沙田新強記燒鵝海鮮酒家

Open Now

Now Closed

細細個已經聽過《新強記》呢個名前排同屋企人去開大圍,見到佢地既霓虹燈亮起.. 懷舊嘅裝修風格,當時就好想試下。畢竟而家咩都係新派,有時想搵返7-80年代既野已經買小見小。咁今日就趁住平日放假,就帶埋屋企人黎飲返個午茶試下先。就咁睇門面都相當大,離遠已經見到呢度咁搶眼既牆磚。呢度平日午時點心既價錢小點至頂點由$15-$31。比起出面時下既酒家,價錢都算抵新強記除左雞粥好出名之外..仲有燒鵝同乳鴿..見到menu上有寫「沙田三寶」,但因為食唔哂既關係..所以就叫左碟燒鵝飯。燒鵝飯🦢 $68-以碟飯黎講燒鵝既份量十足..仲咁岩有髀位添☺️燒鵝肉質嫩..皮下脂肪個鵝油好香.肉質唔會太乾身。 燒腩仔飯 🐖$40-燒腩仔肥瘦剛好,皮脆而且味道唔會太咸。新強記蝦餃王🦐 $28-極推介,蝦餃大大隻..咬落啖啖蝦肉一隻平均有2-3隻蝦..好足料👍🏽 五柳炸雲吞$23-咬落唔油膩..好香脆..點埋個酸甜汁好夾。 豉汁蒸鳳爪$23-每次飲茶都必食既豉汁蒸鳳爪傳統酒樓風味。 豉汁蒸魚雲$31-最特別係呢個..而家好小酒樓有得食呀！一盅大約有4件.. 熱辣辣黎到..魚雲食落唔腥,如果有埋剁椒就仲正堂灼西生菜🥬 $

入黎大圍探朋友, 一早上網搵左資料有咩好食, 搵到呢間中菜食燒鵝既, 好似幾出名, 咁就訂定位入黎食首先第一道菜上燒乳鴿, 脆身, 香口,  味鮮, 保持肉味 , 令我地胃口大增朋友對鵝興趣不大, 所以我地最終無叫到鵝, 於是叫左另一樣出名, 就係雞粥。第二道就黎左雞粥，雞的鮮味同粥既綿綿之下互相融合， 我地都唔洗３分鍾就食完一碗，要再舀多碗食。侍應推介今日有新鮮龍躉尾，於是我地叫左煲，我自己對呢個菜就一般，可能我對魚一般，不過朋友喜愛食魚，大讚龍躉足料，絕對唔係求其一兩件。另外仲叫了通菜炒牛肉及小炒王，都屬水平之上，用白飯黎送，我就食了兩大碗飯，其他人都各自食了一碗多。

之前食過呢度嘅點心覺得唔錯，晚市嚟咗呢度食，地點好近大圍港鐵站，只係5分鐘路程。佢有散叫，有海鮮套餐、有多款小菜套餐。嚟到呢度當然要叫返隻乳鴿，都好耐冇食乳鴿～乳鴿令我諗起童年回憶，乳鴿嘅肉特別香，帶少少油香～乳鴿皮幾脆！椒鹽鮮魷都係小菜必叫之一，炸嘢有香脆口感！賣相嘅金黃！西檸雞都係好耐冇食，而家唔多餐廳有！西檸雞有好多汁，炸得乾爽，檸檬汁夠酸，仲有一片片檸檬～呢度都有唔少海鮮揀，想食魚，揀咗沙巴龍躉仔～龍躉仔都幾大條，面上夠多蔥花，蒸得好香！龍躉啖啖肉好新鮮！當然唔少得炒返個菜，蒜蓉炒好夠味！呢度嘅食物鑊氣唔錯！

今日係中秋節，梗係要出去食啲好嘢啦.諗住係屋企附近有一間新強記燒鵝.呢一間除咗燒鵝仲有雞粥好出名繼續係11點打後開始供應，啲雞好滑啲粥好綿密食得出係煲咗好耐嘅入口即溶嘅感覺.仲嗌左啲點心有蝦餃、燒賣、牛肚、牛柏葉、芋頭糕、牛肉腸、鳳爪.不得不提嘅蝦餃係裏面有三隻蝦全部都係新鮮嘅蝦肉，食落鮮蝦味係個嘴裏邊.佢哋啲燒賣我自己覺的硬咗啲啲因為啲肉都好實唔似平時喺出邊食嗰啲燒賣.芋頭糕數於好多芋頭比較乾身㗎如果鍾意芋頭的朋友嘅咁呢樣嘢就推介俾大家啦.好多時候茶樓姐姐態度都好一般，新強記的姐姐各個都好有禮貌，中間我地有小小差錯，姐姐第一時間幫我地去溝通確認最後好快解決左問題.整體質素都唔錯，可以使用電子消費進行付款好方便.

