新記煲仔雞粥 (Closed)

之前去b仔食野, 經過此店, 見都有好多人幫襯, 今日決定去一次!店內地方唔大, 因為唔想坐街上的檯, 所以要等左一陣先有店內的檯, 我地兩人被安排去一張六人檯, 當時已有一對情侶, 而我地兩pair人就打對面坐, 點知個男老闆走過來, 死都要我地排排坐, 佢話要留番d位俾第二D客, 我心諗咁坐又有咩唔同, 都係得2個位, 不過算LA, 反正又唔係坐得耐, 咪跟佢指示去坐LAW, 之後隔離有張二人檯, 我同我女友就轉檯,由於已落單, 所以同個男老闆講聲, 點知佢的反應係: "你鐘意轉就轉, 不過我無時間執檯架, 你鐘意坐就坐!" 咁的態度, 真係好得! 跟住都要等左成十分幾分鐘, 叫左幾次其他的員工, 先肯執檯呢度地方都唔係好清潔, 不過通常食粥地方都係差不多!講番食物先:涼伴皮蛋 - 個醬蒜味好重, 少少辣, 都幾好味, 如果個皮蛋係糖心就仲正!艇仔粥 - 個粥底好綿, 又足料, 花生又夠脆, 好味!黃鱔蝦粥 - 個粥底好綿, 黃鱔同d蝦都好鮮甜, 而令個粥都好鮮甜好好味, 估唔到呢個組合會有咁好的效果!蜆蚧鯪魚球 - 熱辣辣, 魚肉新鮮彈牙, 好味, 不過個蜆蚧醬個味怪怪地!芽菜

海蜇和薰蹄都是凍的,海蜇好爽有淡淡麻油味,薰蹄都ok,送上很多的醬汁很有誠意特價海鮮粥配料有蟹、蝦、帶子、斑塊蟹比較細隻,肉不多,蝦的肉質不太新鮮,帶子係細粒果隻,味道ok,最好食係斑塊,幾大塊且是甜的粥底似乎和料是分開煮的,粥底並沒太多海鮮味,也沒想象中鮮甜,很普通看鄰座的炒麵即炒熱辣辣的,想點一個,可是被漏了單,等了好久也不見,只好走人作罷了

今晚我哋一家三口又入元朗開餐喇, 今次就幫襯呢間粥店. 都係跟OPENRICE食評嘅推介.叫咗:貴妃雞豬潤粥 $43.00--諗住收得四十幾蚊應該都幾大煲啦 (因之前食心粥館係架嘛) 點知原來係同廿幾蚊果啲一樣SIZE喎. 味道OK啦, 粥底都夠綿, 貴妃雞同豬潤唔"鞋"亦唔韌, 但份量真係少咗啲, 下次有機會再幫襯就唔會叫呢個. 炸豬大腸 $28.00--味道唔錯, 一上枱食咗幾舊真係好脆, 可惜細碟咗啲 海蜇熏蹄 $28.00-- 海蜇超爽, 入口涼浸浸, 可惜都係比較細碟.豉油皇炒麵 $16.00--好肥膩, 話係即炒, 但又唔多覺喎, 中間有啲仲係凍嘅埋單$115.00. 以呢個價錢食粥嚟講, 實在偏貴, 二大一B都只係食得半飽, 唔太抵囉! 好在元朗多嘢食, 我哋繼續邊行邊掃街.

