新記煲仔雞粥 (Closed)

和老婆及寶寶在元朗購物，血併完後便到這間新記雞粥。六點正左右店內已有大量食客，可見這餐廳的人氣。親民的價格，值得我們多叫幾款美食。馳名海鮮粥非常足料，有蟹，蝦，魚及帶子，海鮮味道突出，值得推介。郊外油菜是寶寶準備的菜式，餐廳非常用心，灼熟了菜心後，沒有添加任何醬汁，寶寶都食得很滋味。酥炸魷魚鬚新鮮即炸，炸得很香口，魷魚很鮮味。干炒牛河牛河大大碟，份量多，足夠2人享用。紅燒元朗脆皮乳鴿乳鴿炸得香口，皮脆肉嫩，令人垂涎欲滴。凍豆漿豆味濃郁，價錢只是9元，一點也不貴，性價比高。

上年中秋o個排前後同個老死o係筲箕灣宵夜吹水，當時食過呢間粥鋪o既筲箕灣分店，覺得d 炒粉鑊氣好足，粥又杰。今次幫襯埋元朗老店，都頗有信心o既。老店比新店較為細d——應該咁講，係人地做得住所以再開間大分店啦～間o野出名食雞，上次都無試，今次叫o左半隻金牌貴妃雞($100)。煮到o岩o岩熟，白嫩連骨一點紅o既雞肉，本身有用過藥材熬製，有種鹹香o既味道，唔使點蔥油已經好好食！乾炒肉片河($47) 上次都有叫。一如既往，佢o既鑊氣唔係o黎自上檯時熱到噴煙，而係食落去時o個個燶燶地o既口感，一定要經過大鑊快炒先做得到。d 肉片唔係肉碎肉條，係有成半塊豬扒咁大囉(當然又無咁厚)……海鮮炒飯可以叫有XO 醬($62) 或者無XO 醬($57) o既版本，因為有人唔食辣，所以叫o左後者。蘸上黃油o既飯粒被炒至較乾身，仲有魚肉同元貝肉等海鮮碎夾雜o左o係入面。我地有人有叫粥不過我無食，佢叫o左個牛肉粥($29)。首先廿幾蚊o黎講都幾大兜，睇落都幾多料，同埋d 牛肉應該煲到幾腍。本來我想叫杯七喜話梅柑桔冰($21)，但阿姐話會整呢杯個師傅今日無番定無貨聽唔清楚，所以改叫o左七喜龍眼冰($21)。飲落都係

最近寒流在香港肆虐，整天都十分寒冷，但不減我對吃東西的熱情趁著這寒冷的天氣，我到了元朗的「新記煲仔雞粥」吃鍋暖暖的雞粥，為這寒風解解凍。餐牌除了粥外亦有很多小菜和小食可以選擇，都能滿足很多人的口味呢。吃粥的同時，我也點了幾款小食。這份XO醬炒蘿蔔糕是香口之選每顆蘿蔔糕都炒得微脆，糕內的蘿蔔絲增添了層次感。同時炒得鑊氣十足，XO醬的調味適中，整碟蘿蔔糕味道都夠香濃。因爲朋友愛吃黃鱔，看到餐牌上有豉椒炒黃鱔就點粥一份來嚐嚐。黃鱔的份量挺多，豉椒炒得入味，每件黃鱔都有豉椒香氣，肉質有點軟。只是吃到底部時有點小油，要在碟邊隔去油份再吃。這份手撕雞是道涼拌菜，雞絲口感挺軟，當中亦拌入酸瓜和海哲，為手撕雞增添爽脆的口感。至於醬汁微微帶酸，很醒胃呢。吃粥當然少不免點炒麵，兩者可以說是最佳拍檔呢。這份豉油皇炒麵感覺挺受歡迎，我們點單不久般就聽到店員說售罄呢。炒麵的豉油香氣挺濃，相當入味，麵條質感帶點微乾，炒得很香很好吃。這晚的主角—貴妃雞田雞粥終於出場了，平日吃粥時多是以碗盛載上桌，想不到「新記」是以煲仔飯那種煲子來把粥盛載，令到粥更加溫熱更有風味，不會很快就變冷。粥屬於綿綿的口感，米香味不錯亦不會稀

