新記煲仔雞粥 (Closed)

一跌跌到得返十幾度😱冬天最好就訓下覺！點知一訓醒就9點！朋友約左食糖水又未夠鐘，見到所熱辣辣既粥同乳鴿超香！立刻問姐姐拎飛！等左十分鐘左右就入得！即叫乳鴿，海鮮粥，見到旁邊隻雞好似好正！再追加左豬大腸同豆腐！3個人會唔會有d過份？開餐啦！雞好靚！食落好滑好夠味！雞皮好爽仲有啫喱咁既膏好正！不過朋友話食第三舊開始少少喊。雞都好厚肉！半隻都係$100皮蛋薑好食，酸甜剛好！但皮蛋就唔夠流心啦！炸大腸！朋友最愛！每次必點！e度大腸好脆，中間軟！厚身，無怪味！一咬落去d油出晒黎成口都係豬油香！回味！炸豆腐，用硬豆腐，所以好有豆味！加埋佢個辣椒豉油好野味呀！食大腸點可以無野飲！我地叫左兩杯試下！7喜龍眼冰！泰式青檸冰！好解渴！但我覺得龍眼冰可以減少d甜！熱辣辣新鮮即炸既乳鴿到啦！個個人都望住個「脾」位！我成功搶到隻脾！夠熱！皮好脆！肉唔會無晒汁！肉唔鞋，淡淡肉差d想叫多隻！海鮮粥，粥好足料蟹身有好蟹羔！又蝦又蟹好幸福！至於粥底就好甜同好綿，仲有最後叫姐姐多蔥！香氣立刻提升！食飽飽！差d飽到食唔落糖水！ 3個人食完就去join其他人食糖水lu!

天氣轉涼，心想吃碗粥暖暖肚，就到附近的雞粥店一試，這雞粥店6點半已經滿座開始要等位，剛好我是最後一枱入座，真幸運!! 我們分別點了貴妃雞粥及海鮮粥，粥上枱已覺賣相不俗，雞粥的雞肉頗滑，連雞胸也不覺鞋口。海鮮粥吃第一啖已嘗到海鮮的鮮甜味，配料有蟹，蝦及魚肉，非常足料。雞粥與海鮮粥粥底很綿，以砂鍋上枱份量十足，唯吃粥時要注意碎骨。我們另叫了一碟小吃及小炒都很不錯，炸大腸脆口有嚼感，吃時記得沾點醬汁更惹味! 豉椒炒黃鱔味道OK，值得一讚是黃鱔片頗粗身，魚肉口感豐富。元朗終於有間值得回頭嘅雞粥店!!

馳名而久，慕名而來。貴妃雞粥，果然不同。論粥底，跟其他粥店並無兩樣。關鍵在於真是用貴妃雞。雞香肉滑又好味，份量也不少，非一般雞粥。再來一個牙菜炒面，麵爽不油，味道適中。

天氣開始變得清涼吃粥品的意慾又提高了本人嗜海鮮來的當然是海捕泥鯭瑤柱粥粥底十分綿密配上泥鯭的鮮味是香港本土必食之一原來你的貴妃雞粥才是皇牌雞油香味把粥完全提昇到另一層次雞肉是後加的所以肉質仍保持嫩滑蜆介鯪魚球一客有六大顆蜆介味道亦十分醇香乳鴿是新鮮炸起外皮酥香脆口海蜇手撕雞爽口帶微麻香是前菜良品瑤柱銀芽腸粉的草青味很濃完全蓋過了瑤柱的味道說實話真的有點浪費和你結伴去探險遊歷除了勇氣還需要耐力

去元朗做義工，本身想去食韓燒！但老公唔係好舒服又凍凍地，咁岩經過又新街見到好多人排隊等雞粥！於是粥粥癮起決定等一陣。除左粥，好吸晴既就係廚房吊住好多乳鴿！結婚前減肥無食好耐，一路等一路睇佢新鮮炸既乳鴿，香到呢！等左15分鐘就有位，一坐底就即點！柑桔蜜同菊花蜜先！柑桔蜜好正！好濃柑桔味，老公既菊花就甜左少少，但老公話好飲當然之後就係乳鴿啦！兩個人叫左兩隻😆😆😆😆太吸引啦乳鴿好新鮮好夠熱！咬落去仲好厚肉！唔乾身！到老公最愛既菱魚球！好大粒金黃色當然仲要配個蜆介！魚肉夠彈，佢凍左都唔會縮！加上蜆介咸咸地吊起個味。一定要點個汁！點都要健康叫返個菜！好甜，但當然佢唔會係主角啦最後海鮮粥，多料，又有蝦有蟹（蟹有膏），上台個陣熱騰騰，粥好棉！仲有我最愛既蔥花吊味！！如果味道可以要濃少少就一流！埋單$250！仲食唔晒打包左返去消夜！雖然又新街好多選擇，但咁凍既天氣令人好想食返碗粥！下次想試炸大腸！旁邊個台食到「落落」聲

