家後

Open Now

Now Closed

這一晚放工後嚟到深水埗嘅好味餃子店：家後。☀️雙拼湯餃子首先一讚嘅係湯餃子嘅湯底係用返今日嘅例湯：木瓜湯。另外仲家有菜。香菇粟米雞肉水餃材料比較健康，香菇同埋粟米粒多令到口感更豐富。白菜豬肉餃嘅呢兩個餡料係穩陣之選，好味。☀️雙拼煎餃子我地點左洋蔥豬肉餃 加 雲耳椰菜豬肉餃，另加15蚊套餐c雞翼佢哋嘅餃子煎得好香口，外皮香脆也煙銀。洋蔥豬肉餃當中嘅洋蔥非常鮮甜！令到餃子裏面嘅肉汁都係好甜！雲耳椰菜豬肉餃中嘅雲耳好爽口，餡料足！雞翼就整得好入味☀️牛腩飯滷水料好香，牛腩好入味。另外配菜薯仔亦都好林，同樣也是吸晒滷水汁嘅味道。呢個餸送飯一流！☀️餐例湯：木瓜湯好有住家湯水嘅感覺！我好鍾意飲木瓜湯，尤其是煮林嘅木瓜加埋湯一齊食好好味！☀️提子冧酒芝士蛋糕蛋糕本身做得好濃密細滑，提子冧酒嘅味道同芝士蛋糕都好夾，仲有一粒粒嘅提子乾粒。☀️布甸布甸幼滑，另外有焦糖在底，兩者一齊放入口食好好味！☀️熱檸賓有少少寒意嘅時候飲熱檸賓，好溫暖。這小店食物味道唔錯，價錢合理，店員親切友善。下次去開深水埗會再來食

打開OpenRice見到好多人都話呢間嘅餃子做得好出色，餃子迷嘅我放工後決定去深水埗一試，去到門口已經有不少人排隊，果然名不虛傳，等左大概15分鐘之後終於有位了！呢度係主打食手工水餃🥟，全人手包製👍🏻芫茜豬肉湯餃$36/8隻蓮藕粉葛湯做湯底，好有家的味道，手工餃大大隻，好香芫荽味，芫荽迷絕對不能錯過👍🏻👍🏻麻辣雞翼$25/4 隻好夠麻味，食得好過癮，辣度又啱啱好，辣得唔會過火，最重要雞皮是爽口的，用心之作煎洋蔥豬肉餃$40/8隻煎餃簡直係呢度嘅鎮店之寶，不但煎到金黃香脆，咬入去好似食緊小籠包咁，bit 哂d湯出黎，紫洋蔥鮮甜，加醋食就別有一番風味日式炸雞$25好有日本🇯🇵感覺，炸漿唔厚身，即叫即炸，好香口，雞肉醃得好有味👍🏻日式住家飯團🍙$15使用日本🇯🇵珍珠米，餡料有牛蒡和雞肉，好味過某品牌飯團，因為佢每粒米都有用豉油醃過，食落更加入味日式開心果芝士蛋糕$20呢件蛋糕係出自老闆的日本太太的，香濃芝士再配上陣陣開心果香，質地軟硬度適中，價錢又抵食👍🏻總結：呢間小店超有水準，中日合璧，食左咁多野都唔使$200，真係好抵食，下次一定會再幫襯🙌🏻🙌🏻

深水埗一向都好多好嘢食，行行吓街見到呢間餐廳好有家嘅感覺就入去試吓，店子不大，但五臟俱全。有我最鍾意食嘅餃子，餃子款式很新穎，有很多蔬菜在考慮中，非常健康。先點了一碟煎餃子，可以自選配搭，我選了四隻椰菜雲耳豬肉水餃，和四隻粟米雞肉煎餃，煎餃外皮煎得非常之香脆，非常可口，豬肉和雞肉餡也很新鮮和很足料，看得出是新鮮豬肉和新鮮雞肉，很鮮甜，餡料也非常多，每隻餃子也很大隻，好味！另外有點了菠菜麵，綠色的菠菜麵，再加上上面的菜心，整個面非常清新，充滿了綠色的這店真fusion, i like it😋 甜品竟然是芝士蛋糕，還是開心果味， 十分特別，蛋糕中間很香軟，開心果味也非常濃郁，不但顏值高，味道也非常可口，想不到在一間中式的餃子店裏，可以做出這樣高質的西式甜品，非常讚！😋總結，煎餃很好吃，用料新鮮，會再來！

