樓下冰室

Open Now

Now Closed

之前已經幫襯一次，幾好食，今次特意帶未食過既同事黎食。我地諗住叫外賣番公司食。帶客果個話會幫我地叫，但只係顧住帶客一路冇幫我地。其間有人係收銀處阿姐成功叫到外賣，咁我地跟住佢地排，下一個就到我地。點知，收銀處阿姐話要幫我地後面堂食既人收錢先，明明我地排先。當時我地等左15分鐘，都仲未叫到外賣。我望住後面條隊面色一沉，有三四個堂食人等俾錢。所以即刻放低餐牌走左。被人忽視既感覺好差，建議增加人手，改善服務質素。

原味主意=完美主義一睇menu 便知餐廳主打鮮茄湯，咁點可以少左鮮茄牛肉螺絲粉。濃濃既鮮紅色蕃茄湯給人視覺以及味覺上的刺激。開餐前必須試左啖湯先，酸酸甜甜好滋味。而且番茄🍅帶有抗氧化，對於女仔黎講，理所當然最尾湯都飲晒。牛肉夠滑身一啲都唔硬。搭配索晒鮮茄既螺絲粉，一啖接一啖。牛乳炒蛋，牛乳意外與蛋十分夾，濃香得黎又滑。個瑞士雞髀都十分推介，唔騷並且好入味，熟得岩岩好，一啲都唔硬，因為搭配左瑞士汁，鮮嫩既雞髀肉中仲帶有甜甜既肉汁。好味滑蛋叉燒飯，份量十足。滑蛋中加埋稍甜既叉燒，豐富既層次。令人欲罷不能。加上青蔥以及瑞士汁既點綴，真係好味到不得了，炒得好香我成碟食晒

最近發現公司附近開左間「樓下冰室」太好了！今晚放工可以去食喇！平日lunch比較多人放工去會好d夜晚6點去到未算太多人入到去就有位餐廳環境裝修非常懷舊地方乾淨企理坐得非常舒服餐廳都有介紹有6大必食：有特色蕃茄濃湯通粉、瑞士雞脾；花膠雞米線；金牌咖喱牛腩飯等等。我有選擇困難症，揀咗好耐都唔知食乜好😂太多選擇，樣樣都好想食最後我揀了蕃茄濃湯配螺絲粉拼牛乳炒蛋，配麻辣脆雞粒，飲品就揀了凍華田脆脆。食物好快就到了蕃茄濃湯果然有水準，蕃茄超級濃郁炒蛋超滑，蛋香味重份量好多添食哂成碗超飽麻辣脆雞粒熱辣辣、脆卜卜一咬落去好juicy出哂油建議攤一攤先食唔係第一啖容易被油燙親😂簡直係勁好食👍🏻華田脆脆超級濃郁面果層加埋脆脆濃郁感覺即時提升👍🏻總結黎講食物都勁有水準價錢經濟合理下次一定會再幫襯👍🏻

喺鰂魚涌附近返工,發現咗呢間新開嘅樓下冰室好多人,所以放工後決定要去試吓。大概七點鐘左右喺門口已經見到好多人,可能呢附近冇乜港式既冰室。不過好彩入面好大仲有位坐,格局係90年代茶餐廳既風格,有香港特色。看左菜單上已經有幾樣必食,瑞士汁雞翼雞脾,芝士煎蛋菠蘿油,厚切牛乳蛋治,蕃茄濃湯通粉,芝士焗西蘭花同雞扒蓮藕薑融飯,華田脆脆同菠蘿冰。整體上好食過香港出面既冰室,瑞士汁夠濃雞脾夠大,個芝士煎蛋菠蘿油有驚喜,甜中帶咸好食,雖然個飯冇乜驚喜但係有香港90年代既味道。而個蕃茄濃湯好濃好甜,芝士焗西蘭花加左啲栗米粒焗,個厚切牛乳蛋治蛋厚有口感,飲品華田脆脆吾太甜吾錯。整體上食物質素吾錯環境闊落光猛價錢又吾貴,可以做間吾中既飯堂 。

今日放工去左試鰂魚涌新開既冰室，之前其實都聽過，荃灣有分店而且都幾出名，所以係公司附近就去試試！餐牌望落款款都好吸引😂😂樓下冰室最出名既係蕃茄濃湯通粉同招牌瑞士雞脾，所以就點左依個，原來係有set一次過試晒兩樣架，點左特色蕃茄濃湯通粉配牛乳炒蛋再配瑞士雞脾。首先個蕃茄濃湯通粉都算真材實料，店鋪係用上新鮮蕃茄、豬骨、雞骨去熬十小時，唔怪之出黎唔係好水個重，都稠稠地有蕃茄粒，酸酸甜甜好開胃！提提個滑蛋都幾好食，因為用牛乳炒👍🏻而瑞士雞脾烹煮時間控制得唔錯，雞脾肉煮得幾嫩滑，而且都真係好入味，瑞士汁好香，配酸酸甜甜既通粉可以中和返個飽膩感🙌🏻另外點左叉燒滑蛋飯，又係去親冰室都要試試佢既水準！滑蛋唔係做到好半熟既效果，不過都幾滑！而叉燒就做得幾唔錯，半肥瘦岩岩好，食落蜜汁味都幾重。叉燒蛋飯另一個精綷係甜豉油同蔥花😍甜鼓油真係夠哂撈飯，蔥花更吊一吊蛋香。同場加映左極邪惡芝士煎蛋豬扒包，包係烘到脆左既，熱辣辣上碟，中間塊豬排好大塊😍😍口感唔韌，食落都唔會乾爭爭，配埋芝士蛋倍添口感。最後係飲品，都簡左兩款店鋪招牌。分別係綠椰冰同華田脆脆。所有飲品跟餐有半價！綠椰冰其實姐係紅豆冰既變化，變左用綠豆。而

