嫲嫲辣辣

Open Now

Now Closed

一入到間鋪指住個Menu話要某個推介餸，最後出咗第二個餸，同返樓面講出錯，個樓面話聽到我哋話要呢個，但係我哋明明已經指住嗰版唯一一個餸叫🙄冇可能會叫錯。同佢反應問題之後佢仲要話佢覆咗兩次單，但係我地一次都冇聽到！最離譜係要我哋硬食佢哋落錯咗嗰個餸！如果講得好聽啲講唔好意思我哋都覺得冇所謂！最離譜係屈我哋！唔會再嚟！

去咗尖沙咀厚福街食嫲嫲辣辣今次揀咗自選鍋底，鍋底總共有四隻味揀，有香辣，麻辣，孜然同蔥爆。 亦都有5種辣道度可以揀，由微辣到火爆辣。我哋今次揀咗麻辣蜆肉乾鍋，配四季豆，金針菇，紅薯粉，同蓮藕仔。 而配料有超過60種可以揀。干鍋味道香濃，香辣同麻味足夠。蜆肉嘅份量都好多，冇沙，鮮甜。配埋四季豆金針菇蓮藕仔，全部配菜都新鮮爽脆。我哋仲揀咗水煮牛肉，裏面已經有豆芽，萵筍等配菜。牛肉煮嘅火候啱啱好，嫩滑，唔會過靭過老。最後仲叫咗清炒萵筍絲，萵筍絲新鮮爽脆，份量足夠，可以用來清一清味蕾。總括而言，呢間餐廳調味好好，香麻味十足，正宗川菜風味，食材新鮮，價錢適中，會再encore

𝕀𝔾: 𝕙𝕜𝕡𝕝𝕒𝕪𝕝𝕚𝕤𝕥📍嫲嫲辣辣夜晚去親尖沙咀食嘢啲餐廳都大排長龍，慶幸幾次去呢間都好快有位🤭呢間食麻辣乾鍋好正～而我最鍾意食嘅配菜係肥腸！如果叫肥腸乾鍋就記得唔好加蔬菜落去炒，唔係就會影響肥腸嘅口感，搞到冇咁脆變得濕嗒嗒的🥹另外東風螺都好正好入味！🤤魷魚鬚都勁多份量，幹鍋火候炒到剛剛好，有少少焦邊好香口又夠辣，十分惹味🔥辣子雞份量勁足～食極都仲有🤣又香又辣，火候控制得好好👍🏻唔會話幹身，肉質偏向有咬口，配白飯一流

嫲嫲辣辣🌶📍 尖沙咀厚福街9號地下J1號舖★★★★★★★★★★★★★★★★★★★★★記得幾年前，係尖沙咀返工既時候，成日lunch 都會去呢間食佢既 干鍋客飯🍚🌝，貪佢大大碗餸菜➕飯，夠抵食😂，而且味道確實係唔錯，好有川菜既風味😋，辣辣地，夠惹味🤩。🌟自選一鍋底➕三款配菜 $69唔好以為成碗都係辣椒， 以為好辣咁🤣，其實可以自選辣既程度，小編就選擇左個小辣， 味道同以前一樣冇變過，都係咁好食🤤。整體推介指數：❤️❤️❤️❤️🤍★★★★★★★★★★★★★★★★★★★★★

尖沙咀厚福街不嬲都係搵食既好地方，成條街由小食、正餐到甜品你諗到都會有得食。今次收工同同事二人同行嚟試吓呢間「嫲嫲辣辣」，都係果句我身為半個泰國人，同香港普通人一樣都鍾意食辣，但又未去到食到好辣地獄辣果隻。如果大家都同我一樣的話，可能呢間「嫲嫲辣辣」會幾岩你。兩個男仔晚飯Men Talk，先嚟兩個小食「涼拌皮蛋」、「尖椒炒雞腎」，兩樣辣度都係開胃既辣，作為前菜用嚟配啤酒真係岩曬。皮蛋夾起嚟唔散仲有少少糖心既口感。雞腎爽口、雞腎份量都多，唔會尖椒多得嚟無肉食，爽口、香口又惹味主菜未嚟都俾我哋兩個掃光了！  主菜叫咗個自選干鍋，辣道可以自訂，分為五個級別（價錢都係五個級別），亦可以選擇唔辣既蔥爆。自選配料有幾十款俾你選擇，選擇困難既朋友可以直接選擇餐廳精選既7款干鍋之後自己再加配料又得。因為我哋主要想傾下計飲下酒，所以就自選三款小食類既配菜，包括（雞件、肥腸、餐肉）另外再叫一個「清炒篙筍絲」當飯食。留肚飲酒！干鍋選擇咗小辣，唔食辣既朋友一定會覺得辣。但食開辣既呢個係開胃既辣。辣得嚟唔會令你嫲辛苦，配酒飲非常開心。配菜一定無問題啦，都係啲唔會炒車既餸。所以食得我哋兩個非常開心。另外個篙筍絲都

