家後

Open Now

Now Closed

想搵D貼地食物，黎深水埗選擇真係多的是，今晚同哈比係呢頭買完電話咭，行下行下發現呢間主打手工水餃食店原來係家庭小店式經營，裝潢平實，坐得都舒服餐牌上提供手工水餃/靚湯粉麵/小食及飲品，價錢相當街坊價由於店主太太係日本人，所以有少量日式食物，呢客係自家制家鄉飯團 ($12)，選用日本米再混入調好味嘅牛蒡及鷄肉，札實中帶點軟韌，健康推介!呢碗鮮豬大腸羹係由店員推介，係福建獨有出品，成碗羹目測材料豐富，建議加點醋一齊食主角豬大腸係選用新鮮貨，所以係每日限量㗎!  由於係新鮮豬大腸，口感帶點爽口，而且每條大腸都清洗乾淨，去左肥膏，令人食得放心!  其他配料仲有豬紅，豆腐，肉絲及木耳，一碗湯羹有幾種唔同口感，第一次食感覺有驚喜呀!有食當然有飲，呢杯凍檸茶，茶味拍得住茶餐廳出品，好岩口味!喜歡湯餃 ($35/8隻)，選擇芹菜鮮豬肉餃，湯底可自選牛骨湯/豬骨湯/是日例湯，今晚例湯係赤小豆湯，唔好講笑，真係似阿媽煲果D味，清甜唔肥膩，真係有家的味道!餃子皮薄又滑，每隻都飽滿，咬入去啖啖餡料，唯芹菜味道唔太出，加點自家製嘅香辣菜甫，帶點惹味又能增加口感食左湯餃，又點可以唔叫埋煎餃呀?!  可以雙拼 ($

成日覺得住係深水埗既人好幸福，雖然人比較多，但係都有好多野食，而且價錢親民，好多小店都帶有夢想，以及一點點人情味！今日就同老公誤打誤撞咁入左一間小店，叫家後！老闆非常健談，上facebook睇到家後既意思原來係代表賢內助，或者係為左稱讚老婆而改呢個名？十分浪漫！雖然係小店，但係坐位非常舒適，唔會太迫，仲有電視睇！當然，如果電視係播RTHK32或viu我會更開心🙈 食物價錢十分大眾化，選擇唔算多，但係貴精不貴多！每款食物都感受到老闆既用心同誠意，價錢平，但係質素高首先推介必食既煎餃！好食到一向見飽就收既老公都要encore!仲要一次過食哂4隻洋蔥豬肉煎餃，搞到我要第二round先食到🤦‍♀️餃子皮薄多汁，外皮煎到脆卜卜，餡料又唔會過多！而味道適中，唔會太咸或太淡！我食過洋蔥豬肉、韭菜同雲耳椰菜3隻煎餃後，最鐘意都係韭菜餃，非常香口！不過老公就鐘意洋蔥豬肉，因為係用紫洋蔥，好香好甜！每個人口味都唔同，真係要試匀哂先揀到最岩自己心水既！之後仲叫左牛雜麵，牛雜入味，肉質鮮嫩最特別係可以選擇波菜麵，唔係到到都可以食，比較特別！之後有好好好吸晴既鹵水拼盤作為蛋控既我，見到咁靚既溫泉蛋，真係好驚喜咁樣

餃子鋪去得多，餃子我也食得多，今日來到深水埗的家後食餃子，真係令我分外驚喜，我想講既係，呢間餃子可以係我食過的餃子鋪最好吃的一間。家後鋪面唔算大，也不是在大街，但裡面坐得都算舒服，見到好多人特登來食餃子，皆因餃子種類多，湯餃的湯更是新鮮的湯。餃子肉餡有豬肉河雞肉，我選了芫荽豬肉餃和菠菜豬肉餃，我唔食形容餃子的味道，因為就是好新鮮食材，同埋入口可以感覺到皮薄餡靚，菜有菜味，肉有肉味，而且湯餃的湯我選擇了牛骨湯，真係好有水準的湯，味道剛剛好，我選的這碗餃子，一碗有8粒大大餃子同湯，都唔洗$40，真係平民價得來高水準。店裡是老闆和一些老員工坐鎮，都是好有禮貌的老人家，我是強烈推薦這家餃子店，真的抵食好食。👍🏻👍🏻👍🏻