新記池名雞粥，今日見牆上有新推介海鮮粥（$55），材料有魚、蝦、蟹和帶子，剛好早輪在澳門吃完水蟹粥意猶未盡，立刻點了一鍋，粥底綿綿的，蝦、魚肉、帶子各有幾件，蟹子雖然細小但是肉很鮮甜，好吃。滔了一碗後，餘下的給老公，一鍋粥二人分，因為我還要點其他美味的小炒。先來一個火腿銀牙炒米（$22）送粥，材料豐富，有火腿、銀芽、韮菜和甘筍絲，大大碟足夠二人分。脆皮炸大腸（$38）是我的至愛，外皮脆，大腸肥美，沾酸甜汁非常正斗，完全是傳統大排檔經典風味。本來禁止自己同時吃兩款炸物，可惜最終敵不過隔離搭枱那碟大大粒熱辣辣的炸鯪魚球（$38）的引誘，自打嘴巴又點一份，沾蜆芥汁，簡直是人間極品，好吃得沒話說。

因為有事做要入元朗，元朗咁多好嘢食，緊係唔可以咁易走啦，點都要食返啲好嘢。男朋友想食清啲，即刻諗到又新街有靚粥食行到入又新街就見到新記雞粥！佢一邊比人外賣，一邊堂食。見到大大隻字寫住馳名貴妃粥就知冇搵錯地方。得2個人所以叫左唔多嘢食。當然一定要叫返個貴妃雞粥啦！用煲仔煲既粥底特別綿，用左貴妃雞所以雞肉亦算嫩滑，雞油亦令煲粥更有雞味😋另外叫左豉油皇炒麵同炸兩。豉油皇炒麵都唔錯，幾有味，而且唔係好多油。個炸兩就不過不失，油炸鬼都幾香叫埋兩杯野飲，埋單都只係114蚊，幾抵食

去元朗睇完中醫口淡淡又唔想食飯見到B仔涼粉附近間粥店咁多人食所以入左黎食「瑤柱貴妃雞粥 」$62份量都唔少，我同朋友每人都食到兩碗粥底好甜好棉雞肉都幾嫩滑，一啲都唔鞋「瑤柱銀芽腸粉」 $30好多餡料，腸粉都好滑腸粉皮唔算好厚，用瑤柱同銀芽做餡料出面好少食到，有別於一般的素齋「帶子火腿炒米粉」 $62米粉炒得好乾身，帶子都好多粒食粥再叫埋米粉一齊食配粥食確係唔錯整體黎講元朗咁多餐廳選擇依間都咁多人確實真係有佢吸引之處

每一區都有名物，沙田當然是食雞粥吧！這天難得放假，同媽咪去元朗買一些家居雜貨後，決定在附近吃點東西才回家，去了食肆最密集的又新街找吃。天氣忽然轉冷，見到熱辣辣的原煲上的粥忽然很想吃，怕冷的我表示，感覺食完會好暖的嘛！小店以雞粥為店名，不問而知煲仔貴妃雞粥是必點的。當然要一試名物－煲仔貴妃雞粥($49)，原煲上的，貴妃雞是上桌前才加到粥底裡，不是同煮的，因為雞油多，臨上台前浸一浸雞味都夠，沒有想像中淡如水，雞件亦保持到嫩滑不過火，粥底亦夠綿身，所以都幾好食，不枉是名物。只是價錢有點貴，不會常常吃就是。特價海鮮粥($55)，入面有超多配料，隨手都見到一隻蟹，帶子，有魚肉同蝦，以價錢來說都算幾抵食的。海鮮粥滲出淡淡的海鮮味，都不用加額外調味都好足夠。粥底比雞粥更綿，基本上看不到米，似是把米磨爛再煮成的，而我就自己比較喜歡雞粥的粥底，不喜太糊狀了吧，哈！另外仲點了幾款小菜，款款定價都不算高，人多可以多叫幾款呢。蜆介鯪魚球($38)足料大大粒，炸得金黃通透一客六件，，入口沒有油益味，夠彈牙，味道遠比賣相好。拍青瓜夠爽口，大大條又夠惹味。炸魷魚鬚炸漿薄薄的貼在魷魚鬚上，魷魚鬚新鮮彈牙，令人一口接一

