增煇大排檔 & 增煇藝廚

Open Now

Now Closed

疫情期間我就冇去，唔知道而家係點。但係本人係絕對唔會再去！！！喺OpenRice睇到呢間，覺得真係要留言，以免其他人好似我咁樣。回想起當時3個人去食，買單嘅時候嚇親，一共3500百幾蚊，冇睇錯，係三千幾蚊。最貴嗰度餸係避風塘炒蟹，同其他正路嘅大排檔餸，簡直係難以置信呢一張單冇每一道餸係幾錢嘅，只有一個總價。大家真係要去，真係要問清楚價錢先食。特別係海鮮嘅款式。講真三個人三千幾蚊就唔使喺呢度食啦。請大家留意

有朋自遠方來，帶朋友去食地道野，今次選擇左增輝廚藝，叫咗個脆皮雞，楊州炒飯，鹽焗花螺，鬼馬油炸鬼，胡椒豬肚花甲湯。蒜蓉白菜仔，個脆皮雞炸到啱啱好皮脆肉滑，楊州炒飯多咗少少油，但係都好食，鬼馬油炸鬼炸到非常之翠朋友好鍾意食，呢度嘅推介係胡椒豬肚花甲湯，呢次我叫佢小胡椒，飲落唔太辣。連小朋友都可以飲，，鹽焗花螺，簡直係每次你必叫嘅一個餸。另外叫咗杯菠蘿冰，佢真係用新鮮菠蘿去整嘅菠蘿冰非常之好飲，整體上朋友非常之滿意，今次嘅晚飯

一大班朋友敘舊食飯，諗住揀間米芝連實冇死。但食完之後真係好質疑佢米芝連呢個名銜係點黎😇首先，一上到去就係咁sell啲菜式，我地表示唔感興趣就即刻皺晒眉頭，開始唔耐煩咁。之後全程都係黑口黑面，皺眉頭。其次，上菜時間慢，食到極冇心機。第三，漏單。食到尾聲我地見個菜都未到就請職員幫我地睇下係咪漏咗，口講話幫我地睇，過多十幾分鐘之後走黎我地張枱前面嗌對講機，問我地個菜有冇整到，問完再同我地講「你地睇到啦，我幫你地問咗啦」（又係黑口黑面），極奇怪。跟住大家可以一齊黎欣賞下啲餸菜：1. 砵仔焗魚腸有啲腥，我食唔到腥嘢所以我唔鐘意，有食到腥嘅朋友話可接受2. 豉油王鵝腸一啲都唔入味，白烚完淋啲豉油都濃味過佢，下面伴碟啲芽菜連汁都冇多滴，淡茂茂。3. Wasabi京蔥炒肥牛賣相都唔吸引，肥牛好似凍肉鋪啲平價肥牛，京蔥有好多都唔夠熟，食落好辣，整體都唔好食4.豉油雞呢個算係最好食，雞肉嫩滑，但價錢要$406，略貴整體：價錢貴，同質素唔成正比。服務態度差，比錢買難受。唔會再幫襯

每年冬天都去唔同大排檔搵好味羊腩煲, 稱得上馳名羊腩煲, 深水埗區應該有增煇同小菜王, 個人就比較偏心增煇, 佢係真正羊腩去哂骨, 炆到羊腩極之軟稔, 啖啖肉食得過癮, 每舊都有皮有肉, 調味平衡到藥材味同醬料鹹味收得5百幾蚊, 份量合理, 3個人食足夠而且有跟唐生菜, 配料有齊枝竹、冬菇、冬筍、馬蹄, 做到真雙冬羊腩煲,  腐乳醬就普通D但我覺得咁樣就夠題外話, 呢到冇青島飲, 啤酒選擇同其他大排檔有D唔同

男友住係深水埗，話年輕時經常同朋友黎增輝食宵夜，佢好少主動講有咩好食，但就好推薦我黎呢度試下炸榴槤同獅蚶，咁就試下有幾好食🙈⭐️潮州生醃獅蚶 $148當日嚟到已經最後一份，因為都宵夜時間，我係第一次食，有驚艷嘅感覺🤣 每一粒都好Juicy，加埋個汁真係停唔到口，建議如果着淺色衫嘅真係要小心啲開殼，如果唔係一個唔小心就好似被血濺到咁😂⭐️冰火脆榴槤 $98男朋友強烈推介要食，嗰個口感真係好特別，入面榴槤好似雪糕咁⭐️薑蔥撈魚皮 $88個人覺得味道有少少淡，最鍾意食係佢上面啲花生，個魚皮都好脆，男朋友話一定要薑蔥魚皮一齊食，個人覺得一般啦🙈⭐️梅菜扣肉　$98成晚冇食過肉，見到呢個真係忍唔住，呢個等咗大概15-20分鐘，一嚟到賣相超吸引，扣肉嘅肥瘦比例啱啱好，真係要多個飯先對得住個餸🔥 必食😎如果可以下次真係想一個人食晒一兜獅蚶啊🙈

