增煇大排檔 & 增煇藝廚

Open Now

Now Closed

我哋星期一，一行5 人5:45已經到達，沒有訂位，入面一台客都冇，阿姐就勞勞嘈嘈，壓力爆煲咁嘅feel！金錢雞還可以不過同「得龍飯店」比較之下就好差。燒鵝賣相可以，不過係奀皮，不是脆皮，沒有燒鵝味，沒有肉汁，乾到一個點。燒雞乾過柴皮，斬到碎晒，真係唔知咩料。腐乳炒通菜，炒到一Pat漿糊咁。不停介紹貴海鮮，好煩！又有內地團，嘈到爆！服務一般，環境比之前污糟咗。之前一年都不是這樣差，可能生意難做，師傅難請，落得如此質素，唔會再嚟！

訂左7:00枱，早到左半個鐘，店員都安排左我地入座。 見枱枱都叫油炸鬼，叫黎試下燒鱔好正，仲encore 多一份想食九肚魚點知冇，唯有叫椒鹽鮮魷上枱仲熱辣辣👍🏼想食元貝點知又冇🥲最後叫左4隻貴非蚌，都好鮮甜，唔貴豬手好食脆，份量好多

朋友提議食增輝，打去訂位都正正常常，一般都係hold 位 15分鐘，朋友突然失約，即刻有手尾地打去取消訂位，却換來一句（下次諗清楚先訂位）🤬 。 未去食，齋訂枱都覺得態度有問題，其實有冇必要咁樣趕客對答，咁嘅回覆，你d野食幾好食都假啦😔有機會都絕對唔會再揀你囉

13人到增輝食飯，環境一般，比較擠迫，牆壁。天花板有塵。大房只有一間，有需要嘅建議早D訂。前菜叫了1）椒鹽魷魚鬆2）芥末魷魚圈3）花枝皮蛋芥末魷魚圈的魷魚是有鮮味的，但店已調味，調味太濃搶了鮮味花枝皮蛋原是前菜但等很久才到變主菜，皮蛋不是用西環貨比較先色，這價錢我會期望係西環皮蛋，皮蛋有點苦味4）頭抽雞5）筍殼6）麻辣鴨血肥牛煲7）胡椒蘿蔔胡蝶腩煲8）螄蚶9）啫啫芥蘭10）金銀蛋肉鬆時蔬11）梅菜扣肉12）豬肺湯13）雜菜煲14）油炸鬼花枝15）炸大腸兩個煲另有gas 爐跟上，保存温度。肥牛overcook, 嚡。芥蘭可能不是當季，一般。螄蚶雖然細隻，但好食。其他都好食。唯獨餐廳冇冰桶，要兩枝兩枝咁叫，比較麻煩。原本想叫炒麵，但厨房太忙唔肯炒 ：（但旁邊枱又有得食。

一大班friend去咗食呢間大排檔，好多菜式都好有特色味道唔錯☺️ 我哋9個人最後叫左18樣😂😂環境以大排檔黎講都算乾淨，不過都係迫啲🙉至於服務態度有啲參差，嗰次遇到大部分店員態度都ok不過都有一位比較燥底⬅️🙂➡️ 會有啲掃興🫢 講番野食~必食嘅3款：🌟🌟 風沙豬手 $148 皮超脆，但仲保留到豬皮嘅骨膠原煙韌口感，肉都幾嫩，可能係食過最好味嘅炸豬手🥰😋🌟🌟 金銀菜豬肺湯 $168 好清甜有菜乾嘅鹹味但唔會搶左本身豬肺同豬肉嘅甜味，好清唔會成層油！不過一煲其實都夠我哋一人一碗，唔使聽店員講叫兩盅😂🌟🌟 頭抽龍崗雞 $408 一隻啲雞肉勁滑真係要試吓😍呢幾樣都好食:👻鬼馬脆油條 $93油炸鬼加墨魚滑，好特別食落又脆又彈牙，加埋啲酸甜汁就再豐富啲☺️🦑Wasabi 魷魚圈 $128勁刺激攻鼻，魷魚焯得岩岩口爽口不會難咬😗🐟豉汁蒸白鱔 $168好肥美入味，有啲爽口不過多魚骨啲😛🥩沙嗲肥牛粉絲煲 $108 好惹味熱辣辣好岩送飯😚🧄蒜蓉粉絲蒸貴妃蚌 時價幾清甜新鮮😉🐷胡椒蘿蔔蝴蝶腩 $148胡椒味幾香不過肉方面可以再冧啲嫩啲😛呢幾樣一般: 🍚櫻花蝦蛋白炒飯 $148粒粒分明，不過可以再乾身啲！豉椒炒沙