今晚OT到好夜，真係灰，晚飯都係求求其其喺公司叮左個杯麵食就算…唉，行返屋企途中，個肚瘋狂打鼓，心諗做得咁辛苦點可以虧待自己？所以兜路黎到呢到食返個豐富宵夜先返歸~坐低左乜都唔諗，即刻叫左個招牌貴妃雞粥先，呢D微涼天氣最啱食粥~好鐘意D粥沾滿雞肉既鮮甜味，口感軟綿綿，而雞肉又真係好鬼死滑，完全令人忘記工作既壓力，所以話幾時都要識得對自己好DD~由於實在太太太肚餓，所以小食方面揀左一濃一清，就係炸魷魚鬚同齊腸。魷魚鬚炸得好味又夠熱，十分香口，點埋少少喼汁仲正；齊腸就好滑，食落好輕口，所以雖然食到尾聲已經好飽，但唔覺唔覺食下一件、食下又一件，又畀我食得晒喎~

呢度D靚粥街知巷聞，之前已經慕名黎食過，不過原來粥以外其他出品質素亦相當唔錯，今晚呢餐甚有驚喜……外皮炸到金黃色既乳鴿，睇見已經令人想要流口水，大家急不及待伸手去試。一啖咬落去，外皮好香好酥脆，入面肉質甘香嫩滑又富肉汁，回味悠長，連手指都吮埋。呢個炸魷魚鬚亦可以話好食到停唔到口，炸到熱辣辣，超級香脆可口，口感外層酥脆，內裡柔韌鮮嫩，絕對係佐酒既好拍檔。蒜蓉炒菜心呢道家常菜我諗好多人都成日喺屋企食到，不過就唔係次次都咁好味，好睇阿媽買唔買到靚菜~而呢度既菜心好嫩，味道清甜，口感爽脆，營養豐富，再加埋爆香後既蒜蓉，簡單好滋味！蒜蓉炒螺肉係一道重口味既料理，搭配大量的蒜、蔥、椒，香氣逼人！螺肉香口惹味又鮮美，脆脆口感，好有嚼勁，令人一食就上癮，又係同啤酒好夾，好快就已經成碟空晒！齋腸製作好似簡單但又好考功夫，幾可食到真係好好味既？一係太厚一係太薄一係太粉，完全唔係望落去咁簡單架！所以要讚下呢度整得幾有水準，點少少豉油，味道同口感都令人滿意。

沙田雞粥食得多 友人話不如去下第二度食下其他地方既雞粥咁難得同佢入去元朗 就上網下元朗有無雞粥食啦又新街有間老字號雞粥舖 就去個到試下專食雞粥既店名 應該都有說服力而且佢真係咩都有 好百搭舊式店舖就會有一種親切感家庭既感覺好濃 食得係比較下自在放鬆不過我今日唔想食雞粥 因為見隔離枱食住窩海鮮粥仲吸引就叫左特價海鮮粥黎食入面好足料 包括左一隻蟹，有帶子，有魚肉同蝦淨係蟹呢下已經值回票價啦 幾十蚊食到咁樣野真係好抵鮮味足夠而且全部海鮮都好夠味 唔洗落鹽糊椒粉都出晒味粥底夠綿滑 黏口非常 打好個底真係好重要!!!!!蝦醬炒通菜 勁大碟囉!! 一黎到真係嚇親 係咪兩碟炒埋一碟個啲?!好有鑊氣 雖然未到大排檔級數 但一定令你滿意而且蝦醬味道濃 好惹味 通菜都新鮮夠爽口!!!炸大腸 其實我一向少食內臟 但朋友好鍾意食咁就叫左一碟炸大腸 外皮極度鬆脆 彈牙既質感 配埋甜醬 係有個種街頭小食風味酥炸魷魚鬚 大大條 極香口 脆得黎又唔會沾太多粉岩岩好 魷魚彈牙好好咬 唔會太過油炸乳䳺乳鴿體型適中 唔會太大又唔會太細隻外皮炸完確係脆同金黃 唔會過而且肉質保留返嫩滑無渣 唔洗點任何醬汁已經好夠味皇牌貴妃雞肉

