家後

Open Now

Now Closed

🍴《家後》I▪️🅘🅝🅣🅡🅞🥟入到鋪頭真的有家的感覺❗️而每隻餃子都係人手包出嚟架❗️上枱後傳來香噴噴嘅味道❗️新鮮出爐嘅同人手製作嘅味道係唔同啲～超juicy😋重點重點❣️聽聞呢間鋪嘅一款甜品好出名，其實為咗呢樣野而慕名而來❗️就係日式手作芝士蛋糕喇❗️呢度嘅甜品係出至一位日本太太嘅手藝❗️蛋糕真係好creamy 仲入口即溶添❤️家後❤️我會再嚟食蛋糕架🤣I▪️🅟🅡🅘🅒🅔雲耳椰菜豬肉煎餃🔹HKD 40日式手作芝士蛋糕🔹HKD 20I▪️🅐🅓🅓🅡🅔🅢🅢📌深水埗 📍 基隆街211號地舖

見到介紹 大家都去試老闆說未試過排長龍好開心為了這個芝士蛋糕 值得一去個蛋糕係仲有baked 過 口感好正🥰🥰真心好好食水餃配粉葛湯 好健康 😚##家後 #深水埗 #食事記録 #foodshare

今日下午去左“家後”買左2個餐,韭菜湯餃 及 粟米雞湯餃，再加2杯即磨咖啡，原來佢碗湯底仲係粉葛赤小豆，好味…食完之後跟老公商議，要回轉頭再去買左“韭菜，洋蔥豬，芹菜豬，芫茜豬生餃/合共110隻，再買左芝士蛋糕，焦糖布甸…太好味喇…下次一定會再去食

深水埗出名食野買野價錢貼地，朋友介紹我黎哩度食美味的餃子，位置雖然有點隱閉，唔係朋友帶路真係未必搵到，一踏入餐館內，見到位笑容滿面的姨姨跟我們打招呼，叫我們隨便坐，店內的裝潢帶點懷舊情懷，感覺如置身屋企一樣輕鬆，坐低後睇一睇只有兩面的簡單餐紙後，發現當中暗藏不少美食，朋友睇到其中一個鮮大腸羹就話好想食，這裡出名的餃子當然都要叫啦，我叫左波菜豬肉同最受歡迎的-雲耳椰菜豬肉哩兩款餃子，湯底都有三款選擇，我點左是日例湯-薏米煲冬瓜湯底，聽落配搭好似怪怪地，但網上食評大部份都推薦，即管放膽品嚐一下，我無叫麵底，反而叫多左個住家飯糰。朋友就揀咗個芫茜豬肉餃配波菜麵，另外再加多個麻辣豬肚。飲品加配$5蚊就有，我同朋友叫左兩杯凍檸賓一路聊天一路等食，過左一陣，店員捧著熱騰騰的鮮大腸羹放下，眼看都好多食材係當中，香噴噴，一於畢朋友兩羹黎品嚐下先，裡面有豆腐、木耳絲、豬紅，肉絲、薑絲，當然唔少得大腸主角啦～飲兩口巳經停唔到口，大腸帶點煙韌、切得幼細，雖然都食到少少蘇味，但係胡椒粉與其它食材配搭之下提升美味口感，飲完湯，主食餃子登場，餃子咬落餡料新鮮，食得出是自家製作的感覺，飲一口個住家湯薏米煲冬瓜，同我

本身好鐘意食餃子, 近年開左好多餃子所以周圍去食!見到呢間地道小店近排好HIT, 住係附近梗係去試下!叫左1份湯餃1份煎餃, 湯既芫茜餃皮薄餡靚, 皮唔太厚但有彈性, 芫茜又香, 湯仲可以揀老火湯!!不過更加推介煎既洋蔥餃, 煎餃脆皮入面又JUICY, 洋蔥味超勁, 煎完更香口!加套餐只係15蚊, 可以配麵/雞翼/飯團, 仲有野飲, 抵加!另外叫左D 小食, 不過必叫係芝士蛋糕!!!係老細既日本老婆整架哈哈! (老細自己SELL)入口CREAMY又唔會實的的, 簡單而好吃!