份屬石硤尾街路邊小炒、三大旺丁大排檔之一，與「受民生所愛」同樣有咪諸連推介食肆加持，同時餐牌亦印有彩頁有關蔡瀾先生介紹專題。平素多吃的是砵仔魚腸蒸蛋，今趟稍為改動要了順德魚腸煎蛋$98，相對砵仔蒸就欠缺油炸鬼點綴，魚腸處理得乾淨無腥臭味，反而覺得份量不足，因蛋皮比薄罉稍厚一半。同樣份量偏小就是金不換炒花甲$128，花甲只一千零一隻閉合不開，用金不換炒自是別於一般豉椒多了份泰式香草味道。腦細指明點干燒伊麵$93，那種兜亂炒與酒樓沒兩樣，韮黃菇菌不多，也許調味也用了美極，都是香港酒樓那種熟悉之味。孜然豬串骨$128也就是少量凍肉舖、燒烤場、烤肉店提供的那種豬仔骨，因肉質雖彈牙但奇厚難熟而過熟肉質又易霉，以致成為食肆一般也不多採用之食材。咬了一條，又出現肉心未熟情況，只能整碟退回着店家再翻煮。約莫15分鐘後反而是端來一碟全新5支骨來有點意外，此碟總算全熟而且孜然味還較濃烈。與附近同類型中式小菜來說，裝潢相對光猛乾淨企理，小菜館式格局。

大排檔格局但價錢貴，味道普普通通不在話下最重要係去大排檔，梗係要啤一啤，啤酒又收得貴，但又唔凍🥵，大聲D講嘢又唔得知你旺，要訂位都唔緊要，仲要落訂先肯定位比你！態度影真麻麻

今次嚟試連續5年登上米芝連嘅增輝廚藝🤓 訂咗8:15pm位 等咗7、8分鐘就入座 今次揀啲餸菜唔會喺屋企特登整😆 舖頭滿座 雖然本身話要等30-40分鐘 不過最後等咗15分鐘就開始上菜😃🫘椒盬豆腐 $78豆腐切得大片 椒盬蒜味淡 要襯喼汁先有啲味😕 一般酒樓嘅椒盬豆腐粒比較好🫢🐖鎮江金沙骨 $128肉好淋 間唔中有油脂 不過唔會太肥👍🏻 可惜汁唔夠醋味🥲 🥬啫啫白菜 $83呢個比較普通 唔夠鑊氣🙃 原本諗住叫啫啫通菜 不過無唒…🐽脆皮炸大腸 $128薄脆皮🔥 油脂分佈較多 有罨味 菠蘿墊底 唔酸但甜 可以解膩😙🐟砵仔焗魚腸 $88最推薦呢道菜😋 油炸鬼面 好脆 魚腸份量多 唔腥🫰🏻 啲蛋焗得啱啱好🐚油鹽水花甲 $118花甲每隻都開 無沙粒 幾新鮮😯 粉絲唔硬 吸咗花甲啲鮮味 湯底清唔會太鹹

第一次嚟一間增輝大排檔，宜家已經上左樓係室內，亦都有室外，視乎你想要咩風味每次點餸職員都會提醒要等30分鐘左右，因為實在太多人，不過大部分都會係30分鐘內到嘅，不過可以唔好咁惡好dd😅🤣有好多嘢都已經賣哂，所以如果想食，記住一早預訂推介蜜汁燒鱔，黃金魚皮都好好食，勁想encore🤤但係炒麵就覺得佢好濕，冇乜獲氣咁，整體都ok, 記得book位呀💜●‿●💜🏡：👍🏻👍🏻👍🏻😋：👅👅👅👅💵：大約200一位🚶🏻‍♀️：🙋🏻‍♀️🙋🏻‍♀️🙋🏻‍♀️#hkfoodieblogger #hkfoodies #hkfoodlover #hkcafehopping #hkcafes #hkcafelover #coffeelover #香港食好西 #香港美食 #香港吃貨 #香港咖啡店 #香港咖啡 #咖啡日常 #香港美食指南 #香港小食 #hkcoffee #hkcoffeeshop #美食 #cafe #推介

