家後

Open Now

Now Closed

平安夜同fd想食得健康啲 就決定嚟咗呢間想食好耐既家後試下佢既餃子同埋芝士蛋糕🥰果然好好食我地兩個人叫咗一個餃子套餐 + 一份水餃兩杯野飲 + 兩件芝士蛋糕雲耳椰菜豬肉餃子 $36 8隻水餃個湯好出色 粉葛赤小豆湯 飲得出鮮甜 同埋係自己煲既唔係普通街邊味精湯韭菜豬肉餃 $40 8隻 配菜脯煎餃個皮好脆 隻隻都煎到金黃色而且每隻都好足料 香口多汁麻辣雞翼都好正 好惹味 好入味 唔會話太辣食唔入椰菜餃真係冇得輸另外我地都叫咗兩杯野飲 凍菜蜜同凍檸茶 味道ok 正常每日限量供應既芝士蛋糕真係好好好好好食第一款原味芝士蛋糕食落唔似普通食開嗰啲cheesecake 外面焦香 入面好creamy 第二款開心果味芝士蛋糕 勁濃開心果味 一食入口完全係幸福既感覺 兩款唔會太甜太膩 真係值得一試👍🏽👍🏽👍🏽而且裡面既員工服務態度好好 好友善好有人情味老闆都好好人會同我地傾兩句咁

深水埗小店林立，今日好想食餃子，就搵到呢間 ～ 家後除了餃子🥟都有好多小食👍🏻酥脆炸肉丸細細粒，夠鬆脆，不過唔覺食到肉😅日式炸雞望落去乾爭爭，但食落非常Juicy 🤤麻辣豬肚豬肚爽口，少少辣，好惹味😋是日油菜可選豉油 or 蠔油無叫走油都會自動走油👍🏻👍🏻👍🏻韭菜豬肉煎餃顏色金黃，外面脆卜卜，入面亦都爆汁暫時我食過最好食的煎餃👍🏻👍🏻👍🏻雲耳椰菜豬肉餃粉葛赤小豆老火湯底的湯餃真係第一次食🤩🤩仲要個湯底超好飲，感覺似飲緊阿媽煲的湯👍🏻👍🏻老火湯配水餃 味覺已經升華到另一個層次🤤🤤日式手作芝士蛋糕好幼滑，香濃的奶味，淡淡的芝士，唔會太甜，值得一試👍🏻👍🏻👍🏻總結 ： 我一定會再黎食下其他口味的餃子 & 小食問過店員：老火湯底2-3日會轉款，所以唔會每次一樣食嘢其間，人流不斷，所以用心做的小店，就算位置不在主流街道上，都一定有人幫襯👏🏻👏🏻👏🏻

來到深水埗取貨，順便到附近搵下食，聽講有間好出名嘅餃子店，便前去碰碰運氣。下午兩點半左右黎到，好彩唔使等位，但小店人流不斷，基本上去到四點先出現吉枱，犀利呀～坐低睇睇餐牌，食物選擇都唔少喎，有飯有麵小食甜品等，既然為餃子而來，就先試餃子好了。點了湯餃+飯團+飲品套餐，幾豐富呀。熱檸賓，酸酸甜甜有檸香。湯餃要了芫荽豬肉口味，湯底是粉葛赤小豆，味道鮮甜，無味精的住家風味，好飲呀。餃子飽滿大大隻，芫荽豬肉比例剛好，咬落充滿芫荽香，一口一隻好滿足，火速ko一碗，連湯都飲晒。再來係是日飯團，餐牌標明是用日本米，期待啊。軟綿綿的米飯真心好食，是日口味係混左漬物在其中？帶點點甜豉油的口味，很不錯，即刻想點多一個，哈哈。意猶未盡再加一份煎餃，今次揀左洋蔥豬肉餃并香菇粟米雞肉餃，即叫即煎香噴噴呀～餃子同樣爆餡，洋蔥口味香口多汁，咬落勁多豬肉汁，好正。粟米口味較清甜，雞肉雖然無汁但好滑，兩款都好好味。仲有唔少得嘅辣菜莆，鹹鹹辣辣好惹味，餃子良伴。最後但非常重要的日式手作芝士蛋糕！！見每枱客都點一份，有啲仲一入座就要留一客咁誇張，勁係要試啦～名不虛傳！！果然係必食之選，芝士蛋糕外面焦香，入面綿滑，微甜不膩，

