增煇大排檔 & 增煇藝廚

Open Now

Now Closed

澳洲南龍蝦$550好味指數：6/10龍蝦係即撈即整，今次試吓南澳🦞龍蝦，咬落去肉質非常彈牙新鮮，而且好鮮甜，大大嚿啖啖肉，我哋選擇咗芝士惹味啲，🧀芝士汁唔會過濃搶咗龍蝦鮮味，再加$50配埋伊麵底，撈埋啲芝士汁食真係Yummy。招牌頭抽雞$408好味指數：5/10頭抽雞🐔係呢間舖頭嘅招牌菜，需時40分鐘，所以一去到我已經落咗先，因為都係即叫即整，雞整得好入味，而且嫩滑有彈性，頭抽同豉油嘅分別係唔會淨係得個咸字，反而帶少少甜。沙嗲玻璃魷魚$83好味指數：3/10玻璃魷魚🦑本身係好食，但係略嫌啲汁過杰左少少，味道亦都偏鹹咗少少🤏🏽。做冷盤開胃菜唔錯，但對佢有少少失望。蒜蓉蒸勝瓜$83好味指數：5/10勝瓜清甜配上蒜蓉🧄更加香口，味道偏淡，適合老人家小朋友，小編比較重口味，覺得多啲豉油再好味啲。😂蝦多士$83好味指數：8/10新鮮即炸出嚟，脆卜卜🍞非常香口，加埋泰式辣醬一流，啲蝦🦐亦都唔算細隻，個個都爭住食呢個。豉油王炒麵$93好味指數：6/10炒麵正常發揮，冇乜太大驚喜，一樣好似平時咁樣有啲芽菜韭菜做配菜，份量都OK👌🏽，飽肚之選。椒絲腐乳通菜$83好味指數：8/10通菜可能係時令，所以好好

深水埗屬於香港其中一個美食天堂大排檔小炒琳琅滿目。有幸今日約咗朋友試一試深水埗聞名已久的增輝廚藝。 果然名不虛傳。招牌頭抽豉油雞 （$408）標榜即叫即製。 需時35分鐘。 上枱有別於坊間一般豉油雞。雞皮色澤比較淡色。雞件係浸係秘製豉油雞肉入口鮮嫩。食得出係用新鮮雞。頭抽亦都帶起左雞件嘅鮮味 的而且確係出色。 不過價錢相對比較貴。 如果呢個價錢我諗我會食返普通豉油雞😂蝦多士 （$83） 蝦多士做得出色。 即叫即炸 一般呢出邊嘅蝦多士麵包都會林晒。同埋吸晒油。 呢度炸得啱啱好。 可以做到外脆內軟。同埋價錢亦都比較抵。 抵食 其他小菜就唔多講。 正正常常。 呢間大排檔本身連續幾年獲得米芝蓮。 不過好老實價錢比較偏貴少少以其他小菜都係一般質素。 如果以深水埗呢個美食天堂。 選擇會比較多。 唔算非常之出色。 行過兩條街都應該有間大排檔性價比高過佢 偶然一試可以。

再次黎食增煇大排檔～鑊氣嘢都係要去大排檔食先有風味🤫菠蘿咕嚕肉依然係好好味呀！！炸得好、炸粉唔厚，甜酸汁味道適中！菠蘿係用新鮮菠蘿的！！砵仔焗魚腸呢味菜唔係人人接受到架😂我就曾經係另一間大排檔食過覺得好正！今次呢度嘅味道就麻麻地啦～有少少燶左啲，即使落左胡椒粉，但魚腸味道都係有啲怪怪的🤭椒鹽白飯魚正正常常🙂咸魚雞粒豆腐煲惹味～撈飯食一流呀！呢個餸，令我諗起以前有人整嘅豆腐肉碎，一食就會食到兩碗飯😂啫啫芥蘭煲一樣係夠晒惹味！係菜類之中必食架啦！

好耐冇來「增輝」，水準依舊。以下推介呢兩道菜，不是大排檔常見，而且味道有驚喜：1）鹽焗海花螺：大量海鹽蓋住海螺加熱鹽焗，保持住螺肉既鮮味，還有啖啖海鹽咸香。2）招牌頭抽雞：呢味菜製作需時，店員告知需要40分鐘以上，建議預早落單。味道方面，濃郁的豉油味，但不會令人有好咸既感覺，雞肉亦很嫩滑。#增輝藝廚 #大排檔 #排檔風味 #港式 #小炒 #深水埗 #美食 #晚餐 #鹽焗海花螺 #招牌頭抽雞

