榕易燒泰式串燒專門店 (Closed)

重慶串燒食得多，九龍城有泰式串燒，幾特別。.原條蒜茸燒茄子 $32係茄子上面鋪上大量蒜茸，燒到好香！.香茅雞全翼 $15雞全翼以香茅醃製，外皮燒得香脆、雞肉嫩而有香茅味。.厚切鹽燒牛舌 $22果然係厚切牛舌，但牛舌肉質好林好鬆軟。.椒鹽鴨舌 $40好惹味既小食，炸得香脆既鴨舌食唔停。.燒菠蘿 $18好甜既菠蘿切成bite size，好好味。.燒新鮮雞心 $22燒新鮮雞肝 $22好難得有雞心、雞肝串燒食。.日式燒秋刀魚 $22燒到魚皮香脆、魚肉又啖啖肉。.泰式咖哩炒蜆 （4件薄餅）$88咖哩香料好惹味，配以新鮮蜆肉炒成，用薄餅沾咖哩汁最正。…Read More

今次黎左九龍塘呢間串燒店食飯。餐牌既選擇都好多，各種肉類，菜，海鮮都好齊全下，飯面類都有，總有一款岩你食咁。蒜蓉蒸扇貝扇貝就夠曬甜，又大粒，啲蒜蓉又令到好鬼香。燒翠肉瓜蜜糖雞中翼翠肉瓜就比較乾身啲 。雞翼就甜甜地，好味，一咬落去又係肉汁爆出黎，正。原條蒜蓉燒茄子落左足本既調味料，胡椒之類，每啖茄子都夠香。而且條茄子又真係好大條，岩曬鐘意食茄子既朋友食到夠本。泰式炒金邊炒就個最正，甜甜地，夠乾身 ，係食過仲想再食既味道。牛柳串 越式豬肉串燒日式一口和牛豬肉牛肉都唔會硬身，有好重燒烤既香味。埋單300蚊。…Read More

難得朋友仔今日有揸車出黎，梗係要入九龍城走一轉食泰菜啦。今次我地就揀左新開既泰式串燒店「榕易燒」，店家主打係泰式串燒，由肉類、海鮮、蔬菜到其他主食都有齊哂。我地就叫左泰式炒金邊粉、豬牛雞串燒半打、蜜糖雞中翼、香草燒澳洲羊架、燒安格斯牛仔骨、日式燒秋刀魚同燒鮮白鱔。泰式炒金邊粉炒得夠乾身，可以再重味少少。串燒拼盤有齊豬牛雞各兩串，孜然味好足，肉串仍能保持嫩口juicy。安格斯牛仔骨有成3大件，俾你過足口癮，邊位有少少燶燶地，又脆脆地咁🤣 小妹最like 鹽燒秋刀魚啦，雖然較多骨，但條魚燒到恰到好處，唔會乾淨淨好柴咁，反而魚皮香脆，魚油又滲左入魚肉入面，值得一試。…Read More