由於實在太多人都話佢好好食啦！貝兒上星期終於都試左啦😍呢間家俊呢⋯⋯呀不！係家後！雖然都係基隆街，但位置上有啲遠所以我之前一直唔發現佢🙈·😍煎餃8隻🥟HKD38韭菜鮮豬肉餃 拼 香菇粟米雞肉餃通常試新野我都係叫雙拼，可以試兩種味🤩其實我次次都係試最傳統既韭菜同我最中意食既塞米🤣·餃子大小適中，都係果句！唔好拎餃子屋出黎比較🙃餡料唔會攪到爛容容痴埋一舊，可以食到本身味道！亦唔算重口味，起碼我唔洗瘋狂飲水🤣炸得黃金靚仔唔燶，不過佢個辣菜甫就真係無餃子屋咁正啦（比較油膩）·🌝凍飲+$3唔洗解釋！識飲一定係飲凍檸水架啦香港人😆·🤩秘制炸雞翼HKD25/4隻🤤呢個小食反而我想特別介紹下生炸雞翼！唔係上左厚妝炸粉果啲😍👍🏻炸得超靚仔！塊皮香脆、肉質嫩滑同好juicy!而且炸之前處理左，輕輕剪開左兩半，熟透之前亦好方便食🥰真心！雞翼超讚呀❤️

朋友特意介紹我如果到深水埗，一定要試試這間"家後"，他說餐廳除了出品高外，還特別有家的感覺，所以今日我就去一嚐他們家的味道。看看餐牌，有靚湯粉麵、有小食和招牌的手工水餃。餃子口味多達八種，真的眼寬肚窄，我最後揀左韭菜鮮豬肉和雲耳椰菜鮮豬肉；十分有心的老闆親自招呼熱情健談，他說他不斷改良煎餃的方式，最後更悟出一套特有的方式，才有現在的水準。餃子夠大隻餡多飽滿，表面煎得金黃香脆，咬開餡料Juicy又飽滿，真的很不錯。牛雜麵 上海幼麵 $39 跟餐凍飲 +$2我還選了招牌的牛雜麵試試，可配牛骨或豬骨湯底，當中有牛腩、牛肚、牛筋、牛𦟌，整體都十分入味，牛味香濃，配菜有腍甜蘿蔔，上海麵質感煙韌幼滑，好食又抵食。看見餐牌這個鹵水拼盤十分吸引，同朋友一齊Share就最啱，包括有鹵水雞翼、鹵水雞翼尖、鹵水豬大腸、鹵水雞腎和流心蛋。酥脆豬肉丸外脆內Juicy，十分嫩滑，一食停不了。老闆太太是日本人的關係，所以有不少日本家庭限定出品，這是自家制飯團，很特別，用上牛蒡和雞肉做的，味道口感都不錯，在其他地方一定食唔到。餐廳新品，剛好最後一瓶了，當然要留低佢比我啦。奶味香濃質感滑溜，甜度適中，很滿足。

上次同住晌深水埗嘅街坊老友去到耀東街嘅大牌檔食飯，話題自不然講開深水埗嘅變化，亦離不開啲飲飲食食嘅內容。呢一區就特別多小店，而且，好多仲喺好個性化，就好似今晚同住晌附近嘅老友所到訪嘅「家後」咁，就喺主打餃子同麵食嘅小店嚟。小店位處基隆街，但仲要喺南昌街向太子方向一側，呢一邊向來都喺布疋行多過乜，一入夜就比較靜，所以，目測所見，小店嘅主客群都喺街坊多。而既然叫得小店，環境就唔太大，簡簡單單嘅裝修，牆上貼咗好多推介食物及食物相，感覺好街坊。而主餐牌，就喺一張A4紙底面兩頁睇晒，一版印住店家主打嘅餃子，口味多達8款，款款嘅配搭都有特色，可選淨餃、煎餃或湯餃，甚至配麵條都得，最貼心喺連湯底都有得揀，加少少錢仲可配埋冷熱飲品添。反轉另一版就喺靚湯粉麵，以車仔麵形式做法，起錶價都喺$28，同樣可以加配冷熱飲品。此外，仲有唔少特色小食，尤其鹵水類就比較多。飲品方面，睇見都喺大路嘢，茶記類嘅選擇。不過，偶然發現有部咖啡機，估佢唔到竟然晌呢度提供即磨咖啡，而且，都只喺賣$15杯，跟餐仲賣到$10杯添，抵過晌茶記飲杯咖啡啦。辣菜脯餐枱上擺咗少少基本調味料，如醋、豉油、辣椒油……等等，不過，就順便介紹埋店家

