金子半之助 (Lee Tung Avenue)

Open Now

Now Closed

好耐之前我地係荃灣食過，一直都好想再食，今日經過利東街，見到有「金子半之助」，即刻二話不說一齊入去食晚餐。江戶前天丼附送味噌湯和漬物一上枱，滿滿的天婦羅，天婦羅即點即炸，份量十足，有30cm 長的穴子、小柱魷魚天婦羅餅、海老、海苔、莢婉豆、溫泉蛋。天婦羅粉漿厚薄適中，天婦羅半脆口，因為餐廳用上「115年祖傳秘方醬汁」，著重每件天婦羅都能沾上醬汁，重現江戶時代風味。招牌必食長達30cm天婦羅星鰻（穴子），啖啖肉無骨，而且脂肪較少，比鰻魚口感結實，相對清淡爽口。而海老爽口彈牙，配上祖傳秘方醬汁，味道甜甜地，令整個飯都好濕潤美味。食完所有天婦羅，再劃開外酥內嫩的炸溫泉蛋，滑順蛋液潺潺流出，完美詮釋道地日本天丼的迷人滋味。迷你天丼&稻庭烏冬（冷）好豐富，有天丼和烏冬，一次過滿足兩個口感，天丼好豐富，有雜菌、莢腕豆、溫泉蛋、南瓜、海苔。天婦羅淋上日本特製高級胡麻油, 胡麻油製成的天婦羅芳香撲鼻及色澤會較深。另外稻庭烏冬配上冷麵汁，冰凍口感，爽滑彈牙。迷你天丼兒童餐配有甜品及飲品餐廳好貼心，有2款兒童餐，帶埋小朋友黎都一樣岩食，迷你天丼一樣非常豐富，有茄子、海老、莢婉豆、南瓜、海苔，而且亦配有甜品

7月去了東京旅行，仍想念日本的味道，於是跟朋友去金子半子助食天丼回味一下。店員介紹期間限定的車海老帆立貝天丼除了天丼，也有冷熱烏冬選擇江戶前天丼 $138點了一個相當吸睛的天丼，附餐有美味的味噌湯及漬物，漬物是薑片及柚子蘿蔔，相當開胃。丼碗運用了源自江戶時代的陶瓷工藝，佐賀有田燒來製作，碗底部份特意做成空心設計，能保持碗中食物的溫度。江戶前天丼包括有成30cm長的招牌穴子天婦羅、海老、小柱魷魚天婦羅餅、溫泉蛋、海苔、莢豌豆天婦羅色澤較深因為採用日本特製高級胡麻油，好香。傳統的天丼把新鮮炸起的食材放上飯面，然後再均勻淋上天丼醬汁，目的是要每件天婦羅都能沾上醬汁。所以天丼的天婦羅並不像一般天婦羅脆口，金子半之助使用古早秘傳醬汁，更能重現江戶時代風味。 穴子即是星鰻，脂肪比鰻魚較少，較健康。星鰻肉厚肥美，相當不錯。店員說先品嚐穴子及海老然後將溫泉蛋弄開，每個飯粒沾蛋汁更濕潤香口。迷你天丼＆稻庭烏冬 $118熱的稻庭烏冬上檯後，店員會即場詢問要什麼配料，海帶、木魚碎、蔥、天婦羅碎、溫泉蛋每樣都要。烏冬好滑又彈牙，配上鮮味的海帶、溫泉蛋，簡單得來美味。迷你天丼有鮮甜的菇菌、海老、甜美的南瓜等，滿

之前經過灣仔 見好多人排隊依間金之助日式天婦羅餐廳 上星期同朋友經過見吾需要排隊就去試下 估唔到質素都幾好我哋兩個人点了三個set 1. 江户前天丼 $1382. 迷你天丼 & 稻庭烏冬 $1183. 天丼 $98炸得好好食 3個set 加埋都唔使400 十分抵食