近年香港熱捧隱世小店，可惜很多都名過於實，不過新記卻係一等一嘅小店。我由讀書時期已經開始幫襯，至今都有十年，不過每逢想食雞粥我都只會諗起呢間又新街嘅小舖，而唔會諗起沙田。近日我都再次幫襯，除咗點咗必食嘅雞粥，仲有送粥一流嘅蝦腸同埋炒麵。隔了約十分鐘，已上齊菜，時間快速，但絕不馬虎。先講雞粥，粥底綿，仲要見到有啲黃色嘅雞油，視覺上已經好吸引。食落啲粥都入味，唔知道會唔會落咗些少雞精，不過都有雞嘅鮮味。同我十年前第一次食，沒有相差太遠。反而最令我有驚喜嘅係嗰碟炒麵，表面脆脆地，但係食落又唔會好乾。其實我好怕食炒麵， 因為通常都好鹹，食完又口乾，不過呢碟真係唔會，可以話係我咁多年食過嘅炒麵之中最正嘅。嗱，不過我見隔籬枱果一碟係冇我嗰一碟咁靚，所以水準未必太穩定。而碟蝦腸不過不失，用料都新鮮，味道不錯。食嘢期間見到隔籬叫乳鴿，好香，所以我最後加單叫多一隻乳鴿。新鮮即炸，要等一陣先食到，因為剛出油鑊太熱。皮脆肉嫩，味道夠濃，唔需要淮鹽都已經夠味，如果有碗白飯就實在太好。總括而言，食物質素好，性價比超高，晚餐食飽兩個人都唔使$150，今時今日去邊度搵？

又到左晚餐既時候 間唔中都想試下食粥！行開元朗 就決定食新記啦 呢間仲係元朗老字號～ 佢最出名係貴妃雞粥 當然要叫黎食下啦 由於咀痕所以再加埋豬膶  雞同豬膶份量都多 豬膶又大塊又厚唔會有好重既腥燥味粥底比較綿綢 十分重雞味 相信係重料煲出黎成碗都好香 雞塊都好嫩滑 必試推介  友人又叫左及弟粥！都係十分重料 而且份量都幾多 我地都食唔晒～  除此之外 仲叫左小食 例如海蜇生腸海蜇十分爽口 生腸份量都幾多 炸兩 蒜泥白肉  腸粉香滑 唔會太乾同太硬 油條就十分脆口用黎送粥一流～  最後仲叫左杯龍眼冰 然後就走了～ 價錢實惠又可以食到飽肚大家快D去試下啦～

天氣咁凍除咗鍾意打邊爐之外，其實我好鍾意食粥。食粥我通常幫襯小店，唔係好鍾意幫襯大財團。而家搵間小粥店真係唔易，好在元朗都有唔少， 其中一間係元朗新記，有十幾年歷史！咪睇新記舖仔細細，入面可以叫嘅菜式真係比得上一間茶餐廳！ 生滾粥，小菜，小食，炒粉麵飯應有盡有，非常厲害！天氣咁凍，梗係要食番個招牌雞粥！因為我好鍾意食豬潤，所以叫咗個貴妃雞豬潤粥$54， 另外叫多個海鮮粥$63。每盤粥份量都有四五碗仔，加埋夠哂3，4個人食。雞粥啲雞好香嫩， 海鮮粥入面有幾隻蝦又有蟹，雞粥同海鮮粥粥底好綿！呢度仲有乳鴿叫，$51 一隻，炸到皮脆肉嫩，夠哂味唔使落准鹽。整多客炸雞亦，$26有5隻，新鮮炸起熱辣辣，炸得幾靚。食飽飽加多杯熱柑桔蜜$14潤一潤。

今日同埋一家大細同埋阿媽喺元朗辦年貨，買下買下又到食飯時間，呀仔想食粥阿媽想食小炒我又想食炒粉麵，咁點好呢，諗左一陣，就元朗新記啦！午飯時間唔算多人，食物種類都好多，入到去唔使諗，整返一個豬潤雞粥，一個豬潤肉片炒米，一個海蜇生腸。。。仲有一個。。薑蔥爆田雞！全部都係即叫即整嘅！等左一陣個生滾豬潤雞粥就到左啦，用咗貴妃雞煲既，好香黃油同雞味，仲落腐竹去煲，令到粥更綿！豬潤肉片炒米，黎到嘩左一聲，料仲多過米粉！薑蔥爆田雞好少地方有得食，應該用咗有兩隻田雞，即叫即炒夠鑊氣！喺元朗嘅話梗係支持下啲小店啦！