估唔到一間小店嘅水餃可以有咁有水準❤️水餃🥟/ 煎餃 $40 8隻加$15 套餐A配麵菠菜麵 牛骨湯米線 豬骨湯個人覺得豬骨湯濃味少少好食d 上面左係芫茜豬肉餃嘩‼️呢個真係十分岀色首先所有煎餃外皮亦煎到金黃色，外面很脆，裏面軟😍一咬落去，啲汁爆岀嚟🤭(我啲汁飛到去對面朋友到)🤣真正皮薄，饀靚又飽滿個人喜愛芫茜，味道十分岀，而且加洋蔥🧅口感層次昇華🤩十分岀色配搭.下面右係韭菜豬肉餃一樣係重口味之選😍可以加$2雙拼一試每個餃子亦配菜莆，偏少辣🌶口感爽口左面是香菇粟米豬肉餃🌽加入雲耳，菜粟米增加口感層次.右面是雲耳椰菜豬肉餃加入紫洋蔥🧅令味道更鮮甜小食類亦要大讚👍🏻🤩淨豬手，十分冧麻辣雞翼麻得過癮又惹味日式炸雞🍗可加七味粉最後小店都有甜品🍮日式芝士蛋糕🍰 以上是提子冧酒味🤤還有原味/開心果/綠茶🍵蛋糕口感十分滑而不膩😋🤟🏻

深水埗開了一間食店，名叫「家後」，食物都帶點家常菜的味道，好有親切感。家常便飯就係媽媽有信心煮得好味嘅就會煮出嚟俾屋企人食嘅菜式，所以家後呢度亦如是，有餃子、車仔麵、小食、仲有日式飯團同甜品，沒有什麼太集中嘅主題，但每一份都係用心之作。先來一杯鹹檸七，跟餐加$12，價錢合理，仲有大大粒鹹柑桔喺入邊，保證夠味道。日式飯團用上日本珍珠米，粒粒煙韌彈牙，而佢係日式牛肉飯嘅味道，仲加入一啲牛蒡絲，鹹味適中，簡單好味又健康。麻辣雞腎份量好多，感覺好似夾極都仲有咁，雞腎夠爽口，麻辣味道我覺得OK，但如果唔食得辣嘅朋友，就會覺得比較辣啲啲！雞翼叫咗兩款，分別係滷水雞翼同秘製炸雞翼，個人就覺得炸雞翼當然係香口好味好多啦！但佢嘅滷水雞翼都係味道適中，而且火候啱啱好，雞翼嘅肉質仍然保持嫩滑，所以各有千秋啦！家後嘅鎮店之寶就一定係佢嘅餃子，除咗有一般比較常見嘅椰菜餃、白菜餃之外，佢仲有比較特別嘅芫茜餃同埋洋蔥餃。我本人就好愛芫茜嘅味道，所以就一定覺得好食，而最驚喜嘅係連我個唔鍾意食芫茜嘅朋友都覺得好好味，因為熟咗嘅芫茜加埋豬肉嘅肉汁充滿整隻餃子，配合煎得香脆嘅餃子皮，真係有回甘嘅效果！另外店員仲特別推介佢哋

香港開得愈來愈多餃子店，但好食唔hea做既真係少，好多都好似屋企水煮即食雪藏餃子咁，咁我不如自己煮啦。但今日食呢間餃子店，真係impress到我！位於深水埗既「家後」，見到都唔少街坊黎捧場。呢到主打手工水餃，一場黎到緊係要試下！主角煎餃子，煎到金黃，好均勻完全無燶，而且佢係特登只煎一邊至脆身，另一邊保持軟身，咁做法食落一黎有脆卜卜口感，又唔會好dry食落好熱氣食到個口損，真係好細心，好出色！餃子跟餐有湯麵，亦係唔多餐廳會有既菠菜麵。炸雲吞又係細細個成日食，好掛住佢陣味，今日係到搵到，炸到好脆，細細粒一啖一件，好好食。我覺得如果重少少鹼水味仲正！炸雞大大粒，入面嫩滑多汁，唔會好硬，配上泰色辣雞醬一流！滷水大腸好入味，洗得好乾淨，而且唔會話好肥食落成口油同脂肪，唔錯。麻辣雞翼，辣味不太重，唔食得辣既人都食到，而且食後勁好出，成個嘴唇都麻麻地，唔會辣多過麻。芝士蛋糕好出色！面頭燒到金黃，下面依照保持到白雪雪，賣相非常好。蛋糕超級重芝士味，本身食完餃子都好飽，但估唔到呢個蛋糕繼續令我忍唔到口！推廌！

