家後

Open Now

Now Closed

最近成日都食外賣，感覺出邊嘅外賣味精好重，好濃味。今日想食清淡啲，所以嚟到呢間深水埗嘅小店，主打係食餃子。白菜雲耳豬肉餃有八隻，每一隻都好大好飽滿，好足料。而且個湯係蓮藕蘿蔔煲豬骨，並唔係出邊食嘅味精湯。清清淡淡，非常之似屋企整嘅味道，健康又好味。滷水豬手，炆得好冧，幾入味，唔會好咸，好Q彈，食完好似補充左好多骨膠原咁。仲有自家製嘅抹茶味巴斯克燒焦芝士蛋糕，唔會太甜，抹茶味都幾濃郁，口感唔錯。朋友叫咗個車仔麵，賣相都唔錯。