沙田大圍嗰邊有一間好多年歷史嘅海鮮酒家，最近提前慶祝中秋，當然就去食個晚餐，而且價錢都好合理，可惜同行朋友比較有海鮮敏感，如果唔係可以食嗰啲海鮮孖寶就仲更加正！好多人叫！沙田新強記雞粥 $98 例本身雞粥都係佢哋王牌，估唔到咁入味，裏面仲有好多雞，啖啖肉，好香嘅雞香味，令到成個粥都好有吸引力。椒鹽鮮魷$98呢款我都覺得唔錯，外皮金黃香脆，裏面嘅魷魚都好彈性有足夠水份，表面嘅椒鹽鹹香十足，相當惹味。金銀蛋時蔬$88最近嘅時令菜係芥蘭，口感爽口，金銀蛋再加多一啲肉碎，令到成件事好有鹹香，有啲衝動想連個湯都飲埋。茶位$12@1 都ok la～～MENU環境

成日搭車都見到新強記,但係住左甘多年大圍都未食過,今日就同屋企人試下裝修懷舊,野食都唔錯叫左個孖寶套餐,另外加左個馳名既燒鵝原本打算加多個冬瓜盅,點知姐姐話早賣哂😓只好改為粟米魚肚羹啦

沙田新強記燒鵝海鮮酒家 (大圍).今次帶女朋友屋企人嚟沙田好出名嘅新強記食雞粥.沙田新強記雞粥- 必叫菜式，雞粥非常入味，成個粥係金黃色，落少少胡椒粉可以更惹味麻香海蜇頭- 海蜇頭超級爽口，充滿麻香，好快就食咗一碟，忍唔住再叫多碟.肉絲炒兩麵王- 肉絲醬汁另上，雙面王大家都知兩面煎得香脆，肉絲另上可以比你選擇就咁食脆麵定加入肉絲汁，加點點紅醋味道全昇華.海鮮孖寶- 有十款不同的海鮮俾大家選擇，而每款都會配上一個時蔬，同埋仲會送一隻金牌乳鴿！我哋今次就揀咗蒜蓉粉絲蒸蟶子，配金銀蛋浸時蔬，蟶子嘅處理時間恰到好處，味道鮮甜爽口。乳鴿跟孖寶送一隻，四人食兩隻，一咬皮薄而脆，充滿肉汁！.清蒸沙巴斑-都算幾大條，魚肉都好香好滑，無腥味，肉質嫩實

沙田新強記燒鵝海鮮酒家 (大圍).▪️麻香海蜇頭▪️.性價比超高小食，海蜇頭好抵食，$45份量好多，大家都知海蜇頭唔平，所以我地四人encore左兩份！.▪️肉絲炒兩麵黃▪️.呢個好好食！ 我地要求肉絲同麵另上，咁就唔怕個汁整腍個麵，食前先將進食麵食嘅份量加上肉絲，加小小紅醋，正🥰.▪️金牌燒乳鴿▪️.單點$48隻乳鴿仔，因為海鮮孖寶已經會送一隻，我地叫多隻四人食剛剛好，即叫即炸，皮脆而且好入味.▪️海鮮孖寶:▪️.$248有三樣野，我地揀左蒜蓉粉絲蒸蟶子四隻配金銀蛋時蔬，再送一隻金牌乳鴿。蟶子好肥美，充滿蒜茸加大量粉絲係每隻嘅面，無overcook熟成程度剛好金銀蛋時蔬係菠菜，加上皮蛋鹹蛋雞蛋，不錯！.▪️沙田新強記雞粥▪️.呢間店嘅招牌，有印象兩個人飲例牌都太大煲😂所以今次就算四人都叫例，不過係真係好好味，唔落胡椒粉都好有味，雞件又多.▪️清蒸沙巴斑▪️.爸爸表示想食條蒸魚，蒸條沙巴先$168都唔算貴，魚肉滑溜，酒樓蒸魚豉油果然係特別甜！.最後店員仲好有心問我地飽唔飽，送上一人一碗糖水，分別係紅或綠豆沙，紅豆沙仲要食到有果皮！.環境：⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️⭐️.📌 沙田新強記燒