同朋友係深水埗買完野之後就搵地方醫肚，見到呢間餃子店既食評唔錯就決定試下嗌左雙拼煎餃，老闆推薦洋蔥鮮豬肉餃，果然好有驚喜，餡料超多洋蔥，而且好甜，豬肉鮮嫩另一款嗌左雲耳椰菜鮮豬肉餃，煎餃外皮煎得香脆，個餡依然保留到肉汁$38有8隻相當抵食！朋友就嗌左湯餃配麵，有6隻餃，煮餃更加可以睇到皮薄餡靚食餃子點少得菜餔呢！小食嗌左鹵水拼盤，有雞翼、雞腎、豬大腸、糖心蛋，整得入味唔係只得咸味另外見到每枱都點左酥脆豬肉丸，所以都嗌左試下，豬肉丸係鋪頭自家製，外面炸得好脆弱，內𥚃juicy 好有油香黎到一定要試下！

忙左成個星期終於有假放嚕🙇🏻‍♂️🤤周圍遊走既小肥當然趁放假儲足動力醫肚肚啦🐷😚適逢有朋友介紹呢間不錯吃既餃子小麵店🍜🥟🤪還掂Lunch Hour一於黎醫肚食大家至愛啦🐷🤤位於深水埗基隆街既家後🥟雖然距離地鐵站較遠🙇🏻‍♂️但從深水埗站A2出口行過黎亦算方便的🚇😆雖然環境未至於好有「家的感覺」🙈🏠但作為一家大細兼任店主店員打理既小店😆卻充斥住無限家的溫暖感覺☺️🏠而且環境簡約中無限帶出深水埗區既舊日情懷☺️甚有人情味的小店☺️🇭🇰韭菜鮮豬肉煎餃 vs 芫茜鮮豬肉煎餃(配上海幼麵)餃子到場前會先附上無味精既老火例湯☺️🍲煎餃餃子皮都算薄身之餘🥟內裡肉餡脂肪比例均勻唔會太過肥膩😆混合韭菜及豬肉既肉質都夠滑嫩Juicy及口感🤤🥟另一款加入芫茜配合既豬肉煎餃既增添蒜香風味😋🌿乃芫茜控之大愛也🌿🤤😆而以牛骨湯底配合既上海幼麵🤤🍜鹹度適中帶出微微牛香既牛骨湯配以爽口既上海幼麵🤤🍜拌以煎餃一齊食亦係Perfect Match🍜🥟😋日式炸雞炸雞沾上份量剛好既炸粉食落唔會太厚粉之餘😋炸得剛剛好唔會太過燶乾哂身☺️食落肉質都算滑嫩Juicy的😋🐔

香港人好鐘意食餃子，尤其係我地附近長沙灣、深水埗、太子一帶，真係超多餃店，個人心目中都有幾間心水。呢間喺基隆街嘅家後係其中一間會一直幫襯嘅，我仲記得第一次來係舊年年尾呢度座位就唔多，小店一間。裝修方面都好地道，以香港面貌作牆身，寫住「吃了家後餃子，夢想從這裡起航」。星期日下晝都幾多人，8成滿座，店員姐姐好好招呼，唔怪得咁多熟客。枱面上有齊醬料。呢度主打餃子，最初開嘅時候只有3款餃，而家選擇多左，包括韭菜豬肉、雲耳椰菜豬肉、香菇粟米雞肉、洋蔥豬肉、芫茜豬肉、芹菜豬肉、菠菜豬肉、白菜豬肉。可以揀淨餃、湯餃、煎餃，每份8隻，價錢係32至38蚊，湯底可以揀豬骨湯、牛骨湯或者是日例湯，跟餃子仲有優惠價配飲品，絕對係便宜又好吃。最重要係雙拼唔洗加錢。除左餃子，仲有其他港式粉麵，車仔麵形式，有20幾款餸，單拼28，雙拼32，抵！小食都好多款，炸物好似雞翼、炸雞、豬肉丸等，豬手、鮮大腸羹都好受歡迎。我地share食，平時好少點煎餃，但呢度嘅煎餃可以一試，配埋自家製菜莆，正到冇朋友！煎餃揀左香菇粟米豬肉餃同菠菜豬肉餃，餃子皮薄餡靚係事實，新鮮即包，外層煎到微脆，唔會過哂火，又唔會熱氣到傻，最重要係kee