突然想吃丼飯，剛好附近有一間，便拉著同事來。進入餐廳後，我們立刻被木製的裝飾和日本風格的氛圍所吸引，迅速點了江戶前天丼和迷你天丼套餐，再加上一些小點心和啤酒，期待著美味的餐點。等待期間，先嘗嘗一杯很特別的黑豆茶，淡淡的清香，潤喉的滋味，還有回甘，期間服務員拿了一大個木盒配料來，原來是一會兒熱烏冬的配料。江戶前天丼$138非常豐富的一碗丼，內有海老，魷魚天婦羅餅，溫泉蛋，海苔，豌豆，最特別是招牌穴子，天婦羅長達30cm，超厚肉身，肥美軟滑，天婦羅麵衣包著，令魚肉汁不流失，然而我們入口時發現這天婦羅並不像一般的天婦羅脆口，一問之下原來是用了傳統做法，將新鮮的炸食材放在飯上，再均勻淋上天丼醬汁，讓每件天婦羅都沾到適量的醬汁，味道果然更加均衡呢，還有陣陣胡麻油的香味，醬汁有些甜甜的搭配一起吃絕對是美味，聽說醬汁也是古早秘方，感覺就像置身於江戶時代。迷你天丼+熱稻庭烏冬$118服務員很貼心的把之前那個木盒中的配料放進烏冬中，熱烏冬可以自由配料, 蔥花, 海藻, 木魚片, 天婦羅碎,   溫泉蛋，烏冬麵條煮得剛好，口感彈牙另外迷你天丼份量一點打不少，碗中有蝦，溫泉蛋， 菇， 南瓜， 海苔， 豌豆，

平時泊車都會泊喺囍匯停車場，但因為做嘢嘅關係就從未試過喺度食嘢。所以就同Honey提議喺利東街搵食。泊好車後走到利東利，真係大紅燈籠高高掛，見到都忍唔住影咗幾張相。遊走完一圈就揀咗金子半之助，因為門口大大個牌寫住連續七屆日本全國天丼金賞，拎得金賞都已經唔好勁，仲要連續七屆，咁真係要試吓。點咗兩個餐，包括：- 江戶前天丼- 迷你天丼+稻庭烏冬另外再加咗小食，包括：- 小柱魷魚天婦羅餅- 天婦羅菇菌- 天婦羅海苔- 溫泉蛋- 味噌湯江戶前天丼內的天婦羅比個碗還要大，長嘅程度保守估計都應該有成把間尺咁長起碼30cm！而明顯呢度係食天婦羅嘅特製醬汁，因為每一件天婦羅都沾滿呢度特製古早秘傳醬汁。另外個碗嘅最大特色係同我喺日本食丼飯一樣，碗底中空設計完全保留到食物嘅溫度。食到底嘅飯都仲係熱！而我點嘅迷你天丼+稻庭烏冬，烏冬好滑好煙韌，沾咗特製嘅烏冬汁，少少芥辣味配上冰冷溫度，好啱熱嘅天氣食。另外迷你天丼嘅天婦羅配上特製醬汁，再加埋日本溫泉蛋嘅蛋黃汁，平時唔鍾意食飯嘅我都食哂成碗。小柱魷魚天婦羅餅嘅魷魚好好味，魷魚肉厚身，食落好鬆軟。菇菌炸完都好香菇味。海苔香脆，食落口感似薯片。食完終於明白點解可以

12月頭已經黎過利東街影相喇。不過知道夜晚燈飾擺設會再靚啲，專登再約埋朋友去打卡，影相之前見到金子半之助好多人排隊，諗起好耐都冇食過天婦羅就入去試下。<江戶前天丼> $138點咗江戶前天丼，有穴子、海老、小柱魷魚天婦羅餅、溫泉蛋、海苔等配料。我哋發覺天婦羅比起坊間常見較為深色，原來丼飯既入面嘅天婦羅採用日本特製高級胡麻油，所以天婦羅色澤會較深，香味亦更為突出。前天丼既穴子其實喺星鰻，比起一般食到嘅鰻魚肉質結實而且脂肪較少，呢個招牌既穴子天婦羅有成30cm長，魚身厚肉肥美，食落好滿足。跟返店家所推介嘅食法，食到一半時將溫泉蛋整碎混和白飯同配料，飯香蛋滑，口感更為creamy，伴帶住天婦羅嘅香氣。<迷你天丼&稻庭烏冬(冷)> $118朋友心大心細咩都想試下，就揀咗迷你天丼mix稻庭烏冬，其實除咗凍嘅之外都可以揀熱嘅稻庭烏冬。迷你天丼麻雀雖小，五臟俱全，同樣都有海老、溫泉蛋、海苔，不過就多咗菇菌、南瓜等配菜，食法同江戶前天丼基本上一樣，海老、菇菌天婦羅酥脆美味，食落一啲都唔會覺得𠝹口。稻庭烏冬幾特別，會跟上一碗清湯底，客人可以因應自己嘅需要加適量嘅芥末同蔥絲入

