威尼斯海鮮酒家

Open Now

Now Closed

🐟沙爆魚肚 $60呢間沙爆魚肚暫時係🐷係大澳食過最好味嘅一間🤩非常推薦大澳銀蝦XO醬味，銀蝦份量非常多，當然係底嘅XO醬油都係精粹，成個醬有少少辣🌶好惹味，好香嘅蝦味🦐魚肚軟身，口感爽口彈牙👍🏻 🥘大魚蛋 (咖哩味) $15/2粒咖哩醬同樣出色，比XO醬再辣啲🌶辣味有層次，食得出用好多香料熬製而成，魚蛋口感彈牙😋

今年農曆新年同大班食友去咗大嶼山大佛同大澳行吓，大約6點到呢間餐廳食個晚飯，我哋預先book 咗枱，當日到7點餐廳都座滿人了，好熱鬧。呢間係食中式小菜。門口仲有檔口買燒新鮮魷魚，我哋都叫咗一份大家分享，燒烤醬甜甜配上鮮而不韌的魷魚，好好味。我哋叫咗好多餸，白灼蝦，墨魚餅，白切雞，時菜海鮮，蒸魚，蔥爆牛肉。味道合格，尤其海鮮類的菜會比較出色。因為當日都好多枱家庭，朋友聚餐，係會比較噪，但係可以接受。由於大澳晚上營業的食肆唔多，呢度係一個好選擇，又近巴士站。

蝦醬燒魷魚 $80******************************大澳有好多間賣炭燒乾魷魚但係賣燒原隻鮮魷魚嘅就比較少見話晒蝦醬都係大澳名物所以揀左一間用蝦醬做醬料嘅燒魷魚比完錢店員話要等7分鐘左右見唔係要等好耐就企係一邊等下鮮魷魚大大條燒嘅途中店員不時掃上蝦醬一邊等一邊聞着烤魷魚香真係不得了🤤燒完店員會幫手剪開方便吉黎食👍🏻一擺入口好香炭燒味同蝦醬味重點唔會好似出面啲餐廳咁燒得太乾 正😍

威尼斯洒家大澳，食物份量不足，服務態度非常惡劣。2023年1月20日，預約六枱，每枱八位。每枱食物一致，五餸一炒飯一炒麵，份量超少所有同枱食客均表示不足夠。向職員反映，換來非常惡劣的態度。下次再帶隊到大澳文化遊，一定不選此店用膳。六枱消費共七千多元，預約事已問負責人食物份量是否足八位享用，負責人表示一定足夠，結果所有團友均表示完全不飽，真的是獨市生意的不良效果。如果大家有另外體驗，歡迎大家分享一下。

我同朋友幾丁友去大澳虎山行山，入到去都兩點半，諗住隨便入一間餐廳食野，就去返上年去過果間海鮮餐廳求其食下。-🍴粟米魚肚羹魚肚爽口，羹嘅黏結度剛好，唔會太水或者太糊，味道略嫌唔夠，加埋胡椒粉就好好多啦。-🍴海蜇墨魚餅墨魚餅表面夠乾身，無比鋪底嘅海蜇整濕，口感屬於比較實在，實的的嘅，都香墨魚味；而海蜇就爽口，偏淡調味，兩者不過不失。其實海蜇同墨魚餅係真係完完全全兩樣野分開，無互補無加乘，同埋必須講一講果個勁淡口嘅咖哩汁，完全唔知咩事。-🍴酥炸生蠔我上年都有叫酥炸生蠔，生蠔同樣大隻鮮甜唔會腥，好食，但今次個粉厚左啲啲，同埋整體油左啲啲。可能今次休息緊求其煮，上次中午人多時食就比較乾身。-🍴蝦醬炒通菜滿滿蝦醬香，但唔死咸，菜都翠綠嫩口無渣。上年都係有點呢個，因為另一個菜無晒，所以照舊叫啦，但呢碟菜又係比上年落油重手左。

