榕易燒泰式串燒專門店

今日入左九龍城搵野食，見到有一間新開泰式燒烤就入黎試下，果然有驚喜。

📍榕易燒
📍九龍城打鼓嶺道80號

［環境］
先係入到去餐廳比客人感覺最緊係夠大間，次要係背椅呀 ，燒烤店好小會設置背
椅而且餐廳好貼心。仲有歐式風扇燈除左裝飾之外仲可以散去燒烤味。

1

［香草蒜蓉包］
蒜蓉包焗得好到位，焗到金黃脆邊，外脆內軟，蒜蓉及牛油份量剛剛好。

香草蒜蓉包（6件）

$30

［泰式炒金邊粉］
金邊粉配料夠足料，花生碎及青檸都是我最愛。金邊粉調味岩岩好 ，吾會太辣。

泰式炒金邊粉

$68

［厚切鹽燒牛舌］
每次食串燒我首選是牛舌，牛舌厚度適中，店主話係用80度慢煮二小時後先慢燒，功夫多，都係$22串，抵食。

厚切鹽燒牛舌

$22

［原條蒜蓉燒茄子］
茄子係必點，茄子都好考功夫，如果過火皮會濃，本身會失去水份。呢到茄子就燒到岩岩好，茄子做到嫩及香。

原條蒜蓉燒茄子

$32

［古法燒鰂魚］
燒鯽魚有驚喜，肚入面有香茅檸檬葉薑等泰式香料黃薑，就已經足夠帶出了鮮味。食落多汁，嫩口，不需要加任何醬汁。酸酸甜甜既鰂魚真係好開胃。

古法燒鰂魚

$118

[燒菠蘿]
燒過的菠蘿糖分被濃縮所以好清甜， 食完完全有解膩之作。

燒菠蘿

$18

［香茅雞全翼］
其實燒雞翼最重要嘅外脆內嫩，呢間絕對做到，好值得一試。

［雞軟骨串］
老實說我食過既雞軟骨大部份都係得脆皮，粉漿好厚，呢間可見到雞軟骨粉漿簿，炸得好出色。

香茅雞全翼

$15

［糯米釀雞翼］
有啲脆邊位，算係燒得岩岩好，入面糯米有咬口仲帶有小小辣， 好惹味，算係相當出色。

辣糯米釀雞翼（無骨)

$28

辣糯米釀雞翼（無骨)

$28

［椒鹽魷魚］
加小小椒鹽作調味，鮮味已經出哂黎， 可見店鋪係用新鮮魷魚去燒。

椒鹽魷魚

$40

［總結］
串燒質素同環境都算係高質，我本人最中意店長同主店員主動介紹店鋪必叫既食第。最有驚喜係燒鰂魚，我第一次食到呢款泰式鰂魚，酸酸甜甜，好開胃。另外環塊方面都係滿分，餐廳乾淨唔會好大油煙味，絕對值得再黎😋