新香園 (堅記)

Open Now

Now Closed

和愛人去深水埗尋食，找到這間很多粉絲的食店，我們當然點了招牌豬手麵和蛋牛治啦！豬手麵的豬手是南乳炆的所以味道很濃。我反而欣賞蛋牛治的新鮮免治牛肉和蛋的配搭，十分美味。蛋牛治值得一試的。唯一要接受的是食店很地道的食堂。

今日先講蛋牛冶，個靈魂蛋牛已經唔再係即叫即煎，整定。落柯打30秒左右已經放係你面前，好在仲熱嘅，如果唔係做乜事要食？味道呢就一如以往。標題上面寫住潤牛麵都係維記好食，冇錯，維記真係好食啲，當然，兩間喺無得比嘅，新香園個潤牛麵都喺隔離堅記整過嚟，個湯普通嘢太鹹，麵爽，牛肉都喺沙嗲牛肉啲朋友，只不過無咗沙嗲汁咁解，豬膶切得太大塊，有啲腥。餐牌上面好有好多嘢食，當然有列明招牌菜等菜式，都喺蛋牛治，西多，豬手麵，紅豆冰等等，如果下次再嚟，都只喺蛋牛治。

又比我八到間平民美食店,依到既蛋牛治,豬手麵好好食!!!~馳名蛋牛三文治,真係名不虛傳呀下,外脆内軟,牛好嫩蛋好滑,正!!!~豬手麵大大隻,好入,碗麵啖湯都好好飲!!!~油生菜嘩,依家"滾水蛋"真係見小賣小啦,將生蛋打落滾水到 再攪下去加糖,飲落好香好滑,好好飲呀!!!~紅豆冰

食下午茶，叫左蛋牛治同豬手麵。豬手麵好抵食，因為前幾日去左大埔食粉麵都要$30一碗，份量又少。呢度有兩舊豬手加麵，都係$23，而且好食。蛋牛治係叫俾小朋友食，佢食到唔停口就知好好味。得閒都會專程黎食野，因為真係幾好食。

買左件蛋牛治烘底黎食，$21蚊。D蛋煎到好乾，完全無流心既感覺，牛肉口感唔太喜歡，整體上食緊件炒到好乾蛋治，有少少牛肉粒，但無乜牛肉味既三文治，我都係鐘意食鹹牛肉多D!🙄🙄🙄唔會再食。

依間餐廳可以話係我地深水埗人既老街坊。我地食成如果病左既就叫老豆黎買碗生滾魚加粉腸粥。都唔知陪左我幾多晚既病日子。依家大個左小病左好多，但係我都會同朋友黎依度食宵夜吹下水咁。我最鐘意佢杯大奶茶 好濃茶味 。仲有佢個蛋牛治都相當出名。

昨天近黃昏時候有點肚餓，在深水埗諗住食豬膶麵，點知道去食了一份蛋牛治，上網見咁多好評，就去呢間新香園食馳名的蛋牛治，坐下叫了一份蛋牛治加一杯熱奶茶，過一會，阿姐放下份疑似的蛋治，表面上看已感覺味道差，食落口粒粒牛肉又不好口感，最特別件蛋煎到老晒，點解網上咁多人話好食，中了伏$20一件難食的蛋牛治+$18熱奶茶，極難食，不會介紹給朋友

呢到出名在佢個豬手麵呀 都係個FRD介紹我黎食 因為我都未試過豬手麵係咩味道 佢個豬手係好好食我覺得有D南乳味 所以味道都好MATCH 麵都好彈牙 有口感架 不過呢唔可以坐得耐都好多人等位架 所以食完都走 廢事人地等咁耐啦

黎緊會去旅行，咁去鴨寮街買定電話卡先啦！買完行黎食番個超好味嘅蛋牛治先呢度成日都要排隊先有得食先黎個蛋牛治同紅豆冰先蛋牛治記得要烘底咁先好食充滿蛋汁加牛肉嘅香味，牛肉唔會好硬，好味紅豆冰不過不失啦，少d冰會好d如果想食麵，推介豬手麵，豬手好淋，有骨膠原

一直都好想寫下新香園既蛋牛治，無奈之前幾次黎食都唔記得影相🤣，今次有機會再戰，就要不斷提自己影啲相返黎再寫喇（雖然最後都係影左兩張咁大把🤣🤣）一如以往，下午茶時段永遠迫爆，好彩兩個人去食既話唔難搭枱；舖面唔大，用餐環境係迫少少，但呢個先係港式茶記既icon ar ma 招牌蛋牛治好快送到！一定要加一蚊烘底因為脆脆地放入口超正！裡面熱辣辣既蛋漿同咸牛肉已經融為一體，食落去既感覺係👉🏿🤤果一刻有種好幸福既感覺haha朋友今次想食飽啲，就叫左碗餐蛋麵，結果只係中規中矩，無咩亮點所以話，每次我黎食都只會叫蛋牛治，因為一定係最抵最好食，一定無得輸🤩