大澳美食掃街行（Tai O）🚌襯放假黎大澳 估唔到呢度有咁多好嘢食🤩🤩 每行幾步就有一間攤檔買小食 即刻黎翻轉大澳美食掃街行先🍴⌖ ［威尼斯酒家］蝦醬魷魚鬚🐙💰$70呢款魷魚鬚有別於［復興行］嘅滷水大墨魚 係比較少提及嘅一間 開喺酒家對出嘅攤檔位置 濃烈嘅蝦醬味吸引咗好多人排隊🦐 一隻隻大魷魚臨燒好之前會搽上厚厚嘅蝦醬☺️ 然後燒好就剪成塊狀 方便食用～ 👄魷魚鬚冇經過咩醃製 主要係靠蝦醬嘅鹹香味 兩者搭配尚可 但性價比似乎一般😗😗#Fatshit_ami #Eatingtime #大澳美食 #港式美食 #香港美食 #食好西 #掃街 #墨魚餅 #黑白墨魚餅 #大澳蝦醬 #蝦醬 #蝦醬魷魚鬚 #魷魚鬚 #滷水大墨魚 #清香三色糕 #桂花糕 #椰汁糕 #芝麻糕 #蝦豬餅 #泰式生菜包 #大澳名物 #黃金沙翁 #即炸沙翁 #大澳沙翁 #大澳餅店

直升機，伏伏伏伏伏！千山萬水、長途跋涉來到大澳，結果第一餐就已經大失望！因為餐廳地點當眼就腳，結果就揀錯了！（其實入嚟時人都冇個應該早知有問題）來到大澳第一餐就食到招牌「冰心」墨魚餅，入面是凍的！伏！同夥記講，佢諗都唔使諗就即刻換，擺明係「熟手」、唔係第一次啦！之後嘅蝦醬炒飯完全冇蝦醬味，伏！廚師係咪輸咗馬仔？碟「大澳小炒王」雖然啲韮菜花老左少少，但總算不過不失。唯一較合格是西芹炒鮮魷，味道OK 。最好味都係罐汽水。兩位埋單盛惠$377。以後都唔使回頭了！大家千祈要帶眼識人（註：個老細冇戴口罩四圍行，由廚房出來嗰吓仲向住食客大打乞嗤，有冇搞錯！）

同朋友行到有啲攰差唔多食飯見不用排隊所以試一試餐廳都是平民餐廳沒有特別的裝修，行穩陣地道風味路線📍海鮮上湯浸魚肚$80本身係睇圖點這個餸以為是湯，但係點知嚟到的時候變咗㳄汁，阿姐話係咁樣個喎不嬲都係咁整👎🏻入到嚟大澳當然要食蝦醬下工之類的📍大澳蒸三寶蝦乾白飯魚乾魷魚乾$80幾種不同的蒸魚乾，平時都唔會食所以特別試試，口感不錯📍大澳蝦醬蒸腩肉$80超級入味蝦醬蒸腩肉好味👍🏻📍大澳蝦醬炒通菜$70通菜新鮮，蝦醬好味，穩陣家常小菜算係咁，沒有驚喜，有驚喜都是蝦乾魚乾不過值得一讚是他的白飯， 煙韌，有咬口好味

利申我係食完先知原來甘多負皮今日同我高太反太澳拍拖因為我地有間棚，所以我高太都非常鐘意反大澳，奈何有時工作太忙，唔想反黎做游客同人迫，就只有襯今日大家都夾到即刻反黎渡下假餐廳係無話咩特色既，走穩陣路線，你唸住黎大澳食特色野的話，就唔係依度大澳xo醬小炒王，咸左啲，但不失鑊氣墨魚餅外皮都脆脆地，但無驚喜因為好似話都係招牌野蒜蓉蒸扇貝水準之作講係蒸既時間岩岩好，咀刁既高太無炸型，本來係想食鼓油王炒麵，不過侍應姐姐話依個炒面同鼓油好似同價位食有餸果個会抵啲两個人食左一份海鮮，幾樣野，飲小小酒，三百幾蚊同九龍大牌檔都差唔遠牙嘛