我哋嗌左四樣嘢 新強記燒鵝王、金牌燒乳鴿、椒鹽鮮魷 同埋沙田新強記雞粥 總共$376其實佢啲套餐嘅combination 望落幾吸引 但得兩個人就食唔晒 如果一家人嚟食嘅話可以試吓 唔太貴 上菜速度都好快 5分鐘倒就陸陸續續咁上菜 燒乳鴿 油脂豐富、香脆 啲肉仲好嫩😋 雞粥 個粥煲得好入味 好綿好香甜🤤 仲要40蚊倒一煲兩個人食！正！燒鵝 皮脆肉嫩 啖啖肉 冇膻味 例牌個份量比預期中多 飽到食唔哂添😂椒鹽鮮魷 啲魷魚好新鮮 好唸 一啲都唔會韌到咬唔開 炸粉又薄 好味！D waitress 友善又貼心 主動俾膠手套我地食乳鴿 食雞粥個陣又主動拎多兩隻碗俾我地 仲話已經幫我地用熱水洗埋👍🏻打算走之際 個waitress 竟然有甜品送 3百幾蚊兩個人食咁多野 抵到爛🤣綠豆沙 唔算好甜 有陣椰香 比起紅豆沙較稀 紅豆沙 陳皮味好香 仲有陣檸檬香 唔算好甜 紅豆好夠 口感豐富厚實 十分推薦大家試下紅豆沙最後係個環境都幾舒服 原本就咁聽新強記個名 以為係大排檔 點知係酒樓 仲要啲裝潢好新又光猛 衛生感覺上都唔錯

相約朋友去食飯，近近地揀咗地點方便大家嘅大圍～ 呢間餐廳中菜幾抵食～有古式風味！～～揀咗海鮮孖寶餐$268， 有清蒸沙巴龍躉仔及蒜蓉炒菜，套餐仲送金牌乳鴿一隻！清蒸沙巴龍躉仔好新鮮，魚肉質結實，相當唔錯！食得出新鮮靚魚！蒜蓉炒油麥菜，勁多蒜茸，好香好好食！條條菜都有蒜蓉！乳鴿皮脆，夠香口，果然招牌菜！！西檸雞球好大碟，脆口酸酸地，雞肉滑～椒鹽鮮魷用避風塘風味整，香香辣辣～加個白飯食，好開胃！4個人食到飽飽，埋單$600左右，抵呀！

今次大圍食沙田三寶燒鵝、乳鴿、雞粥✨呢到係最出名燒鵝外皮夠晒光澤皮下脂肪只係薄薄一層平時好多太肥肥到皮都唔想食但佢地只係好少一層最緊要佢皮脆可以食埋都唔覺！鵝肉肥瘦適中肉汁豐富一啲騷味都無每一淡都新鮮嘅鵝肉肉嫩多汁！✨乳鴿即叫即炸火候掌握得好好層外皮好脆，熱辣辣肉質好嫩滑好多汁一啲都唔乾。✨雞粥綿滑嘅粥加埋新鮮雞件粥都煮成金黃色而且份量好足夠98蚊價錢一大碗真係好抵食！如果一班朋友黎你叫呢個98蚊size都夠可以試下其他唔同食物✨鳳梨咕嚕肉咕嚕肉無骨而且炸得好香脆甜酸汁味道調得岩岩好唔會好酸汁醬都唔會好杰做到剛剛好掛上咕嚕肉上面酸酸甜甜好開胃如果大家唔想去太遠又想食到高質燒鵝、乳鴿、雞粥的話呢到近近地絕對值得大家黎！👍🏻

