威尼斯海鮮酒家

Open Now

Now Closed

一家人趁假期入大澳食茶果、食海鮮！點知亂入左間垃圾餐廳首先，餐廳衛生情況極差，餐具污漕到呢然後，海鮮酒家得把po滿曬塵既陳年風扇，仲要係正頭頂，食食下吹左啲塵落黎都唔知講咩好最後，索價無比進取，食物質素奇差，毫無服務可言，環境惡劣至極，但仲收加一服務費，真係比錢買個教訓講返食物先，哩碟野係咪叫上湯海鮮浸魚肚我都有啲懷疑。所謂既海鮮，就係平價蟹柳、幾粒瑤柱仔、兩隻蝦、好似仲有兩三片薄魷魚仔，完！蝦少都算，蝦腸未清；未至於梅肉既，但都唔新鮮得去邊囉。其他野不值一提啦配料仲有節瓜三件、蘑菇仔，仲有唔知係咪魚肚既魚肚，食落似豬皮碟野上到台，我o左咀，細到一個點，咁就收$70(無記錯的話)真係好過去搶碟野係完全無鮮味、連味道都無咩，真係勁仲叫左個豉汁彩椒炒蜆，哩個菜幾錢我就唔知啦。同樣地，份量奇少。侍應話係花蛤黎喎，但啲肉細粒到一個點，炒到老曬，完全得啲汁既味道，完全蓋過左海鮮既鮮味，不過佢應該都唔會存在所謂既鮮味嫁啦，細到咁份量少，味道差，炒得過火肉質老蝦同魚都係我地係出面買左然後入去加工既，只不過用水煮幾分鐘啲蝦、蒸下條魚，完全無技巧可言，佢竟然收$130加工費，好波！夠曬厚面皮意思姐係，係

一坐低未開始食，就親眼見到個女人將幾個跌左落地既杯執翻上泥撥兩撥就擺入碗，雖然衛生情況差都預左🤦🏻‍♀️，只係冇估到佢明明知道我望住佢都照樣係咁🤢三個人叫左三碟餸，我從來未見過酥炸生蠔($128)隻蠔可以同煎蠔餅隻蠔一樣大，都冇食過咁冇味既炒蜆($100)，食落仲要係死蜆咁有d霉😣唯一可以接受既係煎墨魚餅($98)，食落爽口有墨魚粒，價錢可以接受🤔諗住食完快d走，點知原來最終埋單竟然要$375😱!!!!!!!原來係每人要收$5茶位再加一🤬!!!!!!!!市區大板檔都唔收加一同茶位，服務咁差都好意思收服務費🙂？！I feel ashamed of you🙃

趁平日閒日去大澳郊遊。中午揾地方食晏，見呢間外貌正正常常，点知一樣中伏。果個唔知佢係侍應定老板，揾人老襯佢勁掂！我哋点菜時，佢不斷推介有剛返的新鮮海蝦，超正的甚麼甚麼(下删一佰字佢既推介)…開邊蒸—份＄168。我哋五個人叫左６個餸，－碟普通炒菜要＄6ｘ。我哋其實都預左旅遊地方－般食物價錢都會偏高，呢個無問題，点知ｄ食材超揾笨，直情當你係水魚喎。開邊蝦～只有５隻中小size的蝦，目測大概只有６両(比多佢)蝦醬炒菜芯～ｄ菜老過我老豆，仲只得幾條，可能知我哋實咬唔晒佢ｄ老菜啫啫雞煲～迷你版，ｄ雞完全無味琵琶豆腐～無特別，但係都唔好食，亦未到難食蝦醬蒸腩肉～大澳出名的蝦醬完全比佢搞砸，ｄ腩肉係打邊爐果ｄ薄片豬肉，有創意呀！炸墨魚餅～除左難食或超難食，對唔住我諗唔到另外形容詞除左ｄ食物差，果位唯一的侍應阿叔更加係不知所謂。佢起初硬銷佢ｄ蝦時ｄ態度都還正常，点知落左單後呢~你追下ｄ餸呢~佢ｄ態度衰到爆燈呀！佢話樓面得佢－個人喎～呢樣野係你酒樓問題喎，佢又話ｄ餸要炸呀要煮呀…總知你就唔好問佢啦雖然佢好似好忙，但其間佢又响ｄ新黎既客人硬銷又硬銷佢ｄ所謂好正既蝦喎唉，總之呢次係我第一次要決心响呢度開個a

