家後

Open Now

Now Closed

深水埗啲嘢食出名平又好食，今日好想食餃子，又知道深水埗有好多餃子店，見到呢間舖頭除咗餃子仲有好多唔同種類嘅嘢食，就入咗去同朋友食dinner。我哋每人叫咗一個飯團，佢用日本米整嘅，佢仲有啲梅菜係飯糰入面，好有香港屋企家常便飯既味道，fusion得好有驚喜。然後我哋叫咗個雙拼水餃，芫荽豬肉餃拼香菇雞肉粟米餃。因為我好鍾意食芫荽，所以覺得個芫荽豬肉餃勁好食，佢啲芫荽味勁重，食完兩隻都覺得唔夠。佢個餃子皮都算薄，餡又多，好推介！佢自己仲有自家制嘅菜脯，如果鍾意食辣嘅朋友加少少菜脯喺個餃子上面，會覺得好醒胃！跟住我哋再叫咗個雙拼炸餃子，佢本身已經炸得好令好金黃色，就咁食都覺得好好味，加埋XO醬落去真係好幸福！最後我哋叫咗兩個甜品結尾，分別係日式芝士蛋糕同埋焦糖布甸。朋友話芝士蛋糕好好食，我就覺得都OK 既，可能我比較鍾意食西式嘅芝士蛋糕，芝士味會重啲嗰種，反而個焦糖布甸我覺得勁好食，係做到法國creme brûlée既感覺出黎！

家後座落在南昌街另一邊、深水埗安靜的地區，特別有家庭小廚嘅感覺。聽講餐廳都係夫妻檔：甜品🍮係老婆準備、餃子🥟係老公準備。餃子🥟仲叫咗雲耳椰菜，香菇粟米煎餃😂 餃子清一色煎到係啡色金黃色，賣相靚仔👍🏻 內餡都好夠料。佢哋仲有自己炒嘅XO醬😯 加埋好野味！😋 另外不約而同，我同friend都鍾意食芫荽豬肉餃😍 如果你臭味相投，一定要試！小清新嘅感覺。配上煎餃，就可以就可以一清一濃咁食😌 日式飯團🍙真係小而精巧，內餡足夠～ 有啲小魚乾撈配日本米，握成飯團。如果唔習慣用手食，都可以擺落碗仔嗰度。就發覺，份量其實啱啱好，好似一碗飯仔咁，可以拌住餃子食🤔 唔會太濟胃甜品😍第一次見到餃子店會有甜品！必食推介係焦糖牛奶奶凍。焦糖沉係底，記得食嘅時候要匙羹插到底。真心係滑、香、味俱全。芝士蛋糕份量同埋大細作為甜品就啱啱好，因為甜度都有返咁上下，但不至於甜到漏。

餃子控又四出搵餃子食喇🤭今次試下bookmark左好耐既家後!新年個排去過一次 摸過門釘😣事隔大半年 終於試到呢度既野食喇🤤去之前睇過家後既報導 知道呢間小店家庭式咁經營 老闆負責樓面 日籍老闆娘負責甜品 老闆爸爸就負責整餃子🥟 媽媽就主要負責廚房事務~~一入到去 老闆媽媽(應該係!)就好殷勤又熱情咁招呼我地☺️作為餃子控 當然要試哂煎餃同湯餃😆本身我地想試兩款menu上有「👍🏽」既餃子 但係老闆媽媽就推介我地雙拼煎餃叫我地試下無「👍🏽」既韮菜豬肉煎餃!👇🏽雙拼煎餃 ($42/ 8隻)煎餃煎得岩岩好 金黃而唔膿👍🏽洋蔥豬肉煎餃🥟本來以為洋蔥會打碎到肉眼睇唔到咁但原來唔係 紫洋蔥🧅切成粒粒 味道好有驚喜 食得到紫洋蔥既甜味!韮菜豬肉煎餃🥟同洋蔥餃一樣juicy到不得了 一咬落去饀汁就一滴又一滴咁滴落黎! 🤤芫茜豬肉湯餃 ($36/ 8隻)芫茜餃相對少見 芫茜份量多 搭配豬肉同肉汁連麻麻地芫茜既我都覺得好食😋煎餃/ 湯餃+$15 可以轉套餐配粉麵/飯糰🍙/雞翼+冷熱飲品又或者+$5配冷熱飲品☕️本來想試下住家飯糰 但咁岩賣哂😩最後加左一個套餐跟菠菜麵菠菜麵係蛋麵既質地 彈牙!麵量好多啊~~是日

