榕易燒泰式串燒專門店 (Closed)

今日同幾個朋友嚟到九龍城食一間新開嘅泰式串燒小店。依間小店係朋友無意中係夜晚宵夜時發現嘅。當時小店只係開始試業中。首先點左幾款小食開開胃，芝士磨菇雞翼係冇骨嘅，一咬落去啖啖肉而且入面既芝士同蘑菇會自然包住雞肉，真係一絕。脆辣返骨雞鎚，好香口，而且外層脆醬好薄，辣味剛好。椒鹽魷魚鬚，香口味足，建議直接食唔駛點配既沙律醬。另外點左幾款串燒，包括串燒半打(豬牛雞各二)，燒粟米，牛舌，墨魚丸，日式一口牛串同燒茄子。因為係泰式串燒本身食落去會嘗試到廚師精心嘅調味，而且亦都會保持食物本身嘅原味。唔似一般川式串燒咁，只係不停落味粉去增加香味。主菜我地點左黃咖喱軟殼蟹，配埋蒜蓉包同埋燒印度餅真係食到唔停得口。而且分量十足。最後亦都點左個泰式炒金邊粉，四個人食亦啱啱好。埋單大概每人$150。已質素及價錢黎講絕對冠絕九龍城。另外小店亦有網上外賣平台，住附近又唔想出街嘅朋友絕對可以一試。…Read More

今日同朋友仔去九龍城食嘢，但係又唔想次次都食泰國嘢，見到呢間好似幾新淨嘅串燒店，於是我哋入去試試佢。發現原來都幾抵喎，我哋唔小心就帶咗好多嘢食。一係就帶咗好多串，牛脷係厚切嘅，入口係林新，但都燒得幾香。燒韭菜好香，而且只係10幾蚊一串，但係就有好多，幾足料。跟住我哋帶咗一個糯米釀雞翼，比想像中香脆，而且有好多薑蔥蒜等等，入口好香，而且糯米彈牙，唔係好林嗰啲，下次會再食。原來呢度仲有其他泰式野可以食，叫咗平時一定要食嘅金邊粉，見到面頭有好多櫻花蝦，感覺高級左咁，不過個人唔係好鍾意加砂糖，所以今次就冇撈埋啲砂糖去試。最後壓軸嘅係燒茄子，燒茄子一直係我心目中嘅最愛，呢一間都笑得幾好，有好多好多蒜蓉同埋蔥，令到茄子好香，而且燒得夠林好容易可以食得到。…Read More

串燒半打 豬牛雞各2串 - 份量啱啱好 所以一次過試晒豬牛雞，肉質幾好，咬落好Juicy😁燒日式一口和牛 - 好香和牛味，油脂分布均勻，入口即溶，燒得啱啱好👍🏻日式燒鮮白鱔 - 魚皮脆脆，鱔肉又好夠嫩，好食😍泰式黃咖喱軟殼蟹 - 有咖哩當然要有薄餅，點黃咖喱，好入味。咖喱唔會太辣或太鹹，啱啱好😝地上最強地瓜丸 - 總共有6粒，炸得啱啱好，入面有黃心番薯包住紫心蕃薯，一次過食到黃心同紫心嘅蕃薯甜味🤩檸檬薏米水 - 唔會太甜，啱啱食完啲重口味可以fresh一下泰式鹹檸七 - 會將鹹檸壓到蓉，唔使自己篤…Read More