今日行經深水埗，見到這間以餃子為主的家後，價錢都是三十頭，而且雙拼都不用加錢，可以試多款不同味道的餃子。白菜鮮豬肉餃拼韮菜鮮豬肉餃配粉葛赤小豆湯湯餃有牛骨、豬骨及粉葛湯選擇，我這個湯怪一定揀湯啦！餃子皮薄不易穿，每隻都脹卜卜，韮菜味道較白菜濃郁，兩者都充滿肉汁，食得豬肉的鮮味，粉葛湯更是有阿媽煲湯的味道，湯甜無味精，絕對有驚喜。煎雲耳椰菜鮮豬肉餃拼洋葱鮮豬肉餃及煎芹菜鮮豬肉餃拼菠菜鮮豬肉餃煎餃外皮又薄又脆，入口聽到「卜卜」聲，咬開後裏面爆汁，每隻有豐富湯汁，芹菜及洋葱味道就比較濃香，菠菜最juicy，各有各滋味。鮮豬大腸羹有點似台灣的柯仔麵線，不過就無味精，食完都唔覺口飲，大腸比較有咬口，口感勁佳，有些豆腐、豬紅及木耳，絕對是必試之一。

一向都喜歡支持小店，最近便於深水埗發現一間家庭式的手工餃子店 - 家後。小店主打手工水餃，另有些麵食小食，價錢也算親民。湯餃配麵 $38/6隻粉麵自選，而湯底可以選擇牛骨湯、豬骨湯或是日例湯，像這天便是粉葛赤小豆。沒試過會這樣配搭，但原來很不錯，湯夠足料，夠味但味道不鹹無味精feel 。餃子可以選雙拼，我要了香菇粟米雞肉餃和芹菜鮮豬肉餃，餃子皮薄餡料足，香菇粟米雞肉餃夠香甜，芹菜鮮豬肉餃滿滿芹菜香，而且兩款肉調味和肉的肥瘦也恰到好處，不會太鹹太油，感覺較健康。他家的這個秘製辣菜甫也真夠香辣惹味。鹵水拼盤 $39沒想到鹵拼的蛋會是溏心蛋，可能是因為老闆娘是日本人，整體鹵得頗入味，但不會太鹹，特別喜歡雞腎，口感爽脆好咬。煎餃 $38/8隻 (加餃$5/隻）煎餃一樣可以雙拼，而且點一份可加$5/隻點其他味，可以一次試多幾款，滿足了三心兩意，每款也想試的我。第一輪先點了韮菜鮮豬肉餃和芹菜鮮豬肉餃，再加了2隻洋蔥鮮豬肉餃。第二轉則翻點了洋蔥鮮豬肉餃和菠菜鮮豬肉餃。韮菜鮮豬肉餃(左上)入口啖啖韮菜香，吃完口裡留香，很喜歡。雲耳椰菜鮮豬肉餃(右上) 口感帶爽，味道帶淡淡椰菜的甜，口感豐富。洋蔥鮮豬肉

原本之前有幫襯開太子嘅人氣餃子店， 但係而家嘅質素大不如前，而家餃子居然係一排一排咁煎，並唔係一隻一隻咁煎，又淋又吾脆，所以已經好耐冇食餃子，今次純粹係路經，但卻十分驚喜雖然望落無咩特別，但往往令你意想不到豬大腸好入味，好淋好軟日式炸雞，八卦之下問原來老闆娘係日本人所以加設有日式小食，質素俾日本店好炸得好脆好香口呢隻煎餃子十星推介洋蔥煎餃子，每一隻餃子獨立煎兩面都脆又吾燶入面多肉汁而且用洋蔥口感十分爽及香味濃郁，係今晚既重點云耳椰菜餃芹菜豬肉餃湯底係用粉葛赤小豆湯超正，湯無落味精又夠料芹菜搞云耳餃好爽口日式飯團，很日式家的感覺凍飲只加$3 ，好平今晚真係又平又好食，完全意料之外，十個讚

