新記煲仔雞粥 (Closed)

岩岩叫老公係又新街嘅「新記」買兩個外賣，一個咸魚雞粒炒飯，一個豉油皇炒面，難食到爆，耐無幫襯，以前一向都唔係咁，家陣超級難食，鹹魚雞粒炒飯冇鹹魚味冇咸味炒白飯咁，炒面都可以冇味👍🏻，以後一定唔會再幫襯，仲細盒左好多

其實本身我係唔鐘意食粥既，次次都係因為病先想食得清淡D。三年前又係因為唔舒服所以試左次新記煲仔粥，覺得好好食，D粥唔會稀，好棉好結，又好香。兒家間唔中都會黎食下，今次我就食左貴妃雞鮮蟹粥，蟹肉新鮮令到碗粥都好鮮甜。而我老公就食左皮蛋粉腸粥，次次佢都係食呢款😋酥炸魷魚鬚😋😋完全唔覺有炸粉，炸得岩岩好唔會干，香脆可口，好味本身想叫XO醬炒蝦米腸，唔知點解叫左XO炒蘿蔔糕🙈雖然都好食，但分量少左D，$40蚊得幾舊仔。

成日食對面個間粥店,試下呢間咩環境,食完第一啖炒麵第一句就係搵笨一次過,豉油皇炒麵似雞油炒麵多d,係有鑊氣,冇豉油味,冇咸味~脆皮炸大腸,似咬緊香口膠,同個脆字拉唔上關係期望個招牌貴妃雞粥會有驚喜~點知係驚嚇真係不敢恭維,點解可以咸過就咁食咸雞,我屋企人都係食得味濃,佢地食左一啖已經變晒樣,好咸我食左兩啖飲左一支水~最正常係皮蛋豬潤豬,不過粥底太傑~一家三口食完結論一樣,唔會再有下次~未試過食完一間餐廳可以咁口渴

難得有時間可以去天水圍散步，咁當然要順便去元朗食好西啦。見好多人都推介呢間，一於就黎試。6點左右入鋪見無乜人，不過啲員工放哂野食係台上面準備開餐，我都有少少唔好意思阻住佢地食飯開工。不過佢地都照同我地落單今次叫左4樣野，主打掌然係雞粥，跟住有手撕雞、蝦醬通菜、炒麵(無影到相)雞粥好足料，大概有7、8件雞件，而啲雞件又唔會多骨少肉，淨係張相你都見到幾多雞肉雞肉好鮮，無雪味雞油味慘入哂粥底，好正個通菜雖然有好多辣椒但又唔辣兼唔咸，不過我就覺得油膩左少少....手撕雞甜味比辣味重，但又唔會蓋過左個辣味。

星期六，難得好天入元朗南生圍行下，夜晚梗係去大街食下啲地道美食😋係open rice見到呢間新記有唔錯的評分所以去試下啦🤔。本來諗住外賣一路行一路食，唔洗等位，不過粥拎走都係太麻煩，等15mins 左右就有位，枱唔大，有啲迫🙈成日撞到隔離，好彩冇比人鬧🙈 同女朋友兩個人掃街食左好多野，所以淨係叫個馳名雞粥試下😁，見到乳鴿好似唔錯叫埋啦😂。乳鴿熱辣辣，好好味😋睇唔到佢側邊啲鹽，點左都唔知，比女友話好咸😂🙈 雞粥都幾香，啲雞醃過，有啲酒香。整體有啲咸🙈，都唔錯。

成日都見咁多人排隊，天寒地凍，當然要湊下熱鬧，排下隊食粥。見牆上貼上手寫粥名及腸粉，見雞粥價錢零舍貴，應該係好野。不過，有個粥名仲吸引，就係【雞什粥】，要知雞的內臟size 不大，要用料煮成一碗粥，當中要犧牲幾多隻雞。而店員話內臟是come from 喊雞，所以實好食。Wow ! 熱辣辣的粥到，雞腎超爽，雞肝又唔肥，實在野味ar ! 而豬潤腸都不得之了，甜豉油同腸粉配合得好好ar ! 有時見微知主。當然，豬潤亦好爽，所以趁天氣凍，要食多幾轉ar !