今日放工坐車經過深水埗，諗起有間幾出名嘅老字號，就落車去試下。呢間位於深水埗街市附近，只是在地鐵站出口行多2個街口，完全唔難搵。好在響平日嘅3pm去食，唔洗等位，但成舖座位都已經坐滿左人。見到店內大部分人都叫左烘底蛋牛治，但我仲未食午餐所以就叫左飽肚的豬手面同紅豆冰。落左單1分鐘之後，杯紅豆冰就已經黎到我面前，呢度嘅上餐速度真係好快。杯紅豆冰有半杯都係紅豆，中間有一部分仲煮腍到變左沙。可惜太過甜，對唔好太甜嘅我黎講有點太heavy。過多一陣，碗豬手面就黎到，個底仲有多一隻碟，非常方便可以用黎載骨。豬手真係好腍，入口即溶好似好有骨膠元咁。但係碗鹼水面太勁鹼水味，食落有影響整體味道。碗面亦好大份，一碗就飽晒!!

我眼中的深水埗有三寶：合益泰、公和同新香園（個人認為名氣豬潤麵店好普通）。一講新香園，個個諗起既係蛋牛治、西多士同紅豆冰。但我認為上面的唔係最好，最令我難忘的係以下呢碗麵：南乳豬手麵（$23），香港地唔難搵，企理就難搵D。呢度個豬手炆到非常腍，但又唔會支離破碎，完整的一件係你面前。睇顏色已經知道豬手係好均勻入哂南乳味。雖然唔係好濃，但只係呢種骨膠原質地已經勝利！麵就普通啦，但23蚊真係抵到唔識！諗起而家都已經想食一碗

黎親深水埗都會黎探下吱吱新香園高妹好鐘意食豬手而新香園既化骨棉掌豬手就係我排行榜既第一名豬手好入味，霖到唔洗用力咬就會自動解體有時耐無食 我會思思掛住佢架豬手最重要係夠霖又無毛！新香園作為豬手專家當然無問題啦南乳味唔算太濃 但有咸香入口唔會痴立立一碗得三舊有啲唔夠喉$23蚊性價比爆哂燈另外叫左杯紅豆冰豆夠霖帶煉奶香可惜冰底太碎要食埋啲冰如果轉用粗飲管就會更好啦如果用碗麵同紅豆冰比較當然係豬手麵抵食啦！

見咁多好食評，所以嚟試下。 可能因為係平日所以完全唔使等位， 舖頭大概 70%滿座餐牌簡單清晰，望落價錢比較親民。豬手面非常好味。豬手夠淋，夠入味。有少部份位置仍然有毛，但整體做得好好。嚟得呢度，梗係會食馳嘅蛋牛治。 呢度嘅蛋牛治唔係用鹹牛肉，似係鮮牛肉，同坊間嘅有啲唔一樣。味道唔錯，但並冇令人特別驚喜。紅豆冰充滿粒粒紅豆，不過味道太甜。ｰｰｰｰｰ 雖然每樣嘢嘅價格都唔高，但係由於麵食份量比較細，所以只叫一樣一定唔夠飽。 叫個麵加個三文治再加杯嘢飲，整體消費其實又唔平，以呢一個金額我覺得食物只可以用唔錯嚟形容，未必會推薦俾朋友。相比起黎， 如果要喺深水埗食嘢 ，我應該會推薦出名食豬潤麵嘅另一間鋪頭。

放下寫食評的習慣超過半年，要「restart」，希望一週內可點評十多間，數週內可追回所有點評。（🤣空想吧！）24小時營業新香園堅記，是間已有數十年歷史小店茶餐廳，店舖門外貼上多個「馳名蛋牛治」、「米芝蓮」等的字眼作招徠。今次應是第三或四次品嚐，水準穩定。這間港式草根feel茶記，最為馳名是他們的必食熱辣辣噴煙「蛋牛治」（$20）。有別於一般茶記，他們的旦牛餡料，是煎成旦角般的，甫上枱打開中間的切口，熱騰騰的旦牛香味，立即一湧而出。 雞蛋煎得微焦帶金黃，但餡料又不會過乾，中間的蛋汁和牛肉汁完全完美地保留著。懂得吃嗎？就要點烘底，白麵包經過烘焗脆後，令食物更香口更有層次和滋味。他們的奶茶（$18）也做很不錯，茶香奶滑，點選了正常甜度及少甜，正常甜度的，味道的確較為優勝。另外，聞說豬手麵也是招牌之選，但深水埗美食之多，又豈會把quota留給「她」呢？