依間嫲嫲辣辣有3間分店，分別係尖沙咀同深水埗，主打麻辣乾鍋，午市乾鍋有4款鍋底選擇(香辣，麻辣，孜然，蔥爆)，而辣度側有5個程度選擇(微辣，小辣，中辣，大辣，火爆辣)，午市套餐奉送白飯及罐裝汽水/豆漿。——————————————♥———————————————- - - - - - - - - - - - - - - - - - - - - - - - - - - - - - - - - - - - 一上菜，同朋友兩個嘩左聲，小辣都咁多辣椒🌶️實辣死，點知相當溫和，比起三哥十小辣總要輕微，下次可以叫中辣/大辣。♥️ 自選乾鍋 麻辣小辣 $69朋友揀左五花腩、肥腸、鮮茶樹菇，五花肉比較乾身，茶樹菇吸味一流，極力推薦肥腸👍🏻，每一舊肥腸都夠入味，冇豬臊味，表皮脆香，令人有種食完想再食既衝動。♥️ 自選乾鍋 麻辣小辣 $69我就揀左牛肉片、豬頸肉、黑木耳，份量都幾多，牛肉片同豬頸肉唔吸味，只係食到醃肉既味道，咸左小小，黑木耳就係精粹，放係底吸哂麻辣汁精華，送飯一流🤤。- - - - - - - - - - - - - - - - - - - - - - - - - - - - - - - - -

愈來愈鐘意四川的麻辣鮮香，尤其酸菜魚🐟 同老公兩個人可以KO一大碗，呢度魚肉一大片無骨，魚片份量亦多，配埋芽菜、紅薯粉，煙煙韌韌，酸辣夠曬開胃，飽肚度十足！仲有叫了馳名口水雞和炒四季豆！雞肉厚嫩滑又惹味，炒菜穫氣十足，份星也夠，送飯一流！結果全部清曬，食得乾乾淨淨，環境也不錯，不會坐得太近太迫，裝修簡單，價錢合理，挺有風味！可以下次再嚟！🍜：《嫲嫲辣辣》📍：九龍尖沙咀漆咸道南61-65號首都廣場地下5號鋪

如果想試吓食川菜，呢間嫲嫲辣辣 絕對可以俾到你一個意外驚喜～而次主要試左個自選乾鍋，同酸菜魚～抵食又好食！而初嘗川菜又唔喺食得太辣既人，可以試吓餐單上面既小辣今次我地都叫左小辣～個人認為佢嘅小辣唔會話係大家食唔到個款，入口都溫和～建議想試下但又唔係好食得辣嘅人可以叫！而酸菜魚方面味道香 同埋辣味會比酸味突出少少 但整體都唔錯 魚片份量都正常 整體今餐我會比3.5至4分 可能個人口味上唔太食到濃味野

嗰日滿心歡喜諗住去嗰度食餐辣嘅減減壓，呢排返工返到好頭痛，好想食辣食到出身汗咁排放下壓力！同一個食得辣嘅friend係openrice度左揀右揀，睇咗好耐都搵唔到一間正宗嘅川菜，正當有啲失望嘅時候，見到依間有充滿辣椒嘅乾鍋！其實版主本來係未試過乾鍋呢個睇落去咁恐怖嘅菜式，始終啲辣椒真係滿滿咁樣遍布成隻碟！但係原來係假象嚟㗎！我哋最尾叫咗中辣，點知同譚仔十少真係差無幾… 建議大家如果去食嘅話一定要叫大辣

1️⃣肥腸干鍋今次嘅肥腸干鍋我哋加咗萵筍同埋鮮茶樹菇，一上枱嘅時候見到個鍋燒勁多辣椒，成煲野真係紅色嘅，以為會非常非常之辣，我哋仲後悔嗌咗中辣但其實佢嘅辣度係可以接受，絕對符合香港人口味。萵筍佢哋係一條一條咁而唔係平時食開一片片嘅切法，更加有口感同埋爽脆，而鮮茶樹菇嘅份量亦都非常之多，如果可以再入味啲再辣啲就正啦2️⃣雲片白肉非常之似米線錢鋪嘅蒜泥白肉但係每一片嘅白肉更加之薄同大片，而且加咗辣油之後令到成個白肉香味昇華，白肉下面亦都有涼皮配搭，涼皮浸左辣油之後非常掛汁，食白肉食到膩咗可以用涼皮清爽嘅口感做返對沖3️⃣蟠龍古燒茄子首先，呢碟菜嘅份量非常之多，而且佢哋嘅茄子係一條一條用扭紋形式切開再加粉去油炸，之後喺面頭淋上醬汁，所以咬落茄子係外脆內軟，而且非常juicy

