新記煲仔雞粥 (Closed)

新記雞粥在元朗應該營業二十年以上，外面裝潢簡單傳統，但仍有不少像元朗街坊捧場。颱風夜後，未有買菜，我和爸媽便一同到這裡食雞粥。我一看到香脆炸大腸（$38），便不理會油炸不健康的問題，先點一份了！炸大腸上碟時剛炸起，熱騰騰、大腸皮香酥可口，配搭甜酸醬，不會太「漏」。不過建議要趁熱食，稍涼後大腸皮或會有點乾身。來到新記，當然要點粥！款式眾多，我們點了招牌海鮮粥（$55）主要有蟹、蝦和帶子，賣相不俗，不過這個價位當然不會期待蟹的質素很高，海鮮屬一般。但粥底很綿，有淡淡海鮮香味，用料足，算是不錯。反而另一款貴妃雞黃鱔粥（$49）更出色，咸雞雖然不是雞脾部分，但不會「鞋」，雞肉很入味。而且加入黃鱔令粥底很鮮甜，黃鱔亦保持其爽滑質感，仍然很彈牙。除了粥部分，新記店雖小，但小菜、麵飯選擇很多！我們點粥薑蔥魚腩和 燒乳鴿兩款。薑蔥魚腩（$65）由薑、蔥爆香，再油碌魚腩，但魚腩做到惹味，微微脆身而不油膩。加上魚腩份量多，醬汁又香，加上粥底食也好味。脆皮炸乳鴿（$51）乳鴿有一隻，乳鴿表面炸起，都很脆皮，但乳鴿略微濃味，如果配飯可能好些。食畢這麼多肉類，我們最後都點碟選白灼菜心（$25）平衡一下，油菜有菜

元朗人都知道，在又新街有兩間粥店打對台，競爭著想食粥的客人，事實上兩間都好好生意，繁忙時間很可能要等位呢。兩間當中的新記，除了粥外還有很多款式小食，甚有本土風味，這是對家沒有的特色。五花茶、豆漿各$8味香濃，喝得出來真材實料，兩者我同樣喜歡，最欣賞是它們都少甜，比較健康，不知自否自家煲製。涼拌皮蛋$25個醬勁香，有點似XO醬，夠味，皮蛋無押味，好易入口，幾軟熟，蛋黃有溏心狀態。XO醬炒蘿蔔糕$38與其說是煎，是炸的比較適合吧，炸到外層脆，內裡食到有蘿蔔絲，XO醬味不太濃，但蘸甜醬可補救。鴛鴦炒粉$25逢親去到有炒麵和炒米的店，我總是有選擇果困難，兩者風味各有特色，如何取捨？來新記就不用煩惱了，可選幼麵、油麵、米粉中兩樣，我選了幼麵和米粉，第一眼見到已喜歡，因為有好多銀芽，口感爽脆無咁膩，火腿數量亦不少，食落見到麵和米撈得頗平均，不會各據一方，實在由心欣賞，這也花不少功夫吧，炒粉炒得好有鑊氣，爽而不油膩。特價海鮮粥$55不知這特價做多久，或長期特價，反正這價錢真的沒話說。材料有蟹、鮮蝦、斑塊、帶子，粥底好綿滑，相信是煲完才加海鮮料，每樣海鮮都有兩件以上，以蟹最多，各樣鮮味都不錯，最鮮甜是

今日與好友行完元朗河背水塘後，當然順道到元朗市中心覓食。泥鯭是其中一款我喜歡的魚類，但卻從來未試過泥鯭粥，當經過「新記煲仔雞粥」時，見到大大隻餐單寫有泥鯭粥後，一於幫襯。地道舊式茶記裝潢，牆身貼滿大大隻字的菜式，一目了然。款式多，價錢合理。果皮泥鯭粥 HK$40粥的份量大，粥底十分綿滑，一入口，果皮的香充滿口腔，而泥鯭吃得出是新鮮的，魚肉嫩滑，讚！貴妃雞帶子粥HK$62店名叫做「新記煲仔雞粥」，「煲仔雞粥」固然是招牌菜啦，當然要一試。相比起味道清淡的泥鯭粥，貴妃雞帶子粥的味道咸香，貴妃雞滲出少許黃油，令粥底更添油香，卻毫無油膩感。雞肉煙韌不嚡口，而帶子估計有六、七粒，算多，帶點爽口。脆皮炸乳鴿 HK$51乳鴿是店內其中一款推介菜式，所以點了一隻試試。乳鴿表皮香脆，油脂不算多，肉質有嚼勁，醃味適宜，不妨一試。基本上粥的份量已經好大碗，吃完一整碗已感飽肚，所以不用擔心「吃粥易肚餓」的情況。