日本過江龍天丼🇯🇵|即叫即炸天婦羅🤤|長過手掌嘅天婦羅穴子🤩|金子半之助「就似這一區，曾經稱得上美滿甲天下」閒來無事，相約友人係灣仔睇show前搵嘢食，咁啱經過利東街(囍帖街)，發現進駐多好多唔同特色嘅餐廳，最後都係比較鐘意揀日式食物，所以就揀咗依間日式天婦羅丼，金子半之助以前係東京都有幫襯過，曾經嘅招牌天婦羅山非常打卡吸晴，特色用麻油嚟炸天婦羅，所以最有印像係佢天婦羅嘅麻油香氣。利東街依間分店用上木系設計，以日式居酒居裝修作招徠，平日夜晚6點半左右等候咗10分鐘左右就安排入座。-江户前天丼 4.2/5⭐️單睇餐牌介紹已經比依個份量豐富嘅江戶前天丼吸引住，由於坐係吧枱前，落單後見到師傅即叫即炸天羅婦同時聞到麻油嘅香氣，更加期待新鮮即炸嘅天婦羅丼。等左15分鐘左右，一碗好澎湃嘅天婦羅送上我面前，天婦羅穴子非常吸晴，有成30CM長，仲長過手掌。仲有天婦蝦炸蝦2隻，小柱魷魚天婦羅餅，炸流心溫泉蛋同炸海苔塞滿哂成個碗，飯底本身已經淋上天婦羅汁，就咁食都已經好好味，店員介紹可以連同炸流心溫泉蛋漿一齊享用，令到飯底更加濕潤可口，增添唔同食法。另一樣我比較鐘意嘅就係小柱天婦羅餅，入口煙韌，啖啖貝柱入

今晚同朋友係灣仔逛街，係利東街附近見到呢間天婦羅丼飯店，叫左江戸前天丼，同上天丼，江戶前天丼有招牌穴子天婦羅，長達30cm超大件！而且肥美肉厚，口感軟滑，必食之選。同碗仲有炸蝦2隻，小柱魷魚天婦餅，溫泉蛋，海苔，菀豆，炸溫泉蛋係可以流心個種，夾埋佢地古祖秘製醬汁，餸飯真係無得頂，而且做法跟足傳統，將新鮮炸起的食材放上飯面，然後再均勻淋上天丼醬汁，令每件天婦羅都能沾上適量醬汁。所以天丼的天婦羅並不像一般天婦羅脆口，重現江戶時代風味，令食感更加溫和，唔似吉列咁會食到個口都損埋。上天丼就配有天婦羅赤甘鯛，大蝦2隻，溫泉蛋，小柱魷魚餅，海苔等，赤甘鯛口感柔軟，魚味鮮甜。食到半路，會發現丼碗是空心設計，以為係想比少d 飯，原來運用了源自江戶時代的陶瓷工藝，佐賀有田燒來製作，碗底部份特意做成空心，不只是外觀賣相，而是有實用性的，以保持食物嘅溫度，所以食到最尾d 飯都唔會變凍。整體黎講座位闊落，價錢合理，想食炸物嘅話一定要黎飽肚一番。

今日剛打完風又落雨🌧，所以「金子半之助」罕有地唔駛排隊等位，我哋叫咗兩款set：🍤🦑「江戶前天丼」(HK$138)包括穴子、海老、小柱魷魚天婦羅餅、溫泉蛋、海苔、莢碗豆。🍤🦀「車海老軟殻蟹天丼」(HK$168)包括車海老、軟殻蟹、小柱魷魚天婦羅餅、莢豌豆、海苔、溫泉蛋。📱用手機掃QR code落單，製作時間約20分鐘，全部都可以睇到師傅喺店面即叫即炸。🥢材料好豐富又新鮮，唔係用現成貨整出嚟嗰種，炸粉好輕身好脆充滿麻油香味配埋啲醬汁十分滋味，兩款都好正，連平時唔太鍾意食炸物嘅朋友都話好食。🤭💖原來佢哋連個碗都唔馬虎，係日本進口有獨特家徽嘅「佐賀有田燒」雙層保溫丼碗，精緻又有心思。🪑餐廳坐位不多，一半以上係吧枱位。格局類似日本傳統天丼專門店。