榕易燒泰式串燒專門店串燒半打 豬牛雞各2串 - 份量啱啱好 所以一次過試晒豬牛雞，唔使驚試唔到。燒日式一口和牛 - 好香和牛味，油脂分布均勻，入口即溶，燒得啱啱好，唔會太銀。日式燒鮮白鱔 - 燒到魚皮脆脆地，白鱔肉又唔會太老，保留左白鱔嘅鮮甜味，但唔太夠喉。泰式黃咖喱軟殼蟹 - 有四件薄餅，可以點黃咖喱，好入味，咖喱唔會太辣或其太甜，好啱香港人口味。地上最強地瓜丸 - 總共有6粒，炸得啱啱好，唔會太熱，入面有黃心番薯包住紫心蕃薯，一次過食到黃心同紫心嘅蕃薯甜味。檸檬薏米水 - 唔會太甜，啱啱食完啲重口味可以fresh一下，啱晒飲薏米水嘅健康lady們。泰式鹹檸七 - 會將鹹檸壓到蓉，唔使自己篤地址：榕易燒泰式串燒專門店 (九龍城)九龍城打鼓嶺道80號地舖。最高為（5/5）味道⭐⭐⭐⭐⭐️價錢⭐⭐⭐⭐環境⭐⭐⭐⭐⭐️服務⭐⭐⭐⭐推薦星數⭐⭐⭐⭐⭐️ #hkfood#hkfoodie#hkfoodbloggger#hkfoodblog#hkrestaurant#foodphotography#openricehk#foodpic#foodporn#picoftheday#instafood#topcitybiteshk#hkig#foodie#foodgasm食評#相機食先#食好西#吃貨#九龍城美食#串燒專門店…Read More

跟男朋友都很愛吃泰國菜，最喜歡來到充滿著泰國餐廳的九龍城。之前有一兩間較大間的泰國餐廳總是經常吃，都覺得價錢愈來愈貴，也吃得出食物已經沒有這麼有心機了。所以這次想試點新的泰國菜，這次隨意走走，來到打鼓嶺道，就在近公園那街口，經過一間很光猛也很新淨的泰式餐廳，以泰式串燒為主打，也有很多其他泰式主食和小食選擇，價錢又經濟，就決定進去試試啦。旁邊有著一枱8-10人的朋友團，吃的非常開心！食物種類也真的不少，串燒也有分出各式肉類，蔬菜，海鮮等等。我們選了差不多… 嗯，10-15分鐘？好好的看到一遍！因為太多款了。老闆真的很親切(應該是老闆吧？)😊就是那位在店很高的男店員，跟我們推介了一些他們店的主打小食！說廚房裡的是泰國主廚！也一直想做一些新式一點的泰國菜！牛舌是他們很受歡迎的一道，他說是以法式慢煮的方法做，稱每位食客都應該要點來試試！而且老闆很有信心的跟我們說，他們的食物是「不加味精」的！✨我也很驚訝濃味的泰國應該總會加入味精吧？總是吃完會很口渴吧？這樣一說，令我們更為期待！串燒方面，我們因為不偏愛吃內臟的關係，我們沒有點推介的牛舌，就點了簡單的牛柳，豬，雞扒，牛仔骨，金菇肥牛！小食是點了芝士蘑菇釀雞翼！最開心是連串燒點也有很多蔬菜款式可選，點了原條蒜泥茄子。其他主食，就點了受歡迎的生菜包，及我們到所有泰國餐廳都切點的金邊粉。(我真的超愛吃金邊粉！)先來的是芝士蘑菇釀雞翼。上菜時是超級熱辣辣的，好讓芝士都溶溶的很吸引，而且無骨的！非常啖啖肉。真的覺得調味是很剛剛好，不覺得太咸，卻又非常夠味。串燒！有一些滿有我最愛的香料口味，牛仔骨也很精美，帶點點脂肪，不覺得過份瘦，也帶有脂肪的香味。好吃好吃。簡單的金菇肥牛，也比想像好吃啊。我喜歡這一味，帶著甜味和香濃的金菇味，做得也很不錯。吃到這裡也暫時覺得很好吃，沒有覺得過份調味，很舒服的感覺。$68 的生菜包也絕對很有誠意了！菜很新鮮，肉碎的口味也是帶點青檸的酸，很開胃，也帶點芫茜的調味！！！是老闆推介時也跟我們說了，他做了跟別的泰式餐廳不同的生菜包，這味道也是真的很配襯！也很清新。而且份量很大啊。坐著坐著也愈來愈多人進來享用！愈來愈熱鬧。來到這個原條蒜蓉茄子也讓我們驚訝了！是超大的一個原條烤茄子，很精美也只是 $32 (・_・;) ！我的天啊我們能吃光嗎！！！吃起來更是很軟熟，很香濃的蒜蓉。最驚訝的是在壓軸了！！！看到嗎！是超美的金邊粉啊！！！！頂頂加了櫻花蝦，旁邊有著幾種調味料，老闆叫我們吃之前自行攪拌一下，再擠下青檸汁。我第一次有這樣吃金邊粉的經驗！賣相非常好，加上能自己攪拌的過程，重要的是，吃起來是非常好吃！！！好吃是吃到很多重層次的味道，辛辣，和甜酸的平衡也很好。更更更重要的是，吃完一切，也沒有覺得很口渴，大概就是老闆說的沒加味精了！很喜歡這店，也喜歡小店有誠意的製作。所以花了一些時間和文字想推介給大家。一定會再來啊！…Read More