自從有app係可以一邊行路一邊儲分換咖啡之後，我同老公成日周圍行，少左揸車。今日黎左元朗周圍行，由元朗站行左去市中心，一邊行一邊諗下今晚食乜，老公話知道有間粥店好出名，去到門口鬼屎咁多人，2人枱都要等20分鐘先有呀！一場黎到又點會唔食返碗粥呢？馳名貴妃雞粥$45唔貴喎，街坊價，起初我以為只有一大碗，原來有成窩，兩個人夠晒食啦！d粥好綿，幾滑，完全唔使落其他調味料，因為夠晒味，夠晒咸，貴妃雞有d似咸雞，咸咸地幾好味，幾不只是骨，肉也很多呢！我地仲叫左油條送粥！之但係食一個粥又點夠喉呢！老公話想食炒米粉同XO醬炒蘿蔔糕試下佢d炒野。火腿絲炒米粉，見佢$22以為佢厄錢，但係十分有鑊氣！拍得住大排檔既炒野，配料有d火腿，蘿蔔絲，芽菜，都算豐富！XO醬炒蘿蔔糕係老公最愛，XO醬味夠，唔算好辣，蘿蔔糕外皮爽，食到入面軟林林，好有咬口！蘿蔔糕粉唔會黏住個口tim！食食下見到隔離枱食冰鎮鴨片飲大啤好似幾正，大啤我就唔飲啦，鴨片就想食！重點係唔貴，$38咋！黎到好大陣涼伴菜味，樣子似足鴨胸（鴨胸、鴨片都係咁上下啦），食落唔un，有鴨味，好似海哲薰蹄既味，成個餸既重點係落左芝麻，完全係調好左個味道，同鴨味

元朗人一條又新街已經可以食好幾日都食不完，新記煲仔雞粥，沒可能未聽過(如果沒有，真的要試一試。)本來街坊店不打算寫食評，不過有感小店比連鎖店更值得介紹。 店名已知道是以煲仔雞粥聞名，雞是小店自慢的貴妃雞，有時家中加送，都會在這裡斬料的。粥底綿，加上雞油精華，更是平民(?)級極品。老實說我不想用平民來形容這鍋粥，因為索價$49，不會經常吃… 今天加了一碟炸魷魚鬚，這款小食好像絕跡街頭很久了？炸漿不厚，魷魚鬚新鮮，唯獨是有點油膩，不過吃得煎炸食物，都預了是這樣啦。 雞粥真心不算經常吃，但其他小食我就是常客。炒米粉加一杯凍奶茶又一餐！問心我覺得幾大碟，奶茶茶香奶滑，但不可走甜少甜，是這裡的特色。

位於元朗的新記煲仔雞粥，是一間受歡迎的餐廳大約7點半，門外大排人龍，需等一段時間貴妃雞粉腸粥$49貴妃雞是餐廳招牌，因此一試雞粥綿滑，帶點黏性，滑溜入味貴妃雞肉質嫩滑，粥底熱辣辣鮮甜，味道不錯鮮味蠔仔粥$40媽媽點的蠔仔粥蠔仔量甚多，每口粥都能吃到蠔仔十分足料。粥底帶濃濃蠔味，個人較喜愛雞粥，因為較為鮮味乾炒牛河$48看到不少人點牛河，齋吃粥不吃點炒粉麵又點會飽呢堆積如小山丘的牛河份量十足，以鮮牛加醬油炒成，每口都具有鑊氣牛肉如滑蛋牛肉的鮮嫩軟身，沾上辣醬更惹味哦瑤柱銀芽腸粉$30看到是原創，所以忍不住點了一份原本以為只有瑤柱，想不到銀芽份量驚人腸粉只有銀芽味道，不太對我的口味，不過也清光了泰式鳯 爪 $30酸酸辣辣的鳯爪，雪得夠凍，調味也足，十分開胃清光光每人飽至不能了，價格不貴，可以一試