食物其實好食的。我地幾個人原本想叫住幾個餸食住先，唔夠再叫多d，畢竟而家搞環保嘛！免做"大嘥鬼”。但有女侍應落單落到一半，未講完就走開左，嫌我地諗太耐，要我地諗好先講(？？)你就日日係度返工，餐牌倒轉背都得啫，我住老練咁遠，跨區搭車黎你度食野，諗住d人話米芝蓮餐廳，咁你落住幾個菜先，或者推介一下都得卦？然後有另外一d侍應見我地無食物過黎落單，今次我地識喇，叫齊晒，仲講明已經有人寫過單，不過唔知有無落到，請求check下。不過有d都係黎左2次，我地都好誠實表示已經食左。點知俾一開始個侍應走埋黎鬧，話點解要重複落單？！（因為你未落齊，又唔願意聆聽，又唔願意同你d同事溝通囉）最後餐廳都好好，有幫忙調整返個下單情況同有收據確認。只係覺得有d可惜，身為第一次幫襯嘅客人就俾人鬧。洗手間係後巷，衛生都有待改善，（雖然用者們都有責任。）

同區有好多間嘅大排檔，比較出名嗰幾間都已經食過晒，朋友推介話呢一間好好食，所以今日特登嚟試吓。食完之後佢正式成為我心目中大排檔嘅榜首🤤🤤🤤.一定要點嘅就係佢個蒸氣桑拿雞，上枱嘅時候係生嘅，侍應會幫你倒入個蒸籠度。香噴噴咁等咗幾個字之後，打開就會見到鮮嫩多汁嘅滑雞，配埋個辣豉油，真係超級無敵好食😋 食完個雞就可以叫侍應拎起個蒸架，下面係充滿住蒸雞啲雞油滴落去而成嘅鮮雞湯。已經好耐冇飲過雞湯啦，每人都忍唔住飲咗幾碗。.另外叫咗涼拌金錢肚，紅燒乳鴿，芥辣魷魚圈，啫啫芥蘭，椒鹽軟殼蟹。全部嘅味道同質素都起碼有中上，唔會話好似有啲大排檔，只係得某幾款招牌菜係好食，但其他菜就麻麻哋，甚至唔好食🫢.至於甜品方面，叫咗個椰汁流心球，係我見到就指明一定要叫嘅嘢，因為唔係好多地方可以食到！外面就好似地瓜球咁樣有少少煙靭，入面就係流質甜甜哋嘅椰汁西米露，好特別😍 呢度仲有椰青飲，簡直無可挑剔呀！以後要食大排檔一定會返嚟呢度！

增煇藝廚｜🤤 米芝蓮推介 | 深水埗美食連續六年獲得米芝蓮指南推介，餐廳的食物質素真係有保證‼️ 笑爺仔最鍾意個胡椒蘿蔔蝴蝶腩，蝴蝶腩炆得夠腍又入味！沙嗲魷魚嘅沙嗲汁好濃郁，不過又唔會遮過魷魚嘅鮮味！豉油雞嘅肉又滑又嫩，唔會太鹹，又帶小小甜味！荷葉飯吸收左荷葉同魚嘅鮮味，魚肉軟滑，值得一試！💯 胡椒蘿蔔蝴蝶腩🍗 頭抽龍崗雞🪷 木盤龍躉荷葉飯🦑 沙嗲玻璃魷魚🥓 脆皮炸大腸🦪 椒鹽廣島蠔📍 增煇大排檔 & 增煇藝廚 (深水埗)深水埗石硤尾街31-33號地舖

深水埗除左多chill到震既cafe仲出名多麻甩又地道既大排檔初嚐增輝 名氣唔差😳人流都keep到旺盛 至於 食物質素不過不失不過都建議自己試過先知鍾唔鍾意畢竟口味既野😌咁主觀⍥ 蒜蓉蒸大元貝 ❙ $83@1元貝殼很大🤣好彩肉都唔細 新鮮又彈牙蒜蓉激多 但粉絲略嫌太少 ⍥ 鎮江金沙骨 ❙ $128黑醋酸酸咪咪 似用豬肋骨部位🙌🏻肉質再稔啲我會更鍾意⍥ 椒鹽魷魚鬚 ❙ $96大排檔必食椒鹽系列炸得唔油膩 酥脆香口咁多椒鹽唔好嘥 可以撈飯🤪⍥ 花枝釀皮蛋 ❙ $88花枝包住皮蛋炸炸完切開點酸甜醬 正常發揮😅記憶點唔高⍥ 蠔仔肉碎粥（大） ❙ $128呢個好味 蠔仔大粒飽滿唔腥粥底本身好夠味 仲有陣陣胡椒香 我好欣賞呀～～😆⍥ 豆豉鯪魚炒油麥菜 ❙ $98好耐無食😳份量唔少夠鹹香 唔算太油