今日喺灣仔放工，同事話想食”天丼”，知道最近就喺灣仔利東街的「金子半之助」😋 人氣過江龍天婦羅丼飯專門店🌟🌟江戶前天丼$138 每次吃天丼都係大滿足而回😋尤其每次完成大Project 都好需要這些高卡料理來慰藉心靈😍天丼配有前菜，味噌湯。前菜醃蘿蔔飯伴以柚子絲，味道清香👍🏻🌟店家提供行一碗熱黑豆茶仼斟任飲，絕對比汽水凍飲更加能平衡天丼嘅油膩感。分量很大，即叫即做，以日本小麥做炸漿，咬落酥脆不油膩，沾上獨家秘製醬汁，味道令人愛上！不要以為飯面完全冇醬汁，因天婦羅沾上嘅醬汁味道已經好足夠！最注目的是足有手掌咁長嘅穴子 —— 野生星鰻，肉質結實彈牙，好有魚味！海老蝦肉鮮甜🍤小貝魷魚天婦羅餅：充滿海鮮嘅鮮味，小貝和魷魚人口有柔軟～溫泉蛋🥚，夠流心，蛋黃好香，蛋白都是軟綿綿入口滑溜溜的👍🏻 把天婦羅沾上蛋汁再配帶點醬油的日本米飯，每一口都是享受😍海苔：香口夠脆！英碗豆： 荷蘭豆天婦羅幾特別！另追加了海苔，雜菇和玉子🥚這個是醬汁另上，較有彈性 。迷你天丼，稻庭烏冬$118有齊兩款至愛美食😋稻庭烏冬幼身好滑好煙韌，冷麵醬汁唔會太濃味，加上蔥白特別香～迷天丼份量較細、不過一樣豐富：菇菌，海老，南瓜，海

和太太放假行街撐枱腳，鍾意食天婦羅的太太少有地有主見選了呢間小店，當然唔會逆佢意。店內座位很細，典型的日本🇯🇵裝潢風格，張枱擺多少少嘢都唔夠位。江戶前天丼：材料鋪到🈵️瀉，穴子差不多有成尺長，炸蝦🍤、碗豆、魷魚🦑、海苔、溫泉蛋🥚，材料極豐富。炸漿薄薄一層，炸到外脆內軟。炸物中穴子十分肥美，沒有骨，可放心食用，其次魷魚亦十分美味😋天丼：太太不吃鱔，所以叫了天丼，食材有蝦🦐、碗豆、菇🍄、海苔。整體來講，質素不俗，但相對比起回憶中在日本🇯🇵時吃的平民連鎖天婦羅專門店「天丼」仍有少許距離，相對較油了少許。另外個碗好大個，但實際個底好厚，所以裝的飯是比較少的😂，不過正常食量都夠食。價錢亦合理，值得回頭。

利東街知名食店林立，且貨如輪轉，偶爾到訪，皆會發現新店，這晚遇上了「金子半之助」。 這家天丼專門店，總店位於日本橋，創辦人以自己名字作店名，因為烹調方法來自他的獨門祕方。 吃過方有發言權，果然名副其實，嚴選食材，先談海鮮，全部新鮮香嫩，鱔魚更是長得過份！炸漿用的小麥粉優質，加上古麻油及日本蛋，咬落香鬆脆口，天婦羅上的橙絲有助提味及平衡膩感；配備江戶前醬汁，甜甜地的正合我意。 坐下來先送上黑豆茶，免費的有營飲品，先得人心。 四款天丼及兩款烏冬的選擇，基本上分別是天婦羅配料及價錢的考慮，最貴的是車海老軟殼蟹 $168，江戶前天丼省$30，軟殼蟹換上了穴子，再便宜$20的上天丼捨穴子取白身魚，而$98的天丼沒有其他海鮮，空缺以菇菌補上。 四款丼皆包括海老、小柱魷魚天婦羅餅、溫泉蛋、海苔、莢碗豆；餐配味噌湯及漬物。不吃丼，可選擇冷或熱烏冬，天丼的配料，不過我估計可以追加其他天婦羅。 以 QR code 點菜，零接觸是趨勢，我認為更有效率。首次光顧，我們二人兩個丼之外再追加白身魚，這樣地，下次來再吃天丼烏冬，全個餐牌便可掃清，哈哈！ 江戶前天丼 $138穴子、海老、小柱魷魚天婦羅餅、溫泉蛋、海苔