又出動去食餃子，今次去左深水埗呢間家後試下😋😋😋————————🔸洋蔥豬肉餃 (煎餃) $40/8隻睇佢哋嘅IG story話一定要叫洋蔥煎餃，所以就叫咗。煎餃嘅皮好薄，咬開原來入面係紫洋蔥，好甜好juicy，點埋菜脯仲正！不過如果少啲油就Perfect啦。評分：🌕🌕🌕🌕🌖-🔸芫茜豬肉餃 (湯餃) $36/8隻皮繼續好薄，一咬落去嗰陣芫荽味真係湧出嚟🤩🤩🤩🤩勁香！我未食過芫荽味咁香嘅水餃，d豬肉又好juicy，真係好好食！個湯係粉葛湯，好有老火湯既感覺，冇味精，輕鬆飲哂🥰🥰評分：🌕🌕🌕🌕🌕-🔸日式炸雞 (4件) $25啲雞好嫩滑，炸皮又脆又薄，仲要好乾爽冇咩油！評分：🌕🌕🌕🌕🌘-🔸日式住家飯糰 $15好好食呀😍😍d米係珍珠米所以大大粒，撈埋啲好似梅菜嘅醃菜，鹹鹹甜甜咁好好食😆😆評分：🌕🌕🌕🌕🌗-🔸自家製日式手作芝士蛋糕 $20聽到老闆同啲客講話芝士蛋糕一定要試， 所以都叫左個黎食。本身已經好飽，但冇後悔叫左😍😍蛋糕軟綿綿咁，但好香嘅芝士味，又唔算太甜！評分：🌕🌕🌕🌕🌖-老闆走黎同我地傾計，叫我哋食嘢先唔好影住，又極力推介洋蔥煎餃🤣🤣食得好開心，一定會再黎！

今日男朋友揸開車去深水埗，本身想試新開cafe 點知太多人，所以去左隔離有間食餃子既小店，個日星期日下午三點左右，門口都多人排，大約等左15min 終於有位！呢間主打食餃子，所以要左韮菜豬肉煎餃同椰菜云耳湯餃，兩種餃子都好皮薄餡靚，一啲都唔會好厚麵粉，由於皮薄所以食落唔會油膩！湯餃既湯听老細講係會轉老火湯，今期係蓮藕雞腳，所以次次唔同保持新鮮感，真係好有心！個豬手真係大推，炆得好入味好淋，充滿骨膠原！ 仲試左個小食麻辣雞翼，嗜辣者唔好錯過，絕對可以滿足辣既慾望！個日式飯團都好食，即叫即整，保證絕對新鮮！我地仲叫左個脆炸肉丸，一碟都有好足份量！個老闆都好好人，會問返我地意見。食到飽飽，點都要食埋佢地自家製甜品，有呢期大熱既西班牙芝士蛋糕，好好食！都只係$20 拍得住岀面cafe味道，同北海道焦糖燉蛋，老闆話係佢老婆整，真係好有心既小店，一定會再幫襯！

今日落大雨，無乜心情，想食輕食，見到又有餃子又有甜品，兩樣嘢都岩我口味，就沖入去食🤘🏻🤘🏻🤘🏻🥟湯餃($36/8隻)我揀左雙併(+$2)雲耳椰菜豬肉餃+韭菜豬肉餃🤩韭菜嘅味會濃啲，而且多菜少肉~椰菜清甜爽口，如果雲耳再多啲會更好！湯餃嘅湯底並非清湯，應該係葛湯，健脾去濕，岩曬今日下雨天飲🤣🤣🤣另外，仲有啲惹味少少辣，似炸菜的小食，夾住啲餃子食，又係另一種嘅新食法🤩🤩🤩我再加左日式飯團🍙($15套餐 ，仲包一杯涷/熱飲品)佢地用日本米加入牛蒡同雞肉，同甜甜的醬汁，迷你版，可愛又健康~.🥟煎餃（$40/8隻）洋蔥豬肉餃+香菇粟米雞肉餃😋要讚下煎得金黃色，外層脆卜卜，裏耐係肉汁，不是平時急凍餃子裏面啲稀曬嘅汁，好有鮮甜！個人認為洋蔥用咗紫洋蔥幾特別，本身我不喜歡食洋蔥，食落都覺得好好味，因為好清甜，而且好有口感。另一隻餃子，粟米🌽蓋過咗啲香菇嘅味，如果啲香菇整大粒少少，可能會好啲^^.🐥秘製炸雞翼（$25/4隻)有啲似南乳雞翼，全部好大隻，好入味！除咗外層有醃料嘅味，裏面嘅雞肉都有！！🐔甜品由日日本師傅製作，真係做得好滋味!.🧀非常推薦大家食日式手作芝士蛋糕！內層好似有層cream咁！好滑溜