大前日(2-7-2017 Sun)跟local團去大澳遊,係時候食晏,本地遊公司安排o黎呢間食,菜單有:1. 粟米魚肚羹好熱,味道唔太甜同濃,清清地,OK.4.菜膽素鮑魚素鮑魚滑到好難夾,正常,味道亦唔太鹹.8. 清炒油菜係生菜,正常o野.2. 白灼海生蝦大大隻,爽甜.7. 豆腐羅漢齋獻汁被豆腐索o左,所以夠味,但底下面o既羅漢齋就只係好清o既邵菜,冇味.3. 古法鹽焗雞老公夾o左件唔知邊個部位o既俾我,好滑,而雞胸就好o鞋,o鞋到過火.6. 涼瓜炆火鴨涼瓜都幾甘,火鴨o既味道仍有.5. 梅子蒸烏頭感受唔到梅子o既存在,魚就冇蒸過火.9. 絲苗白飯我冇食到.味道係2.67分環境岩o岩坐o個個位冷氣同風扇都吹唔到,好熱.

白灼蝦同蒜蓉蒸扇貝，完全冇鮮味, 扇貝仲有啲變味應該係死嘅海鮮。蝦醬蒸豬腩肉，冇蝦醬味，豬腩肉根本咬唔到間野仲要冇開冷氣，食完成身汗，仲要收服務費！真係未食過咁難食嘅海鮮餐廳

從來無打過食評，但今次決定打上黎。大澳天氣熱，諗住買啲冰涼既野食下。見到威尼斯酒家出面有新鮮冰波蘿同西瓜食，每個塊十蚊。價錢唔係平，但遊客地區好多人唔愁無客，都買黎試下，要冰西瓜同冰菠蘿各兩塊，俾左40蚊之後，個男人俾左啲唔冰既我地，完全係軟淋淋既，咁樣叫冰咩？咁叫凍咋。之後就叫個男人換啲冰啲既，點知佢話「係咁架啦，唔要就俾返我，我無咩所謂」勁串，原本我都想唔要，點知同行友人話算啦，廢事煩我地就買完走左。啲西瓜係普通一塊凍西瓜，但完！全！唔！甜！而啲菠蘿就係普通菠蘿，連凍都算唔上，又唔甜。再加上佢地既態度，雖然唔愁無生意，但都唔可以欺騙消費者。去街市買菜都可以揀新唔新鮮呀，依家你連揀都無得揀。如果想食「冰」菠蘿，千其唔好係呢間野埋。態度咁差，以後都唔會再幫襯，甚至酒家入面都唔會。

假日到大澳一遊，入到黎12點幾，行咗一陣又坐船出海睇咗中華白海豚，就搵地方食午飯。對大澳唔太熟悉，行過見到呢間酒家幾多人食，就入左黎食。因為落緊雨，唔方便睇OPENRICE，而家先見到啲食評好壞參半。睇餐牌，價錢都好抵吓:本來想食炸蠔餅，店員話蠔餅周圍都有得食啦，黎到大澳試下墨魚餅啦。好，信你，即管試下! 都幾大碟，有七件，熱辣辣，仲配左啲海蜇。個醬食唔出咩味，但墨魚餅就好足料，好彈牙，炸香左嘅墨魚又點會唔好食呢! 好味!黎到大澳，梗要試下個蝦醬。叫左大澳蝦醬蒸腩肉，都好大碟，腩肉切得薄薄，肥肉瘦肉各半，平時好少食肥豬肉，今日放縱一下吧。加埋個蝦醬蒸，特別有風味。個蝦醬味唔太濃，好啱我口味，好怕佢太重味。椒鹽白飯魚，炸得好鬆脆，啲白飯魚都幾大條，香口脆口又好食。人地話大澳豆腐特別滑，叫左個翠塘豆腐，味道一般啦，偏咸。豆腐唔覺得特別滑整體黎講份量足，價錢平，唔錯丫。