今日媽媽不在家煮飯，我們仨懶得自己煮，但又想吃得清淡一些，就落街吃粥。原先想去那間我們常去的粥店，但妹妹和我都認為那間店近年味精下多了，水準下降，故我們決定改去試附近這間老字號。其實這間新記我很多年之前都有吃過，當時印象不算深，只記得雞粥好像是不錯的。事隔那麼多年，就去試試吧！蜆介鯪魚球($38)第一眼覺得外表確實不夠美觀，但想不到雖然外表其貌不揚，咬落味道卻不太差，入口還算彈牙，帶點爽口，而且大大粒，份量尚算足料不欺場。脆皮炸乳鴿($51)除了雞粥外，新記乳鴿也是招牌之一。有豉油乳鴿及脆皮炸乳鴿兩款，在外用膳我們也不理邪惡，點了炸乳鴿。乳鴿炸得外皮微微帶脆，而入面肉嫩有汁，多人分享特別滋味，不過調味略嫌太鹹，不建議再點鹽。貴妃雞豬潤粥($49)來到新記，當然要點雞粥，喜歡吃豬潤的我索性雙拼來一個貴妃雞豬潤粥。粥底煮得很綿，不會太稀，而且用上咸雞，令粥底很入味，入口鮮甜，豬潤亦質感爽口彈牙，份量不少。如果貴妃雞可以選擇用雞髀部份就更嫩滑更美味了。貴妃雞黃鱔粥($49)妹妹另外點了貴妃雞黃鱔粥。粥底依然充滿著鮮甜的雞味，肉汁精華都落在粥中，味道鮮甜又甘美，而切成小件的黃鱔保持肉質爽彈，也

10月尾，天氣不太穩定，但是好心情卻是阻擋不住。跟男友戀愛了一年多，好像還沒試過正正式式的請媽媽吃一頓晚飯呢！真是不孝！搬進元朗已經數年了，還是好像初到貴境一般，除了連鎖食店以外什麼餐廳都不太知曉。所以今天決定一嚐元朗的古早味店舖內盡是舊式的小店，餐牌上卻由粥品到小菜到小炒都應有盡有 就你啦！3人同行，決定點3鍋粥、2個小食和3杯飲品 打頭陣的是海蜇燻蹄 海蜇爽口彈牙，燻蹄亦沒臭豬味。但是點酸辣醬才是一絕呢 酸酸甜甜和辣辣的醬汁真的令人很消暑和清涼呢而且份量亦絕不吝嗇的！然後先介紹蜆介鯪魚球吧！記得小妹我最懼怕蜆介的味道，腥腥臭臭的... 坦白說，我不怕魚腥味，但小妹我真的很討厭猶如河邊一般的死海鮮味。本來對這個鯪魚球並不帶有任何期望。豈料，這個鯪魚球新鮮出炸爐，外面脆卜卜，內裡彈牙；而且重點，蜆介除了有濃濃的海鮮香以上，是一點都不帶臭！不過點太多會鹹死人的啦！再來粥品的圖片一次過放送吧！先說粥底，粥底相當綿滑好像日語當中fuwafuwa一模一樣而且每款粥品都帶著濃濃的配料香。小妹最喜愛的便是雞粥fuwafuwa的粥裡頭，充滿著陣陣雞的香氣 而且貴妃雞相當的嫩滑！不要阻止我征服他！

元朗又新街多野食就好多人都知，主要都係粉麵 鹵味 米線 點心等等 今次試下呢間舊式粥鋪新記 新記食物除左有唔同既粥外 仲會有少食 炒麵等等 都算多元化貴紀雞豬潤粥 49 蚊用貴紀雞做粥既料好邪惡 因為甘樣雞會比較滑 而當然雞皮滑得黎又會滲雞油同粥撈埋一齊 所以粥身除左有綿綿既口感之外 仲會有 好香既雞味， 而豬潤煮得亦出色 剛好熟 所以十分爽口 豬潤原汁原味 推介豉油王炒麵 19 蚊雖然佢炒麵有好多餸可以點 例如加牛肉豬潤等等 但食原味既炒麵先係最傳統我最愛吃 點以少少甜醬同辣醬就已經好惹味 , 炒麵好有鑊氣 , 炒得乾身麵身偏幼， 食落完全不膩 而且上面亦配上少少芽菜增加爽口度 十分有功架乳鴿 51 蚊估唔到粥鋪有乳鴿， 乳鴿算係中size, 皮脆肉質煙韌 最緊要係燒得剛好 肉質唔硬唔林， 連埋准鹽食 質素不下於大排檔蜆芥鯪魚球 38 蚊推介之選 鯪魚球熱辣辣 出面皮夠脆 一咬落去 d煙飄哂出黎 超香魚肉味之餘， 入面既鯪魚容食落好煙韌 再點以蜆介汁 十分出色炸兩 15 蚊炸兩入面既油炸鬼大大件好粗又夠脆 出面既皮偏厚蒸得夠林 點以豉油同甜醬 食落好滿足炸魷魚鬚 38 蚊魷魚鬚 原本