口淡淡想食下粥，黎到粥舖，點知bb車唔比入，bb瞓左無理由抱醒佢，咁唯有轉外賣啦，買了兩個粥，見雞好靚又買左半邊，埋單150，ok啦。分兩袋包，中間夾了紙皮，掛係bb車上都無打瀉。買了魚腩粥 ($25) 同豬潤粥 ($25)滿滿一碗一碗入面好多魚腩，好滑好鮮甜，啖啖肉無骨喎，啱哂我呢啲懶人，粥底亦很綿很香。豬潤粥一打開盒已聞到香噴噴大大塊豬潤，薄切，唔怕淕唔熟啦，一碗入面又係好多豬潤，大大小小有十塊倒，抵食喎，自己煲粥咁麻煩，落街買一碗方便又快捷。雞好靚買左半邊 ($100)，口淡淡無乜胃口，食左兩件淨返留聽日加餸。本來覺得半邊雞要100蚊幾貴，但咁靚雞，無泵水㗎，都真係幾抵食。雞十分嫩滑，皮下脂肪不多，雞皮雞肉雞骨都入哂味，肉多，骨唔硬，好正。仲有最正嘅薑蔥蓉，比左一大包，good good good！啲雞咁正，下次食雞粥試下先。

秋意日濃，今日同朋友入左元朗郊外搵紅葉蹤影，屬於地頭蟲嘅佢仲順便帶我嚟呢度食雞粥，實在好啱呢種涼涼地嘅天氣。既然朋友係熟客仔，我就唔多畀意見喇，一於任佢發辦啦！首先呢個蜆介鯪魚球咬落彈牙，結實唔鬆散，好香口，本身好怕佢會腥，好彩無咋~外酥內軟，配埋蜆介醬嚟吃，實在係絕配。之後上枱嘅係蝦米腸粉，一樣好簡單嘅食物，反而最睇到功架，有時越簡單嘅嘢反而越難整得好食~呢度既手拉腸粉香滑、新鮮、 可口，係咁意點少少豉油已經好好味。終於輪到主角出場喇：雞粥！熱騰騰出晒煙咁，火喉夠好入味，清甜鮮香，配埋滑嫩嘅雞肉，簡直係秋天滋補佳品。

今晚成班波友打完波，就拉大隊嚟左呢度食招牌雞粥做宵夜，之前嚟過食都係成間舖坐滿人，今晚雖然係閒日，一樣打爆，好在喺門口吹水十幾分鐘就有位。大部份人都係點雞粥，我就嚟個兩溝──豬潤雞粥，因為都幾餓，所以想食多D配料。好多人都知佢哋嘅雞粥係用貴妃雞嚟煲，呢個就係佢嘅賣點，就係佢成日爆棚嘅原因。貴妃雞食落特別香滑，雞味重，加埋豬潤，成煲粥勁多料，用砂煲盛載感覺好有風味，個粥底好綿好入味，吸晒食材嘅精華。呢排成日夜訓，所以追加左杯七喜龍眼冰下吓火，平時齋飲龍眼冰會覺得太甜，原來撞埋七喜個味道又幾特別喎，可以話係加倍透心涼，正！