有生以來首次踏足大澳，一都好想到訪，估唔到要係我 40 大壽之日先有機會呢！在屯門乘上渡輪，不消兩小時便到達大澳碼頭，試一點地道小食再逛了一個圈，參加沒有海豚的觀豚船，話咁快就日落西山了。最初想試蝦醬豬肉包，但時間緊迫，唯有就近食少少野就趕緊尾班船回市區晚飯。路過威尼斯，見乾淨企理又有位，是但啦，最緊要快！眼見菜色都包羅萬有喎，都係廣東粵菜啦，一般海鮮飯店。蝦醬鮮魷炒芥蘭，芥蘭雖然有點腍，不過微爽微帶菜甜，滿意。魷魚就鮮味濃厚，甜彈無比！蝦醬濃郁咸香中帶點清香，還有甜甜餘韻，炒得鑊氣也不俗，正喎。蒜蓉粉絲蒸游水中蝦，侍應叔叔推介，就試您啦。雖然整個菜比較油，不過粉絲索晒豉油蒜蓉蝦汁好鬼正，非常香口鮮甜惹味，搞到想撈飯添。游水蝦新鮮紮紮跳，那有得輸，爽甜霸道，食到損筷子。嘆完大澳出品既頭盤，趕緊埋單跟尾班船回市區食雞煲、打邊爐。老闆剛開檔似乎未回魂喎，找錯錢。我地比五百，佢當一百收。哈哈，無緊要。

Ordered a few common seafood dishes there after a long day of hiking - prawn, Clams and garlic oysters and they were not fresh and poorly cooked. A real disappointment. And it was not cheap - four dishes plus a beer cost HKD550. Will never go back there.

今日和寶貝參加活動，完成上午的遊覽，想不到午飯的地點在這裡。空調不足，店內整潔度只是很一般。對於團體餐基本上沒有太大期望，這次也不例外：粟米魚肚羹：味道正常，但我和寶貝的湯裡找到的魚肚極少白灼中蝦：整頓飯最正常的一道菜，最少蝦是新鮮，而且頗大隻，出乎意料之外鹽焗雞：沙薑味淡，但看來隻雞冇乜肉生炒排骨：味道正常，但排骨大小讓我想起急凍肉排紹菜扒鮑菇：沒有甚麼特別清蒸烏頭：沒有吃，不知道紅燒豆腐：我沒吃，但同桌有人說吃到酸味，最後更換了蝦醬炒通菜，我沒吃，但看賣相有點讓人倒胃口覺得好似所有野都係求其整出黎就算，不清楚是否和今天是賽馬日有關。今日的活動除了自付交通費外，毋須付額外費用。雖然明白機構辦活動都有經費上考慮，但真的，這裡的食物完全不行。所以經今次後，我會BLACKLIST這裡。

今日下午到大澳一遊，入到去都四點幾，行一陣便找地方食晚飯。我通常只會參考openrice 的食評，好少自己親自寫，但今晚決定寫一次。未夠六點，經過這間威尼斯，見有位，就入去幫襯，反正都唔知邊間好食。叫左炸生蠔（$98 ），好細粒蠔，無蠔味，炸粉超厚。"皮爬"豆腐（$68），好似食緊炸面粉加青豆。最後一味係蒜容粉絲蒜扇貝（$150 4隻），寫單果個人話係大扇貝，點知一上枱，真係火都黎，每粒扇貝好似粒骰仔，仲要唔係新鮮，佢只係將粒急凍元貝放在扇貝殻上蒸，因每粒完全少少都無"痴"殻，亦都無橙色果舊內臟，呢味真係有完全比人扼的感覺😡😡。我有諗過投訴，但都係算，因唔會再幫襯，廢事自己勞氣！我聽到隔離枱有個女人投訴問炒三隻蟹點解只得兩隻蟹蓋，酒家負責人話可能炒碎左，果個女人都好無奈😖計埋兩個白飯加一支啤酒加茶錢和加一共$410，真係揼心口囉😡😭