呢期要幫襯下啲小店。見呢間舖頭逆市仲敢開張，行過見佢地裝修、餐單都幾吸引，價錢又唔貴，真係要用行動鼓勵一下，約左班朋友過來九龍城食。人多關係叫左幾多野下，首先叫左啲串燒，特別介紹呢碟牛脷，好少泰國菜有燒牛脷，落左些孑然粉燒，又唔會好硬身，入口軌冧冧。椒鹽魷魚真係推介，唔係普通大排擋果隻，佢切左粒整，每一口都好爽又彈牙，同應該好新鮮咁做。烤包點咖哩軟殻蟹好食到我想去做泰國人。個咖哩整到香香甜甜，令到蟹又脆又甜，點烤包食一流。個金邊粉好足料，不過我地唔為意，一齊撈左本身啲乾辣椒粒，就有啲辣，建議食果時自己小心，或者waiter要提一下食客。呢客雞翼一式兩味，翼尖中翼香烤燒，雞槌就炸，仲要好花功夫切少少槌肉向上捲，好似把傘咁，炸粉又岩岩好幾特別呀。燒茄子就非常入味，蒜香味濃，肉質軟所以好易入囗，而且份量十足。最後係呢碟燒豬頸肉，口感唔錯，充滿住燒烤既味道，值得一試。另外想講一樣幾神奇既地方，平時食完呢類型既串燒店都一定會勁口渴成晚都要不停飲水，但我食完呢間就完全無呢個感覺，不過食落都真係唔覺重味精，感覺非常好，一定要encore! …Read More

成日黎九龍城食泰國嘢，今次又俾我搵到間正嘢！泰式串燒專門店，榕易燒～～先黎半打豬牛雞串燒，燒得都唔錯，夠香夠惹味～呢度既厚切鹽燒牛舌有啲特別，唔似平時食開既煙韌口感，今次既厚切牛舌似肉既質感，比較林身，好入味！仲有呢個好好味既黃咖喱軟殼蟹，咖喱好香甜，用煎香既薄餅點咖喱食好正，有兩隻軟殼蟹，份量又足！我仲叫左燒雞翼同燒虎蝦，香茅雞全翼燒得剛好皮焦脆肉嫩～虎蝦大大隻，鹽燒都好入味！蒜蓉燒茄子如果加埋肉碎就仲正～食埋超juicy多汁既燒菠蘿就夠晒滿足喇！…Read More

🍴 Simplylife Bakery Cafe將軍澳Simplylife 食早午餐都係一直好想放假做的事。今日難得平日放假，梗係去試下啦。餐廳比人感覺非常舒適寫意，配上昏燈光加上西式音樂，而且開放式廚房，比人一種西式家庭既感覺。我同友人早上11點已經去到，由於平日關係，人並不是太多。是日餐湯係竹筍湯，好creamy ，湯裏面會有芝士粒，呢到既法式麵包好重小麥味，配上一大片香滑牛油。另外，見到店內大部份人都係叫冰茶，所以就跟住叫冰茶，果然沒有失望， 茶底濃再配新鮮水果，好fresh。我同友人點左糙米飯及煎鰽魚牛尾糙米飯老實說看見紅酒有點卻步，但係一上碟就知道沒有叫錯。燴牛尾汁好Creamy 好香，同糙米飯好夾。牛腩出奇地好軟，咬下去好軟，又香。煎鰽魚配芥末籽汁煎鰽魚我都係第一次食，原來配上呢種芥末汁係甘好食，鰽魚魚皮煎到金黃色點上芥未汁，有多重口感。另外配碟有一些煎香雜菜及烤薯，也不錯 。以食物素質及餐廳環境舒適度來說，值得再黎。…Read More