又去到深水埗搵好嘢食🤪午飯時間見到呢間小店外面好多人排隊 見到佢係食水餃嘅 等咗10分鐘就可以入去叫咗兩個套餐 第一個係椰菜豬肉餃 有八隻咁多 每隻都有半個手掌咁大 😻椰菜好甜 豬肉唔會太肥 仲有好多湯汁流出黎 個湯底都值得一讚 粟米紅蘿蔔湯唔會好似一般例湯咁重味精 另一個餐叫咗韭菜煎餃 🤩真係好足料 超多韭菜 外層濺到好香脆 裏面又唔會好乾 配埋辣菜脯好夾 兩個餐都配左雞翼做小食 滷水味香濃 香辣味就好惹味🥳仲要多咗個麻辣豬耳 豬耳厚身 有咬口又唔會太硬 麻辣味又麻又香 正呀👍

happy friday 食好東西是常識吧！好耐冇食餃子便找找有咩好推介見到openrice 呢間餃子店好多好評便來到一試七點來到仲有位可以即入叫左佢推薦的雲耳椰菜豬肉餃同芫茜豬肉餃雙拼湯餃湯原來是家常湯 好多餸飲落沒有味精 幾好味再試餃子芫茜餃好新鮮 沒有雪味 肉菜比例好雲耳椰菜豬肉餃都係好鮮味 食得出係店家新鮮包的小店經營不易 所以都出post 支持下看到其他人叫左炸雞都幾好味甘樣食完都十幾人在外面等位快快買單回家休息

係深水埗行完，經過呢個家後，決定係度食個lunch。家後呢個名都幾特別。入到去都有種好屋企feel。好local嘅餐廳。叫左個洋蔥豬肉煎餃。入邊有好甜多汁，仲熱辣辣。啱啱煎出黎，好香。咬左一啖，洋蔥香仲要好甜。加埋辣菜譜真係完美搭配！辣辣地甜甜地！屋企feel嘅餐廳，仲要係整得好味個隻。呢個有驚喜！好好食！叫埋個麻辣雞翼。少少麻辣，雞翼整得好滑。好有水份。入邊超軟滑。加埋辣辣嘅味道，好開胃。雲耳椰菜湯餃。餃子甜之餘，湯底都清甜。雲耳同野菜真係好好嘅搭配。雲耳彈牙，野菜鮮甜。好好食！炸肉丸。食完諗起細個媽咪整嘅肉丸。好多回憶返晒嚟。啱啱炸出黎，熱辣辣。一間看似普通嘅餐廳，竟然有自家製綠茶芝士蛋糕。好吸引。蛋糕質感幼滑，手工真係唔錯。甜度啱啱好，又唔會膩。值得！叫埋凍檸茶，熱檸水。好正呀！今個lunch好滿足！平，又靚，又正！！！下次再嚟！