能夠帶你來到吃宵夜，是我最想做的事。 在元朗住的時間，現在看回來是我曾經一段最黑暗的日子，最錯的選擇。 不過，那個時候，一個人住，最自由，開心。 那個時候，常常都會周圍搵食，住在那個地方，最好的事情是吃了很多的好東西。 新記雞粥是其中一間我最愛的宵夜店，和另外對面另一間有名的雞粥，各有千秋。 今晚和你來到其中一間心愛的餐廳，體現我曾經的快樂，從來，和愛的人分享最享食物都是樂事，記住要共最美的人分享每個夜晚，都是這個道理。 先來個海蜇手撕雞，我來這裡咁多次都未試過呢個前菜，芝麻麻醬落得重手了點，不過海蜇爽口，和手撕雞基本是一對一的份量，前菜來說絕對抵食。 地道的宵夜點都有泰式青檸冰，味道還要不錯，驚喜不斷。 剛剛的晚餐不夠飽，然而那餐飯不夠菜食，來個椒絲腐乳炒通菜吧，通菜嫩綠幼細，炒得剛剛好。 炒粉炒麵從來是這裡的絕技，於是叫了豉油皇炒麵，記得之前這些炒麵都炒得鑊氣夠又條條彈牙，今晚的卻有點失手，不過，爛船都有三分釘，點都係不錯的炒物。 當然這裡的主角是粥品，而咁多選擇之中，點可能錯過雞粥。 這裡的雞粥上桌一刻還是熱辣辣，每口都是雞味勁濃，你一吃已經知道是新鮮雞才做到的味

難得今日港鐵半價，所以搭西鐵去元朗搵好野食！元朗區實在太多選擇，應有盡有，最後揀左粥店，呢種天氣食粥唔會太熱。同男友兩個人要了貴妃雞粥，蠔仔粥，炸大腸，炸兩，手撕雞。貴妃雞粥，粥底唔會太水，軟綿綿。貴妃雞好滑，有少少咸味，應該醃完先煮粥。蠔仔粥，蠔仔好鮮甜，一啲都唔腥，如果再多少少蠔仔就完美了。炸大腸真係冇得輸，外皮爽脆，配埋甜酸醬更加好味！海哲手撕雞，撈埋芝麻醬都好好味。

元朗的新記煲仔雞粥，是一間受歡迎的大排檔😳大約7點半，門外大排人龍，需等一段時間😱看到不少人點牛河，齋吃粥不吃點炒粉麵又點會飽呢😝堆積如小山丘的牛河份量十足😍，以鮮牛加醬油炒成，每口都具有鑊氣。牛肉如滑蛋牛肉的鮮嫩軟身，沾上辣醬更惹味哦雞粥味道不錯，但蠔仔粥和瑤柱銀芽腸粉😱就不太推介😂好奇怪哎呀 吃光光好飽飽是時侯訓教😂服務員嬸嬸 服務真係嚇親你

粥要綿, 料要多, 價格要合理才是一碗靚粥, 在元朗走著走著, 看見“B仔涼粉”旁的這家雞粥人山人海, 於是就進來一探其虛實。一進來就, 就點了一碗貴妃雞粥, 2個人剛好每人一碗半, 雞件挺大的, 粥綿綿細滑, 雞味香濃, 雞件多, 肉質嫩滑, 沒有放味精, 味道十分香甜; ($47)只吃粥, 太單調了, 跟朋友2人來一隻紅燒脆皮乳鴿, 斬開四件,金黃色的外皮, 十分香脆, 鹹味適中, 肉汁鮮味; ($51)來一碟小炒, 蒜茸炒螺肉, 可能下水太多, 螺肉炒得不夠乾身, 而且味道略為清淡, 吃不到螺味, 味道一般。($40)吃粥, 當然少了大腸, 大腸十分肥美, 黃金外皮, 外脆內軟, 腸味十分濃郁, 入口即化, 吃完後整個口都充滿腸的“蘇味”, 久久不散。($40)雖然桌椅較小, 環境有點擠, 但是價格實惠, 整體的味道是不錯的, 原來人多是真的有道理的。