無意間發現咗呢間食餃子嘅地區小店下午4點幾到，其實都尚算多人Keep住有人排隊入嚟同買外賣餃子款式算多今次就揀咗雙拼餃子:香菇粟米雞肉餃同韭菜豬肉餃重有個套餐可以揀咁我哋就揀咗日本飯團餃子有湯餃同煎餃揀我哋就揀咗煎餃，因為想食香口啲皮脆唔厚，啲涵夠哂熱辣辣韭菜味唔算好濃，幾易入口香菇粟米雞肉餃因為有粟米喺入面，所以成隻餃都會偏甜日本飯團就無咩大特別，不過一夾就散哂，變到好似就咁食飯咁麻辣雞腎完全係低估咗佢個麻辣！食頭兩嚿都重還好，食多幾嚿就Feel到佢個辣度如果唔食得辣嘅朋友建議叫返鹵水雞腎爽口大塊最後重叫咗兩個甜品日式手作芝士蛋糕同日式焦糖布甸因為係我哋食緊嘅途中已經見到好多人叫喱個芝士蛋糕賣下賣下見得返幾件，所以都即刻叫咗先果然，咁暢銷係有佢個道理芝士味濃，蛋糕唔會太硬或者太甜同太膩重有得成個買而日式焦糖布甸就奶味重，焦糖較多

🔸湯餃 ($36/8pcs)⭐️分數: (7.6/10)湯底係佢親自煲既老火湯，今日係蓮藕湯，清甜唔油膩，可以成個湯飲哂佢。揀左雲耳椰菜豬肉餃，咬落爽口好有口感。.🔸日式住家飯糰($15)⭐️分數: (8/10)用日本米整，細細舊，好夠熱，有肉碎，牛蒡，燒汁，甜甜地，好好味！.🔸咖喱牛腩飯($42)分數: (6.3/10)牛腩得好少，蘿蔔，薯仔都煮好腍。咖喱汁唔辣，不過不失。.🔸日式手作芝士蛋糕($20)分數: (7.6/10)細細件，奶味較重，幾軟熟。.🔸即磨咖啡($10)分數: (7.5/10)估唔到佢杯咖啡又幾ok，唔苦，唔酸，唔澀。

事隔左一個禮拜又好掛住家後嘅水餃味道，見今日離開深水埗做嘢一於再嚟回味一下！今次自己一個人又想食得清淡啲所以叫咗一個湯餃洋蔥豬肉餃 (8隻)配飯團 $51佢哋啲水餃真係好大隻，係有別於其他餐廳，仲要皮薄餡靚，係名正言順嘅靚湯靚餃！今次試咗洋蔥餡味道好夾好香，而且更加帶出豬肉嘅甜，一咬落去啲汁係溢出嚟鍾意食辣嘅朋友一定要配埋佢哋自家製嘅辣菜脯更加完美！飲埋個湯，食埋個飯團真係好滿足，係會令人一而再再二三返轉頭食嘅水餃店

一向都好鍾意周圍去尋覓一啲好食嘅手工水餃，深水埗其實都幾出名餃子店好多間都做到好出名，今日一於嚟試吓呢一間同樣好多好評但係作風低調嘅家後。佢哋嘅水餃好得意除咗可以配一般嘅粉面之外仲可以配佢哋自家製嘅日式飯團，幾時同朋友叫咗一個煎餃一個水餃。韭菜煎餃 (八隻）配飯團餃子皮薄餡靚，裏面超級多韭菜咬落肉汁爆出嚟，而且佢最出色係個皮煎得好脆而且你唔會覺得佢好油膩，同朋友一日食咗四隻啱啱好個份量。飯團亦都好出色，係用咗牛蒡同雞肉整成嘅飯團，好有日本風味。豬肉椰菜湯餃 (八隻）配飯團先唔好講佢個水餃，湯底已經好出色，係粉葛靚魚嗰種味道，一啲都唔會淡茂茂係認真煲出嚟嘅湯，我係咁飲成碗飲晒！嗰間水餃同樣係皮薄餡靚，豬肉同椰菜呢一個配搭一定係冇得輸，豬肉唔會好多肥肉肥瘦適中。整體呢一度所有食物都好不錯，而且飲品竟然有我好鍾意飲但係好少地方有嘅杏霜，下次一定會再返嚟試佢其他餃！