話說我同朋友入到大澳已經係lunch time，搭車又搭船嘅我地餓到暴龍級別，所以一見到間海鮮酒家就入左去。點知⋯⋯🙈👉🏻蝦醬炒飯無蝦醬味，失敗🙅🏻‍♀️係炒得乾身嘅，但係完全食唔到蝦醬味，味道係揚州炒飯咁。入到大澳，我對蝦醬係充滿期待㗎嘛，你唔好欺騙我啦好無？👉🏻蒜蓉通菜炒鮮魷，魷魚唔彈牙，失敗🙅🏻‍♀️又係唔夠味，蒜蓉得個幾粒仔😒通菜就炒得中規中矩嘅。魷魚出事喇！咬落去係淋bat bat，毫無彈性，點解會咁㗎？真係好失望☹️👉🏻炸墨魚餅配海蜇，配搭有d怪，但係呢碟係合格嘅。墨魚餅算足料無溝太多粉，炸得金黃乾身。不過佢跟個咖喱醬就真係唔識欣賞，就咁食仲好食。墨魚餅下面墊左d海蜇，平時食海蜇係凍㗎嘛，今次就熱食，嗯⋯都係唔識欣賞😣不過之後行過其他海鮮酒家都見到呢味餸，我估係大澳興咁食🧐成餐飯三碟嘢夾埋茶錢$270，係旅遊區來講係唔貴，但係咁嘅食物質素就唔抵囉🤷🏻‍♀️如果weekend有朋友打算入大澳玩，希望你地以我為鑑，唔好去呢間餐廳喇

周一趁有空檔偕朋友入大澳走走，美麗的漁村，特別的棚屋，清幽恬靜，使人不禁忘卻煩惱。走啊走啊，上完山後又是找找食的地方，今天我們沒準備吃海鮮，反而想吃些地道小菜。過橋不久見到威尼斯海鮮酒家，見到他們有地道小菜便去試下。中午有多個套餐供應，地道小菜套餐正合我們的心意，有鹽焗雞半只，大澳小炒王，大澳蝦膏蒸腩肉和 鹹魚炒雞粒飯。鹽焗雞半隻，雞肉很嫩滑而且唔會好肥，有雞味，唔錯。小炒王 炸米粉墊底，材料也很豐富有魷魚、蝦乾、韭菜花、香酥腰果及椒絲等，炒得幾香口。蝦膏蒸腩肉有好香的蝦膏味，但唔會好鹹，蒸出來的半肥瘦腩肉爽口，加上薑絲及蔥花的點綴，更好味。鹹魚炒雞粒飯就麻麻地，食唔到有鹹魚味，不知是否份量太少呢！

處處係呃錢陷阱！千企唔要去，俾人玩！炒蜆$100蚊，量少細粒又唔新鮮，1/3係開唔到殼。呢個都算，$180蒸扇貝，餐牌張相個碟就8-10個，但底下細細個字寫住4個，好彩我見到，（其實呢個係咪可以去消費者協會投訴佢哋圖片虛假誤導？）我心諗扇貝4個180蚊，咁應該係大隻果D啦，於是問服務員，佢話係好大隻㗎，仲用手示意個size，大概普通碟仔咁上下，咁我見呢個價錢同埋伙計咁講，相信係靚嘢，結果上來係我Po張圖裡面咁（相裡面仲要係有埋粉絲包住之後嘅size），老細係咪對‘大個’呢兩個字有D誤會？呢個咪就係出面燒烤檔賣緊$20個果款，同埋得番根部，上面裙邊果Ｄ位冇曬，我問服務員，佢哋話因為好難洗，所以切左😮，另外我哋叫咗個炒通菜$65同一個白飯$10，果碗白飯個碗size都真係細到我唔知係邊度有得買？我諗要tailor made先得，大過平時酒樓飲茶個茶杯小小😮。買單$400，我覺得條數有問題，叫老細計番，哦，原來仲要加一喔！咁嘅嘢食同服務，仲要加一？ Excuse me??? 臨走，服務員仲話：嫌貴就唔好出黎食嘢啦😤。講真，間嘢真係專業呃錢，門口餐牌唔寫價錢，然後有個姐姐係度sale你話經濟小