同朋友出去食嘢就突然打風，朋友仔同小編一樣鍾意食辣嘢🌶今次淨係同一個朋友去食所以食嘅份量都唔多，淨係叫咗魷魚鬚同埋干鍋，呢度啲干鍋係可以自選，有成6️⃣0️⃣款選擇，選擇好多，辣度都可以接受，魷魚鬚係油炸過先再炒個人覺得麻麻地，比較喜歡乾炒質感😞

第一次食干鍋！睇人哋啲相好鬼震撼，成碗都係紅色辣椒🌶️仲要大大碗好開心咁😂畫紙仔好多選擇，剔上癮咁咩都想揀😂最後精挑細選左9樣✨🐷自選干鍋 （香辣+9餸）$337揀咗香辣小辣，餸就揀咗五花腩片、雞腎、炸魚旦、魷魚鬚、雞軟骨、豬頸肉、土豆條、紅薯粉、萵筍，每款$27至$40🐽雞腎豬頸肉切到好細粒，食落唔夠爽🥲最有印象係魷魚鬚同紅薯粉，魷魚鬚爽彈，紅薯粉其實係寬粉，同樣都好煙靭🤤平日食開10小辣，但係依度嘅小辣對我嚟講太濕碎🤪下次可以試中辣😉雖然個碗好大🥣但係有一半都係辣椒🌶三個人一邊食一邊傾偈其實都啱啱好食得飽的！環境 🐖🐖🐖🐽 3.5/5食物質素🐖🐖🐖🐽 3.5/5店員態度🐖🐖🐖 3/5人均消費 ～$130嫲嫲辣辣📍尖沙咀厚福街9號地下J1號舖

自從朋友帶我嚟過一次之後，呢到就變咗做我飯堂喇！佢哋乾鍋份量超大，通常我哋唔會額外嗌白飯，齋食啲餸就夠飽。佢哋嘅雞軟骨又脆又好味，薯粉都好煙韌。豬頸肉同腩肉都係我覺得必嗌嘅選擇。嘢飲方面，餐廳都提供好多選擇。例如加多寶、烏龍茶、可樂雪碧等等，仲有豆漿同土耳其果汁可以揀添！

我同朋友嚟呢間餐廳午膳，入座時餐廳大約8成滿，我地填好餐廳嘅嘅落單紙後，就舉手等候侍應收落單紙。我地舉手約兩分鐘，期間一名操唔鹹唔淡廣東話嘅侍應經過我地嘅嗰枱兩次，均無視我地嗰枱，直接到隔離枱收拾碗碟/送餐都隔離枱。直到侍應第三次經過我地枱，我同朋友就揚聲：「唔該落單。」侍應望都唔望我地，一邊行一邊講：「等下先啦。」然後幫隔離枱嘅食客收碟。我同朋友再同呢位侍應講：「咁你可唔可以收左張單先啊唔該？」侍應繼續唔望我地咁講：「禾收左你地張單，你地都係要等嫁啦。」我同朋友忍唔住同侍應理論：「咁你收左張落單紙先，等你得閒先再慢慢入機，又有咩問題呢？」侍應再三無視我地嘅落單要求，行開扮冇事，我同朋友亦唔想幫襯，起身離開呢間餐廳（無視同拒絕食客落單嘅餐廳，仲算唔算係餐廳？）如果享受比人無視/拒絕嘅感覺，呢間餐廳絕對適合貼錢買難受嘅你☺️

.麻麻辣辣🌶🌶厚福街出名多野食😆✨同朋友🧒🏻約去尖沙咀睇戲🎬睇戲前緊係要食飽飽先啦🤤本身想食祥仔辣辣😝但唔記得帶 coupon!! 就行左去厚福街🤤………..我地👩🏻‍🦰🧒🏻2個人叫左一個乾鍋🌶🥘+🍚我地自選左7️⃣款配菜!!!😝推薦炸薯仔片!!!午餐肉!!!🐷食完今次之後幾日😂我都朝思暮想再食午餐肉🤤🤤🧒🏻唔太食到辣🌶🙈所以我地叫左小辣😝…………人均💰$150左右味道：🌕🌕🌕🌕🌑4/5性價比：🌕🌕🌕🌑🌑3/5回頭率：🌕🌕🌕🌕🌕5/5環境：🌕🌕🌕🌕🌑4/5衛生：🌕🌕🌕🌑🌑3/5整體：🌕🌕🌕🌗🌑3.5/5………..