家後D餃子主要賣點有家嘅感覺，每款餃子都真材實料，蔬菜配料肉類都係非常新鮮，所以無需太重調味料，食出原味道，俾最好嘅食物俾家人食就係呢種味。雲耳椰菜豬肉餃，湯餃$36 /8隻，餃好食就更㗎啦，個湯底同樣係主角，因為用嘅係愛心無味精老火靚湯，秋冬呢個時候飲更加潤肺養顏。洋蔥豬肉餃，煎餃40 / 8隻，極其喜歡佢哋嘅煎餃，餃皮薄煎得香脆，咬落有肉汁，一隻一隻係咁食唔想停🤤。韭菜豬肉餃，煎餃40 / 8隻，煎餃最鍾意叫洋蔥豬肉同埋韭菜豬肉，因為香口嘢味，啱晒我🤩上湯紹菜，呢隻湯底又唔同湯餃嘅湯底，豬骨味濃D，同紹菜好夾。日式手作芝士蛋糕，$20件，甜品必食，尤其日式焦糖布甸$20，但係好快哂，見我無post相就知前晚我食唔到啦⋯⋯😭冧酒提子芝士蛋糕，$30件，好食，喜歡D提子，係佢哋自己用酒浸製而成👍🏼疫情關係又無夜晚堂食啦，好彩有外賣，或者買生餃子返屋企煮、煎、烚、炸⋯⋯💕

早兩個禮拜嚟食完之後就一路都好掛住呢度嘅餃子，所以忍唔住再返嚟食。今次就淨係介紹一啲上次冇食到嘅菜式。叫咗呢個炸小雲吞（$20/8件），就比較一般，餡料唔係好多，所以食落去感覺比較熱氣，但係之前食過佢嘅炸雞就比較出色。佢嘅芫茜豬肉餃係真係好好好好食，鍾意好濃郁嘅芫茜味嘅朋友都一定唔可以錯過！今次專登試吓唔常見嘅洋蔥豬肉餃，洋蔥味係好濃嘅，做餃子嘅餡料都幾夾，但係始終都係鍾意食返傳統綠色菜嘅餃。最後要一讚嘅係佢嘅日式芝士蛋糕，做得芝士味好濃好軟滑。之前試過佢嘅開心果味更加好食，但係價錢有少少貴要$30/1件，唔算好大件，但係都值得推介

天氣開始涼 想搵間有麵有小食既地方平平地食返餐 第一次黎家後 入面都坐滿人應該唔錯叫左招牌手工水餃 （煎） $40（轉套餐＋$15 包餐飲 & 多碗麵/飯團）可能因為手工包既 食落好新鮮好爽 洋葱又夠健康 唔會好鹹～推介！老公試左芫茜豬肉湯餃 ＋菠菜麵 湯餃幾濃味 鐘意芫茜既人可以一試 ：）另外加多左個菜 估唔到有驚喜！上湯津白係好大碗同超級足料 湯底好香好甜 有家的味道 正 ))) 食埋飯後甜品就滿足晒 估唔到呢間小店都有自家既Cheese cake 試左原味 真心唔錯喎！（老闆話原味最受歡迎 不過D街坊想試新野就最近出左 冧酒提子/抺茶芝士味）睇得出食店既用心同堅持用好食材  下次經過會再來！

今日嚟到深水埗位於基隆街嘅家後店舖唔算太大但望落都企理價錢完全係深水埗嘅價位非常之抵食食物嘅種類都算幾多，除咗餃子之外仲有小食甜品同埋飯粉面類叫咗八隻煎餃，煎餃煎得好靚，仲配埋佢哋舖頭嘅辣菜脯，如果唔食得啦千祈唔好一次過食太多因為都真係好辣韭菜豬肉餃食落去韭菜嘅味散發晒出嚟加上熱辣辣非常之好食另外叫咗個洋蔥豬肉煎餃味道亦都出奇地協調味道唔錯湯餃方面叫咗芫荽豬肉餃同雲耳椰菜豬肉餃個湯亦都係老火湯煲出嚟，冇加到味精而呢個家後鮮大腸羹係用左新鮮嘅豬大腸黎整，所食落口感同平時食開嘅大腸羹會唔同口感會比較韌，對於我嘅口味來講我係覺得好食嘅另外更入邊仲會有好多嘅配料例如豆腐冬菇肉碎，口感層次都唔錯日式炸雞揸得啲肉都仲保持到嫩滑炸小雲吞識落唔會覺得好油膩個芝士蛋糕勁有驚喜，完全冇諗到一間主打食粉面嘅舖頭竟然會有個咁好食嘅芝士蛋糕芝士蛋糕偏濕潤食到落喉嚨唔會覺得好乾芝士味好濃郁成個蛋糕食落嘅感覺好順滑