說起來也有很久沒有入九龍城了，是晚放工要過來買點東西，路過看到有間新開的泰式串燒店，就進來吃些東西才回家。串燒店在打鼓嶺道街尾、龍城邊陲，離城中心大概只三幾分鐘路程，但入夜後，就是有一種清清靜靜的感覺。推門進去，由於時間尚早，暫時只有一檯年青客人。店經理迎了出來招呼，然後一個人就佔據了一張柱子旁的二人桌，自成一角。四周打量了一下，店面裝修乾脆利落，微微帶點東南亞風情，沒有一般串燒店的喧鬧油煙，感覺上是約人聊天聚會的好地方。點菜就用一張「點心紙」，主力供應的固然是各式串燒，肉類海鮮蔬菜也有，然後再加一些基本的泰國菜式、小食跟粉麵，以小店來說，選擇也是豐富的。一個人吃得不多，但憑感覺心多多的也畫了一堆串燒，再加一杯泰式鹹檸七來聚聚火，粉麵就真的吃不下了。先來的是泰式鹹檸七。跟想像中有些不同，是完全沒有冰的，鹹檸檬已經預先被篤得粉碎，方便客人連渣一起喝，有意思。串燒當然是要即燒的，也要略略等了一會第一batch的串燒才上檯，有燒蜜糖雞中翼、燒牛柳串、厚切鹽燒牛舌、燒雞心 、燒墨魚丸、燒泰式魚餅、燒雞肉腸，竟然也是一大碟了。燒蜜糖雞中翼($14)－ 吃燒烤怎能沒有燒雞翼呢?! 還原基本步，要了蜜糖雞中翼，新鮮熱辣，皮微脆，肉嫩，也醃得夠入味，簡單就是美，是一個很不錯的開始。燒牛柳串($14)－ 牛柳肉質鬆化，但又不會太過被梳打粉招呼過，輕輕的灑上一點孜然粉，再掃上一蜜糖，燒得香口，又帶juicy，很好。厚切鹽燒牛舌($22)－再來就是牛舌，一看果真是「厚切」，幾乎有太卷般厚了，拿上手是「墜手」的，但豈不是容易很硬很韌？一口咬下去，咦?! 出奇地竟然外皮脆肉是稔的，肉中心更是帶點軟懦的感覺！一邊吃一邊在想，也有可能是先把牛舌鹵煮稔了才把外皮燒脆，是精采的。一串兩大件才賣$22，攪什麼?!燒新鮮雞心 ($22)－ 標明是「新鮮雞心 」，燒得是略帶乾身，咀嚼起來，就是有一朕內臟特有的鮮甜甘香的感覺，喜歡內臟的朋友可以一試。燒雞肉腸($10)－不知怎的，吃串燒，個人總是喜歡也叫幾味“processed food” 助助興。最喜歡的，就是這款最“basic” 的雞肉腸。沒有去考證是不是採用了廚師腸，但雞肉腸燒了以後，沾了蜜糖的皮微微脆口，肉質會變得稔滑，又香又軟，令人想起郊外bbq。這是個人最喜歡的雞肉腸演譯方式。$10 有兩條，便宜令人發笑，甚至可能是比屋邨大排檔還要便宜。燒墨魚丸($12)－墨丸應該是來貨的，還好也不是一口粉的貨色。吃起來也有墨魚肉和脆骨，還可以的。燒泰式魚餅 ($14)－個人飛弗。泰式魚餅應該也是來貨，咬下去是比想像中更加軟稔一點，也可以的。吃到中途，剩下的幾味也來了，分別是燒翠玉瓜、燒白鱔，也有燒菠蘿。燒翠玉瓜($12)－ 吃了太多肉類，總要來一點點蔬菜清清胃口。翠玉瓜燒得剛好，一咬下來，爽脆多汁，好吃。燒白鱔($38)－接著就是期待以久的燒白鱔。個人喜歡吃白鱔，這裡的是「窄身厚切」做成串燒。沒有多餘的調味，就是爽脆、彈牙，唯一不滿意的，就是一串，一下子便吃光了。燒菠蘿($18)－最後來個燒菠蘿作為「甜品」。菠蘿應該是有挑過的，又或應該是直接選用了金菠蘿，一客份量也不少。一口咬下，甜甜帶微酸汁液在口中迸發，為這一餐串燒畫上一個直接了檔的句號。一邊吃著串燒，一邊感受著片刻悠閒的時光。時間漸晚，店裡也陸續來了客人。不要以為只吃了一堆串燒，沒有吃粉麵也是10成飽。埋單不用$200，貴嗎？吃串燒從來也不會超級平，始終是手工心機製作，就是當掃街站著吃的街鋪或大排檔也要十多元一串的時候，這裡坐得舒舒服服價錢也是差得不遠，食物又有水準，個人覺得是值回票價。推門離開，才發現忘了拿外套，經理見狀立即幫忙跑進來替我取回，小店服務是真心不錯的。…Read More

今日收工喺九龍城附近，於是就順便同朋友二人喺度覓食，經過見到依間榕易燒，原來主打泰式串燒，就入去試下。例牌我都系叫個椰青，好清甜，朋友叫嘅系泰式青榨梳打。炭燒豬頸肉，份量都ok，加上個泰式辣醬，酸辣得黎中和返食太多肉嘅油膩感，價錢都算平，38蚊，幾推介。蒜蓉牛油焗雜菌，啲茹全部索晒牛油汁，再加上有小小孜然粉喺面，增加左一陣香味，食落好夾，停吾到口，依個我覺得系必嗌嘅！蒜蓉虎蝦，如果你都系蒜蓉愛好者，依個真系好推。串燒方面有雞腎串，口感好爽。厚切鹽燒牛舌，真系幾厚切，同埋口感一啲都吾韌，燒得幾軟嫩。燒日式一口和牛，和牛真系無得輸，一入口成個口腔都充滿有牛味，燒得啱啱好，吾會過左火候，大推。香茅燒雞全翼，好香，有啲炸蒜喺面，雞全翼燒得吾乾，好味。泰式咖喱炒蜆，配左4塊薄餅，都唔錯～…Read More

