樓下冰室

Open Now

Now Closed

朋友介紹鰂魚涌有間冰室設計復古，有港式餐廳感覺，於是決定今日去試試。一入到餐廳發現除咗餐廳門面懷舊外，入面嘅設計都依照舊式茶餐廳。我地見網上食評指呢間冰室必試菜式係番茄湯同滷水雞翼，決定一定要試一試。主食方面有蕃茄濃湯螺絲粉配牛乳炒蛋同埋德國腸拼盤（$55）呢個餐性價比好高👍👍，番茄湯底好惹味，不愧係招牌菜式！朋友叫咗個自家製蔥花叉燒滑蛋飯（$55） 非常之大碗。小食方面叫咗滷水雞翼（三隻）（$38）同埋焗芝士西蘭花（$40）飲品方面跟餐半價，叫咗菠蘿冰（$12）同埋綠椰冰（$12），菠蘿冰果肉多，綠椰冰平時較少見。整體而言，餐廳環境好適合影相，氣氛都充滿舊式香港餐廳感覺，食物質素好，性價比高，推薦👍👍

餐廳到處都係懷舊裝飾，營造昔日氣氛，而菜式就唔算懷舊，都係現今茶記常見。🍴瑞士雞翼（3隻） $38瑞士汁由頭抽加上多種煮成，好香，鹹甜適中，雞全翼都唔細，幾入味，充滿肉汁。🍴麻辣脆雞粒 $40金黃色勁香脆，咬落去爆汁，香辣惹味，好過上校炸雞多多聲。🍴番茄濃湯通粉（兩餸）配牛乳炒蛋 HK$54湯底用鮮茄、豬骨、雞骨熬製，冇味精，非常濃郁，飲多幾啖都唔口渴。自家製叉燒幾腍，但係爭啲火喉。通粉彈牙煙韌，難得。🍴焗鮮茄豬扒飯 HK$60好大份，豬扒又厚又腍，炒飯算乾身，茄汁酸酸甜甜，美中不足係太少汁。🍴華田脆脆幾濃郁，但甜左少少。🍴熱奶茶奶味較茶味重，再滑啲就更好。📍樓下冰室鰂魚涌英皇道967號地下

专门过海去了这家茶记，因为一直都好想试试这家的瑞士鸡翼，果然没让人失望，鸡翼非常软嫩入味。阿华田脆脆非常棒的味道，非常浓郁，滑蛋叉烧简直了，份量还超级大，叉烧嫩嫩的，蛋非常滑

約咗朋友喺側魚涌食晚飯，甘啱心血來潮，大家都好想食<樓下冰室>既招牌瑞士汁雞髀，又見吾洗排隊，於是立即入去懷舊下，來一晚冰室之夜。特色蕃茄濃湯通粉配鮮滑牛炒蛋:樓下冰室嘅特色蕃茄濃湯，每日以200斤新鮮番茄，豬骨及雞骨等，煮十小時製作而成，所以佢哋個蕃茄通粉嘅湯底非常之濃郁。配埋滑蛋同牛肉一齊食，養顏又好味。招牌瑞士汁雞翼: 跟餐雞全翼有兩隻，瑞士汁非常入味，雞翼控一定要食。花膠雞米線: 呢個花膠雞米線非常大碗，隻雞足足有四份一隻，雞肉非常嫩滑，雞湯清甜，啲米線可以吸收曬雞湯嘅精華，所以非常夾，非常好味。花膠都好足料，又厚又滑，而且有成五至六件，非常抵食。大推吖!!~招牌瑞士汁雞髀: 主角招牌瑞士汁雞髀出場，一睇個樣已經知冇得頂，因為真係實在好大隻雞髀，秘製瑞士汁讓雞肉醃得非常好食同惹味，雞髀肉完全沒有煮得過老，雞肉入口非常之嫰滑，係必食之選!!焗芝士肉醬薯角: 芝士肉醬焗薯角分量不少，而且帶有點點芝士同肉醬嘅鹹味，鹹鹹地，非常惹味好食。菠蘿冰: 菠蘿冰入面，真係有好多新鮮菠蘿㗎!!清新得來亦不會過甜,推薦!!

成日經過見到有蕃茄都好想試下今次就叫埋鐘意食蕃茄既朋友一齊黎食睇餐牌主打都係蕃茄湯同瑞士汁雞髀雞翼所以我同朋友都冇考慮太多一人一碗蕃茄湯粉蕃茄湯米線配瑞士汁雞翼果然要米線係最佳配搭索哂蕃茄既濃湯加多隻炒蛋一流炒蛋炒得好滑身瑞士汁雞翼一向都係我最愛真係用夠汁每一啖都食到瑞士汁既味道令到雞翼個味啖啖都超豐富朋友就要咗蕃茄濃湯公仔麵配吉列魚柳相對下米線更加顯得出色啦食公仔麵就要每食一啖飲一啖先飲到蕃茄湯既精華唔似米線咁 每一啖都超濃蕃茄味魚柳就炸得好香口又保持到魚既味道奶油豬熱辣辣超好味將牛油溶咗落去個豬仔包入面軟身又熱既豬仔包加埋奶油落去完全perfect match! 呢杯華田脆脆華田迷必飲呀！飲得出超濃華田味上面既脆脆相比起平時飲到既華田恐龍完全2回事唔會溶哂落杯野飲到晚餐每人77蚊已經好超值