元朗, 對過海人九龍人來說仍然覺得很遙遠, 但為了紅葉, 還是會每次定期來一兩次元朗, 只要腳踏入又新街, 眼睛和胃部已經各有各忙了十二月, 經常須要醫肚, 我經常說最好就是有啖粥暖暖胃今晚來到大間糖水店旁邊一間同樣有顧客圍住門口的雞粥店打算早點食早點瞓, 所以七點前已經到達, 此刻店內已經滿坐 等左十分鐘就有位, 我們四人枱餐牌有六頁, 粥料配搭足足有大約160款..主要以貴妃雞，牛，豬潤，豬腰，海鮮(蟹, 蝦, 帶子)，黃鱔，田雞，泥猛為主配搭結果我們選好了兩款粥貴妃雞肉丸粥粥底很綿, 雞香味溶入整碗粥內, 好香甜雞肉為貴妃雞, 皮薄肉嫩, 很滑, 雞味沒有流失‼️肉丸為豬肉丸, 口感彈牙, 很甜帶子鮮蟹粥應該差不多有一隻蟹吧 (大家share食, 所以還未刻意去數) 粥底很綿, 蟹肉有糕, 很鮮甜而帶子肉厚, 煮得剛剛好, 肉爽易咬, 還很甜很甜呢‼️‼️粥和腸粉本是一對吧, 所以點了碟炸兩送粥(藉口)門口有個腸粉檔, 即叫即做, 新鮮就是全賴這樣有心制作外層腸粉又薄好滑, 油炸鬼好脆 終於明白為何那麼早就要等位了, 的確好味, 價格與分量又成正比除了粥品佔了兩頁餐牌, 其實還有很多小

放假入元朗探完朋友, 見天氣凍凍地朋友帶我去食煲仔粥, 煲仔飯就食得多, 煲仔粥唔係周圍有得食當晚6點半到達, 店內已經坐滿, 在門外等候都可以睇到有咩招牌菜可以點, 另一邊門外亦有姐姐即場整腸粉店內空間不算很大但容納到有多食客, 沒有擠迫的感覺, 原來門外的招牌菜單只是一部份, 餐牌內還有更多選擇, 粥粉麵飯一應俱全, 真是眼花撩亂. 就算是煲仔粥, 你想到怎樣配搭的都可以點, 這應該是我見過最多款式的粥店馳名貴妃雞粥當然要點, 雙拼都係加幾蚊, 雞粥果然真材實料, 每件雞都好嫩滑, 有雞味, 肉丸亦彈牙, 雞粥一d都唔油膩, 入晒味另點了, 田雞黃鱔粥, 粥底又綿又滑帶一點鮮味, 黃鱔無骨爽滑, 田雞好Q彈. 對比雞粥又是另一翻風味鯪魚球每一粒如乒乓波般大, 炸至金黃色, 啖啖魚肉爽口彈牙, 配上蜆介汁咸咸地, 更惹味炸大腸外層好香脆, 煙韌耐咀嚼, 不算油膩,外表細碟其實挺多的, 配上汁醬酸酸甜甜海哲手撕雞真是不能不點, 混入芝麻醬/ 炸菜, 味道獨特, 好麻香, 口感又有韌性, 非常讚蒜茸炒螺肉, 連同洋蔥/青椒/蔥頭一齊炒, 蒜味不算重但螺肉咬感十足, 是巧手小菜之一硬豆腐