本來就咁睇店名，以為係普通串燒店。點知原來充滿泰色風味-可能因為係九龍城。泰國菜雲集嘅地方。所以我哋點咗個開胃菜-泰式冇骨鳳爪好食，完全有泰國味仲要冇骨，食得好爽。但真係幾辣。忍唔住叫多杯鹹檸七🤣 解辣跟著店員推薦嘅烤魚到啦，外皮燒得香脆。配埋個泰式汁真係一流。一個人都可以食曬成條魚。雞翼飯就較普通。香港好少食到嘅台式腸都有，燒完更有風味更加好食。牛舌彈牙，少少鹽作調味。我哋再叫咗雞肉串，雞肉嫩滑。…Read More

食泰國野就會想去九龍城，但係次次都食到成身燒烤味！今次呢間新開既小店，又坐得舒服，抽氣都幾好～唔會食到好大味走！串燒種類好多，我地叫左燒牛肉，燒菠蘿，芝士丸，燒大蝦，甜薯，粟米，牛油金菇等等～必吃蒜蓉牛油雜菌，好香同重牛油味！燒日式一口和牛 - 和牛味好香，入口即溶！火喉岩岩好！大推呢個蘑菇釀雞翼　勁juicy!平時燒雞翼多數都會乾爭爭，但係呢個釀雞翼肉汁保持得好好！仲要冇骨，岩哂懶人如我XD叫左咁多野，一人都係$200，好抵食！…Read More

九龍城一直係食泰式食物的好地方，今次為大家介紹一間九龍城泰式燒烤。平時大家食開燒烤，可能食完一身都係燒烤味，但係今次介紹俾大家呢一間，不單止食完冇味，而且坐得很舒服，和心儀的女仔嚟食都冇問題。這間燒烤店座位寬闊，環境很不錯。第一個推介大家的菜色，就是這個蘑菇釀雞翼。平時大家去食燒雞翼，好多時都燒到乾爭爭。但係呢度嘅廚師就將雞翼處理得好好，完全保留肉汁，配上特製的釀濾法，必定要點這個。其次，燒大蝦也是10分吸引。海鮮非常新鮮，味道10分好。而熊貓一向鍾意食牛，特別推介這裏最高級的燒牛肉，如果你係牛迷，必定要點。好的食物當然不只這麼少，大家最好親身去試一下，包保你有驚喜。…Read More

一直以黎我對串燒都冇好大嘅熱愛因為好多時都會怕熱氣而且有時餐牌選擇亦都唔多（由其是日式嗰啲）不過呢間我真係大推！第一佢唔貴！4個人食都係$600落樓除返$200唔洗第二佢選擇多！成條魚又有，海鮮又有，驚你唔夠飽連粉麵都有！第三！最重要！係好好味！首先大推佢嘅燒鰂魚！入面釀晒香茅咁燒所以一定唔會腥而且個皮出面有一層岩鹽包住Hi到少少黎食仲好惹味D肉質好滑好juicy! 係真係見到魚汁流出黎嗰隻juicy!第二大推燒茄子好肥仔但真係好好味！食完一條唔夠喉想要黎多碟嘅程度當然不少得燒海鮮啦叫左燒蠔同燒帶子兩個嘅火喉都啱啱好唔會燒到太老最欣賞佢照顧埋好需要食澱粉嘅人除咗pad thai仲有好幾款飯麵喺menu到比你揀…Read More

🔥🔥🔥又來九龍城吃燒烤，當然不能錯過我的最愛啦！店裡面的音樂🎵很有品，一邊聽歌一邊擼串，自然就High起來了🔥一口地瓜🍠燒菠蘿🍍是必點。地瓜香甜可口，一口一個，外皮脆，內心有地瓜獨特的柔軟和甜美。適合冬天這個季節。吃到肚子裡面，給你滿滿的正能量和滿足感。.烤韭菜和翠玉瓜也是蔬菜🥬類的必點👍。韭菜烤過之後，配上蒜粒的香味，特別有燒烤的風味。小時候，一個烤韭菜就可以當一餐了。如果有辣椒麵，就更完美了😍.泰式鹹檸七🍋味道清爽，解膩。上次喝了葉青，也是超級讚的👍如果住九龍城，半夜下樓吃燒烤當宵夜的日子，簡直幸福到飛起來。 ...榕易烧泰式串烧专门店 (九龙城)九龙城打鼓岭道80号地舖…Read More