成日都聽到有人講東鐵線都有出名字靚燒鵝唔一定要去深井今次就去左大圍探下路黎到呢一到當然就要點傳說中沙田三寶燒鵝、乳鴿、雞粥當夜係7點半左右先前都打過電話黎想話book定位先但職員就話黎到walkin就ok唔洗book呢段時間客人唔多所以上菜都好快第一道上嘅係乳鴿出名當然唔可以放過即叫即炸上菜時仲係熱辣辣香味撲埋黎淨係睇到層外皮已經知道好脆食落去真係好多汁肉質好嫩滑，一啲都唔柴。火候掌握得好好！再講個燒鵝啦同行朋友都話呢到係最出名講燒鵝真係數一數二一上菜，淨係睇外皮夠晒光澤，肥瘦適中，皮下只係一層薄薄油脂唔會一大團脂肪，食到滿口油再睇肉質而且、肉汁豐富我本人少食燒鵝印象中都係食到一陣騷味但呢到每一淡都係充滿驚喜絕對係在水準之上而且師傅刀功都好好斬得好好，唔會食到骨碎我地都點左雞粥金黃色嘅粥煮得好綿滑雞肉嘅味道同粥已經融入晒一齊而且份量好足呢個98蚊價錢呢個份量真係好底食，最後我地都係食得晒！仲有叫左一個鳳梨咕嚕肉咕嚕肉炸得好脆加上汁醬甜酸度岩岩好唔會太酸醬汁只係掛係肉上面唔會蓋過肉嘅鮮味真係以佢地食物質素、材料、新鮮度真係唔洗去到深井咁遠呢到已經好好絕對值得再幫襯唔好以為佢地茶樓咁就無服

今日帶2個侄女去大圍踩單車，直落食晚飯。我哋兩個人叫咗3個餸1個白飯，食到好飽呀。金牌燒乳鴿：我見到餐牌介紹係招牌菜，所以叫咗1隻黎試一些。侍應好細心，落單時已經問定洗唔洗幫我地剪，分幾份。乳鴿比想像中大，可以分到4份，每份啖啖肉，色澤均勻，肉質滑，不油膩，最緊要無沒有燒過火得黎又夠脆，可遇不可求。蒜蓉蒸龍躉頭腩：龍躉鋪滿蒜蓉，蒜香味濃，龍躉頭腩肉質滑嫩。我侄女本食好抗拒食魚，怕魚醒味，但佢都好鍾意食呢碟魚，應該係啲蒜香味夠濃，條魚完全無醒味，真係小朋友嘅恩物。薑蔥焗桶蠔煲: 啲桶蠔比一般街市、超市賣個啲大隻。一碟有6隻，我覺得真係好足料。個薑蔥味爆得好香，啲蠔油汁好均勻每隻都有。我地食到連啲蔥都食乾淨! 整體，食物質素高於水準，直得一試。

一直都冒名好想試下新強記燒鵝嘅招牌菜🥢， 一入到餐廳感覺非常好，餐廳好闊落好干淨， 成個餐廳都係傳統中式嘅設計，所有嘅碟都好有心思同中國特色。雖然 佢哋嘅餐廳燒鵝最出名，我哋大概八點幾去到嘅時候好可惜燒鵝、燒鴨同埋好多其他菜式已經賣曬， 侍應就推薦我哋食另外一啲招牌菜，乳鴿、 鳳梨咕嚕肉、 椒鹽鮮魷🦑、 粟米石斑塊🐟。 我哋覺得最正係乳鴿，因為好新鮮， 啲肉多汁鬆軟、外層好脆🤤，佢哋嘅粟米魚塊 同埋椒鹽鮮魷都好好食🤤， 魚肉同魷魚都好新鮮， 魷魚外層脆脆地裏面炸得好鬆軟，啲魚肉配上粟米味道非常之夾🤤。 以佢哋菜色嘅質素，價錢合理， 如果想食佢哋嘅招牌菜一定要早啲到。☀️

朋友知道我好鍾意食粥，曾經推薦過呢度嘅雞粥，話味道好好，呢日喺大圍，就決定去試吓😆叫咗「沙田新強記雞粥」，呢個雞粥用埋店家名字，應該係招牌菜😆，有三個份量可以選擇： $40/位，$98/小，$168/大，我咁鍾意食粥，一位份量應該唔夠喉，咁就叫咗個 $98 嘅「小」😆，落單嘅時候，Reception 姐姐仲話「小」其實係好大碗，好心地勸我叫「一位」，但係我驚唔夠喉，一意孤行叫咗「小」😆；再加 $118嘅「脆皮燒腩仔」，$26嘅「白灼菜心」😆「脆皮燒腩仔🐷」上枱嘅時候仲熱熱哋，可能係啱啱燒好👍，真係脆皮😋，咬落有聲😆，兼肥瘦適中，好甘香😋。「白灼菜心☘️」軟腍腍，簡單好食，感覺健康😋「雞粥🐓」最後上，真係好大一鍋😆，粥底軟綿綿，加上雞油滲透咗喺粥裏邊，又香又滑，真係正😋；仲有好多雞件可以食，雞肉都幾嫩滑😋。朋友真係冇介紹錯，呢餐真係「大滿粥」😆