喺深水埗呢邊做完嘢已經好肚餓，經過附近見到呢間價錢幾平嘅小店，就決定係依度晚餐☺️餐牌選擇幾多，不少都係家庭菜式，由餐廳店主和其家人即日製作，就好似舖頭名一樣，整體好有家的感覺☺️餐廳主打餃子類食物，有多款唔同嘅口味選擇，例如比較少見嘅芫荽豬肉餃同埋菠菜豬肉餃，亦可以選擇煎餃或湯餃😝菠菜豬肉餃+芫荽豬肉餃 🥟~選擇咗湯餃，湯底係是日靚湯-粉葛赤小豆湯🥰湯底好濃郁，仍然保持溫熱，散發出淡淡中湯嘅香氣，而且十分足料，附送不少湯料，就好似返屋企飲湯嘅感覺一樣😍仲附送了自製辣菜，為味蕾增添了少許刺激的感覺☺️餃子亦十分出色，Size超大，一隻餃子比一根湯勺還要大，隻隻飽滿，一啖咬落去嘗到薄薄嘅外皮包着滿滿的餡料，而且吸收晒湯底精華🥳菠菜豬肉餃包住嫩滑嘅菠菜，亦有豬肉的厚實質感☺️芫荽豬肉餃則比較重芫荽香氣，同豬肉味道相配襯☺️滷水雞翼(4隻)~雞翼啱啱滷起，仍然保持溫熱，隻隻飽滿，滷水的醬汁滲透在每一層雞肉內，咬落去感覺十分juicy，而且質感亦很嫩滑😋麻辣豬肚~豬肚份量很多，適合兩個人share，麻辣醬汁分量適中，對於平時比較少食辣嘅我都接受得到，帶來不少刺激味蕾的感覺，感覺很醒神🤣豬肚亦十分爽脆，質

深水埗真係有好多好嘢食，千祈唔好因為小店又冇乜特別豪華嘅裝修而唔去食嘢，咁樣真係會錯過好多美食㗎！呢間餃子小店就係其中一個例子，同朋友經過入去是旦食，但係啲餃子真係出色😋！雖然附近冇乜特別出色出名嘅餐廳或者商場，位置又唔係好顯眼，但係啲餃子真係正，尤其係佢啲煎餃子🥟，餃子底部煎得乾身，入口脆卜卜，但係同時間餃子入面仍然保留有應有嘅肉汁，所以食落去好好味😋👍。湯餃子都好食，餡料十足，我最鍾意嘅係洋蔥🧅餃子🥟，又甜又香，好食。最估唔到嘅係呢度餃子店有出色嘅甜品布丁同埋日式芝士蛋糕。兩樣都係佢地自家製，賣晒就冇！布丁夠凍，入口夠滑👍！日式芝士蛋糕同樣吸引！飯團🍙係梅菜飯團，創意爆燈！

喺深水埗不時都會搵到一啲又平又靚又正嘅舖頭，係而家物價咁高企嘅環境之下有呢一啲物美價廉嘅餐廳真係一件好溫暖嘅事😚😚所以今次就推介其中一間正正就係符合以上條件嘅餐廳就叫家後，個名都零瀉有意思，正正就係想提供一種屋企嘅感覺，並唔係話餐廳佈置到好似屋企咁樣而係食物雖然好常見，但點樣整到有屋企嘅溫暖就真係好考究。呢一度最出名嘅一定係餃子或者煎餃，與煎餃今次就叫咗雲耳粟米雞肉。 每1分都有八隻份量都幾多，都係講緊40幾蚊，另外再加$15就可以配套餐A或者B或者C ，一餐飽肚嘅膳食就係咁簡單又夠晒平。首先講吓煎餃，外皮真係夠晒脆而且夠乾身，但裏面嘅餡依然保持濕潤嘅狀態，呢一點真係要特別稱讚，煎餃嘅製作真係唔容易，需要有一定嘅時間控制令到個皮夠乾，但又要做到外脆內軟👍🏼👍🏼 粟米雲耳雞肉三姐都係非常之配搭，煎完之後雞肉味更加香，最好就配埋側邊嘅醬料一齊配搭咁先至令到個味道更加昇華小食方面就試吓麻辣雞翼，麻辣味夠晒後勁，頓時係會有麻嘅感覺，不過唔會維持好耐所以大可以放心試一試，但最重要嘅就係雞翼浸得唔夠耐所以先做到骨肉咬一咬就已經可以輕鬆分離，代表着雞翼已經充滿着滷水嘅味道，再加上外表嘅麻辣醬就非常夾