今日入左九龍城搵野食，見到有一間新開泰式燒烤就入黎試下，果然有驚喜。 📍榕易燒📍九龍城打鼓嶺道80號［環境］先係入到去餐廳比客人感覺最緊係夠大間，次要係背椅呀 ，燒烤店好小會設置背椅而且餐廳好貼心。仲有歐式風扇燈除左裝飾之外仲可以散去燒烤味。［香草蒜蓉包］蒜蓉包焗得好到位，焗到金黃脆邊，外脆內軟，蒜蓉及牛油份量剛剛好。［泰式炒金邊粉］金邊粉配料夠足料，花生碎及青檸都是我最愛。金邊粉調味岩岩好 ，吾會太辣。［厚切鹽燒牛舌］每次食串燒我首選是牛舌，牛舌厚度適中，店主話係用80度慢煮二小時後先慢燒，功夫多，都係$22串，抵食。［原條蒜蓉燒茄子］茄子係必點，茄子都好考功夫，如果過火皮會濃，本身會失去水份。呢到茄子就燒到岩岩好，茄子做到嫩及香。［古法燒鰂魚］燒鯽魚有驚喜，肚入面有香茅檸檬葉薑等泰式香料黃薑，就已經足夠帶出了鮮味。食落多汁，嫩口，不需要加任何醬汁。酸酸甜甜既鰂魚真係好開胃。[燒菠蘿]燒過的菠蘿糖分被濃縮所以好清甜， 食完完全有解膩之作。［香茅雞全翼］其實燒雞翼最重要嘅外脆內嫩，呢間絕對做到，好值得一試。 ［雞軟骨串］老實說我食過既雞軟骨大部份都係得脆皮，粉漿好厚，呢間可見到雞軟骨粉漿簿，炸得好出色。［糯米釀雞翼］有啲脆邊位，算係燒得岩岩好，入面糯米有咬口仲帶有小小辣， 好惹味，算係相當出色。［椒鹽魷魚］加小小椒鹽作調味，鮮味已經出哂黎， 可見店鋪係用新鮮魷魚去燒。［總結］串燒質素同環境都算係高質，我本人最中意店長同主店員主動介紹店鋪必叫既食第。最有驚喜係燒鰂魚，我第一次食到呢款泰式鰂魚，酸酸甜甜，好開胃。另外環塊方面都係滿分，餐廳乾淨唔會好大油煙味，絕對值得再黎😋…Read More

9龍城係晚餐既好去處 放假我都幾鍾意入去食野 因為有既 唔係一色一樣既連鎖店 而係唯我獨尊既小店 今日就同埋幾個朋友去食串燒吹下水😛😛椒鹽魷魚鬚🦑$40配上蛋黃醬 比起平時食既魷魚鬚少了一份油膩感 但又炸得香口 細細條方便食原條蒜蓉燒茄子🍆$32好好食！好多蒜蓉 燒得剛剛好 唔會好難拎d肉出黎但又冇焦 燒菠蘿🍍$18抵食 用上新鮮菠蘿🍍而且會幫你切到一小塊一小塊咁食 唔洗成日連皮上食到個咀好唔方便 同埋好juicy 正💛🧡古法燒鯽魚🐟$118成餐飯叫做最貴架啦 等就等左耐小小 但真係值得 魚冇咩骨 重點好滑好滑 配埋佢既泰式汁真係絕配 如果去泰國餐廳食分分鐘貴1倍香草蒜蓉包$30這個我覺得比較失色 唔夠脆同唔夠蒜蓉 辣糯米釀雞翼🐥$28佢既辣對於我黎講係小小小辣 不過 成隻冇骨而且啖啖肉就好鬼正 糯米唔會硬同埋都入味喎泰色金邊粉$68好得意 比我地自己「撈起」「撈起」咸咸地又甜甜地 幾得意香茅雞全翼🐤$15這個是朋友仔食 賣相都幾好蜜糖雞中翼🍯$14食雞翼都係鐘意食蜜糖 甜甜的💛同埋佢燒既時間都掌控都幾好雞軟骨串🐣$14E個堅 我同朋友講好似食緊干炒牛河雞軟骨咁 😂😂因為佢好重肉味架 好好食雞腎串🖤$14配上孜然粉 唔會好硬 幾好厚切鹽燒牛舌$22這個牛舌超厚切 但燒到好淋 我自己就不太鐘意 好似午餐肉x牛腩 唔算我杯茶以串燒店黎講 食物質素幾高 選擇又多連湯烏冬都有 下次再食其他 不過一定會返食個鯽魚😍😍…Read More