今日晏就同新同事去左樓下呢間食晏，等位都等左差不多15分鐘，好多選擇，我選左雙蛋豬扒飯食，食呢個飯全靠鼓油送飯，但真係唔掂，連基本要調較過既鼓油都冇，求其淋現成鼓油就算，或者我應該點其他簡單野食先係

呢排比較喜歡去冰室食飯，一來冰室價錢比較大眾化，二來香港嘅冰室質素越嚟越高，中復嘅機會較低， 而且各有各特色。今日就係鰂魚涌食咗一間叫““樓下冰室““食午飯，冰室主打食蕃茄湯通粉 。我就叫咗一個炒滑蛋蕃茄通配瑞士汁雞脾餐 $55。先講個蕃茄湯， 有滿滿嘅蕃茄味 ，酸度啱啱好，同螺絲粉十分配合 。蕃茄湯令十分開胃，就算食曬成碗都唔會覺得好滯好頂肚。 如果覺得太酸嘅話，曬少少鹽就可以中和返。炒滑蛋都做得好出色，仍然有蛋汁又熱辣辣 。之後到隻瑞士雞髀。 雞髀洪厚多肉，用足火候去煮 ，用叉一吉，已經感受到雞脾嘅鬆軟嫩滑 。個瑞士汁亦整得非常突出， 好多時瑞士汁好容易整到好甜，呢一個汁就啱啱好 。我仲特登將雞髀切到一少份一少分，咁樣就可以沾滿多啲汁。除咗蕃茄通之外，冰室亦有六大特別推介，例如煎雙蛋豬扒飯等等。希望下次試埋其他，再同大家報告。

樓下冰室 📍鰂魚涌 Quarry Bay.⭐️ 樓下冰室除咗鮮茄濃湯湯底岀名外 佢哋嘅午餐亦都好高質 店舖內嘅裝修亦好懷舊 座位坐得舒適冇壓迫感😉.🍳 招牌厚切豬扒煎雙蛋飯配秘製香蔥豉油汁 $55: 豬扒又厚又大塊 隻蛋煎得好靚帶燶邊 𥚃面仲要係半生熟𠻹🥰 個秘製香蔥豉油汁撈埋落飯到非常惹味👍🏻.🍅 焗鮮茄豬扒飯 $60: 呢個焗豬扒飯非常大碟 個飯用咗炒飯底 炒得好香仲有啲蛋絲 豬扒就有兩大塊 面頭再灑上芝士 呈現微微拉絲嘅效果 好正😍

今次黎到比較少黎既鰂魚涌做野，晚上同同事搵緊食咩搵左好耐，唔知係米受疫症所影響，好多餐廳都好早收鋪。沿路行番去地鐵站時竟然比我睇到有間冰室仲未關，即刻走埋去睇餐牌，見到有鐘意食既蕃茄通粉同埋瑞士雞翼，個肚已經打哂鼓。樓下冰室既裝修有別於其他茶餐廳，好有特色。佈置到好懷舊但又色彩繽紛，仲加插左D霓虹燈，成個環境都好有FEEL。叫左個番茄濃湯通粉配牛乳炒蛋+瑞士雞翼SET呢個濃度其實岩岩好，不過如果大家係重口味人士，可能會覺得可以再濃D唔好睇隻瑞士雞翼甘黑，真係值得推薦，雞翼十分入味，好濃既瑞士汁再加上又多又嫩既肉。同事晚上一定要食飯，所以叫左個 秘製香蔥豉油汁飯(厚切豬扒拼煎雙蛋)2大塊豬扒都好嫩，而且唔會太肥太乾，加上冰室秘製既香蔥用黎撈飯都一樣甘好食最尾食埋個焗芝士肉醬薯角，由於平時食開既只係普通炸薯角，所以見到芝士加上肉醬既薯角吸引左我地。如果細食既人要注意一下，因為份量都唔少。以為得幾舊係面，其實成碗都係。我地有少少高估左自己，因為有芝士點都會有少少膩，不過最尾都無浪費到差唔多食哂。

除了返工外，依加真係少左出去行街食飯，早前係鰂魚涌做完野，便去附近樓下冰室食野。下午茶餐選擇不少，我點了招牌瑞士雞脾配栗米什果沙律，飲品配熱話梅柑桔蜜。招牌瑞士雞脾配栗米什果沙律。瑞士雞脾和雞翼係這裡招牌菜。雞脾肉質夠嫩滑，完全不覺得硬和乾身，仲好入味。見到有客人點厚切牛乳炒蛋治好吸引，我也另點一份試下。蛋尚算厚身，質感夠滑身，而麵包夠軟棉棉。熱話梅柑桔蜜。加入話梅，多了一份酸，特別好飲。好耐無到冰室食野，這一餐食得滿足又開心。