經過朋友極力介紹我哋呢間餃子店，店舖竟然位於深水埗買布的一條街裏面！佢就係樹立喺中間位置，對於我泊車來講就好方便拍街就得啦！店舖細細簡單裝修，加埋佢哋個名，相信都係埋家的味道！朋友介紹得一定冇錯㗎啦！餃子店當然一定係要是佢哋主打嘅餃子啦，他們都有差唔多成七八款餃子選擇，湯餃煎餃！淨餸或配麵食都可以有套餐！今次我就試咗3款餃子，餃子都係大大粒夠份量白菜豬肉湯餃，味道較為清甜，湯底可以選擇豬骨湯牛骨湯同埋是日例湯！今次就揀咗是日例湯，冬瓜薏米，味道非常之夾，而且清熱，他們真係有心思！韭菜豬肉煎餃，這個味道會比較突出， 韭菜味香，加埋煎餃出嚟嘅效果，口感味道都一流洋蔥豬肉煎餃，店員介紹！果然冇介紹錯，呢個係三個裏面最好味嘅一個！味道鮮甜！非常之香！除此之外他們亦都有牛腩牛雜粉麵選擇，我哋亦都叫咗碗牛展牛腩粉！味道也很不錯，非常入味！湯底也很清甜！搭埋佢哋嘅餃子好味！

在深水埗到處都是美食，在基隆街有一家開業7個多月的食店，名為「家後」主打餃子，還有8大款，煎及湯餃都一樣吸引。先講一下芫茜鮮豬肉餃 + 牛骨湯，餃子餡料內的芫茜很濃郁，豬肉味香甜，配上帶藥膳的牛骨湯，簡值鮮甜美味，而且餃子肥大飽滿，餃子皮滑溜厚薄適中，好味到要一口接一口，連湯都要呷乾。至於煎洋蔥鮮豬肉餃拼煎雲耳椰菜鮮豬肉餃，煎的十分香口，不算太油膩。第一次吃到洋蔥鮮豬餃，洋蔥味突出兼且帶甜，令豬肉更鮮甜味。雲耳椰菜鮮豬肉餃都不錯，配上辣味菜脯增添惹味。小吃點了酥脆炸肉丸 + 日式炸雞，平時沒有兩拼，因我要求隔離搭枱食客交換，所以才有兩粒日式炸雞。 酥炸肉丸及日式炸雞是即叫即造的，全由手工打造，需耐心等待，味道都不過不失，不妨一試。餐廳裝修簡約，食物質素又新鮮，價錢實惠，CP值很高，以後來深水埗又多一間食店選擇。

聽朋友介紹話呢間餃子店非常好食，同同學放學之後就決定嚟試吓係唔係真係好似佢咁講咁好食，食完之後得出一個結論係，我一定會再返嚟食。講到明係小店就絕對唔會有一啲好高級同埋華麗嘅裝修，但係呢度有嘅係一份親切同埋住家嘅味道。坐低冇耐老細主動出嚟同我地介紹有咩主牌菜，食嘅途中亦都有出嚟問吓我哋意見同埋傾吓計，呢樣絕對唔會係連鎖店之中搵到。我同朋友兩個人叫咗韭菜豬肉餃，椰菜豬肉餃，洋蔥豬肉餃，芫荽豬肉餃，芹菜豬肉餃，同埋白菜豬肉餃六款餃子。另外仲叫咗一份炸雞翼同埋一份炸小雲吞。六款餃子我同朋友選擇咗湯餃同埋煎餃兩種食法。湯餃個湯底係粉葛湯，完全係冇落味精而且非常足料，飲落的確有一份好似屋企嘅味道。呢個湯底配埋餃子係出乎意料地夾。再講下六款餃子，全部煎餃都保留左好多汁係入邊。老闆解釋過，話因為搞只會用高溫佢封煎，咁就做到保留汁嘅效果，所以出到嚟每隻餃子都會好似雞泡魚咁脹卜卜。另外亦都有解釋，碟上嘅並唔係油，而係餃子可能穿咗流出嚟嘅湯汁，而我同朋友食落都唔覺餃子係屬於油膩。每款餃子都有佢哋特別嘅地方，個人來講幾鍾意食洋蔥豬肉餃，一嚟未試過用洋蔥做餡嘅餃子，二來洋蔥嘅味道原來配埋豬肉做餃子係幾夾。另外芫