日本嘢平時就食得多，嚟得深水埗，都想食返啲實惠又貼地嘅晚餐，勢估唔到日本嘢都可以好平民好住家feel港式飲品少不了，檸茶絕無揸流攤飯團平實嘅香氣撲鼻，食完有股清泉湧入成個鼻咽喉雞翼炸得勁好食，但講唔出咩原因，因為佢話秘製嘛滷水雞翼尖以藥材熬煮，味精好特別，溏心蛋都不遑多讓，令舌頭沾滿蛋香加$2就可以雙拼煎餃，仲有秘製菜脯，辣得嚟又醒神醒胃洋蔥餡不得了，唔揦又香口大胃認為芫荽真係好出色，用作煎餃非常適合湯餃同樣大大舊啖啖肉，非常豐富足料蓮藕湯底好飲到一滴不剩，估唔到同水餃可以match最馳名嘅芝士蛋糕賣晒，原本好失落，但食呢杯布甸，其奶香教人拍案叫絕

位於深水埗以餃子聞名既餐廳🤩，性價比高到不得了！.🥟套餐B💲47🔸洋蔥豬肉煎餃(4隻)＋芹菜豬肉煎餃(4隻) 雙拼🔸配 是日飯糰🔸熱菜蜜煎餃子即叫即煎，上菜時熱辣辣脆卜卜😍，每隻都好大粒，咬落去仲有好多湯汁添😋，好少食到咁高質既餃子💯。飯糰使用日本米，內有雞肉同牛篣絲，仲有甜甜地既日本醬油。.🍲家後鮮大腸羹💲35大大碗配料超多🤤，有大腸、豬紅、豆腐、木耳，大腸每日新鮮製造，口感爽口彈牙，咬落煙煙靭靭，唔係一般出面街林啤啤咁🤣，腸道內仲清洗得好乾淨，一啲肥膏都冇🤩。.🍛咖哩吉列魚柳飯💲42咖哩汁甜而不辣，撈飯食好正😋，吉列魚柳外皮超脆香口💯。.🥧日式手作之士蛋糕💲20店舖自家製的，質感比較柔軟，芝士味香濃。.🍮日式焦糖布甸💲20布甸入囗順滑😋，蛋味同奶味都好香濃，配埋底部既焦糖汁真係perfect 💯。————————————————味道：😋😋😋😋😋環境：✨✨✨✨✨服務：💁🏻‍♂️💁🏻‍♂️💁🏻‍♂️💁🏻‍♂️賣相：📸📸📸📸📸等待：0 mins (6:40pm)回頭率：90％📌要小心湯汁咇出黎🤣————————————————

老闆服務態度就好似響屋企咁，好似打仗咁但唔會冷落到每一位客人，基本上有求都必應。呢間餃子店芫茜豬肉餃係堅多芫茜，少肉d，好清新，皮都好薄但唔會散。湯底無味精，係赤小豆粉葛湯，唔會死咸，似響屋企飲湯36蚊8隻都唔算貴，同埋呀姐響現場即包！仲有記得食個辣菜莆，唔算辣，但好香，因為好揼本落咗櫻花蝦落去！外賣咗出名嘅日式芝士蛋糕，20蚊一件，份量算幾少，就係平時嘅6吋蛋糕開8件。芝士味濃滑，燶燶地咁有啲焦香味，無餅底令我有啲失望。我覺得似響屋企自己整好食啲。現場仲有戚風賣40蚊個..只可以話我自己都整到。By the way, 呢間店入去時因太忙，無幫我探熱..而且係睇tvb扣咗少少分

今日食依間小店係食餃子既，佢哋自己包架！款色好多，又有好多菜，所以都幾健康。我叫左煎餃，因為香口d，叫左洋蔥豬肉餃子，香菇粟米雞肉餃子，加15蚊配兩隻麻辣雞翼，同埋日式炸雞。洋蔥豬肉餃子第一次食有洋蔥嘅餃子，覺得開心嘅，因為我覺得好健康，加上佢送嘅菜甫，好好食香菇粟米雞肉餃子又係超香冬菇味，又係第一次食有雞肉做餡既餃子，感覺比豬肉健康d，冇咁肥。推介！麻辣雞翼我唔食得辣但要成日叫辣野😂😂😂但都好味既，偏辣，所以最後叫左杯咸檸7飲下日式炸雞完全估唔到！佢一間咁懷舊嘅店有咁好食既日式炸雞😋因為佢脆得黎唔乾身，肉嫩！最後叫左個自家製既綠茶芝士蛋糕同焦糖布丁！好正好飽咁走🥰🥰🥰