本身都驚食完天婦羅個身會有油煙味，但呢度抽風幾好，食完一啲味都冇。而且店員非常有禮貌，值得再嚟！黑豆茶杯入面本身已經有2粒黑豆，檯面上有成壺熱茶任飲，超級好飲，飲咗好多杯江戶前天丼 超澎湃嘅丼，有穴子、海老、小柱魷魚天婦羅餅、溫泉蛋、海苔及莢豌豆。最震撼係極長嘅穴子，好厚肉；魷魚天婦羅原來好煙韌，食落有啲似魚蛋車海老軟殼蟹天丼呢個就有車海老、軟殼蟹、溫泉蛋、魷魚及海苔。第一次食軟殼蟹天婦羅；車海老即係竹節蝦，真係比普通蝦香好多；天婦羅上仲有啲柚子，食起上嚟冇咁膩食完真係可以飽到晚飯都唔洗食！

週一原本約咗表妹去飲Happy Hour放題啤，點知收得工黎已經過哂鐘，兩口子見肚餓就決定喺附近搵食，結果就行咗入去金光閃閃嘅「金子半之助」。天丼專門店置身於利東街上，交通四通八達，重建之後戶外商店街尤其光鮮，真係連空氣都清新咗好多。地舖以木為主嘅裝潢和風味濃，門外簡單貼出熱門優惠詳情以吸引顧客。小店嘅開放式廚房設於正門右方，食客可一覽無遺，師傅仔個個帶哂口罩同手套，地方企理衛生得很；意外地飯前飯後都冇乜油煙味，明顯抽氣系統有返咁上吓！室內光線充裕，樓梯級上及廚房邊有兩排吧位，抗疫期間均有膠版隔開。原來內側仲有幾張四人散座，建議非高峰時間可以揀坐入去，私隱度高啲，而且多啲空間。埋位時，哥哥仔即送上兩隻內含黑豆嘅茶杯，並告知黑豆茶營養價值高，除咗美肌補腎，更有助清熱消脂，明顯係暗示食多多天婦羅都唔怕油喎，認真識做生意！點菜全面電子化，只需掃掃二維碼即可自助落單。餐桌上亦有擺出彩圖餐牌供貴客參閱。另附有正確品嚐天丼嘅教學方法，果真夠專業。雖然話有任飲黑豆茶，受西方教育嘅兩老表依然難敵引誘，嘆咗兩輪「金裝三得利生啤」（$48/杯）解一解暑。以托盤呈上嘅晚餐都包有味噌湯及爽脆醒胃嘅漬物。最愛食

去會展參觀完展覽後去醫肚。好掛住日本，所以選吃日本菜！上次路過見到排長龍，怕怕！今次早了一點到，不用排隊，二話不說直入😁一打開menu，便看中這條30cm長的大尾穴子，wakakaka😁😋，立即下單。🍱 江戶前天丼（穴子、海老、小柱魷魚天婦羅餅、温泉蛋、海苔、莢豌豆）$138⭐️⭐️⭐️⭐️⭐️和朋友二人坐吧枱，看著廚師煑，超開心！師傅炸工了得，炸漿薄而脆，食材又新鮮，穴子超長，啖啖肉，正！海苔和温泉蛋有驚喜，後者炸後裏面仍是半熟，勁！好好味！小柱魷魚不硬而juicy！飯的醬汁好好好好好味！🍱迷你天丼配冷稻庭烏冬（海老、菇菌、南瓜、温泉蛋、海苔、莢豌豆）$118⭐️⭐️⭐️⭐️稻庭烏冬凍食，温度恰到好處，入口清涼、又彈牙，好味喔！分量多得很，二人分享飽得很，幾乎吃不完！