有晚一行七人，夜晚11點半諗住去增輝食宵夜，有個後生嘅哥仔同我哋落單，一路落單個哥仔已經係咁Sale又龍蝦，又蒸魚，蟹…又話出面唔會咁整，係佢哋呢度先食到。已經講咗我哋都只係嚟食個宵夜，唔駛海鮮盛宴喇。但都仲Keep住Sale，你要Sale其實冇問題，但最串係，落到咁上下，叫佢覆單嘅時候，佢覆覆吓冇啦啦話「錯晒，唔會咁叫囉」，嘩經典啊，食咗三十幾年飯，第一次叫菜都可以俾人話錯。去增輝食飯前，記住考個牌先好落單叫菜。。。

今日，7:30pm打電話，打足30分鐘鐘。唔聽電話仲未夠，落單又要落錯哂D野！生炒牛肉飯寫成生炒臘味糯米飯！西蘭花炒帶子，要等二十分鐘後先話無！期間，我一直在門外等，要我走入去先肯講無帶子（買哂）。跟住，我見佢地樓面又把個菠蘿生炒骨落錯單，我見少咗個餸，我舉手要埋啤錢！最後，居然啤我發現櫃面收銀小姐落錯單，寫咗生炒臘味糯米飯，你話嬲唔嬲，過陣時已經8:30分，（我係7:52pm落單）。唔止咁，個穿白衣黑褲個樓面，又話我一個人企係度唔方便，又要求我企佢出去，最後，我連生炒飯都等唔到，要退錢走人！一間滿以為炒嘢有鑊氣，就可以連基本服務都提供唔到，禮貌野不單止，出錯單，又要漏單！食飯要於係外買盒超過40分鐘！今時今日呢個種服務態度，單直不知所為！

好味心機懷舊莱先來頭抽鷄冶味！再來白焯魚皮！介未婽球！豉油皇鹅腸一流！美味大排擋風！再加哈爾賓啤酒二人約共伍佰元！好味之選！離MTR深水埗约5分钟！難得每款菜平均有90分！羊腩煲$560有四位份量！秋冬送暖！飲品懷舊

👆🏻06:48開始食評，多謝支持因為是一枱九個人飯局呀九個人可以吃很多好吃喔還有點了筍殼魚 很久沒吃會是炸筍殼魚這個是筍殼魚他們是提供豉油給你可以決定是淋上去還是沾下去我覺得沾下去味道會rich啲試下這隻招牌頭抽雞啦其中一個我想來吃的菜色雞的油脂分布都ok嘅我覺得呢是很值得食啦還沒吃 隔離說很好吃現在試一下隻雞大家看到其實很滑啦還有他用頭抽做法啦雞肉是嫩的 很正味道不太咸我覺得好正呀還有是熱辣辣呢接下來試下焗魚腸啦焗魚腸我都很久沒吃啦焗魚腸好脆啦好好食啦 超正不腥下了大量糊椒粉是很好吃 超正龍蝦伊麵啦龍蝦彈牙 好食嘅不過伊麵反而吸收不到芝士味啦他們當然會拆了一點殼啦有些會啖啖肉嘅所以我覺得個汁咧做得不錯不算太咸 OK架剛剛吃了炸大腸啦入邊沒有種臭味啦炸得好好 脆啦我覺得不算太肥個底會有菠蘿酸酸甜甜 又是很好吃剛剛試了魚皮呀我覺得好好食呀因為他是比較有點點豉油 不會太咸嘅份量不多 再多一點會好些好吃喔客家釀豆腐就爭少少喇豆腐唔算太好食啦魚肉個汁咧都不太好食不太建議大家吃啦

風味大排檔店員話佢地頭抽雞最出名，要等45分鐘即煮，叫左都幾好食，但價錢少貴。另外佢既胡椒豬肚湯都係名菜，好重胡椒味，但唔食得辣就要考慮下先焗魚腸好香又唔腥，但又唔會只得陳皮味。

今日收工同同事收工食大排檔吹下水，唔搵都唔知呢間餐廳咁勁拎左咁多年米芝蓮，而且裝修到好舒服，唔似平時路邊大排檔咁，樣樣都好想食但今日唔係太多人就叫左4款食下先，點知樣樣都好好食首先，脆皮豬大腸，表皮超級脆，而家好厚肉又洗得乾淨，唔會有大腸既味道第二係鬼馬油炸鬼，其實係油炸鬼釀蝦膠，好食既不過略嫌有點乾第三係砵仔焗魚腸，裏面有魚腸魚肝同埋鬆軟既焗蛋, 依家係出面已經好難食到呢個餸，好難得呀最後黎到呢度一定要食既係脆皮蜜燒鱔，好好食，就好似出面日式串燒店一串要80蚊果種串燒鱔，所以呢碟真係好抵食