約了好友舊學生見見面吹吹水。她是新界人，所以小弟亦要收工後攀山踄水地走到大西北那邊去，算是遷就她一下啦....和她同是不拘小節的人，食街坊地痞嘢就最合我倆的心意。元朗一帶儘管近年可找到越來越多走高格調的西餐廳，但最草根最街坊的小食肆，數量仍是有相當的。位處於食店林立的又新街的"新記"，便是其中的一例....價錢，一如預計中十分相亷抵食。兩個人豪氣地一口氣叫了四五樣東西，食到飽撐著肚皮每人都花不了一百大洋....食物，基本上可以用包羅萬有來形容 ---- 各式各類的粥粉麵飯、開胃及惹味小食，甚至乎小炒小菜也一應俱全。只要是您想吃的地道小吃或小菜，在這兩小版的餐牌上都可找得到....將近踏入十月，天氣仍然熱。和好友各來一杯凍飲。相形之下似乎我那杯泰式青檸冰看來較為討好 (起碼在顏色上睇落就是)，呷落果然亦一如所想，青檸冰入口濃郁酸度恰可，冰凍度亦相當夠能起解渴解膩的作用....店名稱之作煲仔雞粥，很自然這定是店自慢之作。但我這個人很奇怪，不知何解在出街吃時是不太喜歡吃白切雞一類的物事，就連放在粥內的雞件亦沒有例外。故此今天晚上擺在我倆面前的，就是一煲料豐味足的海鮮粥....叫老友幫手用勺撈

日日咁熱食唔落飯，最岩食都係腸粉呢啲小食~ 尋晚阿媽話最緊要有野比佢食，見到新記係正我地隔離，又未食過，見到啲腸粉拉得幾靚，所以想試下。腸粉真係幾滑，而且非常完整冇爛一條過，但係蝦米實左太鹹，我食左半碟就冇食啦🙁下次唔叫蝦米叫帶子腸粉，應該唔會鹹掛🤔皮蛋瘦肉粥煲得軟綿👍皮蛋瘦肉都好多料~粥鋪有炸乳鴿食，估佢唔到~ 全晚阿媽應該最鐘意食就係佢，即叫即炸，乳鴿啖啖肉，皮薄香脆。龍眼青檸7喜梳打冰青檸味欠奉，一開頭飲都有7喜味，但飲到尾聲時已經同普通水冇分別，呢度野食係好過野飲如果就今餐比較。

半年後再臨又新街，變樣了！食街上的食肆是更催向完美，有獨賣爆谷的小店，又看見有港式連鎖韓國料理小店，林林總總目不暇及。我們吃過從台灣來的肉焿湯後，再沿路遇見一間出名賣雞粥的排隊店。被侍應生招呼坐下，再拿起那印得密麻麻的餐牌來讀......當然要點店家出名的貴妃雞粥，從貼在牆上的舊報導介紹説，雞粥是由浸雞湯熬煲而成，而浸雞湯内的料是包括有瑤柱、蝦米等十多種材料。貴妃雞粥 $45個人最怕吃雞粥、魚粥，不是不喜歡吃，只是怕熱力太猛會令雞肉魚肉轉粗嚡，因此第一時間吃件雞，雞肉是真的好吃，滑嫩肉之餘是帶鹹味，雞皮厚而吸收了浸雞湯精華。一碗粥内有雞胸有雞髀肉，給予得平均。雞粥泛黄，明顯是有黄油在粥内，吃着是有雞的鹹鮮味，粥底的米已經爆開但質地又不是很稠的様子，應該有加白粥進雞粥裏調稀調輕味道。蒜泥汁脆皮豆腐 $25看外形應該是布包豆腐，豆味重，豆腐質地結實，「脆皮」應該是剛剛炸起時的事了。廚房內掛起一隻隻肥雞，好想吃喔!味道 3.5環境 3服務 3衛生 3.5抵食 3.5

又新街探奇，打冷、餃子、點心、拉麵都吃過，這次來吃中式小菜店。粥、腸粉、炒麵、小吃，甚麼都有。人流不算太多，這一間店子以便宜為主打。大家可以大點任點，隨心喜歡叫小食，因為細細碟，很難吃得飽，三個人隨隨便便都點了五碟。蒜泥沙青原來這個「沙青」，其實只是沙葛跟青瓜切粒😑，說得會一粒都不足一厘米成一厘米，非常之小粒，小得要用匙羹盛起來才能吃到，汁較濃，小粒挺爽口，但味太濃本人不太喜。冰鎮鴨片，這碟名叫鴨片，但是我沒有感到吃到什麼肉類的味道，只覺得冷凍非常，沒有肉的鮮味，幸好不太痴牙。炸大腸，也不是處理得非常之乾淨，雖然外皮開始香脆，但是中間的肥膏多，全部吃下，不太健康，難免要將部份肥到除去，才能吃下。生腸海哲，這一款生腸海蜇其實真是非常之普通，或者可以稱得上是難吃，因為那種醃醬怪怪的，令到生腸都沒有爽脆的感覺，只覺很硬；海蜇也醃了，而夠爽口彈牙。帶子豬雜炒麵三四顆帶子，跟普通豬雜炒麵的分別就只是多了三四顆帶子，也不算十分美味，剛好但非常韌。麵條是幼面條，應該是豉油王炒麵那種，不算是非常之林，仍然有一點兒咬口，但是越食越底的時候，就感到底下非常之油膩。凍飲也普通，未算出色，龍眼冰有點青色素，點