每次入元朗都必定食呢間既無論粥品定係小食都係勁吸引標準小店格局一睇就知係臥虎藏龍既地方我就叫左個瑤柱貴妃雞粥同酥炸魷魚鬚瑤柱貴妃雞粥新記最出名就係雞粥, 而且佢仲可以雙拼今次我揀左食瑤柱貴妃雞粥, 因為我好鐘意瑤柱個隻香味一黎到就見到隻雞係粥入面若隱若現一撈起個下已經FEEL到粥底係有幾綿!!係好香既瑤柱同埋雞味雞件亦都唔係D頭頭尾尾既部份啖啖肉因為要用雞味道黎令到成個粥勁香口所以雞件味道會濃D咸D, 不過有粥餸既話都唔會覺得太咸一碗雞粥雖然唔平但係佢SIZE係超超超大, 可以夠4個人SHARE每人一碗所以可以叫一個雞粥再叫埋其他小食同FRIEND一齊SHARE酥炸魷魚鬚真料實料之選, 你地睇下條魷魚鬚幾大條但係仲KEEP到好彈牙, 呢個就係功架所在份量都算多, 邊食炸物邊食粥真係人生一大樂事

呢次同朋友到元朗食晚飯，去左又新街果間新記煲仔雞粥，我地六點鐘食飯就冇咁多人，一到七點左右就要等位了。餐牌有好多選擇見到好似樣樣都好美味，粥品種又多，我地叫左馳名海鮮粥。馳名海鮮粥：帶子好爽口，魚又好爽，蝦又大大隻爽口彈牙，蟹又好新鮮蟹肉又夠實，粥好鮮甜又夠綿，真是美味可口。脆皮乳鴿熱辣辣外脆肉嫩，又有肉汁，不用沾上椒鹽已經夠入味😋好少地方有蝦米炸兩腸粉吃，見到呢度有緊系叫一碟來試下，蝦米仔不會好硬都幾好味，腸粉皮又不會太厚幾滑溜，包住油炸鬼一起食非常美味👍👍👍炸魷魚鬚粉夠厚，魷魚又不會韌，上碟又熱辣辣。七喜龍眼冰不會太甜又有幾粒龍眼肉。鳳爪夠入味又無骨，酸酸地甜甜地辣辣地幾開胃的一個小食。

今日同友人去完大埔嘉道理農場，坐小巴岀元朗又新街覓食，見到新記突然又想食粥，又可以舒舒服服坐向門口，可以慢慢食先點份「招牌貴妃雞粥」，岀奇地粥底十分綿滑，嫩滑的雞肉，帶著少少的藥材味見到有「蝦米炸兩腸粉」，當然要試下啦，岀面食只有蝦粉腸或者得炸兩，呢間可以二合一，腸粉夠滑，油炸鬼還是脆脆的，配上蝦米一齊食，簡正少不免點一款香口小食「香脆炸大腸」，外層微脆，一咬落去肥腸向我個口內盪漾，配上酸汁一齊食份外開胃店還有其他小食、粥品，下次再試下先今晚幾個坐岀面，一路食，一路傾，份外疏乾