昨晚七點未到坐下，尚早只有兩、三枱客、點了四樣小菜，等了15-20分鐘。味道普通，豆腐火腩煲，也是溫度一般，沒有「炸炸」聲音，一股雪味。最敗筆是白飯，室温略帶冷，告訴伙記可否再給些熱的飯，答案是「剛盛」，問題是剛盛都是冷，唔係掛，再換也是一樣冷😰

叫左幾個小菜，質素真系好差，完全無法接受，開始懷疑呢個「米芝連」……是否買返黎。鮑汁豬手雞腳臭的胡椒豬肚，d豬肚「梅」嘅滷水掌翼完全無味。不太建議去食，完全沒有需要去試呢間。近年呢間算最差。之前睇評論都差，但真系估吾到甘差

堂食叫餸要咩無咩，上菜水準極差，龍蝦伊麵無掛汁亦都無味、鮑魚清蒸無特別，菜單可以叫嘅嘢幾乎都無。叫碟菜拖左20分鐘都無，但隔離檯遲叫嘅反而上左菜先。侍應拖單、漏單、上錯菜、唔收碟、無換水，成個場忙到無人應。想取消張單，明白忙得滯處理唔到想盡早走人，侍應甚至同客人鬥嘴，點都唔肯取消，重要反諷客人，態度極差。非常唔推薦大家黎食，埋單過千，嘢都食唔飽，重要煮嘅水準極差，建議大家搵過第二間外賣返屋企都無咁受氣

朋友請食飯，又係啤酒🍻當水飲，至在圍埋傾下計，一定揀間好耐冇去過嘅食返餐。「增煇藝廚」及「增煇菜館」兩間鋪打對面響石硤尾街，大牌檔風味，門外依然有鐵皮搭成的爐頭檔口，香港已經買少見少！之前連續幾年得到「米芝蓮推介」好多人慕名而來，依家疫情未受控，業主又加租，所以價錢都唔算平！🖍必食推介鬼馬油炸鬼熱辣辣好味(入面釀左墨魚滑夠彈牙），另外海鮮椒鹽鮑魚、蒜蓉粉絲蒸扇貝新鮮爽口😋🖍椒鹽九肚魚就真係麻麻，作為食大排檔必食菜式好失望😮‍💨😜🖍剛剛開返夜市，太好生意有啲忙亂漏單、起菜慢，又要趕10點前關門，希望過段時間再放寬可以夜啲會保持水準，唔係好難同同區小菜店競爭。#streetfood#chinesecuisine #chinesefood#增輝廚藝#小炒#深水埗美食❤️ Steamed Scallops with Minced Garlic and vermicelli ❤️Deep fried abalone with pepper salt❤️Deep fried Bombay duck with pepper salt❤️Deep fried squid paste with twisted

同朋友早一日book枱，到咗現場比個鄰近洗水間的枱位我哋，唔同意換其他枱位話其他位己有人book咗，結果吃飯3個鐘其他枱位根本無人入座炒花枝，無花枝用魷魚替代而無同我哋講聲，食物貴又唔好味，下次唔會再來

街邊大排檔做到入鋪，呢間舖頭當然有佢嘅過人之處，自己就覺得呢啲大排檔最厲害嘅就係有鑊氣，佢哋炸出嚟嘅咕嚕肉非常之脆，醬汁係均勻咁樣沾滿左每一舊肉，酸酸甜甜非常開胃勁好食。另外一個招牌菜就係鬼馬油炸鬼，喺脆卜卜嘅油炸鬼入邊釀入咗墨魚膠，非常之彈牙。亦都非常之有創意，自己就好鍾意呢個菜式。之前幫襯嘅時候食過佢哋嘅豉油雞，其實都非常好味，只不過大家一定要記得預訂，如果唔係就可能會冇得食㗎啦！佢哋嘅格局未必好華麗，但係就絕對有港式嘅風味

天氣轉涼最啱就係食大排檔！今次嚟到深水埗嘅增輝去到附近已經感受到好熱鬧🔥今次一人三行嚟叫咗5樣嘢1. 椒鹽九肚魚嚟到大排檔點可以唔叫嘅椒鹽系列！一上碟鋪滿勁香嘅蒜片用嚟撈飯超惹味九肚魚都炸得啱啱好啲肉好滑2. 豉椒炒花甲呢個係當晚食過覺得最好食嘅！個豉汁超級惹味加埋頭先碟九肚魚啲蒜片一齊撈飯好好食啲花甲肉都冇沙 美中不足係都有6、7隻冇開殼3. 鬼馬炸油條呢個見到好似個個都有叫所以就叫咗個油炸鬼炸到好脆好脆上面鋪咗一層唔知係墨魚膠定蝦膠嘅嘢係好食嘅 不過食多兩舊會覺得太油膩4. 啫啫雞煲呢個就唔太推薦唔知係咪其他嘢太重味呢個食落好淡口啲雞唔夠入味5. 啫啫豆苗煲雖然同樣都係啫啫但呢個豆苗煲好食過雞煲好多份量好多 好夠鑊氣不過食到底都幾咸