位於新ｂ仔附近的新記～第一之ｏ黎幫襯已經成日心ｃｃ想食多次食多次～而家變成的跟男友夜宵首選～去新記最開心就係可以叫到一抬都係ｏ野食～好多好多小食～但價錢相當實惠雞翼尖，炸鯪魚球，炸大腸，炸乳鴒，炸得剛剛好~!份量足夠, 味道一讚~!!!!另外必定不可錯過佢ｏ既炒河粉～！！！！即叫即炒€不是一早炒定～！！！＄１２都咁有ｈｅａｒｔ！！！這天吃了皮蛋豬紅粥~好喜歡這綿綿粥底~叫到一台美食都係2百幾埋單~值得一試€不得不提,供應的冰凍啤酒絕不馬虎.......雪得好夠凍~牙都卑~!!好正~咁冰凍的啤酒配咁多美食~

晚上在元朗「搵食」，最終選擇到一間很地踎的食肆用膳，又新街B仔涼粉旁的「新記煲仔雞粥」，難忘的童年古早味，終於再次遇上。大概十年前吧，當時元朗仍未像現時般人山人海，又新街這條「食街」裡除B仔、氹仔兩大食店外，旺場的食店不多。就在B仔附近一檔很細小，印象中似乎沒堂食座位、只靠路邊擺檔的地踎食店，卻一直有不少客人光顧外賣，賣的是最合宵夜的港式粥品、炒麵。現時的「新記」不知道是否仍是十年前我常幫襯的那檔，不過剛才吃到的牛肉炒麵，那古早味確實跟童年回憶一模一樣；最大分別是，這是我多年來第一次光顧它的堂食。跟食街其他食肆一樣，新記都是靠在路邊擺放檯椅營運的，每逢炎夏、雨天等日子就只好幫襯自攜外賣，比較不便。數年前這店擴充店面，佔用相鄰舖位用作堂食，不想在路邊用餐的客人就可在光猛的室內邊歎冷氣邊食雞粥。多年來我都只是「專一」的吃過其牛肉炒麵而已，很欣賞它炒得夠鑊氣之餘不會如很多食肆般，出現炒麵過油的問題，而最重要的是用豉油炒的麵條不會死鹹，而且吃得出淡淡的鮮味。看到店內剪報，終於知道炒麵的鮮味從何而來，原來秘訣是用雞油來炒。炒麵上檯，跟以往一樣的好味道，只是$35一碟的價錢相對實在漲了不少。此店主

海蜇生腸 好味道呀..辣辣地..d生腸好爽.炸兩 lee個真係掂...條油炸鬼係脆ga黃膳蟹粥 個黃膳出事...冇乜味唔知食緊咩咁..但隻蟹ok..唔好睇佢細細隻..有膏ga仲幾好肉地tim..上次食貴妃雞蟹粥好味好多...起碼隻雞唔會出事.貴妃雞叉燒飯 今次d雞唔係唔好而係冇乜肉地因為係雞翼位..如果好似上次咁又多又啖啖肉就好la

新記D雞粥一向唔錯的難得有興趣特登吃雞粥~唔~~~~唔錯~~!D粥夠米味~雞夠滑~ 腸粉好新鮮~最正係d麵好爽~~!但是如果早開就更好

八月三十日, 星期日晚, 同男友入元朗去食b仔隔離的新記煲仔雞粥一去到, 成條街都係等d仔座位的人客, 不過, 新記嘅客都唔少, 可說是高朋滿座了我地兩個人都唔想食粥, 於是就叫o左碟雞飯食, 加一碟通菜同一碟海哲雞飯味道一般, 碟頭唔算大碟, 雞肉就幾滑, 仲有兩件脾位, 椰菜伴碟, 係一碟好隨便的雞飯, 不過薑茸就相當好味, 可能呢樣就係吸引人食的最主要原因啦海哲好dry, 少少麻油吊一吊味, 不過幾爽口同幾涼, 送飯都唔錯架街坊小菜一間, 味道不過不失, 但勝在價錢平, 都幾抵食的

上次食b仔時, 見隔離的一檔食店門口擠滿了人, 已經決定搵日會去食今次終於成行, 去到一樣係爆, 間舖叫新記煲仔雞粥! 既然個名叫雞粥, 梗係要食一碗啦, 另外加多隻bb鴿, 炒麵同炒通菜!雞粥的味道比大圍的更好味, 粥煲得好靚, 易入口, 雞味香濃; bb鴿都ok, 一開四, 點華鹽食好好味, 食到要損手指炒麵唔夠熱, 叫的原因係九成枱都有叫, 相信係好味之選, 自己食過之後覺得, 過得去!咁多人食的食店, 但好評得咁少, 奇怪..

