Video
Read full review
2016-10-17
146 views
自從有app係可以一邊行路一邊儲分換咖啡之後，我同老公成日周圍行，少左揸車。今日黎左元朗周圍行，由元朗站行左去市中心，一邊行一邊諗下今晚食乜，老公話知道有間粥店好出名，去到門口鬼屎咁多人，2人枱都要等20分鐘先有呀！一場黎到又點會唔食返碗粥呢？馳名貴妃雞粥$45唔貴喎，街坊價，起初我以為只有一大碗，原來有成窩，兩個人夠晒食啦！d粥好綿，幾滑，完全唔使落其他調味料，因為夠晒味，夠晒咸，貴妃雞有d似咸雞，咸咸地幾好味，幾不只是骨，肉也很多呢！我地仲叫左油條送粥！之但係食一個粥又點夠喉呢！老公話想食炒米粉同XO醬炒蘿蔔糕試下佢d炒野。火腿絲炒米粉，見佢$22以為佢厄錢，但係十分有鑊氣！拍得住大排檔既炒野，配料有d火腿，蘿蔔絲，芽菜，都算豐富！XO醬炒蘿蔔糕係老公最愛，XO醬味夠，唔算好辣，蘿蔔糕外皮爽，食到入面軟林林，好有咬口！蘿蔔糕粉唔會黏住個口tim！食食下見到隔離枱食冰鎮鴨片飲大啤好似幾正，大啤我就唔飲啦，鴨片就想食！重點係唔貴，$38咋！黎到好大陣涼伴菜味，樣子似足鴨胸（鴨胸、鴨片都係咁上下啦），食落唔un，有鴨味，好似海哲薰蹄既味，成個餸既重點係落左芝麻，完全係調好左個味道，同鴨味
一場黎到又點會唔食返碗粥呢？馳名貴妃雞粥$45唔貴喎，街坊價，起初我以為只有一大碗，原來有成窩，兩個人夠晒食啦！d粥好綿，幾滑，完全唔使落其他調味料，因為夠晒味，夠晒咸，貴妃雞有d似咸雞，咸咸地幾好味，幾不只是骨，肉也很多呢！我地仲叫左油條送粥！之但係食一個粥又點夠喉呢！老公話想食炒米粉同XO醬炒蘿蔔糕試下佢d炒野。
火腿絲炒米粉，見佢$22以為佢厄錢，但係十分有鑊氣！拍得住大排檔既炒野，配料有d火腿，蘿蔔絲，芽菜，都算豐富！XO醬炒蘿蔔糕係老公最愛，XO醬味夠，唔算好辣，蘿蔔糕外皮爽，食到入面軟林林，好有咬口！蘿蔔糕粉唔會黏住個口tim！
食食下見到隔離枱食冰鎮鴨片飲大啤好似幾正，大啤我就唔飲啦，鴨片就想食！重點係唔貴，$38咋！黎到好大陣涼伴菜味，樣子似足鴨胸（鴨胸、鴨片都係咁上下啦），食落唔un，有鴨味，好似海哲薰蹄既味，成個餸既重點係落左芝麻，完全係調好左個味道，同鴨味相輔相成！
咁岩有堆人都等位，仲要等大枱，9位！如果大家唔想等太耐就要早d黎啦！
Post