食評大多是讚的"家後", 在8月頭試了一次, 後來又再來堂食了一次, 還有外賣返家自做了一次。 8月頭的那次試咗套餐A & B 湯餃 和煎餃兩樣都試齊。基本上無論做湯或者做煎應該都係同一隻餃子但個人認為同一餃子以兩種極端方法去處理同時又要好效果幾乎是不可能的任務。這餃子做湯比煎的好, 煎的會覺得餃皮太薄煎出來太乾脆。不似中國人做的煎餃子。餡料大致同屋企做的大同小異。 不過亦都明白嘅, 如果喺屋企阿媽做餃子又點會做兩種餃子皮嚟做兩種餃子呀! 洋蔥餡餃子較為出色。湯餃子的湯水有點味道嘅，不過味道亦並不是太複雜那種。炸雞係好傳統嘅日式炸雞味道。 食得出有味啉同豉油醃過嘅雞塊, 飯糰則一般唔太突出。飲品就同屋企沖嘅差不多。所以加錢食套餐並不是有何特別。只是想食飽d的話就叫套餐囉～甜品加20蚊還可以的, 標準份量標準味道。唔會太甜。

好鍾意食餃嘅我當然唔可以錯過好多餃迷介紹嘅家後。星期六中午去到，有6-7人排緊隊，唔算好多人。但係排隊系統比較混亂，冇隊，冇派飛。入到去就叫左湯餃，香菇粟米拼韮菜。葛湯做湯底，非常好飲同似無味精。鍾意佢餃子皮薄但唔算超級薄（喜歡有適量厚度），入面好足料。煎餃都好juicy又唔太油。唯一唔好嘅人手唔多，所以有啲混亂，有漏單嘅情況，出嘢食時間較長，但餃子真係好出色！

總結（6分滿分）:用餐感受：🤤🤤🤤🤤🤤CP值：5/6 （多排隊 食得有少少趕）美味值：5/6打得多邊爐先食清啲，睇其他食評見有唔少人推介這間餃子轉門店:3突登早左放工，7點都未必就去到，無對，都要排隊，哈哈😀我同朋友仔叫哂大家想食既：雲耳椰菜豬肉煎餃、芹菜豬肉湯餃，生菜、日式炸雞。好彩reserve 埋個甜品—冧酒提子芝士蛋糕...好快賣晒😩老闆超級好人，小店的人情味無發取代🤩老闆見到我喜歡食辣，突登拎左佢自己炒既 比我🥺 so sweet埋單：$148

早排我已經好想試吓呢間餃子店，不過自己一個人又唔可以試太多菜式，所以今次約埋個女陪我食！嚟到呢度又點可以唔叫手工餃子呢？望住個餐牌已經有選擇困難症🤔剩係餃子🥟都有8款，唯有篩選幾款唔太鍾意嘅喊料出嚟，因為除咗餃子都仲想食其他嘢！Order 咗韭菜豬肉餃子、雲耳椰菜豬肉餃子、洋蔥豬肉餃子(老闆推介）、香菇粟米🌽雞肉餃子🥟全部煎餃，本來一客8隻只可以4隻一款，但老闆好好人、比我哋兩隻一款，最終係叫咗套餐C、有杯飲品，一客淨豬手、麻辣雞翼4隻、油菜一碟、日式住家飯糰🍙餃子皮薄喊靚、肉質鮮嫩多汁、4款喊料都十分特色（尤其是老闆推介嘅洋蔥豬肉餃子）用料新鮮煎到卜卜脆、非常美味、旁邊仲拌有辣菜甫豬手炆得夠淋身、但唔會覺得溜、味道適中麻辣雞翼煎到啱啱好、肉質仲好滑、上面淋上麻辣醬汁、非常好味日式飯糰有D似上海黐飯、中日混合嘅味道，但好好味食完主菜就梗係要有甜品埋尾啦！日式手作芝士蛋糕+日式焦糖布甸

食過幾次，每次都差唔多滿晒人，好多熟客仔，芫茜餃，白菜餃，芹菜餃最好食，最受歡迎應該係芫茜餃，遲佐過去都會賣晒，味道好清新，唔係好多店有賣芫茜餃，一定要試！湯係粉葛赤小豆湯，有時係木瓜雞腳眉豆湯，好足料，食得出完全無味精，好有家的味道。南乳豬手，牛腩蘿蔔，辣豬肚都好食，甜品有牛乳布甸，芝士蛋糕都好食。啲姐姐同老闆都好nice，老闆對食物好有熱情，會不斷研發新產品，佢仲比佐佢新研發未入menu既瑶柱醬同小籠包我哋食！