元朗區充滿地道美食，喜愛粥粉麵雜糧的我，選擇之多，足以讓我每次也找到新的嘗試。早前試過元朗區一家粥店，這回再到他對面那一家他粥店作新試探。「新記」不是日間營業，每天大概下午六時才開門，我們經一輪購物、飲食和四處閒逛後才折返。六時多已有客人在用膳。裝潢地道，小方檯圓凳排列整齊，燈光明亮，環境整潔，牆壁貼滿了菜式的彩條，電視在播放中，每當大廚開鑊，哄哄的爐聲必吼叫幾下，從狹蓬中下亦可隠見爐火的紅光，一切洋溢著不折不扣的本土味道！由於肚子仍有飽意，於是將視線集中在粥品及腸粉上。馳名貴妃雞粥是「新記」的重點推介，不過另外的推介如泥鯭、海鮮和田雞也是同樣吸引。馳名貴妃雞粥以煲仔盛載，粥底色澤偏白、粥感流暢不稠、隱見爆開米花；入口隨即嚐到貴妃雞之鮮、甜味則不重，整體感覺不錯，顯出大廚有用心製作，但若能以砂鍋生滾，相信會更加滋味！腸粉中，蝦米腸是我最喜歡的。「新記」的腸粉皮較一般柔軟、富有淡淡米香，相信米漿中米的比重來得較均真。豉油鹹甜也調得適中，略嫌蝦米未夠鹹香，吊不出鮮香來。論蝦米腸來說，「新記」做得比一般粥店有水準，不過仍有進步的空間。這趟嘗試不多，未能全面分析，期待下回「新記」可為我們帶來的

我好早訓，所以搬左入元朗成十個月都冇試過元朗幾出名下嘅宵夜，撞啱今晚喺深圳返到香港成十二点，走去又新街附近即係新B仔涼粉條街睇下有乜好野食。行嚟行去，發覺呢間叫新記煲仔雞粥幾多人幫趁，走入去食碗粥消夜先！個人覺得呢度係主打宵夜嘅！食物設計及份量都好符合夜貓子嘅需要; 粥同腸粉有大量選擇，呢兩種食品容易消化，適合夜晚食，另外亦有好多不同選擇嘅小食，適合夜晚鍾意飲番兩杯嘅朋友。𥄫倒樣叫做海鮮粥嘅野話特價HK$58, 隔離枱有叫，望落唔錯，叫番個先！淨食粥寡啲，叫多個蝦米腸送粥。海鮮粥 HK$58嘩，料多到呢！成隻水蟹掉左落去滾粥，另外有兩三料帶子、五六隻蝦同埋三四塊班片，正所謂唔打得都睇得，純講賣相份量，贏哂！先食粥，好甜，講真放咁多料去煲咁細煲粥，唔甜就真係妖異啦！粥底亦係非常軟滑香綿，估計用左珍珠米同泰國米兩溝煲成，泰國米有香味，而珍珠米較綿滑，兩樣加埋啱啱好！蟹、蝦同班片都新鮮甜美，但帶子就一般，應該加左疏打粉，冇哂味。不過成煲粥計，我好滿意。葱花粥米腸 HK$17看賣相一般，絶對係預早拉定嘅，夾起唔會散。食舊先，粉唔太爽但滑漏，蝦米靚兼冇乜沙，葱份量多，提升了整體味道，如果係即拉嘅