好容易睇錯家俊, 其實叫家後, 這間有趣的小店。深水埗最近真係開左好多小店, 而水餃店亦好間都有不同既排名。 但在我黎講, 試過深水埗既餃店, 出左名後都開始失色, 今次真係食到一間好有心既餃子店。 老闆話每日要開店前起碼3，4小時預備同包餃子開始, 已見佢地既用心。 同其他餃子店唔同, 佢既食物種類都好多。 多而好味真係好少有。 好利害, 發現佢有中, 英文餐牌。 實在有心思。我同朋友試左: 湯餃(椰菜雲耳餃(最愛)+菠菜豬肉餃(夠香)), 煎餃(洋蔥豬肉餃(竟然用紫洋蔥好甜)+韮菜豬肉餃(好好味)), 麻辣雞翼，豬手, 日式芝士蛋糕, 竟然仲有即磨咖啡。餃子夠大隻又足料, 湯餃記得要簡跟例湯, 真係屋企湯黎架。 煎既話好有趣佢只煎一面, 唔會令到d皮太硬更可保存肉汁，冇咁熱氣。 麻辣雞翼算幾大隻，麻香重辣味，夠野味。 豬手真係好大件, 豐富骨膠原, 而且真係好抵。 最最意想唔到, 佢既甜品: 芝士蛋糕真係好好味，好過出而既cafe. 老闆話都係自己每日新鮮做, 好難好大量, 所以有時一早賣晒都冇辦法。 佢話仲有唔同味可以訂造, 而9折優惠都係做到今個月, 大家真係有訂襯手啦。 當然

手工煎餃洋蔥豬肉餃拼菠菜豬肉餃煎餃新鮮即叫即煎,上枱既時候充分感受到煎餃既熱力同陣陣香味.餃子底均勻地煎成金黃色,見到粒粒受熱而膨脹既氣泡就已經感覺到會好脆.放入口一咬,係口腔間聽到清脆俐落既咔嚓聲,果然同預期中一樣,無令我失望.咬破餃子後滿滿湯汁隨住餃皮溢出,湯汁充滿肉香及蔬菜香甜既味道.尤其係洋蔥豬肉餃,甜味更為突出而且入口比普通蔬菜多左份爽脆感.手工水餃雲耳椰菜豬肉餃拼香菇粟米雞肉水餃同樣有誠意,水餃湯底唔係普通清湯底咁簡單而係新鮮煲既紅蘿蔔瓜湯.食餃子之餘又可以飲晒成碗香甜又足料既湯底.水餃皮入口順滑唔會過厚,但略微欠缺一點煙韌Q彈既口感.香菇粟米雞肉及雲耳椰菜豬肉餃同樣清新香甜,雲耳餃相對較粟米餃多份爽口感.味道就粟米餃既甜味較突出但兩者同樣美味.是日飯團以珍珠米拌以牛旁及肉末粒握成熱飯團,簡單美味.珍珠米粒粒分明充滿Q彈感,中間帶點微黏感將米粒結合起來.牛旁及肉末粒加上醬油炒香令飯團更香又唔單調.秘製炸雞翼雞翼十分厚肉而且外層炸得香脆又唔油膩.外層雞翼經自家醃製後味道充滿南乳既鹹香感.內裏雞翼咬開唔會炸得過火導致過乾,雞肉仍然嫩滑帶有肉汁.日式手作芝士蛋糕用近其好受歡迎既B

聽聞深水埗有間出名嘅街坊餃子店，餃子一流，一於同家姐去試試。 鋪內位置唔算大，簡簡單單，幾張細枱，坐得都舒服嘅。煎餃套餐係必點，事關老闆做到即叫即煎，非常有心。 洋蔥豬肉餃子，紫洋蔥配新鮮豬肉，真係冇得輸，入口充滿洋蔥及豬肉鮮味，多汁又juicy，熱辣辣，停不了口。另一款雲耳椰菜豬肉餃子，材料豐富，隻隻飽滿，爽口又脆身，百吃不厭。配有日式住家牛蒡飯糰，新鮮健康又有益，充滿日式風味，跟餐仲有一杯飲品，凍鴛鴦回味無窮。店內有車仔麵餐供應，配料有數十款之多，仲可以揀牛骨或豬骨湯底，叫咗豬紅、牛腩及鮮蝦雲吞米線試吓。 每款份量適中，豬紅有鮮味，牛腩炆得入味，雲吞內有鮮蝦及香甜豬肉，味道可口，湯底亦夠清甜，米線就略嫌煮得有點過稔。 下次可以試吓菠菜麵，應該幾好味。我地仲叫咗個麻辣豬肚，豬肚夠稔身，麻辣夠惹味，作為小食，非常討好。另外一款酥脆炸肉丸，做到酥脆甘香，但味道可以有肉味及有咬口，便更出色。仲有必食嘅日式手作芝士蛋糕，原來老闆太太係日本人，出品當然夠地道，蛋糕入口，立即感覺到嗰種超幼滑細緻質地，creamy中滲透出濃香芝士味，一試難忘，果然不負衆望。