港式冰室已經成為最近的熱潮，開遍很多不同的區域，今天便來鰂魚涌的一間冰室。這裏的名物是瑞士汁，採用頭抽再加上八角、桂皮等多種香料調教完成。所以一定要點。招牌瑞士雞髀配粟米雜果沙律$42， 配凍鴛鴦另加$3。招牌瑞士雞髀，瑞士汁的醬油味道香濃，雞髀肉汁嫩滑，吸收了瑞士汁的香氣，非常惹味。凍鴛鴦，奶茶和咖啡的比例適中，不愧是一間出色的冰室製成品。瑞士雞翼配粟米雜果沙律$39，配紅豆冰另加$10。瑞士雞翼，雞翼的肉質比雞髀更加鮮嫩可口，配合香濃美味的瑞士汁，值得推薦。雜果沙律除了雜果還有薯仔和椰果，是個人最愛吃的組合。紅豆冰，紅豆已經煮得很腍，味道帶點甜，混合椰汁香味，是最佳的甜品。吉列豬扒配粟米雜果沙律$39 ，配紅綠椰冰另加$10。吉列豬扒，外脆內軟，香脆中帶點肉汁，如果豬扒可以厚一點味道更佳。紅綠椰冰，紅豆配合綠豆蓉，兩種味道配合得很好，是一個創新而美味的飲品。

今日來到鰂魚涌附近買野，見到有一間新開的茶餐廳 樓下冰室，裝修和食物都富有懷舊風味，便入來一嚐。招牌瑞士雞脾餐廳的招牌菜之一，顏色有光澤，瑞士味道清郁入味，香甜而可口，雞肉嫩滑多汁。自家製蔥花叉燒滑蛋飯蛋汁豐富而滑溜，蛋味香甜，叉燒肉質煙韌有咬感，蔥花惹味可口，味道配搭適宜。蕃茄濃湯通粉配牛乳炒蛋蕃茄湯底很濃郁鮮甜，軟綿稠身，炒蛋滑溜香甜，通粉爽口而入味。德國腸拼盤想不到冰室都有這種香腸拼盤，有雞肉腸和辣肉腸等，外脆內軟，惹味而不油膩。菠蘿油即叫即整，熱騰騰，香酥而軟熟，牛油味道濃郁。菠蘿冰有很多鮮菠蘿肉，鮮甜多汁，冰凍可口，清新消膩。

I dont go to Cha Chen Teng often, but when I do, I will be likely to order that baked spaghetti with cheese on top. The sauce for this is quite good. However, the spaghetti is precooked and too damp. It doesnt have the firm texture that spaghetti should have. Consider the price is about $50. I think this is a fair one. But I am not personally going there again.

今日去接女朋友放工，順便食過靚飯。 佢選擇左依間人氣「樓下冰室」。 我同女友都幾鍾意依間，裝潢帶復古風幾特別、座位舒適、性價比高又多選擇。-⭐️特色番茄🍅濃湯通粉、牛乳炒蛋 配厚切牛乳炒蛋治 這是餐廳其中一款招牌菜。 蕃茄濃湯標榜不含味精，真材實料用上鮮蕃茄、豬骨及雞骨餚製多個小時，所以份外鮮甜濃郁。牛乳炒蛋又係好正，色澤金黃蛋味香濃又滑嫩，所以套餐選擇配厚切蛋治先夠喉。-⭐️焗鮮茄豬扒飯 蕃茄湯出色，這份鮮茄豬扒飯亦有睇頭。見到賣相都覺得正！ 三大塊厚切煎豬扒，芝士味香濃，蛋炒飯夠鑊氣夠爽身不膩，配上酸酸甜甜茄汁，愈食愈開胃。-餐廳多款小食都超有水準😋⭐️焗芝士肉醬薯角 薯角鋪滿芝士肉醬，肉醬味濃郁，吃得過癮。-⭐️招牌瑞士雞髀 除左蕃茄湯出色，餐廳既瑞士汁亦係招牌。 用上優質頭抽配上各式天然香料如八角，雞肉入味，味道濃郁香甜。-⭐️雞湯浸什菇娃娃菜 最後來一客清淡的菜式解解膩，雞湯娃娃菜幾清甜。-利賓納爽呀！

四個同事叫外賣，連住落order嘅等咗好耐好耐一邊聽個職員叫外賣號碼叫下叫下，發覺已經叫緊後過自己嘅號碼可能唔同食物出餐有快慢都算喇不過最慘係聽到叫緊後過自己嘅號碼之外仲見到個餐係同自己order嘅一模一樣問d職員張單係咪漏咗，或者有未d職員只係話等等，等等，好多外賣單之後仲打開雙手趕人出店外！隔離有位男士都一樣等左好耐佢同職員講要求取消可惜個職員扮聽唔到擰轉面最後等咗成40分鐘先有又推人又無視人d咁嘅服務態度真係好差！