佛跳牆驚喜，實在太吸引，食到一平先記得影相🥳🥳由於成日去食其他野無影低相，腐皮卷，蝦多士，送酒一流☺️另外新出個鱔燒到岩岩好。食落似鰻魚口感，但又有膳既鮮味🥰🥰

成日都想食大排檔 依加香港愈黎愈少前排好朋友講起 咁就黎呢到試吓環境乾淨 冷氣夠涼拿拿臨叫野食啦炒牛柳粒 粒粒都軟熟 最怕食到有筋既牛柳粒 呢個竟然無椒鹽鮑魚仔朋友仔推介 好香口鮑魚洗得好乾淨 好好味馬拉盞通菜 味道夠濃 份量又足夠 唔似出面幾啖就食晒豉椒鮮魷 好食唔似食像筋 夠獲氣菠蘿冰 用新鮮菠蘿切粒 好得意好飲胡椒豬肚花甲湯 好夠胡椒味 飲完好暖胃 花甲夠大粒

朝早失驚無神收到電話話約食飯，仲諗住識食嘅朋友會帶我食好嘢，點知諗來諗去最終⋯⋯佢話佢以前經常黎，的確呢間大排檔係有啲名氣嘅，我都曾經嚟過，不過純粹個人喜好我對中菜一般般，同埋我仍然覺得兩個人食飯好難叫得多唔同款式。Anyway終於我哋叫咗四樣：分別係椒鹽白飯魚、鎮江金沙骨、炸皮蛋、蝦仁炒蛋，重後加咗一樣火腩大鱔煲（因為碟椒鹽白飯魚個friend一咬落去話，其實我呢啲粗人食落都係咁嘅味姐🤪）諗住佢話cancel咗佢就算啦轉個頭又嗌多一樣，兩個人點食得晒🥵最好食我覺得係蝦仁炒蛋，阿媽自己一定炒唔到，佢真係用鮮蝦嚟炒，我阿媽永遠只係會用雪藏。炒蛋可以再嫩滑少少🤏炸皮蛋我食咗整整一隻，平時喺屋企都只係食金銀蛋莧菜嘅時候會夾少少嚟食🤪好明顯係俾面派對啦，其實我覺得個表面係炸得林咗少少🤏而鎮江骨同埋火腩大鱔煲都係一般啦。大鱔切開一碌碌炸，個粉漿嫌太厚囉。其實我嘅原意係唔想食到咁飽㗎，仲諗住之後食糖水，但係我又費事碟碟夾兩舊就唔食印象唔好，所以呢啲飯局都係少去為妙😂

大排檔系列之～增輝藝廚～星期六晚餐時段排隊攞飛處已經人頭湧湧，我地好彩只需要等左10分鐘就可以入座。見人流都唔少，可能係曾經獲得米豬蓮推介係唔同啲？！鳳尾蝦腐皮卷 $73上菜後一望，覺得有啲搞笑，碟內嘅腐皮卷顏色形態都各不一樣，有啲深色有啲淺色好似無炸到咁；有啲外層皺皮食落偏乾身，好多渣滓，有啲平滑又食到內餡嘅味道；成碟野食落口好似玩大抽獎咁，1516好忐忑🤣🤣孜然豬串骨 $128份量充足嘅，有6隻肉質有啲乾身，咬落較煙韌；雖然佢外層灑滿好多調味料，但隻髀裡面嘅肉就無咩味，食完外層後入面就覺得淡茂茂。紹菜粉絲蝦米煲 $83呢餐最伏嘅一道菜雖然有主角bb蝦米作調味，但成煲野都係無味道可言😭😭仲有啲粉絲又散又碎唉，食左幾啖就放棄了。咸魚雞粒炒飯 $88覺得呢餐最好食嘅一樣嘢😆😆雖然啲飯色炒唔均勻（有幾舊白飯自成一團），無咩鑊氣，但有咸魚搭救就可以了。👣👣雖則有呢個米豬蓮嘅推介加冕，但同同區嘅大排檔比較覺得略輸一籌，不論菜式味道質素價錢cp值等等都稱不上。