今次嚟試咗九龍城一間新開嘅串燒店。⁣⁣🤤⁣⁣串燒半打($80)[好味度:7/10]⁣⁣咁就就有齊雞肉豬肉同埋牛肉嘅串燒嘞。🤩 串燒烤得好入味，醃得唔錯。😚 而且又富有肉汁，ok好食。⁣⁣👌🏻⁣⁣日式磯燒鮑魚($48)[好味度:8/10]⁣⁣呢度仲有好多唔同款嘅海鮮。 好似樣樣都超新鮮咁。😆 呢個鮑魚煙韌彈牙，味道有淡淡鮮甜，超正。⁣⁣👍🏻 ⁣⁣泰式炒金邊粉($68)[好味度:8/10]⁣⁣嚟到九龍城，唔食泰國嘢好似有總係爭咁少少嘢咁。😅 但係估唔到，呢到都有泰式嘅嘢食。 呢個金邊粉都好正宗。😌 調味酸酸甜甜，好有泰國地道風味。⁣⁣🇹🇭⁣⁣…Read More

呢到Menu款式好多，唔只串燒仲有好多小食主食，花多眼亂。先講串燒，串燒唔係泰式串燒但都唔錯，好惹味🥰🥰🥰雞扒肉本身睇個名以為好大串，原來唔係，不過雞肉都好彈牙，亦都好嫩滑，調味係用孜然粉，味道唔錯，入味 9/10牛柳串同雞串個SIZE一樣細細串，食落幾重牛味都嫩口。8/10台灣蜜糖腸好好食9/10丸類就唔夠入味，但系大大粒，都好彈牙。試左墨丸同牛丸。7/10辣糯米飯釀雞翼超級超級好食，雞翼好多汁熱辣辣，入面糯米飯幾辣下，非常惹味，必食推介。10/10泰式金邊粉好正宗，會有砂糖辣粉花生粒係隔離比你自己撈，味道出色，酸酸甜甜咁。9/10…Read More

喺九龍城食串燒以往淨係識得去 岩前圍道 又或者係太子道西 小巴站嗰幾間 泰國串燒， 但係喺我捐窿捐罅之下， 發覺原來賈炳達道近御豪門果邊有新開泰國串燒可以食！ 今次當然要嘗嘗鮮！餐廳叫榕易泰式串燒， 而且餐廳夠大間， 一定唔會坐得背隻貼背隻，同朋友下班之後嚟飲番兩杯就最好不過。 而且串燒種類繁多， 又海鮮肉類丸類再到蔬菜都有， 驚唔夠飽亦都有唔同嘅主食， 總之一定滿肚而歸。得食串燒當然要食啲特色嘢，串燒白鱔 店員話條白鱔係即開， 一食果然勁有驚喜， 魚生厚肉油脂豐盈， 燒得外脆內嫩， 點解唔算平，但係值 ！ 串燒蜜糖雞中翼 少少燶邊金香皮脆， 內裏勁juicy串燒牛柳 腍滑富肉汁，有肉香， 簡單調味，黑椒和鹽，就已經食得出鮮味。燒厚切鹽燒牛舌 牛舌果然厚切勁厚身。 牛舌質感富咬口又有嚼勁，好食。燒 蒜蓉 鮑魚 兩隻鮑魚麵頭都鋪滿蒜頭，勁香。 而且鮑魚厚肉， 富嚼勁， 用料不錯，抵食！ 燒菠蘿 燒過的菠蘿糖分被濃縮， 感覺特別清甜， 加上菠蘿可以有解膩的作用， 一條兩個人分真係唔係幾夠喉。 糯米釀雞翼 出嚟效果冇想像中咁肥膩， 有啲脆邊位，入面糯米有咬口而帶有微辣， 極惹味。 除咗串燒餐廳另外仲有好多小食椒鹽魷魚 粉漿薄， 魷魚新鮮雪白有咬口， 以椒鹽作為調味，簡簡單單超好食。 印度烤餅 烤得香脆不肥膩， 飽肚之選。 食串燒當然要配返解熱毒嘅飲品， 大大個椰青都只係賣35蚊，抵飲 …Read More