入到大澳,諗住同個FRIEND食餐好點知食到一肚氣! 浪費咗我一餐既QUOTA! 佢哥度冇乜海鮮選擇, 淨係得D炒炒炸炸既海鮮.....................於是出咗去買海鮮返去俾佢整.....好簡單兩味, 烚螄蚶, 蒸帶子等等等咗好耐..........D螄蚶來, 好靭, 好難趙, 咬開個肚, 仲成肚沙我同佢講, 佢仲答我..............點止沙呀, 泥都有呀得.........D海鮮係我自己買番來, 我唔識揀, 但你做酒家, 係咪要識處理 有冇諗過食哥個咩感受 到帶子, 仲嬲....一味咁簡單既餸, 佢完全OVERCOOK, 煮到佢變咗橡筋我同佢講, 佢仲話, 唔係咁熟唔得呀, 唔乾淨. 呢間咁野, 由頭到尾只係廢事洗海鮮, 掉晒佢落水煮到乜都死晒, 就SERVE客, 佢咁有咩資格收加工費 佢應該淨係收茶錢, 因為全餐淨係杯茶飲得落口!!!

和朋友今早由東涌行山入大澳,行了3個多小時,很是疲累,到達大澳的時候已是下午2時了,大伙兒只想快快坐下,休息和醫吓個五臟廟.但找不到友人介紹的酒樓,只好隨意選一間吧,估不到有意外的驚喜噃.酒樓內的環境只是一般,可能我們到達的時間已經過了午飯時間,所以食物來得很快,大部份都是熱騰騰的,炒飯也不肥膩,味道也不錯,不會太鹹,最值得一試的是椒鹽鮮魷,雖然吃不出椒鹽的味道,但很新鮮,味道剛剛好.墨魚餅和其他小菜亦不錯,我們一行7人,叫了5個小菜1碟炒飯,只是約500元,ok啦.

跟本地團遊離島，所吃的東西都大同小異的了，都是有雞有魚，有菜有肉，慕求可以令我們一定吃得飽咁啦。而這次想特別介紹的是「小吃」。其實頗奇怪的是一開始便已擺上白飯一大碗讓我們自己舀，而檯上也放了四款不同口味的蝦仔製品。有咸有辣，有濕有乾。因為我們這一團要到下午一時半才吃午飯，所以見有飯來便已急不及待的每人舀了一碗，而那四小碟自然成為伴飯佳品。而買走的人最後也不少。

今日放假，走左去大澳一遊 ，聽講大澳都好多野食，點知原來非假期關係。95%商鋪都沒有開門，得三幾間食肆有營業。當走遍大澳目的景點後，找到一間叫"威尼斯水鄉"的小酒家，大大張枱 要搭枱 簡陋無比十分有鄉村風味 因為只有兩人 所以求其點左三樣野椒鹽鮮魷鮮魷新鮮 走油部份亦做得唔錯 保持到鮮魷的鮮味 但係椒鹽味就欠奉 可以勉強合格喇酥炸生蠔失敗！！現在不是食蠔季節 蠔種真係唔掂這個錯誤 我到食落口先醒起如果生蠔 蠔肚成粉狀已是品質差的蠔 點整都唔會好食 蠔已經唔掂 但炸蠔個槳粉厚過我面皮我發覺槳粉皮都未熟 未炸得透呀 咁隻蠔.....蝦醬炒通菜厘樣夠哂簡單喇啩 佢老闆娘 淡而無味 大澳出名嘅蝦醬去左邊 重要唔係炒熟 係先淥熟再炒 D鑊氣都無 同食草無乜分別 埋單幾錢 盛惠186大元 請大家記住 威尼斯水鄉酒家 想食到火都嚟就去幫襯啦