樓下冰室的佈置好有6、70年代茶檔嘅感覺，好有懷舊氣氛，而食物都係傳統冰室食物。 我哋今晚嚟食晚飯，點左滑蛋叉燒飯、瑞士雞翼、 蕃茄通粉同厚切滑蛋多士。滑蛋叉燒飯份量好足，就算兩個人share食都冇問題。滑蛋幾香蛋味同滑溜，叉燒大大舊，好足料， 配少少甜豉油，讓人胃口大開。瑞士雞翼炆得非常入味，而且唔會過老，保持肉汁。蕃茄通粉嘅湯底酸酸甜甜，好開胃，入面幾多蕃茄肉，通粉不會過淋，配滑蛋多士食，一流！一家人價錢大眾化，以後可以做黎呢度飯堂開餐。

老公好鍾意食平民化嘅冰室同茶餐廳，所以有時食下fine dining之餘，都會陪佢食下啲比較特色嘅冰室。上次我地特登揸車過海去荃灣食樓下冰室，食完好滿意，話如果屋企附近開分店就好啦。點知真係喺我哋屋企附近開咗分店，即刻去食下晚飯試下。叫咗呢度嘅招牌菜式，例如瑞士雞翼，滑蛋叉燒飯，蕃茄通粉同厚切滑蛋多士。瑞士雞翼真係食到舐舐脷，瑞士汁唔會太鹹，好入味，囡囡都識到冇停口。滑蛋叉燒飯有份量，滑蛋嫩滑，叉燒又夠多。蕃茄通粉啱曬小朋友食，蕃茄濃郁，應該用咗好多隻蕃茄去煮。呢度嘅飲品都好有特色，例如叫咗華田脆脆，話梅柑桔蜜同菠蘿冰。裝修環境仲好有懷舊氣氛，坐得幾舒服，店員又有禮貌，可以keep住幫襯。

難得出城，就梗係要搵下朋友架啦~~~  一路食，一路傾就最啱信義妹架啦~~~ 朋友話公司附近有新餐室，裝修唔錯架，一齊去試新野啦~~~懷舊的裝修，即使過咗午飯時間都超多人。所以大家都要預留時間啊~~~ 店員比例高~~ 見到出名蕃茄湯通粉，就梗係試下啦~~~仲叫咗瑞士汁雞翼，炸韮菜餃，唔少得特式飲品柯華田脆脆啦~~~ 蕃茄湯通粉 $46 有幾款餸可配的，鮮牛肉，豬膶，自制叉燒等。蕃茄湯濃郁帶微酸，食落開胃。通粉爽彈不糊口。牛肉嫰滑。 瑞士汁雞翼 $38 鹹甜適中，有3隻全翼，算價錢適中吧～ 炸韮菜餃子 $35 一碟有8隻大大隻，脆而不油膩。內裡餡料豐富，喜愛韮菜既味道既就值得一試啦～ 柯華田脆脆 $24 濃郁豐厚既口感味道，脆脆鋪面增加口感，愛柯華田既就不容有失。下次都要試下其他小食先~

#公司 附近又開咗間新嘅 #餐廳 🍽 見佢都裝修咗都一段時間，老闆似乎都幾揼本💸 「樓下冰室」呢個禮拜終於開幕🎊 每個星期 #早會 之後，#小秘書 都會比自己食一個 #大早餐，見佢全間店以 #懷舊擺設、#招牌 #佈置 都幾 #得意，當然要入去打吓卡啦😉聽講 #樓下冰室 出名嘅係 #蕃茄湯底，不過我今日冇揀佢，要咗個 #沙嗲牛肉麵、跟 #滑蛋 配 #厚多士。相比附近另一間 #冰室，佢嘅 #湯底 比較遜色😅 #多士、#滑蛋、#奶茶 ☕️ 都ok嘅，#普普通通啦！但係見到隔離位嘅 #煎熟蛋 外貌就認真麻麻... 以我嘅手勢一定好過佢😜 不過人哋始終係 #試業😆 可能我未試到招牌菜呢😅

前兩日經過，終於都開張了，碰上這幾天...... 今個下午附近沒有多少店還開舖，便進店試食 不算太多人剛好下午茶時段未完，便隨便叫個下午茶餐吧 奄列配蒜多 本來想叫他們招牌菜 番茄湯通粉配瑞士雞脾 但我怕當刻食唔晒 浪費野食就唔好啦😜落左單後 過了一陣 先來飲品 之後就開始等。等。等。看一看張單上的時間.... 已經超過廿分鐘，看一看廚房窗口似是我叫的 好吧再等佢地上枱吧 竟然在我面前經過 好失望 剛巧有電話 所以無摧佢地 到我講完 剛巧上枱了 火腿奄列算是大份 但不是太特別 蒜蓉多士也是一般 只有一個優點 即叫即製 夠新鮮 希望過多排佢地熟習左各樣都會有進步