新香園 (堅記)

Open Now

Now Closed

平時黎新香園都係食烘底蛋牛治，加凍奶茶。今日轉下口味食南乳豬手麵。一落單，唔使一分鐘豬手已經擺在眼前。阿姐好貼心，放低一隻碟，俾客人吐骨用。南乳豬手撈麵$35豬手大大件，一碗有四件。燜到好稔，但食落仲有彈牙嘅感覺， 入口完全唔覺得油膩，毫無罪惡感。南乳味剛好，唔會太咸。撈麵麵質爽口彈牙，無鹼水味，值得一讚。不過佢個撈麵南乳汁偏少，食落好淡，而撈麵附送嘅湯，就咸左啲，味精味重。 溫馨提示：新香園有最低消費，每人至少$20。凈係飲野未必夠最低消費。

南乳豬手麵雖然麵質不錯 但梘水味幾重😭☠️要落番d醋去中和豬手既南乳味剛好 肉質十分軟腍❤好多骨膠原呀!!!😂😂😂😋下次黎會單點豬手黎食☺或者將個麵轉做通粉😂🙈👍🏻-蛋牛治 烘底 ($21)新香園招牌又點止豬手麵?😏仲有超正蛋牛治😋😋特別地方係 依度用既並唔係罐頭咸牛肉而係師傅手切既碎牛肉!!!😭牛肉佔既比例 比外面食到既蛋牛治多好多😏鹹味剛剛好 可惜今次蛋煎得熟了點如果麵包上塗抹多點點牛油 會更好☺

今天跟細佬佬去腦場買平野, 見到open rice 話這間正，所以特別去試一試裡面非常多人，我哋唯有坐近門口，不過枱都未坐落，更別說睇餐牌，已經俾阿姐問左3次食咩我哋嗰樣似熟客我哋立即睇餐牌，立即叫左介紹必食豬手麵，紅豆冰，菠蘿冰，西多士，額外叫多嗰醬爆貢丸麵豬手麵：豬手腍，麵爽口彈牙，無鹼水味紅豆冰： 勁多紅豆，奶味濃菠蘿冰： 勁多菠蘿，甜甜哋西多士：牛油味一般，不過煎得脆，配埋糖漿，味道更好醬爆貢丸麵： 出事啦！下次都係叫出名的食物，其實貢丸彈牙大粒，正想讚時，竟然獲得鑽石一粒，頓時扣分， 不過麵爽口彈牙，無鹼水味

凌晨四點🕓想搵嘢食係有啲難度，雖然我住旺角，但開通宵的是 店不多，又不想吃狗💩粉...左想右想💭，想起了新香園，但印象中佢的蛋牛治煎到乾爭爭😣但已想不到其他食店了例牌都係蛋牛治烘底😎落單後2mins 左右已到，一拎上手，椅~*唔同以前嘅😳有汁ga~‼️（成年冇黎，因為唔覺得有咩特別）同行男友就慘慘了，叫左個綾魚球米粉，um...食左一半已經唔想再食😹😹😹希望今次唔係因為撞手神而咁好食，我會再黎的

最近從看到報章雜誌的報導，介紹了新香園的美食，剛巧在附近見完客，沒有不來一嚐名物的道理。一場來到，自然點了馳名的豬手麵和蛋牛治。豬手勁多骨膠原，漿著口的感覺很過癮。南乳相當入味，肉是軟腍的，吃兩件已經有飽的感覺。湯底沒甚麼味道；麵條亦屬不過爾爾，並非難吃，只因亮點始終是豬手。另一名物蛋牛治的蛋牛是一塊碎牛肉煎蛋餅，好像是罐頭鹹牛肉來的，不過正正是小人的至愛，有厚度有質感，還有微微烘過的多士，果然非凡。是一頓非常滿足的午餐。

聽聞蛋牛治幾好食，週日中午路過門口都好多人排隊專門買蛋牛治，20蚊一個，烘底加1蚊，外賣烘底蛋牛治，有小小失望，麵包皮系幾脆嘅，不過，中間牛肉餅有d淡，冇咩味道

深水埗 新香園！老牌茶記的馳名蛋牛治！🍳🍞🐮新香園絕對是桂林街的聞名老店，加上這是前藝員伍文生岳父的店，感覺好像更特別哈哈（如果不知道誰是伍文生，恭喜你，少年你真年輕🌝）。鮮雞蛋和鹹牛肉碎夾着一起煎，感覺所有牛肉碎的精華都給蛋醬全吸收😆😆😆加上麵包烘底，香脆可口，是港式傳統茶餐廳的感覺！當然，這是不能不配上一杯銷魂的熱奶茶✨✨✨。用餐環境當然有點窄，衛生方面也是傳統茶餐廳的水準，但這也是老區的特點和風味。