今晚好想食粥，特意走到又新街買粥，豈料發記競然無開，於是唯有到對面的新記買啦．其實之前都有食過新記一次，感覺味道普通但價錢不平，今次再一試希望水準有所改變．門口依然貼了一大堆廣告，包括其所謂的招牌貴妃雞粥．今晚我叫了個牛肉魚片粥外賣，侍落單後站在門口等，門口有位阿姐正忙於整腸粉，門口的衞生環境其實不好，人來車往，　再看其製作過程以後也不想食此店的腸粉．等了約十分鐘終於買到我想要的粥，回家後打開一看，裏面的牛肉不及發記多，粥底比發記的綿，但牛肉郤落了很多粉，沒有牛肉味一碗牛肉魚片粥要２７大元，這樣的價錢可以食到比她更好味，環境更好的，對面發記只是＄１８，相比之下，我會去對面啦

由於天陰多雲，在白泥看到的日落並非如想像般吸引，小巴班次甚疏，出到元朗市中心不經不覺已是八點，身心俱疲下見到新記的即製手拉腸粉合胃口，實在沒氣力再選擇，就在設於街口的大圓檯開餐。此店以貴妃雞粥 ($34) 為名，理所當然要了一窩試試，感覺比旺角大檔輝記好些，杰身粥底夠火喉，貴妃雞件亦甚有鮮味，二人份量剛好的確幾抵食。雖然雞粥美味，在街邊即叫即製的手拉腸粉卻令人大失所望， 蝦腸 ($13) 內的鮮蝦竟可完全無味，看似晶瑩通透的蝦身實質入口帶霉，結果這堆爛蝦肉全被棄如雞骨，場面有點難憾。幸好豉油皇炒麵甚具鑊氣，如味道可再鹹一點應該更好；至於另一道佐口小吃 XO 醬拍拍瓜則有名無實，眼前所見亦沒有 XO 醬的痕跡，青瓜仔上盡是辣椒絲及蒜蓉碎，味道雖然惹味，但就有點掛羊頭賣狗肉之感，莫非店主蝦我膝頭哥唔食 XO 醬? 那就不得而知了。 街邊大排檔總有種令人嚮往的風味，但環境衛生也得以注意，如果觸犯法例就更不可取，這間新記雞粥最近就因為非法擴展營業範圍，被食環署暫時吊銷牌照，小錯已是過去，希望店方能從中汲取教訓，十四天後又是一間食店。但如可再重新選擇的話，我應該會試位於新記雞粥正對面，人氣更旺的

今日佢呀媽話想食粥,但佢又唔想出街...所以就call我地買比佢食....我男朋友又想食乳鴿,所以我地就黎左呢度食...我地兩個點左超級多野食炸乳鴿 ( $35 ) : 即點即炸既, 但我唔食嫁....我見佢都食得幾辛苦..但佢話好好食喎海哲手撕雞 ( $24 ) : d手撕雞唔係雞胸,係雞脾肉,所以好滑.而個醬就係麻醬,唔會太,仲甜甜地,好好味 , 但好細碟...火腿炒米粉 ( $15 ) :又係即點即炒既,我要小油,ok仲有d芽菜, 火腿, 蔥同芝麻,炒得香噴噴..豬潤粥 ( $20 ) : 係用煲上, 有好多豬潤, 豬潤唔鞋口,好淋,good...但粥底一般...:bowl x燒腸粉 ( $13 ) : 即點即拉, 但都唔熱,腸粉皮都ok, 但dx燒冇味既.... << 唔記得影 >> 7喜龍眼冰 ( $13 ) : 好好飲呀....一定要試...碎牛肉粥 ( $17 ) : 一大碗粥,得幾粒牛肉碎, 成碗都係米粉碎多 << 唔想影, 因為好似一碗米粉粥 >>埋單=$137.....食粥都食得唔平...