尋晚食完補身火鍋，今晚來個邪惡d嘅串燒😋。早排見佢試業已經想食，呢度又方便我地食完搭車返屋企，冇乜理由吾食啵🤪我地今次係坐巴士去到「富豪東方酒店」落車行兩分鐘就到。如果由九龍城廣場經賈炳達道直行，都係10分鐘內行到，非常易搵。未打開門，侍應哥哥已經行緊過嚟準備招待我哋，而且好快confirm 完booking 就即刻安排座位俾我哋，工作效率吾錯👍燒雞翼，我自細鍾意食… …食串燒絕對唔可以唔叫嘅，尤其是係燒全翼。佢一擺上台，我就見到雞皮燒到焦黃，聞到陣陣香味。咬落去皮好脆，皮下脂肪已經燒到冇乜，但肉質仲係好嫩。其實燒雞翼最重要嘅外脆內嫩佢已經做到，值得一試。 翠玉瓜，平時食全消都好鍾意照鏡一樣要嘅其中一樣，因為翠玉瓜入邊好多汁，而且佢燒到啱啱好，冇燒過龍，保持翠玉瓜本身嘅趣口之餘仲好多汁。冬菇同埋娃娃菜燒到剛剛好，娃娃菜好甜，而且係我鍾意嗰種比較林嘅口感；冬菇好鮮。燒菠蘿好特別，菠蘿好甜，燒左嘅菠蘿仲要甜dd，又多汁😍另外仲叫咗啲燒司華力腸，粟米同埋泰式金邊粉。司華力腸燒到個皮好香脆，啖啖肉。粟米本身好新鮮，燒到啱啱好，粒粒都脹卜卜，一咬落去好鮮甜。個金邊粉係酸辣嗰種，幾有風味，好啱鍾意食酸辣嘅人。食到尾聲，侍應哥哥專誠過嚟問我哋對食物有咩意見，覺得佢哋好有heart。…Read More

收工屋企冇飯開，於是就叫埋個FRIEND一齊出去食個晚飯同吹下水。為咗食完大家都方便返屋企，地點揀咗係九龍城。 因為係突然的約會，所以事先都冇揀定食邊一間餐廳，諗住嚟到慢慢睇下有咩想食。 7點鐘嚟到九龍城，見未齊人所以我就係度行個圈，睇下有咩想食。 行下行下，見到呢間串燒店，因為晏晝食咗TEA仲有啲飽，於是我就向朋友提議，試下呢間串燒店。雖然佢個MENU上面雖然都有得叫主食，但因為大家都中意食串燒，所以我哋叫點GE菜都係以串燒為主，我哋點咗一口牛肉，燒菠蘿，燒茄子，燒雞全翼同埋烤腸。 一口牛燒得都幾嫩同有牛味，而雞翼都燒得好滑，不過我哋最中意GE，係燒菠蘿，燒完之後好香，而且酸酸甜甜咁，好開胃。 因為未飽，於是我哋再睇下MENU，見到呢度有日式烤魚乾同埋椒鹽燒賣，於是決定買嚟試試。 第一次食椒鹽燒賣，口感好特別，估唔到咁整都幾好食。 總括嚟講，呢度啲食物質素不錯而且價錢又合理，係輕食GE好選擇！…Read More