一直聽朋友講深水埗有間食豬手麵嘅店好出名去到見到店舖唔係好大 好多人 等咗一陣先有位試過呢間嘅豬手麵同牛治真係值得推介豬手做得好香好入味價錢中等試完第一碗就想再食多幾舊豬手牛肉治嘅牛肉冇雪藏味 好香 似係新鮮牛肉估唔到一間唔起眼嘅店會有甘多驚喜

媽咪後生幫襯到我依加20幾歲，以前成日食蛋牛治 西多士 牛腩河 瘦肉通，飲紅豆冰 波蘿冰 樽裝維他奶食極都唔厭 食左咁多年都係咁平咁抵食！依加基本上除左蛋牛治冇咁好食，同啲阿姐態度差之外，其他野食仲係一樣味道以前既蛋牛治都係老闆或者老師傅親手煎，蛋滑牛肉嫩，依加是但一個阿姐都可以去煎，味道差好遠見到夜晚既仲要整定哂 有人要就叮翻熱好懷念老闆整嘅蛋牛治。值得再食既係哩到啲瘦肉，咁耐都係入口即溶既感覺 其他茶餐廳食唔到。同埋我食粉麵一定會加辣椒油，因為哩到既辣椒油係老闆親手整 重點係好香讚x1000最愛飲品喺奶茶同維他奶 懷舊玻璃樽裝既味道同紙包裝既味道的確有分別 樽裝特別好飲仲記得老闆樣悪但開口就超搞笑幽默，小朋友都好中意佢，又對伙記好好！昔日既蛋牛治係有啲失準，但份人情味還在見著新香園出名，見著老闆老闆娘愈捱愈瘦，真心為佢地打氣加油

抱住大大期望去衝住烤蛋牛治, 凍奶茶, 豬手面不過不失啦, 蛋牛治的確是厚且足料凍奶茶明顯是預先沖好, 飲落好似有D變質豬手面SOSO到不得了餐廳非常爆, 所以係趕到不得了同澳牛有得揮~食完就BYEBYE你條尾了~~~其他都無影相嚕因為節奏實在太快, 好難做到幾多野嬲爆爆地食完就好走了~~

前日陪男朋友去深水埗買野，順便睇下有咩好食之後男朋友就帶左我去食新香園馳名蛋牛治，烘底加$1。牛肉唔係我地平時食開既鹹牛肉，而係普通碎牛。我個人覺得牛肉份量太多了，同蛋既比例差太遠豬手麵，有兩個大大舊既豬手豬手好淋好滑，但如果再入味d就好啦

蛋牛迷必食路經深水埗一定要嘗試這間美食名店。今次叫左招牌蛋牛冶烘底，豬手麵，大可樂。雖然正值下午茶時間，店鋪仍然非常多人。小店雖然擁擠，但店員親切友善，急趕得來又不會催食客快點。蛋牛治烘底，推介。面包烘底，新鮮熱烘烘，十分脆口。再夾份量頗大的蛋牛，牛肉不是咸牛肉但調味得十分入味，蛋十分香，完美配搭。豬手麵。有3件豬手，豬皮滑及軟，豬肉夠淋，但偶然有一兩條豬毛，影響不大。再配一支大冰凍可樂，完美配搭。

雖然港女我喜歡英式afternoon tea 影下靚相呃下like，但香港代表性的茶記唔代表我唔鍾意，只要好食我都會喜愛～～難得自己一條友去深水埗做facial，趁時間有點早，梗去新香園食返件蛋牛治飲返杯奶茶先～～由以前$13一份蛋牛治食到依家$21一份⋯⋯⋯深水埗新香園出名唔洗我多講，店舖人多擁擠這是一定的！一入去自己搵個靚位先，為咗食蛋牛治同成班男人迫埋同一齊在所不計⋯⋯蛋牛治一定要烘底！新鮮的蛋牛治煎得熱騰騰，又香濃又嫩滑又濕潤，烘底後的多士才夠硬脆，才可以夾實碎牛蛋，蛋牛在烘底的多士襯托下馬上突出她的嫩滑，口感層次更豐富！之前試過冇叫到烘底，成件事即刻唔同左，又濕又稔，口感大打折扣！至於熱奶茶，茶味的確香濃，可惜奶味不夠突出，只得茶香，差左少少！快來快去的一頓茶餐，留住的除左味蕾，還有不變人情味。

夜晚收工約左朋友去深水埗 試下依間新香園睇過好多食評 最出名係豬手牌同蛋牛治當晚閒日去到冇乜人 唔洗等位 望一望餐牌 價錢好大眾化 豬手麵都只係$23咋！豬手有兩大舊 啲肉好淋 唯獨是南乳唔夠入味

The quality of the egg beef toast has been dropped a bit , compare to 10 years ago , it was quite disappointing. It was very juicy and fresh the first time i tried it. But now it is a bit dry and the beef they use is lesser than before.And the price is doubled omg....