有朋友推介我黎呢間小店，一間小本經營的家庭式餃子店，餃子新鮮每日包製，配合返深水埗區，價格相宜，一盒8隻既餃子都係$36-40，都幾抵食👍🏻門前仲見到有個玻璃雪櫃，有日式焦糖布甸同埋芝士蛋糕，係一間餃子店內有呢兩款甜品都幾特別🙈.洋蔥鮮豬肉餃 $40店員比左佢地店鋪自家製香辣菜脯比我，辣味十足，唔會過碎，但有點蓋過餃子餡料既味道，豬肉餃洋蔥多肉少，口感幾香口輕盈😋脆卜卜外皮包住豐盈肉汁，整過味道不錯，食完唔會好口渴，味精唔重

家後開係深水埗基隆街，門面低調不太顯眼，裝修有點似港式粉麵店格局，設有方枱和圓枱，主打手工餃子，分左煎餃和湯餃兩款，而款式總共有8款，其中洋蔥鮮豬肉餃、芫茜豬肉餃和雲耳椰菜豬肉餃都係店長推介👍🏻除左餃子之外，仲有小食如大腸羹、鹵水雞翼、日式炸雞等，最近仲多左手作芝士蛋糕，外型都幾吸引🤣－－－－－－1. 鹵水雞翼和豬大腸 $45 7.5/10雞翼一份四隻，雞翼偏大隻同埋都幾嫩滑😋食落冇雪藏味同血水，不過鹵得唔算太入味，浸泡長一點時間會更佳，大腸比較上入味，份量都唔少2. 洋蔥鮮豬肉餃 $40 8/10餃子隻隻都煎到金黃香脆🤤餡都幾多，睇落飽滿，我鍾意加左洋蔥呢個配搭，因為洋蔥帶有甜味同埋爽脆，增加左口感，豬肉餡多汁，不過整體偏油一點

从店面看，貌不惊人，也猜不透它卖的是什么菜系。他们推荐饺子。那么我就试了煎饺子。非常好味。外皮煎得香脆，里面菜肉也新鲜。他们免费提供的辣萝卜，也非常好味。套餐有鸡翅，也算可以，但没什么特别。餐饮我要了杏仁霜，也不错。

喺深水埗四圍行，見到呢間叫做「家後」呢間小餐廳，見到係專賣手工餃子就入去幫襯。入到餐廳發現除左餃子仲有好多特別野食，以下係我同個囝食過嘅嘢。家後鮮大腸羹，聽侍應介紹係福建嘅特色食品，好有豬大腸同胡椒嘅香味，口感稠滑，食材除咗豬大腸之外，仲有豬紅、豆腐、木耳，好特別又好味。雲耳椰菜豬肉餃麵 + 日式飯團 + 凍檸檬茶，雲耳椰菜豬肉餃好新鮮，喺皮薄餡多嗰隻，食落好清新好香口，個湯都好夠味道。日式飯團，唔太大嚿，唔係好實食落好易鬆散，飯好香仲有啲菇絲。香菇粟米雞肉餃 (煎餃) 同樣係皮薄餡多，餃子煎得個皮好脆口，金黃色，香口惹味。日式芝士蛋糕，餃子店有芝士蛋糕賣已經夠奇怪，芝士蛋糕軟綿綿，夠曬芝士味，甜甜地，好味。

家後是閩南語賢內助老婆的意思 小本經營的店家特色主打手工餃 吃起來特別有閩南住家菜的味道 於區內算是有名氣的餃子店，價廉物美  餃子的款式頗多，有九款，總有一款合口味 湯餃較便宜一點，這次試一試煎餃，較為香口惹味 $40就有8隻，相當不錯的性價比 洋蔥豬肉煎餃(8隻) - $40 這配搭的煎餃較濃味道，吃起來真的特別香 用料十足，餡料滿滿的，餃子看起來圓圓的 餃子外皮煎得夠香脆 豬肉很新鮮，特別鮮味多汁 洋蔥粒帶點鮮甜，倍添爽口清脆的感覺 