一心想食大排檔菜式，選擇左幾間，全部都full booking, 最後搵到增輝，好彩又比我book到晚巿位。因為實在太肚餓，所以啲菜式食左啲先記得起要影相。啲相張張都食到無左一半🤣🤣真係唔好意思。另外仲有食黑毛豬叉燒，紅燒豆腐煲，豉椒炒沙白。以上的菜色唔係講笑，好味，高評價，回頭指數5分👍🏻我地九個人食，叫左8個餸+白飯+兩支啤酒，埋單唔洗$1500，性價比好高。搵個時間，再約三五知己覆桌😋

早排天氣咁凍，最岩去大排檔食羊腩煲！上網搵邊度有好食羊腩煲，見到有唔少人推介增煇，所以特登嚟試下😎增煇小廚既羊腩煲大大份，2個人都食唔晒，3-4人食就岩岩好😆羊腩煲嘅羊肉全部都已經去曬骨，羊腩肉炆到十分軟腍，食落啖啖肉！啲羊腩有肥有瘦，羊腩連皮帶肉入口惹味，調味唔會過鹹。配料都一樣分量十足，有枝竹、冬菇、筍、白菜同馬蹄，而且羊腩煲配埋唐生菜，嫌油膩重嘅食返啲菜感覺清新啲~連埋啲羊腩汁送飯好惹味👍🏻

以前喺深水埗做嘢成日同同事收工去食，不過最正都係佢嘅羊腩煲又大份又夠晒腍最近再去都保持到水準，小菜亦都夠晒鑊氣，個人推介薯仔牛柳粒，牛唔會煮得太硬，薯仔會炒到金黃色脆卜卜好香口，又醒胃。價錢嚟講公道又大碟，三個人食咗個羊腩煲，三個小菜，埋單都係$800蚊左右。服務員同客人都有良好嘅互動，如果你係第一次嚟食，佢哋會推介啲撚手小菜俾客人，絕對可以放心試食啱晒三五知己或者約埋班波友踢完波一齊去啤啤佢絕對會將繼續幫襯

以前喺深水埗做嘢成日同同事收工去食，不過最正都係佢嘅羊腩煲又大份又夠晒腍最近再去都保持到水準，小菜亦都夠晒鑊氣價錢公道又大碟啱晒三五知己或者約埋班波友踢完波一齊去啤啤佢

很久以前一大班朋友來吃過一次，但人太多、太擠，感覺一般。這次在星期日大約6:00 左右，發現難得不用排長龍，就再來感受一下。 我們兩個人點了蝦多士 （香口的，但太油）。 4只大蟶子清蒸，很不錯，沒有太多泥沙、也很新鮮，價錢也只是$68 /只。 椒鹽鮮魷很好👍🏻，味道很好，也很新鮮。 最後加多一個蒜片牛柳粒，怎麼說，味道可以，但是沒有想像的口感，有點硬。 總結經驗，由於早去，人不多，坐得舒服，上菜速度快，服務也非常好。最後埋單大約600 多。 我覺得合理。 也推薦大家早一點去，可以吃得輕鬆自在。

好耐無嚟，水準仲keep到，話說去完Wine and Dine，肚餓揾地方醫肚，就同朋友去咗增煇，幾個人叫咗5個菜，好滿足。蒜蓉炒豆苗：豆苗夠嫩，加埋啲香噴噴嘅蒜蓉，味道濃郁而又唔會太油太膩，正。跟住整個豉油皇炒麵，啲麵炒得又彈又Q，仲有啲微微焦香嘅口感，勁夠鑊氣，豉油味又香濃，真心推介另外一款好食嘅菜式就係黑椒蝴蝶腩。肉煮到軟腍入味，肉質好滑好嫩，加埋啲蘿蔔吸哂啲汁，仲要鑊仔上，一路食一路熱住，天氣凍嚟食仲正最後，我要推薦椒鹽鮮魷。鮮嫩彈牙嘅鮮魷裹埋椒鹽，炸得香脆金黃，一咬入口，外脆內嫩，真係一絕！鮮魷嘅鮮味同椒鹽嘅鹹香完美結合，一啖一啖都令人回味無窮。