今天忙著收拾家中美戰，美戰到處四散，所以索性叫媽媽不好煮飯，直接去新記吃飯好了，而且我很想念這裡的熱粥，媽媽當然好，不用她煮飯。新記必吃之一一定是紅燒脆皮乳鴿，乳鴿看起來比一般店的飽滿，當第一口咬下的時候，嘴巴停不下來。乳鴿肉質鮮嫩多汁，外皮酥脆，十分過癮，至今仍回想這吮指的好滋味。熱呼呼的香脆多春魚份量滿分，香脆的外表，吃到它的魚肉之餘，還有彭湃脆脆的魚子在口中不斷滾動著，重要的是魚子真的很鮮甜富彈性，作為飯前小食很不錯。果然我們都炸物是沒有免疫力的，又吃上一碟蜆介鯪魚球。炸得金黃的蜆介鯪魚球挺大顆的，咀嚼時那真材實料的彈牙感完全征服了我們的口腹之欲，並嚐得出鯪魚原有的魚鮮味，不俗的吃。有媽媽在，怎會不吃菜，今晚我們就吃了椒絲腐乳炒通菜。椒絲腐乳興通菜相遇，就是速配的美味，只需腐乳香炒，便能讓通菜津津有味。甘醇豐厚的香氣，還有通菜的爽脆感，不一會已一掃而空。葱花和蛋都是鹹魚雞粒炒飯的基底，飯粒炒得粒粒分明 ，鹹魚碎塊襯托出飯粒帶些鹹香，加入生菜炒細緻脆口，使飯的口味又添層次。雞粒柔嫩滋味，下料大方，口口都吃得到，實在太棒，是我吃過的炒飯裡頭數一數二的好吃。我朝思暮想的貴妃雞蠔仔粥啊~

呢間粥舖係由下午開至零晨!  連lunch都冇，咁型既舖頭現今難求😊一定有佢吸引之處。另外，原來仲係元朗好多年，但唔好以為中年人先去食粥，望入去原來都有不少年青人!  全場爆滿，隔離枱話成日都係咁，好粥難求!講吓個粥先，佢其實有好多選擇，而最特別係可兩溝，溝完出黎味道好好，料非常多， 粥又綿綿! 唔怪得呢到咁受歡迎啦!  我選擇咗黃鱔皮蛋粥， 黃鱔可以補五臟, 而且身體有濕熱情況都可以食。皮蛋配黃鱔，好食又養生。三款小食精選：豬大腸皮好薄，炸得好脆，大腸內又唔肥!  唔洗甜醬、 芥辣，食原味已經好好!  蜆芥鯪魚球方面，大大粒長洲魚旦咁，見到用鯪魚肉整既，又勝在蜆芥好香，一入口d酒味勁濃，又有入哂味既蜆肉仔食乳鴿新鮮炸起，又薄又脆既皮，好香口! 

論食雞粥，對面嗰間出名d,但食過味道麻麻。今次試新記實在係無得彈。款式多，味道好，又夠哂抵食！貴妃雞粥每枱都叫，一煲大概有五大件。類似鹽焗雞，配粥不錯。不過雞我覺得鹹左少少，下次會試海鮮類。粥最緊要係夠哂滾，所以特別正。另外，哩到小菜都有好多款，嚟多幾次都唔會悶。涼伴揀左海蜇生腸，雖然細細碟，但食落份量又唔算少。佢個汁做得不錯，應該加左麻油特別香，少少辣同好香蒜味，宵夜食就一流。粥店少不了腸粉。蔥花蝦米腸大大份，夠抵食。腸粉較幼，而且唔會過鞋，一啖一條。蝦米唔會太乾身夠香，蔥花又新鮮又夠多，算係做得不錯。最後唔少得招牌脆皮乳鴿，嚟新記係必食嘅。真係熱辣辣，做得比某些酒樓更要出色。外皮脆，肉質嫩，肉汁香，唔點任何調味料都夠哂味。

一年無黎姐，d粥變到好難食，溝米粉咁仲要魚粥無魚味，泥猛粥以前有完整4條，而家切件加埋先兩條，海鮮粥無鮮甜味，就咁溝落去咁。 蘿蔔糕燶哂，乳鴿不過一失。天呀，點解會咁架。

日落黃昏後，心思思晚餐要食咩！。 睇左不少人既食評後，決定一試：新記此間榮獲很多讚的食店！當日外賣左：秘制雞翼，熏蹄，手c雞，鵝腎四樣野！希望愈大，失望愈大！ 1.雞翼乾左小小，但還可接受！ 2.名為手c雞，主角好正常係佢，可惜得海蜇，0雞咁濟！其味道也被調味料所霸佔，冇左食物既味，落太多醬，個人對此麻麻！或者其他人喜愛這混醬的感覺！如要抱著正常海蜇既味道去試，結果你會係失望！ 3.腎片，切太薄，太多炸菜！ 4.蹄 應該係四樣入面最正常既味道！係普遍食開果隻！不過不失！都夠爽點既，夠凍！