我好耐未去過元朗食野~一黎到係必定會諗起雞粥架~都幾多人等位呀! 等左大約15分鐘終於有位啦! 哩度地方會迫D, 坐得唔會話太寬敞, 但為左食佢既雞粥~ 都冇所謂既! 以前黎必定叫既係貴妃雞粥同埋炒河粉! 炒河粉係邪惡既一件事, 但真係好好味, 加埋辣醬真係好正!佢唔會話過份油, 最鐘意佢D 蔥頭, 好正!雞粥勁入味, 好多料呀! 熱辣辣滾住上枱! 粥唔會話太希或太杰, 好適中! 另外我仲叫左炸鯪魚球, 紅燒乳鴿, 魷魚鬚,海蜇八爪魚!魷魚鬚炸得好正! 點喼汁食好好味~ 炸得好香口!送粥都唔錯既選擇!佢既紅燒乳鴿哩到好出名, 真係要試下!皮係脆既~入面既肉又好香口~仲要好大隻呀! 到哩個炸鯪魚球真心勁正~ 好大粒, 點蜆芥食真係絕配呀!粒粒都好彈牙! 新鮮炸起熱辣辣! 好滿足!我地2個人叫左咁多野食! 始終都要打包! 哈哈哈!下次會再黎試下佢既佢其他野食! 

作為非元朗人，入得元朗通常已經預訂了想試的餐廳，今次一反常態，入到黎先算😀呢間看似普通的雞粥鋪，很早已大排長龍，就試你一試😛例牌先試 貴妃雞粥 本來諗住同一般雞粥一樣 雞有雞味 粥有米咪，估唔到d雞味完美滲入粥度，d雞亦非普通劣雞，香滑，我諗隻雞生前應有皇室般待遇😝 滿分！豬潤肉片炒米 炒豬潤，第一次試😂 確實野味😁👍🏼 食到本內人都話比我食哂😂😂😂蔥花蝦米腸粉夠滑不夠香，來貨應該同大埔陳漢記一樣，算不過不失😛海哲手撕雞汁多味濃！個人算喜歡，海哲夠爽夠彈，可能汁太多已全蓋雞味，總的也是不錯😆整體來說，四樣餸只需百多元，抵食！將來必長試！

最近初來甫到元朗，有時收舖都9點囉，都唔知食咩好，大排檔叫餸食飯又好似有啲過量，都係喜歡食啲細細碟嘅小食、最好有埋粥、腸粉咁就最好，唔會飽到瞓唔著。今晚收舖周圍行去搵食，見到呢間嘢有粥食喎，即刻入去試下先。坐底望下餐牌真係有啲嚇親，原因係估唔到店仔細細咁多嘢食；小食價錢又唔貴；仲有係好多款粥品添呀呢度出名貴妃雞粥＄47當然要試下啦，以煲仔上裡面都算多雞，仲件件都夠大件，雞肉唔肥唔瘦，仲好滑好美味添。粥底好綿，不會過稠口感剛剛好，味道鮮而順喉，宵夜食啲粥果然舒服。四川麻辣雞腎$27榨菜配雞腎，混有炒香嘅白芝麻、蒜蓉、辣椒碎，少少辣而不麻，用嚟當餐前小食夠開胃，唔錯。 蒜蓉雞翼尖$22蒜蓉汁淋在炸過嘅雞翼尖上，夠晒香口惹味，又有啲牛油味，有啲汁感覺冇咁熱氣，炸蒜蓉粒就食得多，用蒜蓉汁就真係少見，又係一個岩宵夜嘅小食，如果有埋啤酒就好啦。  香脆炸大腸$40唔知點解同親啲男士食飯，總愛叫炸大腸，最好老婆唔係身邊時食就最好食大腸確係肥美，炸得香脆，聞落即刻醒神，外脆內肥美，配埋甜酸汁就更醒神啦。脆皮乳鴿＄51 身為沙田友，炸乳鴿雞粥都食唔少，嚟到元朗梗係都要叫返隻乳鴿食下。呢度嘅乳鴿夠晒足齡，