每次想食粥，都會去對面的發記，因為我是發記的fans! 記得當天很冷，男友提議食粥，便到新記新雞粥。點了一鍋瑤柱雞粥和炸兩，雞粥等了很久，不過粥好新鮮，而且一點也不油膩，瑤柱吊味很香，但雞就很一般。至於斤兩，吃第一件就知不得了。吃後很暖，但回家後我和男友都肚痛 v____v 日後有時間還是去沙田食雞粥比較好。

除夕夜約了一班好友入元朗玩,去左大馬路附近的新記食飯(係住係元朗的frd推介)。真的不往此行~~太好味啦~~~店舖的裝修一d都無,好舊式的港式打冷店咁,但就好多人已經係度開飯了~一行7人等了差不多10mins就有份~是日菜單如下:貴妃雞粥:粥很棉,而且粥有很香的雞香味,好明顯是雞和粥一齊煲的~雞沒有煲過火,很滑,熱騰騰,今晚咁凍好岩時候食~魚肉粥:同雞粥一樣咁棉,但魚有一點點鞋...雞粥好味d炸豬大腸:普普通通,是合格之作,好味過街邊個d一串串,無臭CC味蝦米腸粉:腸粉超滑,和平時食開的很不同,正~~XO醬蘿蔔糕:辣辣地好野味,回味無窮,所以食多幾件~hehe乳鴿:一般,沒有特別。水準作品臘味糥米飯:好貴,18蚊一個小飯碗....唔值。蒜茸炒菜心:普通味道,沒有特別帶子火煺炒粉:粉乾身,好好味~正xx鴨蛋(註:因本人第一次食,忘記了他的名字)第一次食,不過不失,但朋友說裕記好食好多,下次試試先~~服務就唔好預左好好招呼,似大排檔feel咁,不過食物很有水準,加左唔少分

有晚睇電視，見到主持嚟食呢度嘅雞粥食得鬼咁滋味，今晚就特登入嚟搵佢嘞，因為佢個舖頭都算喺大街，所以我哋其實未開始去搵，行行吓街已經兜口兜面撞到正，就喺Ｂ仔附近！見入面唔係咁多人仲有位就決定早啲開餐啦！我哋叫咗： 貴妃雞豬膶粥：粥底夠綿，充滿雞嘅甜味同鮮味，雞雖然係攞嚟煲過粥，但入口仍異常嫩滑，連雞皮都滑嘟嘟，平時興去皮嘅我都忍唔住食咗兩塊！ 豬膶啱啱熟，起晒沙，軟綿綿，正！材料真係好多，仲要多過啲粥，一個人食完一煲之後就乜都唔駛食嘞！最好叫多幾個人嚟！ 炸倆腸粉：一般好味，夠熱就好食架嘞，所以唔特別！ 炸豬大腸：估唔到賣粥嘅地方都有豬大腸食，又叫一個嚟試吓， 竟然整得幾好喎，大腸啱啱炸起，皮好脆，入面嘅油脂呈少少融化嘅狀態，有啲似食緊燒過嘅綿花糖，有驚喜！點醬亦夠醒胃，連墊底嘅菠蘿都好正！要食！ 海蜇燻蹄：又一驚喜，佢嘅海蜇比較粗，咬落去爽到不得了，仲會彈番轉頭添，燻蹄都可以，係相比之下有啲強弱懸殊啫！要讚嘅係上菜嘅時候好夠凍，因為呢個其實應該係凍盆嚟，只不過好少地方肯真係整凍佢先上枱，有誠意！ 泰式青檸冰：幾好飲，幾有泰式風味，酸酸甜甜透心涼，可以試吓！兩個人食都係百幾蚊，幾抵！以後