噚日同屋企人入大澳玩，唔知係咪平日好多酒家都冇開，見呢間都好似幾多人，咪入去試吓啦，叫咗墨魚餅，白灼蝦，蝦 醬炒通菜🤢，豉椒炒蜆😖，炒飯🤬，枇杷豆腐等……啲嘢食真係垃圾都不得了，豉椒炒蜆啲蜆係一早白灼咗，攤到凍哂，再求其整個汁淋上去，墨魚餅粉嘅，通菜好咸，總之冇一樣嘢係好食嘅，做要成$800，簡直搶錢，如果各位想試吓食啲咁低質又貴嘅嘢，不妨試下感受下有幾難食同幾不知所謂呀🤬🤬🤬🤮🤮🤮🤮🤮

很久沒有寫東西，今次不吐不快。二月尾一個星期四與兩位友人長途跋涉往久違了嘅'大澳'行两行，同埋買大澳先至有嘅銀蝦 xo醬。大澳變化不大，棚屋範圍多了一些較穩固磚頭屋，外圍就多了有趣可觀嘅景點。中午醫肚嘅時間又到，銀蝦醬老闆介紹威尼斯酒家，話啲出品不錯，差不多是他的飯堂。酒家中門大開，装修殘舊破難、紙皮階磚地、塑膠枱布， 喺大澳大多數食市都是如此，既是這樣無妨一試。唉呀呀！一試中伏。價錢拍得住中環、尖沙咀酒樓，普通小菜平均大約$80-90一碟，加一，加茶錢。三個人要了魚肚羹，炒鮮魷及炒飯。滿心高興見一鍋熱騰騰嘅魚肚羹端過嚟， 一睇..竟然是稀稀透明豆粉漿水，裏面約有七-八條差不多一吋長幼幼嘅魚肚絲，其他魚目混珠都是豬皮，六-七粒魚肉，另八成都是豆腐。 炒鮮魷真不靠譜，成碟都係過左火嘅西芹，鮮魷就只有六、七舊左右 。炒飯就正常少少都算不錯。價錢不是主要，好味好食都話啫，三碟劣質嘅出品真不值收成$250。食物差，服務態度更差，仲要收加一服務費。首先没有一個人會主動去照顧客人。我哋要去問攞餐牌，要去要求寫單，雖然已過繁忙時候，叫極都無人理，直至有個大叔很不耐煩高聲地叫另一個大叔 : 喂！睇下佢

買單價錢同Menu完全吾同，額外收多好多錢，野食又吾好食如果吾係趕車一定叫同計清條數。食左3個餸，3個飯竟然收我成$390我返去問另一個收銀男人，佢吾係收我錢老闆，因老闆行開左，我只快問飯幾錢，佢話$10一個，我話條數好似收貴左，叫佢開單佢只開大數，問收我幾多就開幾多，我再問佢話大澳遊客區要收埋加一同茶水，我話知收加一，但問佢茶水幾錢，佢話要$15一位，我得2人即收$30 茶水。但我食嗰3個餸價錢吾洗$100一個加埋一同茶水條數都吾啱啦因我趕車所以無再問，跟住佢趕住收另1啲客錢無理我。我地食1，煎墨魚餅餐牌寫$98 2，魚肚浸勝瓜$70 3，蝦醬蒸豬肉約$80加3個飯，1個$10即total$30後來先話收$30茶水加一預鬆啲都$340，佢地收多我地幾拾成$390， 所以大家以後要小心呢間食店，吾好食，有幾個大叔態度好差，重話叫我地快啲落單，我地話一陣吾夠再加，佢話宜家好叫埋我一陣吾會上黎，我地之後咪見佢上黎幾次囉，不知所謂，重要詭客錢，所以要去都叫佢比清埋單條數你地先好走。