12，打包盒連膠袋要$2，連埋加一之後埋單$510。整體來講，價錢合理，食物水準中上。評分時間（只供參考，最多❤️❤️❤️❤️❤️）好食指數：❤️❤️❤️環境指數：❤️❤️❤️❤️抵食指數：❤️❤️❤️人均消費：$255（晚餐）

第一次去，服務真係好好，雖然在街內，環境不是勁靚，但枱與枱之間有隔板亦有一米距離。味道不比名牌酒樓差。份量十足！可以有下次，感覺老闆對員工好，所以每個伙計都好落力招呼客人。臨走喺門口有位唔知是否老闆嘅人，不斷同每位客人道謝，仲介紹話有早午茶飲。雖然餐飯唔貴，但感覺自己得到五星級待遇。👍🏻👍🏻

呢間燒鵝同乳鴿好出名今日特登慕名而黎，果然冇錯！新強記燒鵝王（半隻）冇錯呢到只係半隻，真係又大又肥美燒得個皮卜卜脆皮脆之餘仲要肉嫩食落仲有啖啖肉汁同鵝油必出黎，勁香金牌燒乳鴿食完燒鵝梗係要食埋乳鴿乳鴿新鮮燒勁，熱辣辣勁正個皮亦勁脆，肉質比燒鵝更嫩，而且冇一般乳鴿有既騷味，勁香沙田新強記金牌咖哩皇（牛腩）呢到既小菜亦都好有水準呢個咖哩牛腩既香料味好有層次，同一般小菜店或茶記味道好唔同真係有正宗咖哩既感覺，而且又唔會辣牛腩同牛筋都又淋又入味連薯仔都係又淋又入味真係淨係食薯仔都夠晒正，因為索晒Ｄ香味粟米龍躉石斑塊真係用龍躉做既粟米斑塊！真係夠晒鮮味，仲要係冇骨既，我呢種少食魚既人都可以放心輕鬆享受到石斑既美味粟米汁又香又濃，同石斑好夾

周不時都經過呢間，成日都覺得好吸引，今日終於的起心肝黎食，果然冇揀錯四人餐都幾抵食，不過今日得兩個人，下次再黎一定要食佢先得新強記燒鵝王（半隻）半隻都已經超大隻，誇張！鵝皮又薄又脆，而且燒得岩岩好唔會焦最重要係鵝肉勁有鵝香一咬落去有少少鵝脂，但又唔會肥膩好令人回味金牌燒乳鴿不負金牌之名乳鴿應該係即燒，因為一上台係超級勁熱辣辣剪開佢係會見到有煙出咁食落當然係非常之好味佢既咸香配上幼嫩既鴿肉，送酒一流粟米龍躉石斑塊粟米斑塊食得多，但真係用龍躉石斑做既真係未食過，係呢到你就食到啦真正既斑塊，佢既鮮味唔係一般用龍利柳可以比美連粟米汁都特別香濃，因為索左龍躉既鮮甜沙田新強記金牌咖哩皇（牛腩）呢個咖哩牛腩香到送上菜個姐姐係上菜果陣都情不自禁講左句好香佢唔單止聞落香，食落仲香你會食得出係有唔同層次既香料係入面，勁惹味不論牛腩定牛筋都超入味特別係牛筋淋到幾乎入口即溶

其實小弟都曾經身為沙田友，今日陪女皇的媽媽去拜車公，所以就唸到去回味吓童年美食新強記。呢度嘅三大名物，燒鵝，雞粥同燒乳鴿，由於人數唔多所以只可以揀燒鵝，水準依然，外皮香，肉汁多夾雜住鵝油嘅酥香好滿足。另外叫左啲點心賣相未算十分精緻，勝在足料，新鮮。鮑汁雞腳好入味，而且花生都夠腍。豉汁蒸魚雲cp值高，分量多，原來點心都可以有小菜水準。鮮蝦腐皮卷---好脆，餡多蝦肉彈牙,又唔油膩。疫情期間餐廳都有提供手機點餐環保之餘又衛生啲。另外餐廳推出啲抗疫套餐，下次帶埋女皇的爸爸，再享受埋雞粥同乳鴿先為之一絶。