上次食過一次 又抵食又高質 決定再encore好彩七點過到嚟嘅時候啱啱好有位 唔洗等嗌左個芫茜豬肉湯餃啲芫茜味好濃 但又唔會蓋過晒豬肉嘅香味 跟餐湯上 個木瓜雞腳湯飲落冇味精味 就好似屋企煲出黎既湯咁再叫多個南乳豬手南乳味既鹹香好夠 好啱用嚟送飯！

深水埗一向都係好多好野食，今日就黎左一間專食餃子既小店好耐冇食過餃子，見到呢間家後就俾佢吸引左入去餐廳吾算好大，不過幫襯既人都幾多，有時吾想食飯，食餃子都係好吾錯既選擇餐牌除左招牌既餃子外，仲有飯，車仔面選擇，價錢亦合理。有一重大亮點，竟然有芝士蛋糕同日式焦糖布甸食，二話不說就點左先黎小食鹵水豬大腸，一睇個顏色已經知道好入味。食一啖真係入口即化，完全吾會有油膩既感覺，鹵水既香味係口中揮之不散香菇粟米雞肉湯餃面，簡左牛骨湯底。水餃大大粒，皮薄餡靚，材料新鮮，果然不同凡響。湯底清甜，完全吾會有味精既感覺再加左個豬骨湯面，湯底十分濃郁，好香豬骨味小雲吞細細粒，一口一粒，吾使一陣已經俾我一個人ko晒又點少得煎餃呢，我叫左我最鐘意既韭菜豬肉煎餃。外皮煎到金黃色，食落脆卜卜，煎餃內充滿肉汁，韭菜吾會起渣。辣菜脯係必食，果種香辣味係會上癮終於到左甜品時間，抹茶芝士蛋糕食落勁幼滑，芝士味同奶味都好濃郁，自家制果然係吾同D, 真係食到停吾到口。焦糖布甸同樣出色，3.6牛乳製好香濃。呢兩個甜品可以俾100分呢間小店既食物，食得出都係用心制作，最驚喜既係可以食到如此高質素既甜品，下次一定會再黎幫襯

想試日式食品及煎餃子，「家後」必定係好多人的心水推介。煎餃套餐賣點係即叫即煎，材料新鮮，而且大大隻，份量十足，煎好即熱騰騰送上枱面，配埋辣味十足嘅菜譜，美味無窮好似我哋叫嘅芹菜及菠菜豬肉餃子，兩款蔬菜都非常新鮮，配合豬肉香甜鮮味，煎得香香脆脆，一般人都不能抗拒。 而且配有日式住家牛蒡飯糰健康有益，再加冷熱飲品選擇，誠意十足。日式炸雞一碟四件，薄身粉漿，就算大大件都炸得脆口，入口鬆化，又保留到雞味，值得推薦。再有秘製炸雞翼，雞翼醃得入味，炸到金黃色，色澤通透，少少辣味，回味無窮。叫左碟菜心，食下蔬菜平衡下人氣之選係每枱必點嘅日式手作芝士蛋糕，今日係抹茶味 ，睇落細細件，但係味道完全令你徹底融化，因為質地極緻幼滑，芝士抹茶味充滿地道日式風情。可惜係未能嘗到店內另一人氣甜點，日式焦糖布甸，使用北海道牛乳3.6，每日限量，惟有下次早少少去幫襯。