串燒種類都好多，叫了台灣黑椒腸同蜜糖腸，我較中意黑椒腸牛肉串味道幾濃，可以一試，每串串燒上面都會加左d炸蒜，更加惹味邪惡芝士磨菇釀雞翼，正正子，外皮不油膩，內有芝士，口感豐富。蒜蓉牛油雜菌，正，必吃，好香同重牛油味，雖然好肥，但好好味，雜菌吸哂d牛油！菠蘿好味！好甜！又是必食之選。燒粟米🌽。除左串燒，仲有小食揀，試左椒鹽尤魚鬚。呢間除咗串燒，仲有主食，五怕食五飽，叫咗泰式金邊粉，六十八元，好大碟，味道偏辣，可能係我撈哂d辣椒粉！…Read More

九龍城就出名食泰國菜，我同屋企人今日就去左嗰邊新開既餐廳食泰式串燒。呢到既串燒好抵食，我地兩個人叫左好多唔同既串燒。我最鐘意食雞軟骨同埋雞腎，所以每樣都點左兩串，雞軟骨質地好有咬口，雞腎亦都好惹味！仲有燒雞脾菇同埋雞泡魚乾，呢次係我第一次食雞泡魚，佢整成魚乾，好特別，魚乾好香！另個燒豆卜都好正，燒到外面層皮好脆，但入面亦都唔會好乾。食串燒點少得燒菠蘿呢！呢個至強地瓜丸入面係有埋好綿密既芋泥，好吸引！仲有呢個炒金邊粉，好正宗既泰式味道。好惹味既燒韮菜同埋秋刀魚。配埋椰青就一流！…Read More

呀媽生日想食海鮮大餐🦐🐟🦑又想搵燒嘅，就上OpenRice 睇岩左兩間，但都係星期日唔開。最後搵到依間，意想不到咁好食，全部冇伏👍🏻👍🏻👍🏻有鹽燒側魚，茄子，蟶子，扇貝，生蠔，燒菠蘿，冰菠蘿，咖哩軟殼蟹，椒鹽多春魚，椒鹽雞軟骨，泰式香辣炒峴，熊本牛，羊架。必叫嘅有：好鮮甜嘅蟶子，茄子，側魚，熊本牛。菠蘿嘅話，燒菠蘿會好食dd。員工好好，羊架一拎埋黎都問需唔需要切細件d。可惜通菜太受歡迎賣曬。4個人食食左一千零幾，都算係咁食到飽飽份量岩岩好。有機會會再幫襯😋😋…Read More

最近好少出嚟食，有人生日，原本諗住去尖咀食，但臨出門口，電視直播見到尖咀tg放題緊，就即時轉陣地，去左九龍城。呢間燒嘢食，上菜快，食材靚，燒得香，又多汁，值得推介…Read More

之前來此餐廳，都係來食胡椒豬肚湯車仔麵，但後來車仔麵主力搬到將軍澳及觀塘。據聞老闆想改形將九龍城鋪變做泰式串燒，所以想黎幫襯一下。格局比之前華麗及光猛。鹽燒側魚(配泰式辣汁)$108用鹽燒把外皮燒得脆卜卜，但把皮打開才內有乾坤，一陣香茅南薑芬香撲鼻，魚肉很嫩滑，連魚背的肉也很軟綿，而且每條都是大骨，絕對容易拔骨，非常出色，配上泰式辣汁簡直一絕，將魚肉的鮮肉更發揮得淋漓盡致。鹽燒厚切牛舌$22用低溫85度慢煮3個鐘，再用鹽燒。表皮燒到香脆，內裡軟熟，因為厚切既關係，啖啖肉。芝士蘑菇釀雞翼$28正確來說係雞全翼，JUICY，而且有拉絲效果，外表脆身。地上最強地瓜丸(6粒) $24表面是脆身球體，一咬下去是很香的南瓜及芋頭蓉。要小心第一下咬下去真係好熱，但又忍唔住要食。原隻燒魷魚筒$98配上燒汁，非常滋味而且厚身，彈牙多肉。蒜蓉燒茄子$28WOW~蒜蓉同蔥花既組合唔會輸，茄子被焗得林身多汁，好味。泰式炒金邊粉$68男士們覺得點都要有d粉麵落肚，估唔到串燒鋪整炒金邊粉都唔錯喎，酸酸辣辣，很開胃，而且碟側邊亦有辣粉、花生、糖及青檸，可以自行調教味道。蒜蓉燒帶子2隻 $48 &燒蠔 $28帶子大大隻，新鮮，帶子肉質爽及厚身，食埋蒜蓉蔥花仲滋味，蠔就男士食，佢地話很juicy，沒有腥味，而且又係大大隻。…Read More