早前到過此店堂食(嗰次堂食無影到相)，食過煎餃同湯餃都唔錯，反而肉丸幾特別，出面無食過呢種味。跟餃的湯底係粉葛湯有很多湯渣(應該沒有味精)。飯後甜品：芝士蛋糕叫完一件又再encore多一件。店舖環境：要讚一下，一坐底覺得環境乾淨，尤其是啲調味樽，係無痴笠笠嘅感覺架！=========================其實此帖是早前生日想不到買什麼蛋糕，想起此店的芝士蛋糕很好味，就預訂了一個(提前幾日預訂有九折)。這個應該是巴斯克乳酪芝士蛋糕，是店家自製的。店主很有心，還送了一個超高質亞加力膠生日牌，我會好好保存循環再用🙈真係好好味 😭 好香芝士味， 好實正，食一件都幾飽架 (雖然知道自己整也好容易，但係我懶丫嘛🤪)雖然地點不算就腳，但難得有好味有心的小店實在要幫襯

上網見人推介的，賣相不錯，見價錢相宜就去試試佢😂結果無令我失望！好鐘意小店的用心和真材實料，下次去開深水埗都會推介俾朋友啊🥰洋蔥豬肉餃$40（8隻）煎係我見過煎得最靚嘅餃子🙈，應該係用煎炸的方式，金黃嘅部分好平均，餃子咬落有些少肉汁。老闆見我地上左一陣都未食就提我快d食，話等多陣就吾脆架啦。老闆仲話佢地係即叫即煎的，就算係叫外賣都係會等外賣員到左先煎嘅，等到客人攞番屋企仲脆卜卜，好有誠意 啊，respect👊🏻雲耳椰菜豬肉餃$36（8隻）湯一上桌真係o左，湯餃個湯有花生，蓮藕，時菜，飲落原全係啊媽煲嘅湯😂，好難得湯餃個湯甘高質，可以全碗飲曬😚。餃子依然有水準！家後鮮大腸羹 $35本身以為是台式麵線，上枱原來係白雪雪嘅，呢到嘅大腸都吾係坊間滷大湯，而係冇經後製嘅煙韌豬大腸（我都係第一次見大腸原本個樣）。湯羹好足料，有很多豬大腸，雞絲，木耳絲，豆腐，豬紅。食到最後都仲有，重點係每日新鮮製作，好想返去再食🤣！小店好溫馨，啊姐會主動問你要吾要辣菜脯，食食吓老闆又會問你好唔好食😂，我答佢話大腸羹好好味下次要帶朋友黎，老闆竟然叫我吾好介紹呢個❗️🤔🤔😂，話真係有人食吾慣呢款（𡁻下𡁻下的豬大腸），會

間舖仔細細，但都裝修雅緻舒服，主打家的感覺既住家食物：日式住家飯團飯團最緊要方便食，但佢落咗味汁落啲飯度，攪到啲米好散，店主已經叫我用手揸住黎食，但我都食到成衫都係，因為飯太散；另外，飯團既料係炸菜同肉碎，只食到炸菜味，好唔日式囉。。。麻辣雞翼（4隻）食咗一隻先記得影相，係有4隻既，味道方面，一啲都唔麻辣，係雞翼加辣醬。。。係好辣既，不過唔係麻辣味，扣分芫茜豬肉餃（湯餃）要贊一贊佢個餃子皮，做得好煙靱又夠薄，食落會黏牙；但個餃子醎呢。。。一大陣芫茜味，豬肉得好少，所以無豬肉味，仲有少少酸；餃子我無食晒即磨咖啡我聽到廚房有咖啡機聲，所以真係即磨咖啡，飲落好有咖啡豆烘焙香味，呢個咖啡唔錯，不過無比糖客人，同埋用呢種不銹鋼杯飲咖啡，始終要扣分日本手作芝士蛋糕一上枱，好細件。。。得包紙巾咁細啊。。。心碎。。。食落ok的，蛋糕中間唔會焗到實晒，有少少流心感（無流心，係形容質地唔太實啫），芝士味唔重，食落有啲清新，蛋糕唔錯總結：蛋糕和咖啡唔錯，不過主食就差啲，坐就坐得唔係好舒服，因為係木櫈，所以坐耐pat pat會痛，唔係比人客打躉之地，但睇得出店主用心做既，所以比ok