嚟到深水埗家後，食完之後真係好強烈推薦！不旦令我感受到濃濃的人情味，各款食物更係平靚正！無得彈！進內店舖細細，但仍然相當整潔，坐落都舒適😉簡潔清晰的餐牌🤩飲品方面不多作介紹！但都係茶底香濃，汽水夠凍牛腩飯配菜甫，牛腩固然好食，白飯夠多夠香！但重點想介紹碟菜甫，誇張啲講句人生中似乎未試過咁好味嘅！同友人點左一系列食物...炸雞翼大大隻皮夠香脆！每隻都好多汁！絕不乾身😋😋😋內臟位置一般唔難食，但卻唔係每位廚師整得好食！但呢到家後既小食真心誠意推薦！有辣有唔辣，任君選擇！牛膀雞肉飯團，餐廳職員超細心介紹每款食物，從落單到賣單都顯出細心和禮貌！我覺得係深水埗可以食到咁高質食物，咁優質嘅服務，加上價錢超值！性價比極高！Btw..最後飯糰拎左返屋企當早餐😂都係非常營養美味！餃子系列：無論湯定煎都係令我相當驚喜！特別係我相當愛湯餃！但是晚有人誠意推介必試煎餃！真係令我一試難忘！飲恨自己肚窄同埋難再外賣返去第日食，所以無再加單！如果仲可以堂食，大家一場嚟到真係值得試！超鬆脆，香口不油膩！最後介紹番芝士蛋糕，好抵食！🥰🥰🥰好高質既餐廳！一定會再幫襯！

最近成日都食外賣，感覺出邊嘅外賣味精好重，好濃味。今日想食清淡啲，所以嚟到呢間深水埗嘅小店，主打係食餃子。白菜雲耳豬肉餃有八隻，每一隻都好大好飽滿，好足料。而且個湯係蓮藕蘿蔔煲豬骨，並唔係出邊食嘅味精湯。清清淡淡，非常之似屋企整嘅味道，健康又好味。滷水豬手，炆得好冧，幾入味，唔會好咸，好Q彈，食完好似補充左好多骨膠原咁。仲有自家製嘅抹茶味巴斯克燒焦芝士蛋糕，唔會太甜，抹茶味都幾濃郁，口感唔錯。朋友叫咗個車仔麵，賣相都唔錯。

難得有個空閒既開心星期五🥳黎行陣街同朋友Encore下日式住家餃子小店啦☺️雲耳椰菜豬肉煎餃 vs 洋蔥豬肉煎餃即叫即煎既生煎自家餃子🥟😝餃子皮夠薄身而難得唔會易穿之餘🥟先係加以雲耳同椰菜既組合😝爽口彈牙既雲耳粒以及椰菜😋🥬以半肥瘦豬肉拌餡亦十分搭配之餘🤤🐷🥟而混合洋蔥既豬肉煎餃更帶出微微洋蔥甜香🤤🧅少油煎煮食唔會食到咀油淋淋亦要一讚😆🥟是日住家飯團家味濃既日系住家飯團🍙☺️以炸菜同肉碎絕佳既組合😝手捧暖笠笠食滋味又窩心☺️🍙日式炸雞一份四件兩人分剛剛好😜🐔即叫即炸外脆內嫩一啲都唔厚粉既日式炸雞🤤咬一口啖啖肉汁滲出超級滋味🥳🍗邪惡啲Encore多份都無問題😋😈🍗自家手作芝士蛋糕 vs 抹茶芝士蛋糕同樣自家手作味道☺️👩🏻‍🍳不一樣口感風味☺️🍰啖啖乳酪芝奶香絕佳味覺🤤造出甜不膩既味覺口感食落更為輕盈啲之餘😝新品抹茶風味🤤🍵茶味更出而唔會蓋過蛋糕體既乳酪芝香🍰😋雙重味覺享受呢☺️🍰